Сальвадор Дали кыска метраждуу фильминин режиссёру Элдияр Мадаким

Мадаким: "Сальвадор Дали" тасмасынын дүйнөлүк бет ачары Пусанда болот

130
(жаңыланган 13:13 30.09.2021)
Сальвадор Дали" кыска метраждуу фильминин режиссёру Элдияр Мадаким картинанын дүйнөлүк премьерасы 6-15-октябрь күндөрү Пусан шаарында болорун айтты.

Тасманын "Сальвадор Дали" деп аталып калышынын себеби менин сүрөтчүлүк өнөрүмө байланыштуу. Фильм менин балалыгымды баяндайт. Кинонун аягында сүрөтчү агай баланын тарткан эмгегин Сальвадор Далинин стилине окшоштурат. Себеби сабакка барчу жолдо өтүүгө кыйын болгон көпүрө бар.  Бала ошол жерден сууга кулап, барагы суу болуп калгандан улам сүрөттүн боёгу агып, жайылып Сальвадор Далинин эмгегине окшоп калат. А бирок алгач картинага "Чоң эне" деген аталыш берген элем. Бул тууралуу Элдияр Мадаким Sputnik Кыргызстан радиосунун эфиринде билдирди.

Мадаким: "Сальвадор Дали" тасмасынын дүйнөлүк бет ачары Пусанда болот

Анын айтымында, тасма 2020-жылдын кышында Алай районундагы кичи мекенинде, чоң энеси менен жашаган үйдө тартылган.

"Сальвадор Дали" тасмасы АКШ жана Япониядагы ири кинофестивалдардын конкурстук программасына кирди. Фильм Чикагодо (АКШ) 5-14-ноябрь күндөрү өтүүчү XXXVIII эл аралык балдар кинофестивалына катышат. Ошондой эле 12-ноябрдан 5-декабрга чейин өтө турган XVI Саппоро эл аралык кыска метраждуу фильмдер фестивалында сынакта каралат. Андан тышкары Мароккодогу XXVI эл аралык кинофестивалга да катышканы турат. Тасманын дүйнөлүк премьерасы 6-15-октябрь күндөрү Түштүк Кореядагы XXVI Пусан эл аралык кинофестивалында "Кең бурч" сынактык программасынын алкагында болот. "Сальвадор Дали" тасмасы менин бала чагымды баяндайт. Фильмде бийик тоолуу жерде чоң энесинин колунда өскөн баланын жашоосу чагылдырылган. Сюжет боюнча күн сайын кичинекей Орозбекке мектепке жетүү үчүн көп жерди жана дарыя аркылуу жолду басып өтүүгө туура келет. Кичинемде чоң энемдин сокмолору, түркүн түстүү шырдактары мени чыгармачылыкка үндөгөн. Сүрөтчү болом деп күндөп-түндөп аракет кылып, боёктор көп болгондуктан козу, улак, иттерди ар кандай түскө боёп жиберчүмүн. Жумасына бир жолу болчу сүрөт сабагын калтырган эмесмин. Кинодо башкы ролдорду Дамир Нурмаматов, Кеңеш Курманалиева, Аксулуу Токоева, Таалайкан Абазова жана Уланбек Султангазиев ойноду", — деди Мадаким.

Режиссёр "Сальвадор Дали" картинасын чоң энесинин элесине арнаганын кошумчалады.

130
Белгилер:
Сальвадор Дали, тасма, Элдияр Мадаким
Тема боюнча
Кулмендеев: "Ак илбирс" ар бир адистин эмгегин баалайт
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: каржы пирамидасына алдангандар Ысык-Көлдө көп

65
Ички иштер министрлигинин тергөө кызматынын улук тергөөчүсү Азамат Дүйшөналиев Ысык-Көл облусунда каржы пирамидасы боюнча алдангандар көп катталып жаткандыгын айтты.

Ысык-Көлдө алтыдан көп каржы пирамидасы иш алып барып, жарандарды 23 миллион 228 миң сомго алдап кетишкен. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: каржы пирамидасына алдангандар Ысык-Көлдө көп

Анын айтымында, Ысык-Көлдө 2 281 жаран финансылык пирамидадан жабыркаган.

"Учурда өлкө аймагында каржы пирамидасынын курмандыгы болгон адамдардын саны көп. Мындай фактылар республиканын бардык аймагында бар. Өзгөчө каржы пирамидасы боюнча алдангандар Ысык-Көлдө көп болууда. Ал жерде алтыдан ашык финансылык пирамида иштеп, элди жалпы 23 миллион 228 миң сомго алдап, 2 281 адам алардын курмандыгы болгон. Экинчи орунда Талас облусу жайгашып, 512 жаран шылуундарга акчасын алдырып жиберген. Мындан тышкары, Бишкекте жаңы тогуз финансы пирамидасы аныкталып, "Финико" жана "Элиза үй буюмдары" шаар тургундарын алдап, каражатын алышкан. Өлкөдө үстүбүздөгү жылда 14 иш соттук кароого жиберилди. Анын ичинен Ысык-Көлдөн 11, Талас облусунун аймагынан эки жана Ош шаарынан бир иш соттук чечимге жеткен", — деди Дүйшөналиев.

