LOGOS билим берүү борборунун негиздөөчүсү Алтынбек Бегалиев

Бегалиев: чет мамлекетте бекер окуу үчүн жети критерийге жооп бериш керек

55
"LOGOS" билим берүү борборунун негиздөөчүсү Алтынбек Бегалиев аталган компания 2008-жылдан бери чет өлкөлүк окуу рыногунда иштеп келерин айтты.

Өлкөбүздөгү жүздөгөн балдар чет мамлекетке окууга тапшыруу 11-классты аяктап аттестат алгандан кийин башталат деп ойлошот. Бул андай эмес. Чет өлкөлүк ЖОЖдорго кабыл алуу 11-класстын биринчи чейрегинде башталат, демек, бүтүрүү классынын башталышында бардык документтер даяр болушу керек. Эгер 8-9-класстарда жогорку окуу жайга тапшырууну ойлонуп баштасаңар, жакшылап даярданууга үлгүрөсүңөр. Бул тууралуу Алтынбек Бегалиев Sputnik Кыргызстан радиосунун эфиринде маек куруп жатып билдирди.

Бегалиев: чет мамлекетте бекер окуу үчүн жети критерийге жооп бериш керек

Анын айтымында, чет мамлекетте ошол өлкөнүн эне тилинде билим алуу жана англис тилин үйрөткөн университеттерде жеке грант же стипендия менен окуу мүмкүнчүлүгү бар.

"Бизге кайрылган балдар АКШда окуп, стипендия алгылары келишет. Бирок ошол эле учурда эч ким алдын ала даярданбагандыктан, жогорку окуу жайдан жеңилдиктерди алуу талабына жооп бербейт. Талапкерлердин мектептеги эң жогорку баалары жана англис тилин мыкты билиши, тилекке каршы, олуттуу каржылык колдоо алуу үчүн жетишсиз. Андыктан мындан үч жыл мурда окуучуларыбызга жардам берүүнү чечип "Келечек лидерлеринин мектеби" долбоорун баштаганбыз. Азыр биздин долбоордо Кыргызстан менен Казакстандын мектеп окуучулары билим алууда. Чет мамлекеттеги ЖОЖдорго абитуриенттерди кабыл алуу үчүн стандарттык жети критерий бар. Булар мектептеги жакшы баалар (GPA), англис тилинин деңгээли (IELTS жана TOEFL), стандартташтырылган тесттердин натыйжалары (SAT), мотивациялык, сунуш каттары, студенттин портфолиосу же резюмеси (олимпиадалар), анын социалдык абалы жана сабактан тышкаркы иштери жөнүндө маалымат жана университеттин өкүлдөрү менен болгон маектешүүнүн жыйынтыгы. Эгер жогорку талаптар так аткарылбаса, анда абитуриент университетте акы төлөнүүчү негизде гана окуй алат. Окуу жайга өтүү үчүн көп убакыт, максаттуу даярданууну талап кылат. Университетке даярдануу – бул татаал жана узак процесс, анын жүрүшүндө англис тилин үйрөнүүдөн баштап, ар бир университеттин талаптарын жана дедлайнды эске алуу менен деталдуу планды түзүп алуу керек", — деди Бегалиев.

Ал билим берүү борборунда Кыргызстан, Казакстан, Россия жана АКШнын кесипкөй мугалимдер жана насаатчылары балдарды жогорку окуу жайга тапшырууга даярдай турганын кошумчалады.

55
Белгилер:
ЖОЖ, чет мамлекет, билим, эл аралык, диплом, Алтынбек Бегалиев
Тема боюнча
Сманова: кыргызстандык жаштардын Россиянын ЖОЖдоруна окуу мүмкүнчүлүгү кенен
Түндүк электр ААКтын электр энергияны сатуу бөлүмүнүн башкы адиси Алмаз Мадалбеков

Мадалбеков: акылдуу эсептегичи жок абоненттерге атайын тетик орнотулат

22
Түндүк электр" ААКтын электр энергияны сатуу бөлүмүнүн башкы адиси Алмаз Мадалбеков кардарлар электр кубатынын 5 киловаттан ашык колдонулганын кантип билсе боло турганын айтып берди.

Муздаткыч, жарык лампалары, сыналгы, суу ысыткан жабдуу, кир жууган машина бир убакта иштетилсе беш киловаттка жетпеген электр энергия кетет. Албетте, булардын көлөмүнө жараша болот, бирок орточо көрсөткүч ушундай. Бул тууралуу Алмаз Мадалбеков Sputnik Кыргызстан радиосунда маек куруп жатып билдирди.

Мадалбеков: акылдуу эсептегичи жок абоненттерге атайын тетик орнотулат

Анын айтымында, беш киловаттан ашканда электр энергиясы өчүп калат.

"Кардарлардын көпчүлүгүнө акылдуу эсептегичтер орнотулган. Аларга беш же 10 киловаттык чектөө киргизилген, андан ашыкча колдонулса электр жарыгы өчөт. Ал эми акылдуу эсептегич орнотулбаган абоненттерде мындай чектөө иштебейт. Учурда Токтогул суу сактагычындагы суунун аздыгын, электр тартыштыгын эске алып, кадимки эсептегичтерге атайын тетик коюлууда. Ал карагайга кошулган зымга орнотулат. Бул тетиктердин негизги милдети — ошол беш киловаттык чектөөнү көзөмөлдөө. Эгерде кардар бир учурда бул чектөөдөн ашпаса, электр жарыгын колдоно берет. Ал эми ашып кетсе тетик күйүп кетип, свет өчүп калат. Маселен акылдуу эсептегич колдонгон кардар чектөөдөн ашканда электр жарыгы өчсө, аны өзү күйгүзүп алат. Ал эми бул тетиктер коюлган абоненттердин электр жарыгы өчсө, "Түндүк электр" ишканасына кайрылууга туура келет. Адистер келип туташтырып берет. Акылдуу эсептегичте атайын көрсөткүчтөр бар. 5 миң же 10 миң ватт деп турат. Ошого карап ченесе болот. Болжолдуу 4-5 бөлмөлүү үйдүн эсебин алып карап көрөлү. Муздаткыч, жарык лампалары, сыналгы биригип бир киловаттка чейинки кубаттуулукту алат. Суу ысыткан жабдуу көлөмүнө жараша 1-1,5 киловатт болушу ыктымал. Кир жууган машина дагы ушундай кубаттуулукту алат. Жалпы төрт киловатт болду дейли. Эми буга электр чайникти кошсок, эсептегич өчүп калышы ыктымал. Анткени чектөөдөн ашып кетиши мүмкүн. Кошумча бир нерсени саюу үчүн жогоруда аталгандардын бирөөнү өчүрө туруу керек", — деди Мадалбеков.

Ошондой эле ал жарандарды электр энергиясын сарамжалдуу пайдаланууга чакырды.

22
Белгилер:
Алмаз Мадалбеков, электр энергиясы, кубаттуулук, акылдуу эсептегич
Тема боюнча
"Түндүк электр" абоненттеринин айрымдарына атайын тетик орнотот
Монополияга каршы жөнгө салуу мамлекеттик агенттигинин директору Кеңешбай Тайлаков. Архив

Тайлаков: күйүүчү майдын баасы кескин көтөрүлбөйт

18
Монополияга каршы жөнгө салуу мамлекеттик агенттигинин директору Кеңешбай Тайлаков Россиядан алган нефтинин дүң баасы жыл башынан бери 130 пайызга чейин жогорулаганын айтты.

Күйүүчү май социалдык жактан маанилүү товарлардын катарына киргендиктен анын баасынын кескин жогорулап кетишине жол бербөө үчүн бардык аракеттер жүрүп жатат. Мындай маалыматты Кеңешбай Тайлаков Sputnik Кыргызстан радиосунун эфиринде маек куруп жатып билдирди.

Тайлаков: күйүүчү майдын баасы кескин көтөрүлбөйт

Анын айтымында, Кыргызстан импортко көз каранды болгондуктан бензинге болгон баанын жогорулашы дүйнөлүк рыноктогу дүң баанын кескин өскөнүнө байланыштуу.

