Мамлекет кепилдеген юридикалык жардамды координациялоо борборунун директору Акжол Калбеков. Архив

Калбеков: жарым жылда 20 миңден ашык жаран юридикалык жардамды акысыз алды

28
Мамлекет кепилдеген юридикалык жардамды координациялоо борборунун директору Акжол Калбеков жарым жылда 20 миңден ашык жаранга акысыз консультациялык-укуктук жардам көрсөтүлгөнүн айтты.

Юридикалык жардам социалдык, саясий, экономикалык абалга жараша ар бир облуста ар башка көрсөтүлөт. Мисалы, Баткенде жарандар жер маселелери боюнча көп кайрылышат. Мындай маалыматты Акжол Калбеков Sputnik Кыргызстан радиосунун эфиринде билдирди.

Калбеков: жарым жылда 20 миңден ашык жаран юридикалык жардамды акысыз алды

Анын айтымында, квалификациялуу юридикалык жардамды акысыз алууга жарандар кылмыш иштери боюнча кайрылышат.

"Калкка акысыз консультациялык-укуктук жардам көрсөтүү борборлоруна бардык жарандар тиешелүү маселелери боюнча кайрылып, көйгөйлөрүн чечип алса болот. Сот, укук коргоо органдары аркылуу арыз менен кайрылып, жактоочунун кызматын акысыз алууга мүмкүн. Жарым жылда 20 миңден ашык жаранга консультациялык-укуктук жардам акысыз көрсөтүлдү. Статистиканы түзүүдө жалпылабай аймактарга бөлүп карайбыз. Мисалы, Баткен облусунда жарандар жер маселеси боюнча кайрылышат.  Жакында чек ара жаңжалына байланыштуу биздин адистер жергиликтүү тургундар менен жолугуп, юридикалык кеңеш берип, кагаз иштерине жардам беришти. Ал эми Нарында үй-бүлөлүк суроолор боюнча жардамга муктаждык бар", — деди Калбеков.

Ошондой эле адис мамлекет кепилдеген юридикалык жардам системасы аркылуу көп жарандын маселесин тез убакытта чечүү мүмкүнчүлүгү жогору экендигин кошумчалады.

28
Белгилер:
Акжол Калбеков, юридикалык жардам, консультация, сот
Тема боюнча
КР мигранттары Москвада жардам сурап кайда кайрыла алат? Дарек, телефондору
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: былтыр 50 миңдей кош бойлуу аялга камсыздандыруу полиси берилди

9
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова 2020-жылы 50 миңдей кош бойлуу аялга камсыздандыруу полиси берилгенин айтты.

Милдеттүү медициналык камсыздандыруу фонду (ММКФ) 2015-жылдан баштап кош бойлуулугу боюнча каттоодо турган аялдарга бекер милдеттүү камсыздандыруу тарата баштаган. Бүгүнкү күндө полистин наркы бир жылга 1 286 сом деп белгиленген. Бул каражатты фонд төлөйт. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Азизбекова: былтыр 50 миңдей кош бойлуу аялга камсыздандыруу полиси берилди

Анын айтымында, 2020-жылы Кыргызстанда 139 059 аял төрөгөн.

"Милдеттүү медициналык камсыздандыруу полисин алуу үчүн кош бойлуу аялдар 12-жумасында Үй-бүлөлүк дарыгерлер борборуна, фельдшердик-акушердик пунктуларга каттоого турушу зарыл. Полисти алгандарга орточо эсеп менен 50 пайыз базар баасынан жеңилдетилген негизде дары-дармектерди (темир, йод, фолий кислотасы жана башка препараттар) алганга мүмкүчүлүк берилет. ММКФ тарабынан 2020-жылы 49 904 аялга камсыздандыруу полиси берилсе, анын 93 пайызы камсыздандырылган эмес болгон. Мамлекеттик кепилдиктер программасынын негизинде адистин жолдомо каты болсо базалык лабораториялык жана диагностикалык 11 изилдөө (кан, заара анализи, уретралдык, вагиналдык мазоктун микроскопиясы ж.б.) акысыз жүргүзүлөт. Ошону менен бирге төрөт жана кесарево бекер болот. Ал эми кош бойлуулар жеңилдетилген жардам алганына карабастан кымбат изилдөөлөрдүн (ангиография, гемосорбция, ангиокардиография, компьютердик томография, коронарография ж.б) акысын өздөрү төлөшөт", — деди Азизбекова.

Адис чет элдик жарандар камсыздандыруу полисин бир жылга 15 652, ал эми жарым жылга 7 826 сомго ала алышарын кошумчалады.

9
Белгилер:
милдеттүү, камсыздандыруу
Тема боюнча
Гинеколог: коронавируска каршы эмдөө кош бойлуулар үчүн коопсуз
Ак-Булуң жамааттык коруктун жетекчиси Эрмек Шабыкеев

Шабыкеев: Тоңдо жамааттык корук түзүлүп, учуп келген ак куулар миңден ашты

9
"Ак-Булуң" жамааттык коруктун жетекчиси Эрмек Шабыкеев Тоң районунун Лахол айыл аймагындагы Кара-Талаа айылындагы коруктун аймагы 300 гектарды түзөрүн маалымдады.

Жергиликтүү бийлик, эл менен биргеликте жамааттык корук түзүлүп, айылыбыздын табиятын коргоого алуудабыз. Бул тууралуу Эрмек Шабыкеев Sputnik Кыргызстан радиосунда маек куруп жатып билдирди.

Шабыкеев: Тоңдо жамааттык корук түзүлүп, учуп келген ак куулар миңден ашты

Анын айтымында, аталган корук эки жыл мурда түзүлгөн.

"Кара-Талаа айылында аң уулоо, балык кармоо, браконьерлик күч алып кеткен. Андан сырткары, аталган аймак жайыт катары дагы колдонулуп келген. Бул келгин куштардын, жапайы жаныбарлардын отуна, тамактануусуна зыянын тийгизет. Себеби алардын тамактануучу аймагын мал ээлеп алчу. Анан жергиликтүү бийлик, калк менен келишип, эки жыл мурун "Ак-Булуң" жамааттык коругун түзгөнбүз. Анын жалпы аянты 300 гектар. Башында эл арасында жаратылышты мамлекет коргойт, егерлер бар деген пикир болуп жаткан. Кийин алар жетишпей турганын, айылдын табияты бизге керек экенин түшүндүрдүк. Учурда жергиликтүү эл дагы активдүү көмөктөшүп, башка жактан келгендерди сүрөткө тартып же видеосун жөнөтүп турушат. Көрүлгөн аракеттердин натыйжасында ак куулардын саны миңден ашты. Өрдөктүн 12 түрү кыштап, алардын жалпы саны 10 миңге жетти. Мындан тышкары, кыргоол, коенду көрүү мүмкүн болбой калган, азыр алар да акырындап көбөйө баштады", — деди Шабыкеев.

Ошондой эле ал жаратылыш сүйүүчүлөргө корукка кирүүгө уруксат берилгенин кошумчалады.

Подкастты толугу менен видеодон көрө аласыз:

9
Белгилер:
жаратылыш, корук, жамаат
Тема боюнча
Мамыров: Кыргызстанда жейрендер малдын көбөйүшүнөн жок болуп кеткен
Олжосун кызганып, ырылдап... Илбирстин кызыктуу видеосу
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

0
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

0
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады