Хоккей федерациясынын президенти Анвар Оморканов

Оморканов: жер маселеси чечилсе хоккей аренасы курулат

52
(жаңыланган 18:23 09.10.2021)
Хоккей федерациясынын президенти Анвар Оморканов эгер өлкө башчынын колдоосу менен жер маселеси чечилсе, Кыргызстанда эл аралык стандартка жооп берген хоккей аренасы куруларын айтты.

Мультиаренанын курулушу боюнча бардык документтер даярдалып, эскизи чийилип, Жаштар иши, дене тарбия жана спорт агенттигине да тапшырма берилген. Мындай маалыматты Анвар Оморканов Sputnik Кыргызстан радиосунун эфиринде маек куруп жатып билдирди.

Оморканов: жер маселеси чечилсе хоккей аренасы курулат

Анын айтымында, өлкөдө салына турган көп функционалдуу спорттук аренанын курулушуна мамлекеттен каражат кетпейт.

"Биз эл аралык талаптарга жооп берген хоккей аренасын салганга даярбыз. Бул демилгени президент Садыр Жапаров колдойт деген ишеничибиз бар. Анткени мультиаренанын курулушу боюнча бардык документтер даярдалып, эскизи чийилип, Жаштар иши, дене тарбия жана спорт агенттигине да тапшырма берилген. Болгону жер маселеси чечилсе курулушу башталат. Мамлекеттен бир тыйын алынбайт. Президент бизди кабыл алса аренанын курулушу боюнча бардык маалыматты айтып, шарттары тууралуу кабар беребиз. Ошону эле күтүп жатабыз", — деди Оморканов.

Ал ошондой эле спорттук арена хоккей, шорт-трек, муз үстүндө бий жана кёрлинг спортторуна ылайыкташып, эл аралык мелдештерди өткөрүүгө мүмкүн болорун кошумчалады.

52
Белгилер:
Анвар Оморканов, президент, спорттук арена, Хоккей федерациясы
Тема боюнча
25 жашында вице-президент болгон Айваз: үйлөнгөнгө чейин ийгиликке жетиш керек
Кыргызтелеком ачык акционердик коомунун директорлор кеңешинин мүчөсү Канатбек Аскаров

Аскаров: "Кыргызтелеком" социалдык долбоорлорду тесттик режимде ишке киргизди

24
"Кыргызтелеком" ачык акционердик коомунун директорлор кеңешинин мүчөсү Канатбек Аскаров аталган мекеме бир катар социалдык долбоорлорду тесттик режимде ишке киргизгенин айтты.

"Кыргыз телеком" ААК "Телемедицина", "Коопсуз мектеп" жана "Жеткиликтүү санариптик дүйнө" социалдык долбоорлорду ишке киргизип жатат. Мунун артында мамлекеттик кызматтарды санариптештирип, калк үчүн жеткиликтүүлүктү камсыздайбыз. Бул тууралуу Канатбек Аскаров Sputnik Кыргызстан радиосунун эфиринде маек куруп жатып билдирди.

Аскаров: "Кыргызтелеком" социалдык долбоорлорду тесттик режимде ишке киргизди

Анын айтымында, "Кыргызтелеком" санариптештирүүнүн алкагында коопсуз мектеп, көчө, айыл, аймак жана республика статусуна жетүүнү көздөп жатат.

"Ишкана Кыргызстанда "Телемедицина" долбоорун ишке киргизүү боюнча техникалык өнөктөш болуу демилгесин көтөрдү. Мында оорукана акысыз интернет менен камсыз болуп, видео байланыш уюштуруу үчүн зарыл болгон жабдуулар сатып алынат. Дарыгерлер видео чалуу аркылуу кеп-кеңеш берип, илдетти аныктоо, дарылоо жана алдын алуу максатында башка мекемелердеги кесиптештери менен кеңешип, изилдөө жүргүзүүгө жана баа берүүгө зарыл болгон маалыматтар менен алмаша алат. Ал эми "Коопсуз мектеп" социалдык долбоорунда мектеп интернетке туташтырылып, видео байкоо жүргүзүүчү камералар орнотулат. Мобилдик тиркеменин жардамы менен мугалимдер, мектептин администрациясы, ата-энелер балдар сабактан кийинки бош учурда кантип убакыт өткөрүп, эмне менен алек экендигин онлайн көрүшөт. Бул долбоор окуу жайларга комплекстүү кызмат көрсөтүүнү камсыздоого багытталган жана аны ишке ашырууда артыкчылык Кыргызстандын алыскы аймактардагы окуу жайларына берилет. Андан тышкары "Жеткиликтүү санариптик дүйнө" долбоорунун алкагында "Кыргызтелеком" ААК айыл өкмөтүнүн имаратында Wi-Fi роутер орнотуп, акысыз интернет менен камсыздайт. Айылдын жашоочулары сейилдөө паркында интернет-байланышын эркин пайдаланып, жакындарына интернет аркылуу чалуу, дарыгерлерге кабыл алууга онлайн катталуу мүмкүнчүлүгүн алышат. Ал эми балдар коомдук статусуна карабастан, өнүгүү жана кошумча билим алуу үчүн интернет ресурстарын колдоно алышат", – деди Аскаров.

