Радиостудия Sputnik Кыргызстан в Бишкеке - Sputnik Кыргызстан, 1920
Радио

Батыргалиев: жыныстык тарбия алган балдар катнашка кечирээк, акылы менен барат

© Sputnik / Асель Сыдыкова"Репродуктивдүү ден соолук альянсы" бейөкмөт уюмунун мүчөсү, ySAFE эл аралык жаштар тармагынын төрагасы Улукбек Батыргалиев. Архив
Репродуктивдүү ден соолук альянсы бейөкмөт уюмунун мүчөсү, ySAFE эл аралык жаштар тармагынын төрагасы Улукбек Батыргалиев. Архив - Sputnik Кыргызстан, 1920, 19.10.2021
Жазылуу
"Репродуктивдүү ден соолук альянсы" бейөкмөт уюмунун мүчөсү, ySAFE эл аралык жаштар тармагынын төрагасы Улукбек Батыргалиев имтимдик гигиена үчүн балдарга арналган самынды сунуштады.
Кыргызстандыктар кайсы оору болбосун, доктурга качан төшөктөн тура албай калганда гана барышат. Анын кесепетинен тукумсуздук, жатын моюнчасынын рагы, төрөт учурундагы өлүм жана башка түрдүү оорулардын кабылдап кеткен учурлары арбын. Азыр биздин өлкө КМШ, Орто Азиянын ичинен өспүрүм арасындагы кош бойлуулуктун санынын көптүгү боюнча алдыңкы орунда турат. Бул тууралуу Улукбек Батыргалиев Sputnik Кыргызстан радиосунун эфиринде маек куруп жатып билдирди.
Батыргалиев: жыныстык тарбия алган балдар катнашка кечирээк, акылы менен барат
Анын айтымында, учурда эркек, кыз дебей өз ден соолугуна кайдыгер мамиле жасайт.
"Балалуу болууга аял, эркек бирдей даярдык көргөнү туура. Бул үчүн бир жыл мурун витаминдерди ичип, дарыгерге барып көрүнүп, профилактикалык иш-чараларды аткарыш керек. Бала төрөлгөндө анын жыныстык органынын гигиенасына жакшы көңүл бөлүнүшү зарыл. Туура жууп, чайкап, кир самын менен жуубастан балдарга арналган самындарды колдонуу керек. Негизи кир самын коопсуз деп чоң-кичинеси колдонот эмеспи. Бул туура эмес. Кир самын аялдардын жыныс органдарынын микрофлорасын бузат. Андыктан балдарга арналган самынды сунуштайм. Ал эми кыз баланы жуунтуп жаткан суу кайнатылган, таза болсо микроб, бактериялардан сактаган болосуз. Мектептеги учурду ала турган болсок, биз ошол мекемеде түзүлгөн шарт тууралуу кеп кылышыбыз керек. Кол жууганга, таза дааратканага барганга мүмкүнчүлүк болушу абзел. Кышкысын класстардын жылуулугу да маанилүү. Суук бөлмө, муздак отургуч балдардын репродуктивдүү ден соолугуна таасир этет. Ошону менен бирге учурда кыздардын айызы 9-10 жашында башталат. Аларга бул табигый көрүнүш экенин, ошол учурдагы гигиена жөнүндө айтылышы керек. Андан тышкары, балага сексуалдык тарбия берет десе эле көптөр кантип жыныстык катнашка баруу, жыныстык катнаш деген эмне экенин айтуу деп түшүнөт. Жок, бул — баланын жашына жараша тастыкталган жеке чек ара, гигиена, тамактануу (начар тамактанып салмагы жетпеген өспүрүмдүн айызы кеч башталат), өзүнө кам көрүү тууралуу маалыматтар. Эл аралык изилдөөлөр аныктагандай, жыныстык тарбия алган балдар жыныстык катнашка кечирээк, акылы менен барат. Себеби анда аң-сезим пайда болот. Бала физиологиялык жана психологиялык жактан даяр болгондо гана коопсуздук чараларын көрүү менен жыныстык катнашка баруу тууралуу түшүнүк алат", — деди Батыргалиев.
Адис балдар гинекологу өспүрүмдөрдү коркутпай жылуу мамиле жасашы абдан маанилүү экендигин, ошондо гана профилактикалык иш-чаралар көбөйөрүн кошумчалады.
Подкасттын толук вариантын төмөнкү видеодон көрүңүз:
Жаңылыктар түрмөгү
0