Балдарга билим берүү уюмдары ассоциациясынын төрайымы Элмира Каримова

Каримова: бала бакчаларга жеңилдик берилбесе көмүскө экономика күч алат

115
(жаңыланган 11:43 07.10.2021)
Балдарга билим берүү уюмдары ассоциациясынын төрайымы Элмира Каримова бала бакчаларга салык салуу эмнеси менен коркунучтуу экенин айтып берди.

Бала бакчалардан салык алуу билим берүү деңгээлинин төмөндөшүнө алып келет. Анткени мамлекеттик бала бакчалар калктын муктаждыгын толук кандуу аткара албайт. Бул тууралуу Элмира Каримова Sputnik Кыргызстан радиосунда маек куруп жатып билдирди.

Каримова: бала бакчаларга жеңилдик берилбесе көмүскө экономика күч алат

Анын айтымында, балдарга билим берүү уюмдары ассоциациясына жалпы 54 жеке билим берүү жайлары кирет.

"Жеке менчик бала бакчалар 2016-жылы сатуу, киреше, кошумча нарк жана жер салыгы болуп төртөөнөн бошотулган. Ал эми жыл ичинде айланган акча 8 миллион доллардан ашкандар кошумча нарк салыгын төлөйт. Анын жеке менчик бала бакчаларга тиешеси деле жок болуп калат. Ошондой эле менчик жерге курулса жер салыгы алынчу эмес. Учурда жеке менчик бала бакчалардын 80 пайызы имаратты ижарага алып иштетишет. Ошондо негизинен сатуу жана киреше салыгы гана жеке менчик бала бакчаларга тиешелүү болуп калат. Бул үч же алты пайызды түзөт. 2016-жылы жеке менчик бала бакчаларга мына ошол эки салыктан убактылуу жеңилдик берилген. Ал арада пандемия болуп, менчик бала бакчалар кризистен толук калыбына келе элек. Салык кодексинин жаңы редакциясында мындай бакчалар ошол бошотулган салыкты кайра төлөп кала турган болуп калууда. Албетте, аталган документ толук иштелип чыгып кабыл алына элек. Ошентсе дагы азыртадан коңгуроо какпасак айрым тобокелдиктер жаралышы ыктымал. Мисалы, өлкөдө билим деңгээли төмөндөп кетти. Мамлекеттик бала бакчалар калктын муктаждыгын толук камсыздай албайт. Ошондуктан менчик билим берүү уюмдары өкмөттүн колунан келбей калган ишти аткарууда десек болот. Экинчи жагынан салыктардын көбөйүшү менчик бала бакчалардын банкрот болуп жабылып калышына алып келиши мүмкүн. Натыйжада бул жумушсуздукту көбөйтүшү ыктымал. 2016-жылы салыктан жеңилдик берилгенде 310 менчик бала бакча көмүскөдөн чыккан. Башкача айтканда, 2016-жылга чейин 60 бала бакча болсо учурда 370ке жетти. Эгерде ал жеңилдик алып салынса, кайра көмүскөгө кетип калышы ыктымал. Ошондуктан аталган жеңилдикти калтыруу зарыл", — деди Каримова.

Ошондой эле ал бала интеллектуалдык жактан жети жашка чейин өнүгөрүн белгилеп, учурда өлкөдө балдардын 13 пайызы эле бала бакчага барарын кошумчалады.

115
Белгилер:
бала бакча, билим берүү, салык, Элмира Каримова
Тема боюнча
Ош шаарында 120 орундуу бала бакча ачылды. Сүрөт
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова

Азизбекова: былтыр 50 миңдей кош бойлуу аялга камсыздандыруу полиси берилди

7
Милдеттүү медициналык камсыздандыруу фондунун программаларын ишке ашыруу башкармалыгынын башчысы Жыпара Азизбекова 2020-жылы 50 миңдей кош бойлуу аялга камсыздандыруу полиси берилгенин айтты.

Милдеттүү медициналык камсыздандыруу фонду (ММКФ) 2015-жылдан баштап кош бойлуулугу боюнча каттоодо турган аялдарга бекер милдеттүү камсыздандыруу тарата баштаган. Бүгүнкү күндө полистин наркы бир жылга 1 286 сом деп белгиленген. Бул каражатты фонд төлөйт. Бул тууралуу Жыпара Азизбекова Sputnik Кыргызстан радиосунун эфиринде маек куруп жатып билдирди.

Азизбекова: былтыр 50 миңдей кош бойлуу аялга камсыздандыруу полиси берилди

Анын айтымында, 2020-жылы Кыргызстанда 139 059 аял төрөгөн.