Ал аталган долбоорлор сынамык негизде Чүй облусунун Сокулук районунун Фрунзе айыл өкмөтүндө иштеп жатканын кошумчалады.

Подкасттын толук вариантын төмөнкү видеодон көрүңүз:

24
Белгилер:
Кыргызтелеком, долбоор
Тема боюнча
"Кыргызтелеком" интернетти 3,5 эсе арзан сатып ала баштады
Бишкек шаарынын мэриясынын Дене тарбия жана спорт башкармалыгынын башчысы Нурлан Токоноев

Токоноев: өспүрүмдөрдүн дене тарбиясына көңүл бурулушу абзел

23
(жаңыланган 14:48 23.10.2021)
Бишкек шаарынын мэриясынын Дене тарбия жана спорт башкармалыгынын башчысы Нурлан Токоноев өспүрүмдөрдүн дене тарбиясына убагында көңүл бурулушу керектигин айтты.

Мектептердеги дене тарбия мугалимдеринин педагогикалык жана спорттук билиминин сөзсүз болушу көзөмөлгө алынат. Бул тууралуу Нурлан Токоноев Sputnik Кыргызстан радиосунун эфиринде маек куруп жатып билдирди.

Токоноев: өспүрүмдөрдүн дене тарбиясына көңүл бурулушу абзел

Анын айтымында, мектеп окуучулардын дене тарбия боюнча негизги усулдарды алуусу мугалимдерге байланыштуу.

"Дене тарбия жана спорт башкармалыгы бизге тиешелүү жоболорду мэриянын юристтери, кадр кызматы менен тыгыз иштеп, спорттук мекемелердин башкаруучуларын тандоодо талаптарын күчөтүүнү карап жатабыз. Аларды сөзсүз педагогикалык же Мамлекеттик дене тарбия жана спорт академиясынын диплому менен кабыл алууну сунуштайбыз. Мамлекеттик кадр кызматы менен тыгыз байланышта болуп, жаңы жылдан баштап бардык спорттук мекемелердеги мугалимдерди аттестациядан өткөрөбүз. Алардын кесипкөйлүүлүгү, тажрыйбасы балдарга тарбия берүүдө маанилүү ролду ойнойт", — деди Токоноев.

Ошондой эле адис ата-энелер балдардын дене тарбиясына көңүл бурушу абдан маанилүү экендигин кошумчалады.

23
Белгилер:
спорт, мэрия, педагогика, аттестация
Тема боюнча
Машыгууларды кантип таштап салбаш керек? Спорттук психологдун кеңеши
Whatsapp логотиби. Архивдик сүрөт

Программист мессенжердеги жазышууну толугу менен кантип өчүрүү керектигин айтты

0
Адистин айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат.

БИШКЕК, 24-окт. — Sputnik. Мессенжердеги маалыматты өчүрүү өтө кыйын, жазышууларды тазалагандан кийин дагы иштеп чыгуучунун серверинде калып калат. Бул тууралуу "Прайм" агенттигине "ИТ-Резерв" компаниясынын директору Павел Мясоедов айтып берди.

Анын айтымында, мессенжерлер колдонуучулар тууралуу көп жеке маалыматтарга ээ жана анын баары серверде сакталат. Ал түшүндүргөндөй, жазышууда система билдирүүнү алгач иштеп чыгуучунун инфраструктурасына жиберет, андан кийин гана маектешип жаткан кишиге жөнөтүлөт.

"Жазышууну уюлдук телефондон же башка жактан өчүрүүнүн пайдасы жок. Муну менен аны түп-тамырынан бери өчүрө албайбыз", — деди программист.

Адистин айтымында, маалыматтарды ортомчусуз алмашууга мүмкүн, ал үчүн атайын программаларды көчүрүү керек. Маселен, peer-to-peer протоколдору боюнча иштеген программалар бар.

0
Белгилер:
программист, жазышуу, өчүрүү
Тема боюнча
Facebook өзүнө таандык WhatsApp мессенджериндеги жазышууларды окуйт. Максаты
WhatsApp сүрөт менен видеону сапаттуу жөнөткөнгө мүмкүнчүлүк түзөт