Санариптик өнүктүрүү министринин орун басары Асел Кененбаева

Кененбаева: "Коопсуз шаар" алкагында жол кырсыктары 20%га азайды

19
(жаңыланган 13:20 11.10.2021)
Санариптик өнүктүрүү министринин орун басары Асел Кененбаева "Коопсуз шаар" долбоорунун алкагында Бишкекте жол кырсыктарынын саны өткөн жылдарга салыштырмалуу 20 пайызга азайганын айтты.

Камералардын орнотулушу менен Чүй облусунда унаа кырсыктары 45 пайызга төмөндөдү. Мындай маалыматты Асел Кененбаева Sputnik Кыргызстан радиосунун эфиринде маек куруп жатып билдирди.

Кененбаева: "Коопсуз шаар" алкагында жол кырсыктары 20%га азайды

Анын айтымында, көчөлөрдө коюлган камералар айдоочулар тарабынан бузулган эрежелерди гана эмес, адамдарды да каттоодон өткөрөт.

"Коопсуз шаар" долбоорунун экинчи этабын ишке ашыруунун алкагында түзүлгөн Мониторинг борбору Бишкек шаарынын Жол кыймылы коопсуздугун камсыздоо башкы башкармалыгы тарабынан көзөмөлдөнүп, анализ, мониторинг жүргүзүү аркылуу жумуш алып барып жатат. Алсак, мурунку жылдарга салыштырмалуу жалпысынан Бишкекте "Коопсуз шаар" долбоорунун алкагында жол кырсыктары 20 пайызга азайса, Чүй облусунда 45 пайызга кыскарды. Биздин камералар менен унааларды гана эмес, адамдарды да аныктоо мүмкүн. Кылмыш иштерин иликтөөдө артыкчылык болот", — деди Кененбаева.

Ошондой эле адис "Коопсуз шаар" долбоорунун экинчи этабы республиканын бардык аймактарын камтый тургандыгын кошумчалады.

19
Белгилер:
Коопсуз шаар, Асел Кененбаева, жол эрежеси, кырсык, мониторинг
Тема боюнча
"Коопсуз шаардын" айып пулдары кайда кетет. Министрлик түшүндүрмө берди
Кыргыз мал чарба жана жайыт изилдөө институтунун директору Максатбек Нурдинов. Архив

Нурдинов: өлкөдө чыгарылган малдын уругун сактаган банк бар

12
Кыргыз мал чарба жана жайыт изилдөө институтунун директору Максатбек Нурдинов асыл тукум малды көбөйтүүдө жергиликтүү породаларга басым жасоо зарылдыгын айтты.

Илимий институттун Биотехнология борбору бар. Ал жерде мал үчүн атайын сперма банк иштейт. Бул тууралуу Максатбек Нурдинов Sputnik Кыргызстан радиосунда маек куруп жатып билдирди.

Нурдинов: өлкөдө чыгарылган малдын уругун сактаган банк бар

Анын айтымында, аталган борбордо 1980-жылдардан берки өлкөдө чыгарылган асыл тукум малдын уругу тоңдурулуп, сактоодо турат.

"Малдын асылдуулугун арттырууда жергиликтүү климатка көнгөн породаларга басым жасоо өтө маанилүү. Анткени биздин тоолуу өлкөгө же климатына көнө албай, сырттан алып келинген мал кырылып калышы мүмкүн. Андыктан асыл тукум экен деп эле сырттан ташып келүүгө кызыга бербеш керек. Тескерисинче, биздеги бар малдын асылдуулугун арттырууга жана аны көбөйтүүгө басым жасоо зарыл. Бул үчүн бизде бардык мүмкүнчүлүктөр бар. Маселен, биздин илимий институтта республикада соңку 40 жылда чыгарылган асыл тукум малдын баарынын спермалары атайын банкта сакталып турат. Азыр аларды алып, пайдалануу заман талабы, — деди Нурдинов.

Илимпоз калк арасында малдын туягынын санына эмес сапатына кызыгуу колго алына баштагандыгын кошумчалады.

Подкасттын толук вариантын видеодон көрүңүз:

12
Белгилер:
Максатбек Нурдинов, асыл тукум, өнүктүрүү, саясат
Тема боюнча
Нурдинов: малдын тукумун жакшыртуу үчүн 15-20 жыл талап кылынат
Энергетика министринин орун басары Тилек Айталиев

Айталиев: чакан ГЭСтер өндүргөн электр энергияны мамлекет сатып алат

27
(жаңыланган 13:37 28.10.2021)
Энергетика министринин орун басары Тилек Айталиев чакан ГЭСтерди куруу, инвесторлорду кызыктыруу үчүн мыйзамдар жөнгө келтириле турганын белгиледи.

Чакан ГЭСтер чыгарган электр энергияны мамлекет милдеттүү түрдө 10 жыл бою сатып алат. Аны 15 жылга чейин узартуу аракеттери көрүлүүдө. Бул тууралуу Тилек Айталиев Sputnik Кыргызстан радиосунда маек куруп жатып билдирди.

Айталиев: чакан ГЭСтер өндүргөн электр энергияны мамлекет сатып алат

Анын айтымында, тийиштүү мыйзам долбоору учурда өлкө башчынын кароосунда.

"Энергетика тармагындагы саясатты жүргүзгөн мекеме катары чакан ГЭСтерди куруу, инвесторлордун кызыгуусун жаратуу үчүн бул багыттагы ченемдик акт, мыйзамдар менен иш жүргүзүлөт. Учурда "энергияны кайра жаратуу булактары жөнүндө" мыйзам иштеп жатат. Анда чакан ГЭСтер иштеп чыккан электр энергияны мамлекет 10 жыл милдеттүү түрдө сатып алат. Ошондой эле колдонуучулар сатып ала турган баадан кыйла жогору нарк коюлган. Учурда сатып алуу убактысын 15 жылга чейин узартуу боюнча мыйзам долбоору Жогорку Кеңештен каралып, президенттин кароосуна жиберилди. Мамлекет башчы кол койсо бул норма күчүнө кирет. Буга ички жана тышкы инвесторлор кызыгуу жаратууда", — деди Айталиев.

Ал инвесторлор тарабынан жер бөлүп берүү боюнча көйгөйлөр көтөрүлүп жатканын кошумчалады.

 

27
Белгилер:
чакан ГЭС, электр энергиясы, инвестор, Тилек Айталиев
Тема боюнча
Өкмөт беш жылда өлкөнүн энергетикалык коопсуздукка жетерин убадалады

Ижарага батир издеп жүрөсүзбү? Октябрдагы баалар

0
Октябрда Бишкектеги "элиткалардын" ижара акысы кымбаттады. Башкаларга салыштырмалуу жеке типтеги үч бөлмөлүү батирлер арзандаган.
Бишкектеги батирлердин октрябрь айына карата ижара акысы  2021

Sputnik Кыргызстан агенттиги ар ай сайын борбор калаадагы батирлердин ижара акысына көз салып, өткөн айдагы баалары менен салыштырып турат.

Бул материалды даярдоо учурунда 641 жарнама каралды. Октябрда деле өткөндөгүдөй эмереги бар жана мейманкана тибиндеги батирлерди изилдеп чыктык.

Бардык типтеги эмереги бар бир бөлмөлүү батирлердин ижара акысы кайрадан жогорулады. Жеке типтеги бир бөлмөлүү батирге мурдагыга караганда 1 100 сом көп төлөөгө туура келет. Үч бөлмөлүү "элиткалар" болсо 2 900 сомго кымбаттады. 105-сериядагы үч бөлмөлүү батирлердин ижарасы орто эсеп менен алганда 2 300 сомго өстү.

Жеке типтеги эки бөлмөлүү үйлөр 1 800дөй сомго арзандады. Ушул эле категориядагы үч бөлмөлүүлөр 2000 сомго төмөндөдү.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жеке тип) орточо ижара баасынын диапазонун көрсөтүп бердик.

Ачык маалымат булактарына таянсак, октябрь айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 15 800 сом (13 000ден 22 000ге чейин);
  • 105-серия — 15 900 (11 000ден 25 000ге чейин);
  • 106-серия — 16 200 (14 000ден 20 000ге чейин);
  • жеке типтегилер — 17 600 (7 000ден 29 700гө чейин);
  • "элитка" — 27 800 (17 000ден 42 400гө чейин);
  • жеке типтегилер — 7 400 (6 000ден 11 000ге чейин).

Эмереги бар эки бөлмөлүү батирлердин орточо баасы:

  • 104-серия — 20 200 сом (15 000ден 26 000ге чейин);
  • 105-серия — 20 100 (13 000ден 29 700гө чейин);
  • 106-серия — 22 200 (15 000ден 29 700гө чейин);
  • жеке типтегилер — 23 600 (15 000ден 35 000ге чейин);
  • "элитка" — 45 100 (25 000ден 84 800гө чейин).

Эмереги бар үч бөлмөлүү батирлердин орточо баасы:

  • 104-серия — 24 700 сом (18 000ден 29 700гө чейин);
  • 105-серия — 29 300 (20 000ден 42 400гө чейин);
  • 106-серия — 28 900 (20 000ден 40 000ге чейин);
  • жеке типтегилер — 28 200 (20 000ден 42 400гө чейин);
  • "элитка" — 68 400 (33 900дөн 127 200гө чейин).

0
Белгилер:
Бишкек, батир, ижара, эмерек
Тема боюнча
Бишкектеги батирлердин сентябрдагы ижара акысы