Экономика жана финансы министринин орун басары Данияр Иманалиев

Иманалиев: ишкерлерге 100 миң сомдон 800 миң сомго чейин пайызсыз насыя берилет

45
Экономика жана финансы министринин орун басары Данияр Иманалиев "2026-жылга чейинки орто мөөнөттүү өнүктүрүү" программасы коомдук талкууда экенин белгиледи.

Беш жылдык орто мөөнөттү өнүктүрүү программасы иштелип чыгып, коомдук талкуудан өтүүдө. Бул тууралуу Данияр Иманалиев Sputnik Кыргызстан радиосунда маек куруп жатып билдирди.

Иманалиев: ишкерлерге 100 миң сомдон 800 миң сомго чейин пайызсыз насыя берилет

Анын айтымында, программа президенттин жарлыктарын ишке ашыруу максатында жана мыйзамдарды жөнгө салуунун (инвентаризация) алкагында кайрадан каралууда.

"2040-жылга чейин өнүгүү стратегиясынын беш жылдык бөлүгү кайрадан иштелип чыкты. Анын алкагында бизнес, социалдык тармак, билим берүү, коопсуздук жана башка багыттар боюнча талкуулар жүрүүдө. Программаны иштеп чыгууда глобалдык өзгөрүүлөр, дүйнөдөгү геосаясий абал, соода тирештери, пандемия, андан улам келип чыккан экономикалык каатчылык жана башка чакырыктар, ошондой эле божомолдонгон факторлор дагы эске алынды. Программанын биринчи бөлүгүндө кризиске каршы чаралар, коронавируска каршы эмдөө иштерин жүргүзүү, аталган илдеттен кийин жарандардын ден соолугун калыбына келтирүү, социалдык көмөктөр жана профилактика маселеси жана башка иштер мерчемделген. Мындан тышкары, экономика, билим берүү жаатындагы кыйынчылыктардын алдын алуу боюнча аракеттер көрүлөт. Мисалы, учурунда Мамлекеттик материалдык резервдер фондунун кампаларындагы запастардын жетишсиздиги көйгөй жаратты. Анын алдын алуу максатында керектүү азык-түлүк жана башкаларды сатып алууга 1 миллиард 300 миллион сом бөлүндү. Ошондой эле пандемиядан жабыр тарткан ишкерликти калыбына келтирүү үчүн 6-7 миллиард сомго чейин чакан насыяларды берүү максаты коюлган. Юридикалык жактарга 800 миң сом, ал эми жеке тараптарга 100 миң сомго чейин пайызы жок берүү каралууда.  Учурда анын 125 миллион сому коммерциялык банктарга берилди", — деди Иманалиев.

Ал ишкерлерге ыңгайлуу болгудай Салык кодексинин жаңы редакциясы иштелип чыгып жатканын кошумчалады.

45
Белгилер:
Данияр Иманалиев, экономика, кризис, ишкерлик
Тема боюнча
Өлкөдөн канча баалуу металл концентраты чыгарылып кетти? Статистика
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: быйыл кылмыштуулук былтыркыга караганда 26,4%га өстү

22
(жаңыланган 14:18 22.10.2021)
Ички иштер министрлигинин тергөө кызматынын улук тергөөчүсү Азамат Дүйшөналиев 2021-жылдын тогуз айында кылмыштуулуктун саны былтыркыга салыштырмалуу 26,4 пайызга көп катталганын айтты.

Былтыр өлкөдө 52,4 миң кылмыш катталса, бул жылы 66,2 миң мыйзам бузуу аныкталды. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: быйыл кылмыштуулук былтыркыга караганда 26,4%га өстү

Анын айтымында, кылмыштуулукту алдын алуу иштеринин алкагында быйыл 19,2 миң фактынын бети ачылып, былтыркыга салыштырмалуу 5,9 миң ишке көп болгон.

"2021-жылдын тогуз айында ички иштер органдарынын кызматкерлери тарабынан былтыркыга салыштырмалуу 13 840 фактыга көп катталган. Былтыр өлкөдө 52,4 миң кылмыш катталса, бул жылы 66,2 миң кылмыш аныкталып, ал 26,4 пайызга көп болгон. Кылмыштуулукту алдын алуу иштеринин алкагында өткөн жылга караганда көп фактынын бети ачылган. Алсак, 2020-жылы 13 062, быйыл 19 023 кылмыштын бети ачылды. Алардын көбү уурулук жана алдамчылык фактылары. Үстүбүздөгү жылы алдамчылык фактысы боюнча 9 119 иш белгилүү болду", — деди Дүйшөналиев.

Ошондой эле адис ушул жылы 142 адам өлтүрүү фактысы катталып, өткөн жылга салыштырмалуу 20 учурга көп болгонун кошумчалады.

22
Белгилер:
мыйзам, тергөө, ИИМ, Азамат Дүйшөналиев
Тема боюнча
Кыргыз-тажик чек арасындагы чыр. ИИМ иликтөөсүнүн жыйынтыгы эмне болду
Төлөмүш Океев атындагы Кыргызфильм киностудиясынын директору Акжол Бекболотов

Бекболотов: 2,5 жылда миңге жакын эски фильм санариптештирилет

7
(жаңыланган 14:13 22.10.2021)
Төлөмүш Океев атындагы "Кыргызфильм" киностудиясынын директору Акжол Бекболотов улуттук киностудия эски тасмаларды санарипке өткөрүп, узак убакытка сактоо мүмкүнчүлүгүнө ээ болгонун айтты.

