Билим берүү жана илим министрлигинин Мектеп, мектептен тышкаркы жана кошумча билим берүү башкармалыгынын жетектөөчү адиси Айнура Кусеинова

Кусеинова: мыкты мугалим наамын жаш окутуучулар алганы кубандырат

105
(жаңыланган 13:22 07.10.2021)
Билим берүү жана илим министрлигинин Мектеп, мектептен тышкаркы жана кошумча билим берүү башкармалыгынын жетектөөчү адиси Айнура Кусеинова "Жылдын мыкты мугалими – 2021" конкурсунун шарттары тууралуу айтты.

"Жылдын мыкты мугалими" конкурсу төрт этап менен жүргүзүлөт. Алгач мектеп аралык, андан соң район, облустук деңгээлде өтүп, жеңүүчүлөр республикалык сынакта ат салышат. Бул тууралуу Айнура Кусеинова Sputnik Кыргызстан радиосунун эфиринде маек куруп жатып билдирди.

Кусеинова: мыкты мугалим наамын жаш окутуучулар алганы кубандырат

Анын айтымында, быйылкы конкурста биринчиликти 28 жаштагы мугалим багындырса, экинчи орунга 24 жаштагы Лейлек районунан келген математика сабагынын окутуучусу ээ болгон.

"Жылдын мыкты мугалими республикалык конкурсу жыл сайын өткөрүлүп келет. Ал төрт этаптан туруп, жыйынтыгында жети облус жана эки шаардын мугалимдери күч сынашат. Быйылкы сынакта биринчи орунду Ош облусундагы №58 кыргыз-түрк достугу мектеп-лицейинин 28 жаштагы кыргыз тили жана адабияты боюнча окутуучу жеңип алды. Ал эми экинчи орунга Лейлек районундагы №5 мектеп-гимназиясынын 24 жаштагы математика мугалими татыктуу болду. Конкурстун жүрүшүндө үч тапшырма берилет. Алар педагогикалык тажрыйбанын презентациясы, мастер-класс жана конкурстук сабак. Үч тапшырма боюнча үч башка калыстар тобу түзүлгөн. Конкурстун жүрүшү ачык-айкындуулукту камсыздоо максатында видеого тартылат. Сынактын ар бир этабына коюлган упайлардын жыйындысы жеңүүчүнү аныктайт. Мындай иш-чараларды уюштуруу мугалимдер арасында пайдалуу атаандаштыкты күчөтөт жана бири-бири менен тажрыйба алмашып, мыкты методикалардын жайылышын шарттайт", — деди Кусеинова.

Ал конкурстун негизги максаты коомчулукта мугалимдердин аброюн жогорулатууга багытталганын кошумчалады.

105
Белгилер:
мугалим, конкурс, жыйынтык, Айнура Кусеинова
Тема боюнча
Турусбек Мадылбай: көп тил үйрөнүүгө атайын жөндөмдүн кереги жок
Кыргыз мал чарба жана жайыт изилдөө институтунун директору Максатбек Нурдинов. Архив

Нурдинов: өлкөдө чыгарылган малдын уругун сактаган банк бар

10
Кыргыз мал чарба жана жайыт изилдөө институтунун директору Максатбек Нурдинов асыл тукум малды көбөйтүүдө жергиликтүү породаларга басым жасоо зарылдыгын айтты.

Илимий институттун Биотехнология борбору бар. Ал жерде мал үчүн атайын сперма банк иштейт. Бул тууралуу Максатбек Нурдинов Sputnik Кыргызстан радиосунда маек куруп жатып билдирди.

Нурдинов: өлкөдө чыгарылган малдын уругун сактаган банк бар

Анын айтымында, аталган борбордо 1980-жылдардан берки өлкөдө чыгарылган асыл тукум малдын уругу тоңдурулуп, сактоодо турат.