"Кыргызстан менен Россия өкмөтүнүн ортосундагы келишимге ылайык, күйүүчү жана майлоочу майды биз Россиянын төрт ири нефтини кайра иштетүүчү заводунан алып келебиз. Ага байланыштуу индикативдик баланс дагы түзүлөт. Дүйнө рыногунда нефтинин наркы көтөрүлүп, ал Россияга да таасирин берди. Ага байланыштуу биз орус жергесинен алган нефтинин дүң баасы жыл башынан бери 130 пайызга чейин көтөрүлдү. Ал эми ички рынокто бензиндин баасы 70 пайызга чейин жогорулады. Бизде күйүүчү май социалдык жактан маанилүү товарлардын катарына киргендиктен, анын баасынын кескин жогорулап кетпеши үчүн бардык ыкмалар колдонулуп жатат. Бирок күйүүчү майга болгон баа ылдыйлабайт", — деди Тайлаков.

Ошондой эле жетекчи күйүүчү майдын баасын ушул жылдын ноябрь айына чейин кескин жогорулатпай кармап туруу мүмкүн болгондугун кошумчалады.

18
Белгилер:
Кеңешбай Тайлаков, Күйүүчү май, бензин, нефть
Тема боюнча
Бишкекте бензин, алтын жана евро кымбаттады. 29-ноябрга карата баалар
Экс-депутат Ахматбек Келдибеков. Архив

УКМКга барган Келдибеков шайлоо таза өткөнүнө ынанганын билдирди. Видео

0
(жаңыланган 19:26 02.12.2021)
Атайын кызмат Келдибеков менен болгон баарлашуунун видеосун жарыялады. Бул киши боюнча тергөө иштери уланып, анын жыйынтыгы өз убагында коомчулукка маалымдалары белгиленди.

БИШКЕК, 2-дек. — Sputnik. Ахматбек Келдибеков УКМКдагы түшүндүрүү иштеринен кийин Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды. Бул тууралуу Улуттук коопсуздук мамлекеттик комитети билдирип, видеосун жарыялады.

Буга чейин интернет айдыңына видео тараган. Анда Келдибеков Жогорку Кеңешке шайлоонун алдын ала жыйынтыгы бурмаланганын айткан. Мындан улам УКМК Келдибековду кечээ күнү суракка чакырган.

Посмотреть эту публикацию в Instagram

Публикация от Sputnik Кыргызстан (@sputnik_kyrgyzstan)

Кылмыш ишинин алкагында Келдибеков, санариптик өнүктүрүү министри Дастан Догоев жана БШКнын башкармалыгынын жетекчиси Акимбаев окуянын чоо-жайын талкуулоо үчүн суракка чакырылганы айтылды. Түшүндүрүү иштеринен кийин Келдибеков төмөнкүлөрдү билдирген.

"Суракка кирип чыктым, биз маселени эки сааттай талкууладык. Формула түзүлүп жатканда эмне себептен кээ бир добуштар экиден саналып кеткенин ачыктадык. Бул БШКнын адистери кетирген ката экени далилденди. Айрым тилкелердеги бюллетендерди кол менен санап чыгууга макул болдук", — деди Келдибеков.

Ал эми атайын кызмат компетенттүү кызматкерлер саясатчыга далилдерди келтирип бергенин айтты.

"БШКнын компетенттүү кызматкерлери келтирген төгүндөлгүс далилдердин жана жүйөлүү аргументтердин натыйжасында, Келдибеков Борбордук шайлоо комиссиясына койгон айыптарынын негизсиздигине жана ал тарабынан айтылган версиялардын туура эмес экендигине ынанды", — деди УКМКдан.

Бул кылмыш иши боюнча тергөө иштери уланып, анын жыйынтыгы өз убагында коомчулукка маалымдалат.

0
Белгилер:
Кыргызстан, УКМК, Ахматбек Келдибеков, шайлоо, сурак
Тема:
Жогорку Кеңешке жаңы тартип менен болчу шайлоо
Тема боюнча
Бак чуркайт! Партия номери менен дал келип, көп добуш алган талапкерлер эмне дейт?
Текебаевге кол салууну үчүнчү күчтөр уюштурушу мүмкүнбү? ИИМдин жообу