Эски пленкага тартылган тасмаларды санариптештирүү маселеси азыр гана көтөрүлүп калган жок. Бул тууралуу мага чейинки жетекчилер дагы ойлонгон. Болгону менин багыма жабдыктардын баасы мурдагыдан арзандап, аталган маселени чечүү жолу табылып калды. Азыр санариптештирүүнү Болот Шамшиевдин картиналарынан баштадык. Бул тууралуу Акжол Бекболотов Sputnik Кыргызстан радиосунун эфиринде маек куруп жатып билдирди.

Бекболотов: 2,5 жылда миңге жакын эски фильм санариптештирилет

Анын айтымында, учурда киностудияда миңге жакын тасма бар.

"Кыргызфильм" киностудиясында эгер кырсык чыгып кетсе көптөгөн баалуу архивдик материалдарды жоготуп алуу коркунучу бар эле. Эски пленкага тартылган тасмаларды санариптештирүү маселеси мен билгенден 2010-жылдан бери көтөрүлүп келет. Мурда мындай жабдыктар өтө эле кымбат болгондуктан жетекчилер техниканы ала албай келишкен. Киностудияга жетекчи болуп келгенден кийин мен дагы биринчи кезекте ушул маселенин чечүү жолдорун издеп баштадым. Ошентип Түркиянын кызматташтык жана өнүктүрүү агенттигине кат жолдодук. Алар кыргыз киностудиясында чындап эле баалуу архивдик материал жатканын түшүнүп, Blackmagic Cintel Scanener сканеринин толук комплексин (UPS-үзгүлтүксүз электр менен камсыздоо, катуу диск) алып берди. Эң акыркы технологиянын негизинде түзүлгөн жаңы техникалык жабдуунун аркасында киностудия пленкада тартылган картиналарды жогорку сапатта санариптештирүү мүмкүнчүлүгүнө ээ болду. Бул эски фильмдердин узак сакталышына өбөлгө түзөт. Ошону менен бирге аталган жабдыктын DaVinci Resolve деген программасынын жардамы менен тасмадагы чийик, ар кандай тактарды алып салып, реставрация кылса болот. Программа ак-кара түстөгү тасмага өң бере алат. Бирок биз фильм жаратуучулардын автордук укугун бузбастан кандай болсо ошол бойдон калтырууну чечтик. Архивдеги миңге жакын эски фильмдерди 2,5 жылдын ичинде санариптештирүүнү пландап жатабыз", — деди Бекболотов.

Ал санариптештирилген жогорку сапаттагы картиналар телеканалдар аркылуу көрсөтүлөрүн кошумчалады.

7
Белгилер:
кино, санарип, реставрация, Акжол Бекболотов
Тема боюнча
"Кыргызфильмдеги" шедевр кинолорду санариптөөгө мүмкүнчүлүк түзүлдү
Көмүр. Архив

Бишкектин жанындагы айланма жолдо көмүрдү кымбаттатып саткандар аныкталды

0
12-октябрдан тарта Кыргызстандын аймагында көмүрдүн баасын мамлекет убактылуу жөнгө салып турмай болгон. Ага ылайык бир тонна көмүр 4 400 сомдон ашпашы керек.

БИШКЕК, 22-окт. — Sputnik. Бишкектин төмөнкү жагындагы айланма жолдогу көмүр саткан жайлар текшерилип, сатуучулар бааны көтөрүп салганы аныкталды. Бул тууралуу Монополияга каршы жөнгө салуу мамлекеттик агенттиги кабарлады.

Эске салсак, буга чейин Кыргызстандын аймагында көмүрдүн баасын мамлекет убактылуу жөнгө салып турмай болгон. Аталган чечим көмүрдүн баасынын өсүү темпин кармап туруу, 2021-2022-жылдагы күз-кыш мезгилинен өтүүдө калкты көмүр менен өз убагында туруктуу камсыз кылуу максатында кабыл алынган.

Текшерүүгө бир катар мамлекеттик жана муниципалдык органдардын кызматкерлери чыкты.

"Баалар көтөрүлүп кеткенин көрдүк. Сатуучулар бир тоннасына 5 миң сомдон сурап жатыптыр. Монополияга каршы орган эскертүү берди. Көмүр калкка эң кымбат дегенде 4 400, жүктөп берсе 4 500 сомдон сатылышы зарыл", — деп айтылат билдирүүдө.

Сатуучулар мыйзамды бузуу менен мындан ары дагы бааны жогорулатса, жоопко тартылары айтылды.

 

0
Белгилер:
Бишкек, көмүр, баалар, текшерүү, кымбатчылык
Тема боюнча
Кыргызстандын ар тарабында көмүр канчадан сатылууда? Инфографика
Жакыпов: "Кыргыз көмүр" ишканасынын жеке лабораториясы жок
Акылбек Жапаров Кара-Кечедеги абалды көрүп, тартип керектигин эскертти