Экономика жана финансы министрлигине караштуу Туризм департаментинин директору Самат Шатманов

Шатманов: Кыргызстанда рекреациялык туризмдин потенциалы чоң

58
Экономика жана финансы министрлигине караштуу Туризм департаментинин директору Самат Шатманов Кыргызстандын рекреациялык туризмди өнүктүрүү потенциалы чоң экенин айтты.

Ден соолукту чыңдоо максатында келген туристтердин саны жыл санап өсүүдө. Бул тууралуу Самат Шатманов Sputnik Кыргызстан радиосунун эфиринде маек куруп жатып билдирди.

Шатманов: Кыргызстанда рекреациялык туризмдин потенциалы чоң

Анын айтымында, Кыргызстандын таза абасы, суусу жана кооз жаратылышы ден соолукту чыңдоого ыңгайлуу болгондуктан пандемиядан кийин чет өлкөлүктөр көп келе баштады.

"Кыргызстандын жаратылышы, кооз жерлери ден соолукту чыңдоого абдан ыңгайлуу шарттарды түзгөндүктөн чет өлкөлүктөрдүн кызыгуусу арта баштады. Өзгөчө коронавирус болуп ооругандар реабилитациядан өтүү максатында келүүдө. Ага байланыштуу биз рекреациялык туризмге көңүл буруп, өнүктүрүү жолдору каралып жатат. Учурда өлкөнүн курорттук-рекреациялык жайлары эс алуучуларды, бейтаптарды кабыл алып, жакшы шарттар менен иштеп жатышат. Биздин санаторийлер да көп туристтер үчүн чоң кызыгууну жаратууда", — деди Шатманов.

Ошондой эле адис кышкы туризм аркылуу дүйнөдөгү алдыңкы өлкөлөрдүн катарына кошулууга мүмкүнчүлүк бар экенин кошумчалады.

58
Белгилер:
Самат Шатманов, туризм, тоо, лыжа, ден соолук, реабилитациялоо
Тема боюнча
Коронавирустан кийин реабилитация кандай болушу керек. Сунуштар жана кеңештер
Улуттук тарых музейинин илим агартуу бөлүмүнүн башчысы Өмүрбек Самудинов

Самудинов: Тарых музейине аудиогид кызматын киргизүү пландалууда

16
Улуттук тарых музейинин илим агартуу бөлүмүнүн башчысы Өмүрбек Самудинов музейдин расмий сайты аркылуу уникалдуу экспонаттарды онлайн көрүү мүмкүнчүлүгү түзүлөрүн айтты.

Улуттук тарых музейине келген коноктор жакында аудиогид кызматы аркылуу да маалымат ала алышат. Мындай маалыматты Өмүрбек Самудинов Sputnik Кыргызстан радиосунун эфиринде маек куруп жатып билдирди.

Самудинов: Тарых музейине аудиогид кызматын киргизүү пландалууда

Анын айтымында, музейде Кыргызстандын тарыхындагы белгилүү саясий окуяларга арналган көргөзмөлөр да байма-бай өтүп турат.

"Улуттук тарых музейинде жакында аудиогид кызматы кирет. Аны кенен маалымат алуу үчүн абдан ыңгайлуу болот. Музейдин вебсайтында жана социалдык тармактардагы баракчаларында уникалдуу экспонаттарга, саясий окуяларга арналган көргөзмөлөр да болуп турат. Белгилүү даталарда кайсы бир темаларды бир айдан алты айга чейин чагылдырабыз. Алсак, Үркүнгө арналган тематикалык көргөзмөдө жалпы көрүүчүлөргө тереңдетилген маалымат берилет. Маданият министрлиги да бизге көмөктөшүп турмакчы. Музейдеги экспонаттар тууралуу толук маалымат жеткирүү максатында диаграмма, макеттер жана инсталляциялар коюлат. Муну башка мамлекеттердеги музейлер да кеңири колдонуп келет", — деди Самудинов.

Ошондой эле адис музейде биринчи жолу Кыргызстандын жана кыргыздардын тарыхы байыркы таш доорунан бүгүнкү эгемендүүлүккө чейин толук чагылдырылганын кошумчалады.

16
Белгилер:
Мамлекеттик тарых музейи, экспонат
Тема боюнча
1,5 млрд. сомго реконструкция болгон Тарых музейи кандай өзгөргөн? Видео
Эмгек, социалдык камсыздоо жана миграция министрлигинин ден соолугунан мүмкүнчүлүгү чектелген жана улгайган жарандарга социалдык кызматтарды өнүктүрүү бөлүмүнүн башчысы Назгүл Чолумова

Чолумова: Кыргызстан БУУга майыптардын абалы боюнча доклад даярдоодо

46
Эмгек, социалдык камсыздоо жана миграция министрлигинин ден соолугунан мүмкүнчүлүгү чектелген жана улгайган жарандарга социалдык кызматтарды өнүктүрүү бөлүмүнүн башчысы Назгүл Чолумова 2019-жылы БУУнун майыптар боюнча конвенциясы ратификацияланганын белгиледи.

Өлкөдөгү инфраструктура майыптарга туура келбейт. Бул тууралуу Назгүл Чолумова Sputnik Кыргызстан радиосунда маек куруп жатып билдирди.

Чолумова: Кыргызстан БУУга майыптардын абалы боюнча доклад даярдоодо

Анын айтымында, айлана-чөйрөгө майыптар эмес, айлана-чөйрө аларга туура келгендей шарттар түзүлүшү зарыл.

"БУУнун майыптар боюнча конвенциясын Кыргызстан 2019-жылы ратификациялаган. Ага ылайык өлкө ден соолугунан мүмкүнчүлүгү чектелген жарандар үчүн шарт түзүп, бардык дискриминацияны жоюуга милдет алган. Дискриминация дегенде учурда өлкөдө бардык жарандардын укуктары бирдей, бирок майыптар үчүн инфраструктура туура келбейт. Алар өз алдынча бара турган жерине жете албайт. Арасынан билим алууну каалагандар тийиштүү шарттын жоктугунан аралыктан же тыштан окууга мажбур. Албетте, аракеттер көрүлүп, айрым көйгөйлөр чечилүүдө. Бирок бул жетиштүү эмес. Ошол эле коомдук транспортторду, жол, имараттарды курууда ден соолугунан мүмкүнчүлүгү чектелген жарандар үчүн ыңгайлуу кылуу керек. Тартипке ылайык, конвенция ратификациялангандан эки жылдан кийин БУУга отчёт берилет. Учурда министрлик ошого даярдыктарды көрүп жатат. Ал отчётко ылайык, БУУнун тийиштүү комитети өзүнүн сунуштарын айтат", — деди Чолумова.

Ал БУУга бейөкмөт уюмдар дагы көз карандысыз доклад жиберерин кошумчалады.

Белгилей кетсек, БУУнун 1992-жылдагы резолюциясына ылайык, жыл сайын 3-декабрда Майыптардын эл аралык күнү белгиленип келет.

46
Белгилер:
майыптар, БУУ, инфраструктура, Назгүл Чолумова
Тема боюнча
Мамлекеттин колдоосуна ишениңиздер! Жапаров майыптыгы бар жарандарга кайрылды
Кыргызстандык балбан кыз Мээрим Жуманазарова. Архив

Мээрим Жуманазарова Гран-при мелдешиндеги атаандашы Велиеваны дагы утту

15
(жаңыланган 01:28 04.12.2021)
Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган.

БИШКЕК, 4-дек. — Sputnik. Кыргызстандык балбан кыз Мээрим Жуманазарова "Гран-при Москва — АЛРОСА кубогу" мелдешиндеги атаандашы Ханум Велиеваны 3:2 эсеби менен утуп алды. Спортчу кыздардын таймашын Россиянын Спорттук күрөш федерациясынын расмий сайты түз алып көрсөттү.

Эки бөлүккө созулган кыл чайнаш кармаштын жыйынтыгында кыргызстандын балбан кызы жеңишти илип кетти. Кармаштын биринчи эле бөлүгүндө Мээрим адегенде контр чабуул жасап бир упай алды. Көп өтпөй бутка кирип, атаандашын партерге жыгып дагы эки баллга ээ болду. Бөлүк 3:0 менен аяктады.

Экинчи үч мүнөттүктө кыргызстандык балбан кыз эсеп артыкчылыкты сактап калуу тактикасы менен күрөштү. Велиева чабуул жасап Мээримди эки ирет чийин сыртына сүрүп чыгарып эки упай алды. Беттеш 3:2 Мээримдин артыкчылыгы менен жыйынтыкталды.

Мээрим Жуманазарованы мелдешке машыктыруучусу атасы Рахмадил Жуманазаров коштоп барган.

Мелдеш Москва шаарындагы "ВТБ Арена Парк" спорттук жайында өттү.

Буга чейин Россиянын Күрөш федерациясы Мээрим Жуманазарова менен Ханум Велиеваны беттештирүү сунушу менен Кыргызстандын күрөш уюмуна кайрылган. Машыктыруучулук штаб Мээрим менен кеңешип, бул сунушка макул болгон.

Спортчу кыздар муну менен төртүнчү ирет кез келип жатат. Эске салсак, октябрь айында Ослодо өткөн дүйнө чемпионатынын жарым финалында Жуманазарова Велиеваны уткан. Таймаш 3:3 эсебинде аяктаган, бирок акыркы аракетти жасап, упай алганы үчүн кыргызстандык балбан кызга артыкчылык берилген.

Калыстар беттеш эсебин таблодо туура эмес көрсөткөндүгү үчүн кармаштын жыйынтыгына карата айрым түшүнбөстүктөр пайда болгон. Мындан улам Россиянын машыктыруучулар штабы кармашта реферилер ката кетирген деп эсептеп, калыстык кылган топтун үстүнөн даттанарын айтып чыккан болчу.

Ал эми 2019-жылы Финляндияда өткөн жаштар арасындагы дүйнөлүк чемпионатта беттешсе, экинчисинде Польшада былтыр өткөн Poland Open 2020 эл аралык турниринде кез келип, Мээрим 7:2 эсебинде уткан.

Ал эми үчүнчүсүндө быйыл Норвегиянын Осло шаарында өткөн дүйнө биринчилигинин жарым финалында кармашып, Мээрим жеңип алган.

15
Белгилер:
Мээрим Жуманазарова, Ханум Велиева, мелдеш
Тема боюнча
Жоламан күрөшкөндө титиреп турам... Легендарлуу Хаким агайдын видеосу
Мелис Турганбаев Күрөш федерациясынын президенти болуп тандалды