Хоккей федерациясынын президенти Анвар Оморканов

Оморканов: Кыргызстан хоккей боюнча дүйнө чемпионатын өткөрүүгө даяр

50
Хоккей федерациясынын президенти Анвар Оморканов 2022-жылдын март айында Бишкекте IV дивизиондогу хоккей боюнча дүйнө чемпионаты өтөрүн айтты.

2020-жылы мартта өтө турчу мелдеш коронавирус пандемиясына байланыштуу жылып калган. Бул тууралуу Анвар Оморканов Sputnik Кыргызстан радиосунун эфиринде маек куруп жатып билдирди.

Оморканов: Кыргызстан хоккей боюнча дүйнө чемпионатын өткөрүүгө даяр

Анын айтымында, кээ бир өлкөлөрдө эпидемиологиялык кырдаал курч бойдон сакталгандыктан, абалды эске алуу менен Эл аралык хоккей федерациясы мелдештерди өткөрүү боюнча ноябрда чечим кабыл алат.

"IV дивизиондогу хоккей боюнча дүйнө чемпионатын Бишкекте 2020-жылы өткөрмөкпүз. Мелдештин башталарына 3-4 күн калганда турнир токтотулган. Спорттук арена жогорку деңгээлде даярдалган, жадагалса Эл аралык хоккей федерациясынан медалдарды колго алганбыз. Азыр эми календарлык планда дүйнө чемпионатын өткөрүү убактысы 2022-жылдын 3-9-мартында деп турат. Айваз Оморканов Эл аралык федерациянын вице-президенти катары ноябрда Цюрихте бардык турнирлер боюнча талкууга катышат. Анткени учурда кээ бир өлкөлөрдө эпидемиологиялык кырдаал дале курч. Көп жерлерде спорттук ареналар жабык болгондуктан машыгуулар да болбой калды. Чет өлкөдөн кайтып келгендер үчүн карантиндик режимдер күчүндө. Ошол себептен Эл аралык хоккей федерациясынын чечиминен соң толук маалымат берилет", — деди Оморканов.

Ошондой эле адис Кыргызстанда хоккейди өнүктүрүү үчүн өспүрүмдөргө көңүл бурулуп жаткандыгын кошумчалады.

50
Белгилер:
Анвар Оморканов, хоккей, дүйнө чемпионаты, пандемия, Эл аралык хоккей федерациясы
Тема боюнча
Федерация: хоккейди кыз-келиндер арасында өнүктүрүүнү колго алдык
Жогорку технологиялар паркынын (ЖТП) аткаруучу директору Чубак Темиров

Темиров: былтыр Жогорку технологиялар паркы 1,2 млрд. сом киреше тапты

22
(жаңыланган 12:51 15.10.2021)
Жогорку технологиялар паркынын (ЖТП) аткаруучу директору Чубак Темиров аталган мекеме 2021-жылдын аягына чейин 2 миллиард сом киреше табууну пландап жаткандыгын айтты.

Былтыркы жылдын жыйынтыгы менен Жогорку технологиялар паркынын курамындагы компаниялар 1,2 миллиард сом киреше алып келди. Мындай маалыматты Чубак Темиров Sputnik Кыргызстан радиосунун эфиринде маек куруп жатып билдирди.

Темиров: былтыр Жогорку технологиялар паркы 1,2 млрд. сом киреше тапты

Анын айтымында, ЖТПнын курамын 122 компания түзүп, анда 1 000ден ашык адис иштейт.

"Жогорку технологиялар паркынын түзүлгөнүнө быйыл 10 жыл болду. Бул аралыкта программалык камсыздоону, маалыматтык жаңы жана жогорку технологияларды иштеп чыгаруунун жергиликтүү индустриясын өнүктүрүүдө чоң эмгек жасады. Учурда ЖТПнын курамында 122 компания иштеп, 1 000ден ашык адис эмгектенет. 2020-жылдын жыйынтыгы менен Жогорку технологиялар паркынын курамындагы компаниялар 1,2 миллиард сом киреше табышты. Биз эми 2021-жылдын аягына чейин 2 миллиард сом табуу планын койдук. Демек, киреше эки эсе өсөт", — деди Темиров.

Ошондой эле адис пандемияга карабастан Жогорку технологиялар паркынын кирешеси 20 пайызга чейин өскөнүн кошумчалады.

