Улуттук онкология жана гематология борборунун онколог, маммологу, жогорку категориядагы дарыгер Ибрагим Алиев

Алиев: сүт бези функциясын аткарбагандан улам рак келип чыгат

54
(жаңыланган 10:24 13.10.2021)
Улуттук онкология жана гематология борборунун онколог, маммологу, жогорку категориядагы дарыгер Ибрагим Алиев Кыргызстанда 100 миң аялдын 20сы сүт безинин рагынан жабыркай турганын айтты.

Статистика боюнча өнүккөн өлкөлөрдө эмчек рагы менен жабыркагандар абдан көп. Алсак, аларда 100 миң аялдын 120сы жабыркаса, ал эми Кыргызстанда 100 миң аялдын 20сы сүт безинин рагына чалдыгат. Бул кооптуу көрсөткүч. Жашоо турмуш өзгөргөн сайын биз дагы ошого баратабыз. Бул тууралуу Ибрагим Алиев Sputnik Кыргызстан радиосунун эфиринде маек куруп жатып билдирди.

Алиев: сүт бези функциясын аткарбагандан улам рак келип чыгат

Анын айтымында, эмчек рагы 35-55 жаштагылар арасында көбүрөөк кездешет.

"Онкологиялык оорулардын так эмнеден улам пайда болгонун айтуу кыйын. Ошол сыяктуу эле эмчек рагына алып келген кыйыр себептер — бул генетикалык фактор, улгайган курак, ашыкча салмак, тамеки, спирт ичимдиги, сүт безинин жаракаты. Андан тышкары, эстроген гормонунун көптүгү, тубаса сүт безинин катуулугу да ракты чакырышы мүмкүн. Эгерде таенеси, энесинде эмчек рагы болсо, анда кыздары сөзсүз дарыгерге текшерилип, анализ тапшырышы керек. Чет мамлекетте гендин айрым өзгөрүүлөрү болгон учурда сүт бездери профилактикалык түрдө алып салынат. Бирок мастэктомияда эмчекти толук алып салбастан ичиндеги безди алып имплант салып коюшат. Эмчек рагынын башка онкологиялык ооруларга караганда көбүрөөк кездешкенинин себебин учурда аялдардын жашоо образы өзгөргөнүнө байланыштырам. Бул кеч турмушка чыгуу же чыкса да 1-2 балалуу болуп, эмизбейт, мындайча айтканда, сүт бези өзүнүн кызматын аткарган жок. Бул маселе батыш өлкөлөрүндө көп. Төштү сулуулук же башка үчүн эмес бала эмизсин деп жараткан. Жалпак тил менен айтканда, сүт бези кызматын аткарбагандан улам ооруп баштайт", — деди Алиев.

Маммолог Кыргызстанда эки жылда бир эркек гинекомастиядан (бездердин жана май ткандарынын гипертрофиясынан эмчектин чоңоюшу) улам эмчек рагына кабыларын кошумчалады.

54
Белгилер:
эмчек рагы, маммолог, шишик, ден соолук, Ибрагим Алиев
Тема боюнча
Эмчек рагы эмнеден өрчүп кетет? Маммолог үч факторду атады
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: каржы пирамидасына алдангандар Ысык-Көлдө көп

53
Ички иштер министрлигинин тергөө кызматынын улук тергөөчүсү Азамат Дүйшөналиев Ысык-Көл облусунда каржы пирамидасы боюнча алдангандар көп катталып жаткандыгын айтты.

Ысык-Көлдө алтыдан көп каржы пирамидасы иш алып барып, жарандарды 23 миллион 228 миң сомго алдап кетишкен. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: каржы пирамидасына алдангандар Ысык-Көлдө көп

Анын айтымында, Ысык-Көлдө 2 281 жаран финансылык пирамидадан жабыркаган.

"Учурда өлкө аймагында каржы пирамидасынын курмандыгы болгон адамдардын саны көп. Мындай фактылар республиканын бардык аймагында бар. Өзгөчө каржы пирамидасы боюнча алдангандар Ысык-Көлдө көп болууда. Ал жерде алтыдан ашык финансылык пирамида иштеп, элди жалпы 23 миллион 228 миң сомго алдап, 2 281 адам алардын курмандыгы болгон. Экинчи орунда Талас облусу жайгашып, 512 жаран шылуундарга акчасын алдырып жиберген. Мындан тышкары, Бишкекте жаңы тогуз финансы пирамидасы аныкталып, "Финико" жана "Элиза үй буюмдары" шаар тургундарын алдап, каражатын алышкан. Өлкөдө үстүбүздөгү жылда 14 иш соттук кароого жиберилди. Анын ичинен Ысык-Көлдөн 11, Талас облусунун аймагынан эки жана Ош шаарынан бир иш соттук чечимге жеткен", — деди Дүйшөналиев.

Ошондой эле адис Кыргызстанда акыркы тогуз айда каржы пирамидасынан жалпы 132 миллион 614 миң сомдук заян келтирилип, 2 947 киши чыгым тартканын кошумчалады.

53
Белгилер:
Азамат Дүйшөналиев, ИИМ, киберкылмыштуулук, каржы пирамидасы, мыйзам
Тема боюнча
Кадралиев: айылда каржы пирамидасы тууралуу маалыматы жок адамдар көп
Товарларды санарип маркалоо жана фискалдаштыруу ассоциациясынын төрагасы, экономика илимдеринин доктору, профессор Төлөнбек Абдыров

Абдыров: товарды маркалоого даяр болбосок ЕАЭБ рыногуна чыга албай калабыз

16
Товарларды санарип маркалоо жана фискалдаштыруу ассоциациясынын төрагасы, экономика илимдеринин доктору, профессор Төлөнбек Абдыров ишкерлерди көмүскөдөн чыгаруу үчүн шарт түзүп берүү зарылдыгын белгиледи.

Маркалоону өз убагында жүргүзбөсөк ЕАЭБ рыногуна товарларды сата албай калабыз. Мындай пикирин Төлөнбек Абдыров Sputnik Кыргызстан радиосунда маек куруп жатып билдирди.

Абдыров: товарды маркалоого даяр болбосок ЕАЭБ рыногуна чыга албай калабыз

Анын айтымында, учурда маркалоо иштери ЕАЭБ өлкөлөрүндө кызуу жүрүп жатат.

"Мамлекеттен жардам албай ишмердүүлүгүн жүргүзүп жүргөндөр көп. Тескерисинче, мамлекеттик органдар "баса калып" текшерет. Мындан улам алар көмүскөгө кетип калышууда. Бирок ошолордун баарын начар, акылы жок адамдар деп ойлобош керек. Анткени бардык ишкер легалдуу, ачык иш алып баргысы келет. Ошол эле учурда ачыкка чыгууга тийиштүү шарт түзүлгөн эмес. Андыктан көмүскө экономиканы ачыктоо үчүн мүмкүнчүлүк түзүлүп, атайын программа же кадамдар ишке ашуусу зарыл. Эң башкысы, товарларды маркалоону жолго салуу шарт. Себеби ЕАЭБдин алкагында бул иштер кызуу жүрүп жатат. Эгерде алдын ала даярдык көрбөсөк, кийин кеч болуп калат. Учурда Россияда, Беларуста, Арменияда, Казакстанда товарларды маркалоо иштери өз нугунда жүрүүдө. Бизде бул боюнча иш негизинен ыктыярдуу болуп жатат. Эртеңки күнү милдеттүү маркалоо талап кылынса, ишкерлер аны жасап жетишпейт. Натыйжада ЕАЭБ рыногуна товарларды сата албай калат", — деди Абдыров.

Ошондой эле ал маркалоо экономиканы көмүскөдөн чыгаруу үчүн жакшы мүмкүндүк түзөрүн кошумчалады.

Подкастты толугу менен видеодон көрө аласыз:

16
Белгилер:
Төлөнбек Абдыров, Евразиялык экономикалык биримдик, маркалоо, экономика
Тема:
ЕАЭБдеги Кыргызстан
Тема боюнча
Кемелова: "Чек арасыз жумуш" тиркемеси ЕАЭБ алкагында иш издөөнү жеңилдетет
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу