Радиостудия Sputnik Кыргызстан в Бишкеке - Sputnik Кыргызстан, 1920
Радио

Абдувалиев: азиздерди жардамга муктаж адам катары кабылдабаш керек

© Sputnik / Табылды Кадырбеков"Кыргыз азиздер федерациясы" коомдук фондунун инструктору Жалалидин Абдувалиев
Кыргыз азиздер федерациясы коомдук фондунун инструктору Жалалидин Абдувалиев - Sputnik Кыргызстан, 1920, 15.10.2021
Жазылуу
"Кыргыз азиздер федерациясы" коомдук фондунун инструктору Жалалидин Абдувалиев көзү көрбөгөн адамдар башка бирөөнүн жардамысыз эле коомго аралашып, эркин басса болорун көрсөтүү максатында "Ак таяк" деп аталган жөө жүрүшкө чыгышарын айтты.
Азиздерди өзгөчө жардамга муктаж адам катары кабылдабай, аларга деле башкаларга кылгандай мамиле жасаш керек. Мындай пикирин Жалалидин Абдувалиев Sputnik Кыргызстан радиосунда маек куруп жатып билдирди.
Абдувалиев: азиздерди жардамга муктаж адам катары кабылдабаш керек
Анын айтымында, коомдо көптөр майыптарга аяр мамиле кылууга аракет кылышат.
"15-октябрда борбор калаада "Ак таяк" аталышындагы жөө жүрүш өтөт. Максаты — азиздер тууралуу коомго маалымат берүү. Анткени ак таяк менен баскандарга ар кандай мамиле жасалат. Айрымдарда "эмнеге таяк кармап алган" деген таризде суроо жаралышы ыктымал. Ошондуктан азиз адам ак таяк көтөрөрүн коомго жеткирүү зарыл. Бардык каалоочулар катышып өзүнө керектүү маалыматты алса болот. Негизинен биздин эл азиздерге кайдыгер эмес. Жардам берүүгө умтулуп турушат. Бул жакшы, бирок ошол эле учурда ал кишиге сиздин көмөк керекпи же жокпу, аныктап алган дурус. Айрымдар билбегендиктен дароо кармап жиберишет. Азиз адам ойлонуп бара жатканда кармап жиберсе, чочуп кетиши ыктымал. Айтор, ар кандай жагымсыз жагдай жаралышы мүмкүн. Ошондуктан акырын колду тийгизип учурашып, көмөк керекпи же жокпу деп сураш керек. Жообуна жараша өз аракетин көрөт. Адатта шаарда таяк кармап жүргөн азиз адам шаарды, жолду билет. Ошон үчүн кыдырып жүргөнүн эске алуу зарыл. Ал эми адашып кеткен болсо, биз деле жардам сурайбыз. Адатта кичинекей балдар "эмнеге таяк кармап алган" деп сураса ата-энеси жообун бере албай калган учурлар бар. Көзү көрбөгөн үчүн таяк кармайт деп тартынбай эле түшүндүрсө болот. Эң негизгиси, азизди өзгөчө жардамга муктаж адам катары көрбөш керек", — деди Абдувалиев.
Ошондой эле ал 13-ноябрда да азиздер тууралуу кеңири маалымат берген масштабдуу иш-чаралар өтөрүн кошумчалады.
Белгилей кетсек, 15-октябрь — ак таякчандардын эл аралык күнү катары белгиленип келет. Көзү көрбөгөндөр бара жатканын билдирүү үчүн ак таяк колдонушат.
Жаңылыктар түрмөгү
0