Чубак Темиров Жогорку технологиялар паркы

22
Тема боюнча
Сулайманов: кыргызстандыктар чет өлкөдө IT тармагында окууну самашат
Санитардык-эпидемиологиялык көзөмөл департаментинин Жугуштуу, паразиттик оорулардын алдын алуу жана эпидемиологиялык көзөмөлдөө башкармалыгынын башкы дарыгери Султан Суранбаев

Суранбаев: таза суу жетпегендиктен 865 187 адам арыктагы сууну колдонот

16
Санитардык-эпидемиологиялык көзөмөл департаментинин Жугуштуу, паразиттик оорулардын алдын алуу жана эпидемиологиялык көзөмөлдөө башкармалыгынын башкы дарыгери Султан Суранбаев колун жуубагандан улам көбүнчө кичинекей балдар ооруп каларын айтты.

Кир кол аркылуу жугуучу илдеттерге мите оорулары, өткүр ичеги-карын илдеттери жана гепатиттин энтералдык А түрү кирет. Бул тууралуу Султан Суранбаев Sputnik Кыргызстан радиосунун эфиринде маек куруп жатып билдирди.

Суранбаев: таза суу жетпегендиктен 865 187 адам арыктагы сууну колдонот

Анын айтымында, таза суунун жетишсиздигинен улам 865 187 киши арыктагы сууну колдонот.

"Сарык оорусунун А түрү менен жыл сайын өлкөдө 10 миңге жакын бейтап катталса, анын 95 пайызын балдар түзөт. Мите оорулары менен 25 миң, ал эми өткүр ичеги-карын дарты менен 16-18 миңдей адам кайрылат. Бул илдетке кабылгандардын 80-90 пайызы жаш балдар. Себеби балдар колду таза алып жүрүү эрежелерин туура аткарышпайт. Ошондой эле учурда Кыргызстанда калк жашай турган 480 аймактагы 865 187 киши таза суунун жетишсиздигинен улам арыктагы сууну колдонот. Кир суу да жогорудагы ооруларды пайда кылат. Андан тышкары, бизде колдонулган сууну бир жерге чогултуп залалсыздандыруу зарылчыгы бар. Себеби аны көрүнгөн жерге төгүп андагы ар кандай микроорганизм, бактериялар, башкача айтканда, оору козгогучтар жер үстүндө калат. Жер иштетип жашылчаларды өстүргөндөн кийин кайра эле тамак-аш аркылуу бактерияларды жеп алабыз", — деди Суранбаев.

Эпидемиолог колду ашыкча самындап жууган дагы кератоз оорусун алып келерин эскертти.

16
Белгилер:
Султан Суранбаев, паразит, бактерия, оору, гепатит
Тема боюнча
Дарыгер Үмүт Саипова: гепатиттин жаңы F жана G түрү аныкталууда
Адамдын буту. Иллюстративдик сүрөт

Согончокту байка. Өпкө рагынын күтүүсүз белгиси аталды

0
Дарыгерлер согончок ооруганда эки жума байкап көрүүнү сунушташкан. Эгер ооруганы көпкө чейин басылбаса, анда дарыгерге көрүнүү зарыл.

БИШКЕК, 16-окт. — Sputnik. Согончоктун тынбай оорушу өпкөдө шишик пайда болгонунан кабар бериши ыктымал. Бул тууралуу Daily Express басылмасы Улуу Британиянын улуттук медициналык системасында иштеген дарыгерлердин айтымына таянып кабарлады.

Билдирмеге караганда, рактын көп түрү, анын ичинде өпкө рагы тромбдун өрчүү тобокелчилигин жогорулатат.

"Бейтаптар согончогу ооруп жатканын айтып кайрылган учурлар катталган. Текшере келгенде алардан тромб табылган. Бул — өпкө рагынан кабар берген жалгыз белги", — деп жазылат маалыматта.

Дарыгерлер согончок ооруганда эки жума байкап көрүүнү сунушташкан. Эгер ооруганы көпкө чейин басылбаса дарыгерге көрүнүү зарыл.

"Күнүмдүк жумуштарды жасап жатканда да катуу оорута турган болсо, бир ооруп, бир басылып ыңгайсыздык жаратса, согончоктун тушу эч нерсени сезбей калса, анда тез арада медиктерге кайрылуу керек" — деп жазылат билдирмеде.

Медиктер өпкө рагы олуттуу оору экенин айтып, башында дарт билинбей өрчүй бериши ыктымал экенин белгилешкен. Буга көбүнчө чылым чегүү себеп болору айтылды.

0
Белгилер:
өпкө, рак, белги, тромб, согончок
Тема боюнча
Буттун дароо шишип кетүүсү кандай оорудан кабар берет? Медиктин жообу
Кардиологго токтоосуз кайрылуу керектигинен кабар берген белгилер