Экономика жана финансы министрлигине караштуу Туризм департаментинин директору Самат Шатманов

Шатманов: туризм тармагына инвестиция тартуу аракети күч

22
Экономика жана финансы министрлигине караштуу Туризм департаментинин директору Самат Шатманов туризм тармагында инвестициялык климатты жакшыртуу үчүн чоң аракеттер жасалып жаткандыгын айтты.

Араб өлкөлөрүнөн, Индиядан инвесторлор туризм тармагында ишмердүүлүк жүргүзүүгө кызыкдар. Мындай маалыматты Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: туризм тармагына инвестиция тартуу аракети күч

Анын айтымында, Кыргызстандын кооз жерлери көп болгондуктан туризмдин потенциалы абдан жогору.

"Кыргызстандын туризм тармагына инвестиция тартуу боюнча ар кайсы өлкөлөр менен иштер жүрүүдө. Мындан бир жарым ай мурун араб өлкөлөрүнөн инвесторлор келип, президент Садыр Жапаровдун кабыл алуусунда болушкан. Аларга биздин агенттик беш мамлекеттик-жеке өнөктөштүк долбоорун сунуштап, иш алып баруу боюнча сүйлөшүүлөр жүрдү. Мындан тышкары, Индиядан да келген инвесторлор туризм тармагында ишмердүүлүк жүргүзүүгө кызыкдар. Бизде туризмдин бардык тармактарын өнүктүрүүгө шарт бар. Мындан улам инвестициялык климатты жакшыртуу үчүн бир топ аракеттер жасалып жатат", — деди Шатманов.

Ошондой эле адис чет өлкөлүк жарандар көбүнесе Кыргызстандын рекреациялык туризмине (ден соолукту чыңдоо, ден соолукту калыбына келтирүү — ред.) кызыгып жаткандыгын кошумчалады.

22
Белгилер:
Самат Шатманов, Туризм департаменти, инвестициялар, ишкерлик
Тема боюнча
Кенжематова: ички туризмди өнүктүрүү үчүн кызуу аракеттер көрүлүүдө
Жогорку технологиялар паркынын (ЖТП) аткаруучу директору Чубак Темиров

Темиров: былтыр Жогорку технологиялар паркы 1,2 млрд. сом киреше тапты

24
(жаңыланган 12:51 15.10.2021)
Жогорку технологиялар паркынын (ЖТП) аткаруучу директору Чубак Темиров аталган мекеме 2021-жылдын аягына чейин 2 миллиард сом киреше табууну пландап жаткандыгын айтты.

Былтыркы жылдын жыйынтыгы менен Жогорку технологиялар паркынын курамындагы компаниялар 1,2 миллиард сом киреше алып келди. Мындай маалыматты Чубак Темиров Sputnik Кыргызстан радиосунун эфиринде маек куруп жатып билдирди.

Темиров: былтыр Жогорку технологиялар паркы 1,2 млрд. сом киреше тапты

Анын айтымында, ЖТПнын курамын 122 компания түзүп, анда 1 000ден ашык адис иштейт.

"Жогорку технологиялар паркынын түзүлгөнүнө быйыл 10 жыл болду. Бул аралыкта программалык камсыздоону, маалыматтык жаңы жана жогорку технологияларды иштеп чыгаруунун жергиликтүү индустриясын өнүктүрүүдө чоң эмгек жасады. Учурда ЖТПнын курамында 122 компания иштеп, 1 000ден ашык адис эмгектенет. 2020-жылдын жыйынтыгы менен Жогорку технологиялар паркынын курамындагы компаниялар 1,2 миллиард сом киреше табышты. Биз эми 2021-жылдын аягына чейин 2 миллиард сом табуу планын койдук. Демек, киреше эки эсе өсөт", — деди Темиров.

Ошондой эле адис пандемияга карабастан Жогорку технологиялар паркынын кирешеси 20 пайызга чейин өскөнүн кошумчалады.

Чубак Темиров Жогорку технологиялар паркы

24
Тема боюнча
Сулайманов: кыргызстандыктар чет өлкөдө IT тармагында окууну самашат
Санитардык-эпидемиологиялык көзөмөл департаментинин Жугуштуу, паразиттик оорулардын алдын алуу жана эпидемиологиялык көзөмөлдөө башкармалыгынын башкы дарыгери Султан Суранбаев

Суранбаев: таза суу жетпегендиктен 865 187 адам арыктагы сууну колдонот

19
Санитардык-эпидемиологиялык көзөмөл департаментинин Жугуштуу, паразиттик оорулардын алдын алуу жана эпидемиологиялык көзөмөлдөө башкармалыгынын башкы дарыгери Султан Суранбаев колун жуубагандан улам көбүнчө кичинекей балдар ооруп каларын айтты.

Кир кол аркылуу жугуучу илдеттерге мите оорулары, өткүр ичеги-карын илдеттери жана гепатиттин энтералдык А түрү кирет. Бул тууралуу Султан Суранбаев Sputnik Кыргызстан радиосунун эфиринде маек куруп жатып билдирди.

Суранбаев: таза суу жетпегендиктен 865 187 адам арыктагы сууну колдонот

Анын айтымында, таза суунун жетишсиздигинен улам 865 187 киши арыктагы сууну колдонот.

"Сарык оорусунун А түрү менен жыл сайын өлкөдө 10 миңге жакын бейтап катталса, анын 95 пайызын балдар түзөт. Мите оорулары менен 25 миң, ал эми өткүр ичеги-карын дарты менен 16-18 миңдей адам кайрылат. Бул илдетке кабылгандардын 80-90 пайызы жаш балдар. Себеби балдар колду таза алып жүрүү эрежелерин туура аткарышпайт. Ошондой эле учурда Кыргызстанда калк жашай турган 480 аймактагы 865 187 киши таза суунун жетишсиздигинен улам арыктагы сууну колдонот. Кир суу да жогорудагы ооруларды пайда кылат. Андан тышкары, бизде колдонулган сууну бир жерге чогултуп залалсыздандыруу зарылчыгы бар. Себеби аны көрүнгөн жерге төгүп андагы ар кандай микроорганизм, бактериялар, башкача айтканда, оору козгогучтар жер үстүндө калат. Жер иштетип жашылчаларды өстүргөндөн кийин кайра эле тамак-аш аркылуу бактерияларды жеп алабыз", — деди Суранбаев.

Эпидемиолог колду ашыкча самындап жууган дагы кератоз оорусун алып келерин эскертти.

19
Белгилер:
Султан Суранбаев, паразит, бактерия, оору, гепатит
Тема боюнча
Дарыгер Үмүт Саипова: гепатиттин жаңы F жана G түрү аныкталууда
Ашык салмак менен киши. Архив

ДССУ коронавирустан улам адамдардын толуп жатканына тынчсызданууда

0
Эксперт адамдар мурдагыдай шам-шум этпей эле тамакты тое жеп алып жатканын айткан. Карантин маалында үйдө болгондордун тамактануу убактысы да, нормасы да бузулган.

БИШКЕК, 16-окт. — Sputnik. Дүйнөлүк саламаттык сактоо уюму коронавирус инфекциясынын фонунда салмак кошкон адамдар көбөйгөнүн айтып, тынчсыздануусун билдирди. Бул тууралуу эл аралык уюмдун өкүлү Кремлин Викрамасингхе маалымат жыйында айтканын РИА Новости жазды.

ДССУнун инфекциялык ооруларды алдын алуу боюнча Европадагы кеңсесинин башчысы Викрамасингхенин билдиришинче, туура эмес тамактануу толуп кетүүгө гана эмес, коронавирустун өрчүп кетишине да алып келет.

"Азыр бизди тамактануу маселеси тынчсыздандырып жатат. Карантин маалында эл үйдө болду, үйдөн иштеди, анан тамактануунун нормасы менен убактысы бузулду. Мурдагыдай базарга барып жаңы жашылча-жемиш, азык-түлүк ала албай калды", — деген ДССУнун өкүлү.

Ал аралыктан окуган балдар менен өспүрүмдөр да туура эмес тамактанып жатканын белгилеген. Эксперт адамдар кээде мурдагыдай шам-шум этпей эле тое жеп алып жатканын айткан.

0
Белгилер:
Дүйнөлүк саламаттыкты сактоо уюму, коронавирус, тамактануу, салмак
Тема:
Дүйнөгө жайылган коронавирус
Тема боюнча
Дүйнөдө, анын ичинде Борбор Азияда, депрессияга кабылгандар көбөйдү. Изилдөө
Холестеринди жок кыла турган азыктар аталды