Аялдардын дүйнөлүк ишкердик күнүнүн Кыргызстандагы расмий элчиси, Курак аялдар форумунун төрайымы Айнура Сагынбаева

Сагынбаева: өлкөдө ишкер аялдардын саны 38 пайызды гана түзөт

74
(жаңыланган 14:22 13.11.2021)
Аялдардын дүйнөлүк ишкердик күнүнүн Кыргызстандагы расмий элчиси, "Курак" аялдар форумунун төрайымы Айнура Сагынбаева 2000-жылы өлкөдө ишкер аялдардын саны 45 пайызды түзсө, учурда болгону 38 пайызга гана жетерин айтты.

Кыргызстандын калкынын жарымын аялдар түзөт. Андыктан аял ишкерлерди колдоо менен биз мамлекеттин экономикалык абалын жакшырткан болобуз. Бул тууралуу Айнура Сагынбаева Sputnik Кыргызстан радиосунун эфиринде маек куруп жатып билдирди.

Сагынбаева: өлкөдө ишкер аялдардын саны 38 пайызды гана түзөт

Анын айтымында, Кыргызстанда эркектер жогору, ал эми аялдар төмөн киреше алып келүүчү бизнес менен алектенет.

"Кыргызстан бүткүл дүйнөдө 19-ноябрда белгиленүүчү аялдардын ишкердик күнүн (Women's Entrepreneurship Day) жетинчи ирет майрамдайт. Бул жылы иш-чара Кыргызстандын 30 жылдык эгемендүүлүгүнө арналып жатат. Себеби эгемендиктин алгачкы жылдары кыйынчылык заманында аялдар чаар баштыгын жонуна көтөрүп алып соода-сатыкта иштеп, экономиканын түптөлүшүнө чоң салымын кошкон. Ошондой эле быйыл аялдар күнү "Ааламга жол айылдан башталат" деген белгилүү лозунг менен өтүп жатат. Себеби аймактарды көтөрмөйүнчө биз эч бир максатка жете албайбыз. Андыктан майрам 13-ноябрда Чоң Алайдан башталып, Алай, Ошто уланат жана Бишкекте жыйынтыкталат. Мында ийгиликтүү ишкер айымдардын катышуусунда мастер-класс, тренингдер өтөт. Бул күнү көмүскөдө калып жаткан аялдардын жетишкендиктерин белгилөө гана эмес, тиешелүү маселелерди талкуулоо, тажрыйба алмашуу жана таанышуу үчүн аянтча түзүп берүү. Айрым адамдар айткандай, аял ишкерлердин күнүн белгилөө менен гендердик теңсиздик маселеси көтөрүлүп жаткан жок. Ал таптакыр башка нерсе. Мыйзамда аял, эркектин укугу бирдей, бирок мүмкүнчүлүктөрү айырмаланат. Себеби аял кишинин мойнунда үй-бүлөсүнө кам көрүү, балдарын тарбиялоо деген да чоң жоопкерчилиги бар. Андыктан ишкер аялдарга көңүл бөлүнүп, аларга жардам берилүүсү шарт", — деди Сагынбаева.

Ал ишкер аялдардын күнүн жети жыл белгилөөнүн натыйжасында мамлекет аял ишкерлерди колдоо программасын кабыл алууга камынып жатканын, ментордук программа өнүккөнүн жана аял ишкерлерге үй-бүлөсү колдоо көрсөтө баштаганын кошумчалады.

74
Белгилер:
Айнура Сагынбаева, аял, ишкер, майрам, экономика, бизнес
Тема боюнча
Акимова: ЕАЭБ ишкерлерди эл аралык соодага үйрөтүүдө
Жеңил атлетика боюнча Кыргызстандын көп жолку чемпиону Нурсултан Кеңешбеков

Кеңешбеков: кыргызстандыктар марафондук жарышта Олимпиадада медаль ала алат

22
Жеңил атлетика боюнча Кыргызстандын көп жолку чемпиону Нурсултан Кеңешбеков келечекте ири марафондук жарыштарга катышуу ниети бар экендигин айтты.

Токио Олимпиадасы спорттук карьерамдагы эң чоң тажрыйба берген мелдеш болду. Мындай пикирин Нурсултан Кеңешбеков Sputnik Кыргызстан радиосунун эфиринде маек куруп жатып билдирди.

Кеңешбеков: кыргызстандыктар марафондук жарышта Олимпиадада медаль ала алат

Анын айтымында, кыргыз спортчулары жеңил атлетика боюнча марафондук жарышта Олимпиададан медаль алууга мүмкүнчүлүгү бар.

"Жеңил атлетика менен 2017-жылдан тарта алектене баштагам. Олимпиадага катышуу үчүн төрт жыл кызуу машыгып, жергиликтүү жана эл аралык мелдештерде күчүмдү сынап көрдүм. Олимпиадага жолдомо берүүчү турнир Алматы шаарында өтүп, 1 500 метрлик аралыкты рекорддук көрсөткүч менен жыйынтыктагам. Жалпы мелдештердеги чогулган упайлардын жыйынтыгы менен ири спорттук иш-чарага катыштым. Олимпиаданын деңгээли абдан жогору болгондуктан атаандаштык курч болду. Жеңил атлетиканын легендалары, дүйнө чемпиондору, Олимпиаданын жеңүүчүлөрүнүн арасында болуп, көп нерсе үйрөнө алдым. Бирок кыска жана орто аралыкка чуркоодо атаандаштык бийик болгону үчүн медаль утуу оор экен. Андыктан марафондук жарышта күчүмдү сынап көргүм келет", — деди Кеңешбеков.

Ошондой эле жөө күлүк Ысык-Көлдө заманбап машыгуу базасы курулса спортчулардын эл аралык мелдештерден ийгилик жаратуусуна шарт түзүлө тургандыгын кошумчалады.

22
Белгилер:
Нурсултан Кеңешбеков, жеңил атлетика, олимпиада
Тема боюнча
Сүйүнүчтүү кабар! Лыжачы Максим Гордеев кышкы Олимпиадага катышууга лицензия алды
Эколог Гамал Сооронкулов

Соронкулов: өлкөдөгү 1 930 айылдын баарында талапка жооп берген полигон жок

98
(жаңыланган 11:23 06.12.2021)
Эколог Гамал Соронкулов Кыргызстанда биринчи орунда таштанды маселеси өтө курч турарын айтты.

Eco-map долбоорунун алкагында аймактык координаторлор экологиялык көйгөйлөрдү чогултат. Фото, видеодокументациялар, окуянын тексттик сыпаттамасы, ошондой эле географиялык координаттар картага жайгаштырылат. Эко-картада таштандылар, абанын, суунун, жер кыртышынын булганышы, токойлорду кыюу, кызыл китепке кирген жаныбарларды атуу (браконьерлик), мыйзамсыз балык уулоо, радиация жана ядрохимикаттар көрсөтүлгөн. Бул тууралуу Гамал Соронкулов Sputnik Кыргызстан радиосунун эфиринде маек куруп жатып билдирди.

Сооронкулов: өлкөдөгү 1 930 айылдын баарында талапка жооп берген полигон жок

Анын айтымында, учурда экологиялык картада 500дөн ашык чекит белгиленген.

"Eco-map долбоору — бул Кыргызстандын экологиялык картасы. Борбор Азия боюнча мындай долбоор жок. Влад Ушаков деген атактуу фотожурналист менен ишти баштаганыбызга бир жылдан ашты. Кыргызстанда экологиялык көйгөйлөр өтө көп. Мына ошонун баарын географиялык картага түшүрүп, маселе тууралуу элге, тиешелүү органдарга жеткиликтүү маалымат берүү максатын көздөйбүз. Учурда аталган картада 500дөн ашык чекит белгиленген. Бүгүнкү күндө Ысык-Көлдүн Каркырасынан баштап, Баткендин Лейлегине чейин жеттик. Бирок Ош облусу, Талас, Жалал-Абад облусунун Чаткал өрөөнү жана Нарын жергесинин түштүк аймагындагы көйгөйлөр толук изилдене элек. Мен ушунча жылдан бери экология тармагында эмгектенип жүрсөм дагы өлкөдөгү көйгөйлөр мага да жаңылык болду. Алсак, Кыргызстанда биринчи орунда таштанды маселеси өтө курч экен. Билишимче, өлкө аймагында 1 930дай айыл болсо, тилекке каршы, бардыгында талапка жооп берген полигон (таштанды сактоочу жай) жок. Ал жер курчалбагандыктан мал да жайылып жүрө берет. Болуптур, чоң көйгөйдү чече албайт экенбиз, бирок ар бир айыл өкмөтүнүн бюджети таштанды таштоочу жай уюштуруп, ал жерди курчап коюуга кудурети жетет эле", — деди Соронкулов.

Эколог Кыргызстандагы экологиялык көйгөйлөр менен ecomap.kg сайтынан таанышып ар бир жергиликтүү башкаруу органдары тиешелүү чараларды көрүп баштоосу зарыл экенин кошумчалады.

98
Белгилер:
Кыргызстан, экология, таштанды, маселе, айыл, полигон
Тема боюнча
ЮНЕСКО Кыргызстандын мөңгүлөрдү сактоо боюнча резолюциясын кабыл алды
Автоунаанын фонунда дарак бутактарындагы кар

Шейшембиге карата аба ырайы

0
7-декабрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 6-дек. — Sputnik. Шейшембиде күндүз тоолуу райондордо кар жаап, дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй аймагында +7...+12, Талас өрөөнүндө +6...+11, Ош, Жалал-Абад жана Баткен облустарында +8...+13, Ысык-Көлдө +2...+7, Теңир-Тоодо 0...-5 градуска чейин суук болору айтылды.

Күндүн табы Бишкекте +9...+11, Ош шаарында +11...+13 градуска чейин көтөрүлөт.

0
Белгилер:
аба ырайы, декабрь, Кыргызстан
Тема боюнча
"Түндүк электр" 5,6 миңден ашуун абоненттин жарыгын өчүрөт