Төлөмүш Океев атындагы Кыргызфильм киностудиясынын директору Акжол Бекболотов

Бекболотов: каражаттын жетишсиздигинен улам мультфильмдер тартылбай жатат

19
(жаңыланган 12:19 12.11.2021)
Төлөмүш Океев атындагы "Кыргызфильм" киностудиясынын директору Акжол Бекболотов анимациялык тасмаларды жараткандарга субсидия түрүндө мамлекеттик колдоо керектигин айтты.

Өлкөдө анимацияны өнүктүрүүгө каражат жетиштүү бөлүнбөгөндүктөн, мамлекеттик идеологияга багытталган мультфильмдер жаралбай жатат. Мындай пикирин Акжол Бекболотов Sputnik Кыргызстан радиосунун эфиринде маек куруп жатып билдирди.

Бекболотов: каражаттын жетишсиздигинен улам мультфильмдер тартылбай жатат

Анын айтымында, өлкөдөгү күчтүү аниматорлордун көбү айлык акынын аздыгынан жеке сегмент үчүн иштеп кетишти.

"Кыргыз анимациясын өнүктүрүүдө кадр маселеси оор көйгөйлөрдүн бири. Аларды окутуу, тажрыйбасын арттыруу, шартын түзүү, айлык акысын жакшыртуу үчүн каражат жетишсиз. Мамлекеттик идеологияны түзүүдө балдарга арналган анимациялык тасмаларды жаратсак, жыйынтыгы жакшы болор эле. 2017-жылы "Кыргызфильм" киностудиясынын алкагында анимациялык эмгектерди жаратуу үчүн атайын топ түзүлгөн, бирок ал менин көңүлүмө толгон эмес. Анткени сапаттуу мультфильм чоң каражатты, көп убакытты, тажрыйбалуу адистерди талап кылат. Ал үчүн атайын бөлүм ачып, мамлекеттик колдоо керек. Мисалы, советтик мезгилде баары бир тармак катары каралып, көп акча бөлүнүп турган. Андыктан анимациялык тасмаларды жараткандарга субсидия берилиши керек", — деди Бекболотов.

Ошондой эле адис сапаттуу анимациялык тасмаларды жаратуу үчүн биздин шартта көп убакыт керектеле тургандыгын кошумчалады.

19
Белгилер:
Акжол Бекболотов, анимация, мультфильм, субсидия, искусство
Тема боюнча
Бекболотов: 2,5 жылда миңге жакын эски фильм санариптештирилет
Генералдык прокуратуранын башкармалыгынын улук прокурору Сирожиддин Камолидинов

Камолидинов: иштеп жаткан кодекстердин кемчилиги көп болчу

1
Генералдык прокуратуранын башкармалыгынын улук прокурору Сирожиддин Камолидинов жаңы кодекстерди жазуу муктаждыгы эмнеден келип чыкканын айтып берди.

Иштеп жаткан кодекстердин башында эле кемчиликтери байкалган. Ага киргизиле турган өзгөртүү, толуктоолор 30 пайыздан ашкандыктан жаңы кодекстерди жазуу чечими кабыл алынган. Бул тууралуу Сирожиддин Камолидинов Sputnik Кыргызстан радиосунда маек куруп жатып билдирди.

Камолидинов: иштеп жаткан кодекстердин кемчилиги көп болчу

Анын айтымында, мындан улам арыздар көбөйүп, статистика начарлап кеткен.

