Айыл чарбасын механизациялоо, инновациялык технологиялар жана кооперациялоо департаментинин директорунун орун басары Алишер Мамытов

Мамытов: көргөзмөгө төө куштар алып келинет

43
Айыл чарбасын механизациялоо, инновациялык технологиялар жана кооперациялоо департаментинин директорунун орун басары Алишер Мамытов 23-24-25-октябрь күндөрү борбор калаада айыл чарба техникасынын көргөзмөсү жана азык-түлүк жарманкеси өтөрүн айтты.

Үч күн бою Бишкек шаарында "AгроТехЭкспо-2021" айыл чарба техникасынын көргөзмөсү жана "Алтын күз" азык-түлүк жарманкеси өткөрүлөт. Көргөзмөгө быйыл асыл тукум мал да чыгарылат. Бул тууралуу Алишер Мамытов Sputnik Кыргызстан радиосунда маек куруп жатып билдирди.

Мамытов: көргөзмөгө төө куштар алып келинет

Анын айтымында, аталган иш-чара Турдакун Усубалиев атындагы аятта өтөт.

"Жылдагыдан айырмаланып быйылкы айыл чарба техникасынын көргөзмөсүнө асыл тукум мал жандыктары да чыгат. Алар ири мүйүздүү эт, сүт багытындагы малдар, асыл тукум койлор, тооктор, төө куш жана балыктарды да алып чыгуу күтүлүүдө. Ал үчүн ар бирине өзүнчө орун даярдалып, белгиленген жерлер тосулуп, саман төшөлүп, шаардын тазалыгын сактоо аракеттери жүрүп жатат. Каалоочулар келип, көрүп эле эмес өндүрүүчүлөр менен пикир алышып, кызматташуу боюнча сүйлөшүп да кете алышат. Ал эми техникадан айыл чарба тармагындагы трактор, комбайн жана башка чакан жабдуулар да сунушталат, — деди Мамытов.

Ал ошондой эле иш-чарага өлкө башчысынын катышуусу да күтүлүп жаткандыгын кошумчалады.

Подкасттын толук вариантын видеодон көрүңүз:

43
Тема боюнча
Бишкекте үч күн бою айыл чарба көргөзмө-жарманкеси өтөт
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: каржы пирамидасына алдангандар Ысык-Көлдө көп

53
Ички иштер министрлигинин тергөө кызматынын улук тергөөчүсү Азамат Дүйшөналиев Ысык-Көл облусунда каржы пирамидасы боюнча алдангандар көп катталып жаткандыгын айтты.

Ысык-Көлдө алтыдан көп каржы пирамидасы иш алып барып, жарандарды 23 миллион 228 миң сомго алдап кетишкен. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: каржы пирамидасына алдангандар Ысык-Көлдө көп

Анын айтымында, Ысык-Көлдө 2 281 жаран финансылык пирамидадан жабыркаган.

"Учурда өлкө аймагында каржы пирамидасынын курмандыгы болгон адамдардын саны көп. Мындай фактылар республиканын бардык аймагында бар. Өзгөчө каржы пирамидасы боюнча алдангандар Ысык-Көлдө көп болууда. Ал жерде алтыдан ашык финансылык пирамида иштеп, элди жалпы 23 миллион 228 миң сомго алдап, 2 281 адам алардын курмандыгы болгон. Экинчи орунда Талас облусу жайгашып, 512 жаран шылуундарга акчасын алдырып жиберген. Мындан тышкары, Бишкекте жаңы тогуз финансы пирамидасы аныкталып, "Финико" жана "Элиза үй буюмдары" шаар тургундарын алдап, каражатын алышкан. Өлкөдө үстүбүздөгү жылда 14 иш соттук кароого жиберилди. Анын ичинен Ысык-Көлдөн 11, Талас облусунун аймагынан эки жана Ош шаарынан бир иш соттук чечимге жеткен", — деди Дүйшөналиев.

Ошондой эле адис Кыргызстанда акыркы тогуз айда каржы пирамидасынан жалпы 132 миллион 614 миң сомдук заян келтирилип, 2 947 киши чыгым тартканын кошумчалады.

53
Белгилер:
Азамат Дүйшөналиев, ИИМ, киберкылмыштуулук, каржы пирамидасы, мыйзам
Тема боюнча
Кадралиев: айылда каржы пирамидасы тууралуу маалыматы жок адамдар көп
Товарларды санарип маркалоо жана фискалдаштыруу ассоциациясынын төрагасы, экономика илимдеринин доктору, профессор Төлөнбек Абдыров

Абдыров: товарды маркалоого даяр болбосок ЕАЭБ рыногуна чыга албай калабыз

16
Товарларды санарип маркалоо жана фискалдаштыруу ассоциациясынын төрагасы, экономика илимдеринин доктору, профессор Төлөнбек Абдыров ишкерлерди көмүскөдөн чыгаруу үчүн шарт түзүп берүү зарылдыгын белгиледи.

Маркалоону өз убагында жүргүзбөсөк ЕАЭБ рыногуна товарларды сата албай калабыз. Мындай пикирин Төлөнбек Абдыров Sputnik Кыргызстан радиосунда маек куруп жатып билдирди.

Абдыров: товарды маркалоого даяр болбосок ЕАЭБ рыногуна чыга албай калабыз

Анын айтымында, учурда маркалоо иштери ЕАЭБ өлкөлөрүндө кызуу жүрүп жатат.

"Мамлекеттен жардам албай ишмердүүлүгүн жүргүзүп жүргөндөр көп. Тескерисинче, мамлекеттик органдар "баса калып" текшерет. Мындан улам алар көмүскөгө кетип калышууда. Бирок ошолордун баарын начар, акылы жок адамдар деп ойлобош керек. Анткени бардык ишкер легалдуу, ачык иш алып баргысы келет. Ошол эле учурда ачыкка чыгууга тийиштүү шарт түзүлгөн эмес. Андыктан көмүскө экономиканы ачыктоо үчүн мүмкүнчүлүк түзүлүп, атайын программа же кадамдар ишке ашуусу зарыл. Эң башкысы, товарларды маркалоону жолго салуу шарт. Себеби ЕАЭБдин алкагында бул иштер кызуу жүрүп жатат. Эгерде алдын ала даярдык көрбөсөк, кийин кеч болуп калат. Учурда Россияда, Беларуста, Арменияда, Казакстанда товарларды маркалоо иштери өз нугунда жүрүүдө. Бизде бул боюнча иш негизинен ыктыярдуу болуп жатат. Эртеңки күнү милдеттүү маркалоо талап кылынса, ишкерлер аны жасап жетишпейт. Натыйжада ЕАЭБ рыногуна товарларды сата албай калат", — деди Абдыров.

Ошондой эле ал маркалоо экономиканы көмүскөдөн чыгаруу үчүн жакшы мүмкүндүк түзөрүн кошумчалады.

Подкастты толугу менен видеодон көрө аласыз:

16
Белгилер:
Төлөнбек Абдыров, Евразиялык экономикалык биримдик, маркалоо, экономика
Тема:
ЕАЭБдеги Кыргызстан
Тема боюнча
Кемелова: "Чек арасыз жумуш" тиркемеси ЕАЭБ алкагында иш издөөнү жеңилдетет
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу