Полиглот, жазуучу, котормочу Турусбек Мадылбай

Турусбек Мадылбай: көп тил үйрөнүүгө атайын жөндөмдүн кереги жок

231
Полиглот, жазуучу, котормочу Турусбек Мадылбай 32 чет тилин кантип үйрөнүп алганын айтып берди.

Чет тилдерин үйрөнүүгө дүйнөлүк адабиятка болгон кызыгуум түрткү болду. Бул тууралуу Турусбек Мадылбай Sputnik Кыргызстан радиосунда маек куруп жатып билдирди.

Турусбек Мадылбай: көп тил үйрөнүүгө атайын жөндөмдүн кереги жок

Анын айтымында, учурда баш-аягы 32 тил билет.

"Чет тилдеринен мектепте англис тилин окуп үйрөнгөм. Бала кезден кинорежиссер, жазуучу болуу кыялдарым бар эле. Адабият сүйгөн сабагым болуп, китеп көп окучумун. Токтогул районунда  болгону бир китеп дүкөнүбүз болгондуктан ал жакка чет элдик адабияттар көп деле келе берчү эмес. Ал эми мен дүйнө адабиятын өз тилдеринде, түп нускасында окууну кыялданчумун. Ошентип жогорку окуу жайды аяктап, кичи мекенимде орус тил мугалими болуп иштеп турган учурумда Москвадагы дипломатиялык академияга окууга жиберишти. Ал жакта бардык мүмкүнчүлүктөрдү пайдаланып, башка тилдерди өздөштүрүүгө кириштим. Алгач эле мен кызыккан француз тилин үйрөнө баштадым. Андан соң италия, испан, немец жана башкаларына кызыгып отуруп, учурда 32 тил билет экенмин. Муну мен өзүм санап чыкканга деле кызыккан эмесмин. Кийин мени Кыргызстандын Гиннес китебине киргизебиз деп адистер келгенде санап чыгышкан",— деди Мадылбай.

Ал учурда кыргыз, орус, англис жана француз тилдеринде чыгарма жазып, кичи мекенинде каалоочуларга чет тилдерин үйрөтүп келерин кошумчалады.

231
Белгилер:
жазуучу, котормочу, Турусбек Мадылбай
Тема боюнча
Акаевге кеңешчи, Өзбекстанга элчи болгон. Салижан Жигитов тууралуу 9 факты
Белгилүү актёр, теле алып баруучу, Эл аралык Чынгыз Айтматов жана Жолдубай Кайыпов атындагы сыйлыктарынын лауреаты Нурдөөлөт Копоев

Копоев: актёрлук кесипти ызадан, таарынычтан улам тандагам

57
Белгилүү актёр, теле алып баруучу, Эл аралык Чынгыз Айтматов жана Жолдубай Кайыпов атындагы сыйлыктарынын лауреаты Нурдөөлөт Копоев быйыл чыгармачылыгына 20 жыл толгонун айтты.

Актёр катары "Апамдын махабаты", "Чиркин өмүр" тасмалары аркылуу элге таанылдым. Бир топ фильмдерде эпизоддук ролдорум бар. Кино жааты аксап калганы менен театрдагы, үн коштоо жаатындагы ишим түзүк эле. Кээде актёрлук кесибим калып калды, алып баруучу болбой эле койбой деп өкүнүп кетем. Бул тууралуу Нурдөөлөт Копоев Sputnik Кыргызстан радиосунун эфиринде маек куруп жатып айтып берди.

Копоев: актёрлук кесипти ызадан, таарынычтан улам тандагам

Ал актёрлукту ызадан, таарынычтан улам тандаганын белгиледи.