"2012-жылы мурдагы президент соттук-укуктук реформаны жүргүзүүнү жарыялаган. Анын алкагында кодекстерди жазуу үчүн жумушчу топтор түзүлүп, 2017-жылы беш кодекс кабыл алынып, 2019-жылдан тарта иштеп баштады. Ал кодекстер жазылганда түшүндүрүү иштери жүргүзүлгөн, бирок иштей келгенде кемчиликтери чыга баштады. Аларды четтетүү натыйжа берген жок. Мындан улам укук коргоо органдарынын, коомчулуктун өкүлдөрү, эксперттердин катышуусунда жыйын болду. Кодекстерге киргизиле турган толуктоо жана өзгөртүүлөр 30 пайыздан жогору болгондуктан жаңы кодекстерди жазып чыгуу чечими кабыл алынды. Иштеп чыгуу ачык жазылып, ким кааласа пикирин кошумчалап турду. Аны жазууда адам укуктарын камсыздоо негизги талап болду. Ошондой эле ар кайсы укук коргоо органдары өз көмөчүнө күл тартпашы керектиги белгиленди. Жазылып бүткөн соң долбоор Жогорку Кеңештин жана Башкы прокуратуранын сайтында коомдук талкуу үчүн бир ай илинди. Андан кийин парламенттин комитетинде жана жалпы жыйынында талкууга алынып, кошумча-алымча жасалды. Ошол учурда "депутаттарды тергөө аракети Жогорку Кеңештин көпчүлүгүнүн макулдугу менен жүргүзүлсүн" деген норма киргизилген. Ошондой эле Жогорку Кеңеш макулдук бергенге чейин тергөө иштерин токтотуп туруу сунушталган. Бул Конституцияга каршы келип калгандыктан президент кодекстерди кайра кайтарып берди. Депутаттар туура кабыл алып, ал нормалар алып салынды. 16-ноябрда расмий жарыяланды. 2-декабрдан тарта иштеп баштайт", — деди Камолидинов.

Ошондой эле ал аракеттеги кодекстер иштеп баштаганда эле 100дөн ашуун өзгөртүү, толуктоо киргенин кошумчалады.

Подкасттын толук вариантын видеодон көрүңүз:

1
Белгилер:
Сирожиддин Камолидинов, мыйзам, укук, тергөө
Тема боюнча
Жумабекова: учурда иштеп жаткан кодекстер өлкө үчүн укуктук диверсия болгон
Улуттук илимдер академиясынын Саясий изилдөөлөр жана экспертиза борборунун директору, академик Чолпонкул Арабаев

Арабаев: шайлоонун жыйынтыгы боюнча талаштарга кол менен саноо чекит коет

98
(жаңыланган 14:01 29.11.2021)
Улуттук илимдер академиясынын Саясий изилдөөлөр жана экспертиза борборунун директору, академик Чолпонкул Арабаев шайлоо салыштырмалуу таза өткөнүн белгиледи.

Шайлоонун алдын ала жыйынтыгы боюнча талаштарга кол менен саноо чекит коюшу керек. Мындай пикирин Чолпонкул Арабаев Sputnik Кыргызстан радиосунда маек куруп жатып билдирди.

Арабаев: шайлоонун жыйынтыгы боюнча талаштарга кол менен саноо чекит коет

Анын айтымында, шек жараткан участкаларда кол менен саноого байкоочулар, партиялардын өкүлдөрү катышуусу зарыл.

"Шайлоонун табияты ушундай болот экен. Кандай гана болбосун, натыйжасы талаш жаратып келет. Соңку учурда бул өнөктүк көйгөй жараткан процесске айланып бара жаткандай түр калтырат. Анткен менен кечээки шайлоо мурдагыларга салыштырмалуу таза өттү десек болот. Себеби административдик ресурсту колдонууга бөгөт коюлуп, татыктууларды тандоого мүмкүндүк жаралды. Ошентсе дагы мандатка жетпей калган партиянын өкүлдөрү ар кандай чакырыктарды жасап, пикир билдирүүдө. Негизи шайлоодон жеңгенди да, татыктуу жеңилгенди дагы билиш керек. Техникалык мүчүлүштүктөрдөн улам алдын ала жыйынтыгы талаш жаратууда. Муну чечүүнүн жалгыз жолу — кол менен саноо. Партиялардын жана бир мандаттуу округдан катышкан талапкерлердин өкүлдөрү шайлоо участкаларында отурду. Ошолордун катышуусу менен бардык бюллетендерди кол менен саноо зарыл. Ошондо гана шайлоонун алдын ала жыйынтыгы боюнча талаштарга чекит коюлушу керек", — деди Арабаев.

Ошондой эле ал саясатчылардын билдирүүлөрү коомдо ажырым жаратпашы керектигин кошумчалады.

Подкасттын толук вариантын видеодон көрүңүз:

98
Белгилер:
Чолпонкул Арабаев, шайлоо, саясат, жыйынтык
Тема:
2021-жылкы парламенттик шайлоонун жыйынтыгы
Тема боюнча
БШК добуштарды кол менен эсептей баштады