Ошондой эле адис Кыргызстанда акыркы тогуз айда каржы пирамидасынан жалпы 132 миллион 614 миң сомдук заян келтирилип, 2 947 киши чыгым тартканын кошумчалады.

65
Белгилер:
Азамат Дүйшөналиев, ИИМ, киберкылмыштуулук, каржы пирамидасы, мыйзам
Тема боюнча
Кадралиев: айылда каржы пирамидасы тууралуу маалыматы жок адамдар көп
Товарларды санарип маркалоо жана фискалдаштыруу ассоциациясынын төрагасы, экономика илимдеринин доктору, профессор Төлөнбек Абдыров

Абдыров: товарды маркалоого даяр болбосок ЕАЭБ рыногуна чыга албай калабыз

24
Товарларды санарип маркалоо жана фискалдаштыруу ассоциациясынын төрагасы, экономика илимдеринин доктору, профессор Төлөнбек Абдыров ишкерлерди көмүскөдөн чыгаруу үчүн шарт түзүп берүү зарылдыгын белгиледи.

Маркалоону өз убагында жүргүзбөсөк ЕАЭБ рыногуна товарларды сата албай калабыз. Мындай пикирин Төлөнбек Абдыров Sputnik Кыргызстан радиосунда маек куруп жатып билдирди.

Абдыров: товарды маркалоого даяр болбосок ЕАЭБ рыногуна чыга албай калабыз

Анын айтымында, учурда маркалоо иштери ЕАЭБ өлкөлөрүндө кызуу жүрүп жатат.

"Мамлекеттен жардам албай ишмердүүлүгүн жүргүзүп жүргөндөр көп. Тескерисинче, мамлекеттик органдар "баса калып" текшерет. Мындан улам алар көмүскөгө кетип калышууда. Бирок ошолордун баарын начар, акылы жок адамдар деп ойлобош керек. Анткени бардык ишкер легалдуу, ачык иш алып баргысы келет. Ошол эле учурда ачыкка чыгууга тийиштүү шарт түзүлгөн эмес. Андыктан көмүскө экономиканы ачыктоо үчүн мүмкүнчүлүк түзүлүп, атайын программа же кадамдар ишке ашуусу зарыл. Эң башкысы, товарларды маркалоону жолго салуу шарт. Себеби ЕАЭБдин алкагында бул иштер кызуу жүрүп жатат. Эгерде алдын ала даярдык көрбөсөк, кийин кеч болуп калат. Учурда Россияда, Беларуста, Арменияда, Казакстанда товарларды маркалоо иштери өз нугунда жүрүүдө. Бизде бул боюнча иш негизинен ыктыярдуу болуп жатат. Эртеңки күнү милдеттүү маркалоо талап кылынса, ишкерлер аны жасап жетишпейт. Натыйжада ЕАЭБ рыногуна товарларды сата албай калат", — деди Абдыров.

Ошондой эле ал маркалоо экономиканы көмүскөдөн чыгаруу үчүн жакшы мүмкүндүк түзөрүн кошумчалады.

Подкастты толугу менен видеодон көрө аласыз:

24
Белгилер:
Төлөнбек Абдыров, Евразиялык экономикалык биримдик, маркалоо, экономика
Тема:
ЕАЭБдеги Кыргызстан
Тема боюнча
Кемелова: "Чек арасыз жумуш" тиркемеси ЕАЭБ алкагында иш издөөнү жеңилдетет
Бразилиялык мушкер Вагнер Мартинс спортчу Кароль Филасиньски менен жаакка чабышуу турниринде

Бразилиялык 180 килограммдык мушкер жаакка жеп нокаутка түштү. Видео

6
Зулузинью оор салмактагылар арасында ММА беттештерине чыгып таанылган. Ал 2005-жылы россиялык белгилүү спортчу Федор Емельяненко менен кармашкан.

БИШКЕК, 26-окт. — Sputnik. ММА дүйнөсүндө Зулузинью каймана аты менен таанымал бразилиялык мушкер Вагнер да Консейсан Мартинс алакан менен жаакка чабышуу турниринде атаандашына нокаут менен утулду. Бул тууралуу Р-Спорт жазды.

Punchdown аталышындагы турнир Польшада өткөн. Бразилиялык мушкер жергиликтүү спортчу Кароль Филасиньски менен кармашкан.

​Видеодон Зулузиньюну каршылашы сол колу менен чапканда теңселе түшкөнүн, артындагылар кармайын деп, бирок алы жетпей, мушкер жерге кулап түшкөнүн көрүүгө болот.

Зулузинью оор салмактагылар арасында ММА беттештерине чыгып таанылган. Анын салмагы 180 килограмм болсо, бою эки метр. Аралаш мушташ боюнча 23 беттеш өткөрүп, анын 14үн уткан. 2005-жылы россиялык белгилүү спортчу Федор Емельяненко менен кармашып, 26 секундда эле жеңилип калган.

6
Белгилер:
мушкер, турнир, видео, жаакка чабуу
Тема боюнча
"Минип алып" ургулап. UFC мелдешинин урунттуу учурларынын видеосу
UFC: Россия мушкерлеринин мыкты нокауттары. Видео
Хабиб же Майкл Жордандай эле. Лорен Мерфи мушкер Валентина Шевченкого баа берди