"Нарындын Ат-Башы жергесинин Кара-Булуң айылынан болом. Көп балалуу үй-бүлөнүн он үчүнчү баласымын. Көпчүлүгү ата-энемдин жолун жолдоп кол өнөрчүлүк менен алектенишет. Убагында атам эки чоң айылды тейлечү. Кесиби уста болгондуктан күнү-түнү эле балка кармап отурчу. Ошентип атамдын артында Төлөмүш Океев тарткан "Устанын өз бактысы" деген фильми, бир топ журналисттердин телеберүүлөрү калды. Мурун "эмне үчүн актёрлукту тандадың?" деп сурашса эле кыялым болчу дей берчүмүн. Кийин ойлоп көрсөм бул кесипти ызадан, таарынычтан улам тандаптырмын. Бир жолу 7-класс кезимде тартуу тобу устаканада атам менен иним Бакдөөлөттү тартышты. Мен да тартылгым келип, аралашайын десем урушуп чыгарып жиберишкен эле. Окууну бүткөндө эжем борборго, Дүйшөн Байдөбөтовго алып келди. Ошентип драма театрда окуп калдым. Москвага окууга сынак башталды. Щепкин атындагы жогорку театралдык окуу жайда окуп келгендер Козунов деген жетекчиге ким жакса, дароо белги берет дешти. Сынакка кирсем эле ал киши тишимди мактаса эле ого бетер жылмайып күлө бердим. Канча бир тууган экенимди сураганынан 16 десем албай койбосун деп "үч бир туугандын ортончусумун" деп койдум. Себеби ал киши кыргыздын менталитетин жакшы түшүнүп, кичүү бала үйдө ата-энесин карап каларын билчү эле. Биринчи турда эле Козунов "увидимся там" деген жообун айтты. Ошентип Москвада төрт жыл билим алып келдим", — деди Копоев.

Актёр Щепкинди бүтүп келген 20дай улан-кыздын ичинен 2-3 эле бала кесибин улантып кеткенин кошумчалады.

Подкасттын толук вариантын төмөнкү видеодон көрүңүз:

57
Белгилер:
алып баруучу, актер, чыгармачылык
Тема боюнча
Композ, Жаздык 66 жашта. Актер, режиссер Мурат Мамбетов жараткан образдар
Эл аралык ишкердик кеңеш ассоциациясынын укуктук эксперти Жанабил Давлетбаев

Давлетбаев: Салык кодексинин жаңы редакциясы боюнча талаштуу жерлер бар

37
"Эл аралык ишкердик кеңеш" ассоциациясынын укуктук эксперти Жанабил Давлетбаев Салык кодексинин жаңы редакциясын иштеп чыккан топко бир катар сунуштар берилгенин белгиледи.

Салык кодексинин жаңы редакциясы иштелип жатканда берилген айрым сунуштар боюнча бирдиктүү чечимге келе элекпиз. Бул тууралуу Жанабил Давлетбаев Sputnik Кыргызстан радиосунда маек куруп жатып билдирди.

Давлетбаев: Салык кодексинин жаңы редакциясы боюнча талаштуу жерлер бар

Анын айтымында, Салык кызматынын ыйгарым укуктарынын кеңейиши ишкерлерге коркунуч жаратып калышы ыктымал.

"Салык кодексинин жаңы редакциясы иштелип чыгып жатканда ишкерлер тарабынан бир катар сунуштар берилген. Алардын көпчүлүгү чечилгени менен айрым маселелер боюнча талаштар калууда. Мисалы, Салык кызматы алгачкы тергөө иштерине аралашып жатат. Аталган кызматка салык чогултуудан тышкары функциялардын берилиши кызыкчылыктардын кагылышын шарттайт. Ишкерлерди камакка алуу жана башка коркунучтар жаралышы ыктымал. Ошондуктан экономикалык кылмыштарды иликтөө башка бир көз карандысыз органга өтүшү керек. Мындан тышкары, жалпы салык жана салык эмес төлөмдөрдөн түшкөн каражаттын үч пайызын салык органдары өзүнө ала алат деген норма бар. Бул дагы айрым кооптуулуктарды жаратып коюшу ыктымал. Салык кызматкерлери үч пайызды алыш үчүн жеке кызыкчылыктары пайда болушу мүмкүн. Ошондой эле салык органдарына банктык маалыматты соттун чечими жок алууга мүмкүндүк берилүүдө. Бул банктык сырдын ачыкталуусу боюнча коркунучтарды жаратат. Google, Facebook, Netflix сыяктуу эл аралык компаниялардан салык алуу боюнча так жазылбай калган. Бул компаниялардан салык алуу туура, бирок ал салыкты колдонуучулар төлөп калбагандай болушу зарыл", — деди Давлетбаев.