"Малдын асылдуулугун арттырууда жергиликтүү климатка көнгөн породаларга басым жасоо өтө маанилүү. Анткени биздин тоолуу өлкөгө же климатына көнө албай, сырттан алып келинген мал кырылып калышы мүмкүн. Андыктан асыл тукум экен деп эле сырттан ташып келүүгө кызыга бербеш керек. Тескерисинче, биздеги бар малдын асылдуулугун арттырууга жана аны көбөйтүүгө басым жасоо зарыл. Бул үчүн бизде бардык мүмкүнчүлүктөр бар. Маселен, биздин илимий институтта республикада соңку 40 жылда чыгарылган асыл тукум малдын баарынын спермалары атайын банкта сакталып турат. Азыр аларды алып, пайдалануу заман талабы, — деди Нурдинов.

Илимпоз калк арасында малдын туягынын санына эмес сапатына кызыгуу колго алына баштагандыгын кошумчалады.

Подкасттын толук вариантын видеодон көрүңүз:

10
Белгилер:
Максатбек Нурдинов, асыл тукум, өнүктүрүү, саясат
Тема боюнча
Нурдинов: малдын тукумун жакшыртуу үчүн 15-20 жыл талап кылынат
Энергетика министринин орун басары Тилек Айталиев

Айталиев: чакан ГЭСтер өндүргөн электр энергияны мамлекет сатып алат

23
(жаңыланган 13:37 28.10.2021)
Энергетика министринин орун басары Тилек Айталиев чакан ГЭСтерди куруу, инвесторлорду кызыктыруу үчүн мыйзамдар жөнгө келтириле турганын белгиледи.

Чакан ГЭСтер чыгарган электр энергияны мамлекет милдеттүү түрдө 10 жыл бою сатып алат. Аны 15 жылга чейин узартуу аракеттери көрүлүүдө. Бул тууралуу Тилек Айталиев Sputnik Кыргызстан радиосунда маек куруп жатып билдирди.

Айталиев: чакан ГЭСтер өндүргөн электр энергияны мамлекет сатып алат

Анын айтымында, тийиштүү мыйзам долбоору учурда өлкө башчынын кароосунда.

"Энергетика тармагындагы саясатты жүргүзгөн мекеме катары чакан ГЭСтерди куруу, инвесторлордун кызыгуусун жаратуу үчүн бул багыттагы ченемдик акт, мыйзамдар менен иш жүргүзүлөт. Учурда "энергияны кайра жаратуу булактары жөнүндө" мыйзам иштеп жатат. Анда чакан ГЭСтер иштеп чыккан электр энергияны мамлекет 10 жыл милдеттүү түрдө сатып алат. Ошондой эле колдонуучулар сатып ала турган баадан кыйла жогору нарк коюлган. Учурда сатып алуу убактысын 15 жылга чейин узартуу боюнча мыйзам долбоору Жогорку Кеңештен каралып, президенттин кароосуна жиберилди. Мамлекет башчы кол койсо бул норма күчүнө кирет. Буга ички жана тышкы инвесторлор кызыгуу жаратууда", — деди Айталиев.

Ал инвесторлор тарабынан жер бөлүп берүү боюнча көйгөйлөр көтөрүлүп жатканын кошумчалады.

 

23
Белгилер:
чакан ГЭС, электр энергиясы, инвестор, Тилек Айталиев
Тема боюнча
Өкмөт беш жылда өлкөнүн энергетикалык коопсуздукка жетерин убадалады
Аткаминер. Архив

Кагаздиев Нурдин Маратбекович өмүр баян

0
Нурдин Кагаздиев 1985-жылдын 23-сентябрында туулган. Жогорку билимдүү. Иса Ахунбаев атындагы Кыргыз мамлекеттик медициналык академиясы менен Жусуп Баласын атындагы Улуттук университетти аяктаган.

Эмгек жолу:

  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин дары-дармек жана медициналык каражаттарды сертификациялоо бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн алдыңкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн башкы адиси;
  • Дары-дармек менен камсыздоо жана медициналык техника департаментинин фармацевтикалык инспекция бөлүмүнүн жетекчиси;
  • Дары-дармек жана медициналык каражат департаментинин директорунун орун басары;
  • 2021-жылдын октябрь айында Дары-дармек жана медициналык каражат департаментинин жетекчиси болуп дайындалды.
0
Белгилер:
КР Саламаттык сактоо министрлиги, дары-дармек, Өмүр баяны, биография, таржымал
Тема боюнча
Баетов Аяз Батыркулович — өмүр баян
Козубеков Нурбек Азимканович — өмүр баян