"Милдеттүү медициналык камсыздандыруу полисин алуу үчүн кош бойлуу аялдар 12-жумасында Үй-бүлөлүк дарыгерлер борборуна, фельдшердик-акушердик пунктуларга каттоого турушу зарыл. Полисти алгандарга орточо эсеп менен 50 пайыз базар баасынан жеңилдетилген негизде дары-дармектерди (темир, йод, фолий кислотасы жана башка препараттар) алганга мүмкүчүлүк берилет. ММКФ тарабынан 2020-жылы 49 904 аялга камсыздандыруу полиси берилсе, анын 93 пайызы камсыздандырылган эмес болгон. Мамлекеттик кепилдиктер программасынын негизинде адистин жолдомо каты болсо базалык лабораториялык жана диагностикалык 11 изилдөө (кан, заара анализи, уретралдык, вагиналдык мазоктун микроскопиясы ж.б.) акысыз жүргүзүлөт. Ошону менен бирге төрөт жана кесарево бекер болот. Ал эми кош бойлуулар жеңилдетилген жардам алганына карабастан кымбат изилдөөлөрдүн (ангиография, гемосорбция, ангиокардиография, компьютердик томография, коронарография ж.б) акысын өздөрү төлөшөт", — деди Азизбекова.

Адис чет элдик жарандар камсыздандыруу полисин бир жылга 15 652, ал эми жарым жылга 7 826 сомго ала алышарын кошумчалады.

7
Белгилер:
милдеттүү, камсыздандыруу
Тема боюнча
Гинеколог: коронавируска каршы эмдөө кош бойлуулар үчүн коопсуз
Ак-Булуң жамааттык коруктун жетекчиси Эрмек Шабыкеев

Шабыкеев: Тоңдо жамааттык корук түзүлүп, учуп келген ак куулар миңден ашты

6
"Ак-Булуң" жамааттык коруктун жетекчиси Эрмек Шабыкеев Тоң районунун Лахол айыл аймагындагы Кара-Талаа айылындагы коруктун аймагы 300 гектарды түзөрүн маалымдады.

Жергиликтүү бийлик, эл менен биргеликте жамааттык корук түзүлүп, айылыбыздын табиятын коргоого алуудабыз. Бул тууралуу Эрмек Шабыкеев Sputnik Кыргызстан радиосунда маек куруп жатып билдирди.

Шабыкеев: Тоңдо жамааттык корук түзүлүп, учуп келген ак куулар миңден ашты

Анын айтымында, аталган корук эки жыл мурда түзүлгөн.

"Кара-Талаа айылында аң уулоо, балык кармоо, браконьерлик күч алып кеткен. Андан сырткары, аталган аймак жайыт катары дагы колдонулуп келген. Бул келгин куштардын, жапайы жаныбарлардын отуна, тамактануусуна зыянын тийгизет. Себеби алардын тамактануучу аймагын мал ээлеп алчу. Анан жергиликтүү бийлик, калк менен келишип, эки жыл мурун "Ак-Булуң" жамааттык коругун түзгөнбүз. Анын жалпы аянты 300 гектар. Башында эл арасында жаратылышты мамлекет коргойт, егерлер бар деген пикир болуп жаткан. Кийин алар жетишпей турганын, айылдын табияты бизге керек экенин түшүндүрдүк. Учурда жергиликтүү эл дагы активдүү көмөктөшүп, башка жактан келгендерди сүрөткө тартып же видеосун жөнөтүп турушат. Көрүлгөн аракеттердин натыйжасында ак куулардын саны миңден ашты. Өрдөктүн 12 түрү кыштап, алардын жалпы саны 10 миңге жетти. Мындан тышкары, кыргоол, коенду көрүү мүмкүн болбой калган, азыр алар да акырындап көбөйө баштады", — деди Шабыкеев.

Ошондой эле ал жаратылыш сүйүүчүлөргө корукка кирүүгө уруксат берилгенин кошумчалады.

Подкастты толугу менен видеодон көрө аласыз:

6
Белгилер:
жаратылыш, корук, жамаат
Тема боюнча
Мамыров: Кыргызстанда жейрендер малдын көбөйүшүнөн жок болуп кеткен
Олжосун кызганып, ырылдап... Илбирстин кызыктуу видеосу
Жогорку Кеңештин депутаты Алайбек Анаркулов

Жогорку Кеңештин 41 жаштагы кызматкери депутаттык мандат алды

0
(жаңыланган 17:11 17.10.2021)
41 жаштагы Алайбек Алымбаев "Биздин Кыргызстан" партиясынын атынан Бишкек шаардык кеңешине ат салышкан. Анда Жогорку Кеңеште эксперт болуп иштей турганын көрсөткөн.

БИШКЕК, 17 окт — Sputnik. Жогорку Кеңештин депутаты Пархат Тулендыбаев мандатып тапшырып, ордуна 41 жаштагы Алайбек Анаркулов келди. Бул тууралуу БШКнын маалымат кызматы кабарлады.

Чечимди бүгүн Борбордук шайлоо комиссиясынын мүчөлөрү кабыл алган. Тулендыбаев депутаттык ыйгарым укуктарын мөөнөтүнөн мурда токтотуу үчүн арыз берген. Ал "Республика — Ата-Журт" фракциясынан депутат болчу.

41 жаштагы Алайбек Алымбаев "Биздин Кыргызстан" партиясынын атынан Бишкек шаардык кеңешине ат салышкан. Анда Жогорку Кеңеште эксперт болуп иштей турганын көрсөткөн.

0
Белгилер:
Кыргызстан, БШК, депутат
Тема боюнча
Ноокаттын мэри менен депутаты 15 млн. сом кымырган деп кармалды. Сүрөт
ЖКга депутат болом деген ниетин 387 киши билдирди