Ошондой эле ал накталай эмес төлөмдөр боюнча жеңилдиктерди 2023-жылга чейин эмес, мөөнөтсүз калтыруу сунушталганын кошумчалады.

Подкастты толугу менен видеодон көрө аласыз:

37
Белгилер:
салык, экономика, ишкер
Тема боюнча
Мамлекеттик салык кызматына Алтынбек Абдувапов төрага болду
Акылбек Жапаровго Яндекс, Facebook компанияларына салык төлөтүүнү сунушташты
Санарип коомчулук 2021 конференциясын банери

Huawei компаниясынын конференциясында санариптик тренддер талкууланат

0
(жаңыланган 21:20 21.10.2021)
Huawei ишканасынын өкүлдөрү "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

БИШКЕК, 21-окт. — Sputnik. Huawei компаниясы 26-27-октябрда жыл сайын болуучу экинчи "Санарип коомчулук 2021" конференциясын (Huawei Digital Community Conference 2021, HDCC) өткөрөт. Бул тууралуу компаниядан билдирди.

Huawei ишканасынын өкүлдөрү Россияда коопсуз жана көз карандысыз экосистема тармагын куруу процессине катышуунун алкагында "Келечектеги бирдиктүү санарип коомчулук" деп аталган өнүктүрүү стратегиясынын пландары менен бөлүшөт.

"Конференция – бул кардарларга жана өнөктөштөргө санарип трансформациясына байланыштуу өзгөрүүлөргө байкоо салууга жардам бере турган ачык платформа. Ошондой эле маалыматтык-коммуникациялык экосистеманы өнүктүрүүнү тездетүү үчүн биргеликте иштөө жана тажрыйба алмашуу каралган. Жарандар онлайн режиминде пленардык сессияны жана форумду көрө алышат жана санарип жаатындагы маселелерди эксперттер менен талкуулоого шарт түзүлөт", — деп айтылат маалыматта.

Конференцияга катышуучуларына дүйнөдө жана Россияда маалыматтык-коммуникациялык технологиялардын өнүгүп жаткан тренддери менен таанышууга мүмкүнчүлүк түзөт. Ошондой эле санарип энергетика, "булут" технологиялары жана уюлдук экосистема боюнча маалымат берилет.

Президент Huawei в Евразии Дэниел Чжоу
© Фото / пресс-служба Huawei / ARSEN GALSTYAN
Huawei компаниясынын Евразиядагы президенти Дэниела Чжоу
"Маалыматтык технология жаатындагы алдыңкы эксперттер менен биргеликте биз ар кандай тармактагы санариптик бизнес-моделдерди колдонуунун практикалык кейстерин изилдейбиз жана санарип технологиялар доорунда бизнести өнүктүрүү үчүн соңку чечимдерди ортого салабыз", — деди Huawei компаниясынын Евразиядагы президенти Дэниела Чжоу.

Иш-чарада маалыматтык-коммуникациялык технология индустриясынын ар кандай аспектилерин талкуулоо үчүн алты темада форум уюштурулат.

Катышуучулар үчүн виртуалдуу көргөзмө зонасы жеткиликтүү болот. Ал жактан Huawei компаниясы өзүнүн ийгиликтүү кардарлары менен өнөктөштөрүнө өнөр жайды санариптештирүү үчүн жасап берген продукциялары көрсөтүлөт. Ошондой эле Huawei эксперттери менен реалдуу убакыт режиминде сүйлөшүүгө шарт түзүлмөкчү.

0
Белгилер:
Huawei, конференция, эксперт, санарип
Тема боюнча
Бишкектин борбордук бөлүгүндө акысыз Wi-Fi зона иштей баштады
Кыргызстанда Илон Масктын Starlink компаниясынын өкүлчүлүгү ачылышы мүмкүн