Ишкер Абылгазы Калбаев

Калбаев: момпосуй өндүрүүчү ишкананы болгону 120 миң сомго ачканбыз

55
(жаңыланган 14:22 15.11.2021)
Ишкер Абылгазы Калбаев 2019-жылдын аягы жергиликтүү момпосуй өндүрүүчү ишкана ачканын айтты.

Ишкер Абылгазы Калбаев гранттарга анча деле ишене бербестигин айтып, андыктан бизнеске адам өзүнүн акчасын салып иштеткенден өтөрү жок деген пикирин билдирди.

Калбаев: момпосуй өндүрүүчү ишкананы болгону 120 миң сомго ачканбыз

Иш өнөктөшүм экөөбүз бизнести 120 миң сомго баштаган элек. Эки жылдын ичинде жалпы-жонунан 4 миллион сомго жакын инвестиция салдык. Азыр эми ошол эле сумманы берүүгө даяр инвесторлор бар. Бул тууралуу Абылгазы Калбаев Sputnik Кыргызстан радиосунун эфиринде маек куруп жатып билдирди.

Анын айтымында, жакында жергиликтүү продукция араб өлкөлөрүнүн жана Европанын базарларына чыгуу алдында турат.

"Алгач кургатылган жемиш экспорттоочу компания катары ишти баштадык. Кийинчерээк чоң көлөмдөгү сырьё топтоо кыйынга турду. Кургатылган мөмө-жемиштердин түрлөрү аз болуп, бир топ тоскоолдуктарга дуушар болдук. Анан аларды кайра иштетип, момпосуй жасоо идеясы келди. Бул иш чындап эле көп инвестицияны, күчтү жана убакытты талап кылат. Интернеттен чет элде кургатылган жемиштен таттуу азыктарды кантип жасаарын көрүп калдым. Мен бир нече рецепттерди таап, ошондой кылып көрдүк, бирок даамы жаккан жок. Эксперимент кылып жатып, эки-үч айдан кийин өзүмдүн рецептимди иштеп чыктым. Момпосуйлар зыяндуу кошулмасыз, кантсыз 100 пайыз табигый азыктан жасалгандыктан ден соолукка абдан пайдалуу. Негизинен сатып алуучулар табигый азыктар кымбат деп эсептешет. Бирок өзүбүз кургатылган мөмө-жемиштерди, жаңгактарды чыгаргандыктан баасы арзаныраак. Продукция жакшы сатыла баштаганда пандемия болуп калды. Бирок 2020-жылы момпосуйдун сырткы таңгагын жакшылап даярдап, дизайнын жакшыртып алдык. Учурда бизнести өзүм каржылоого аракет кылып жатам. Гранттарга анча деле ишене бербейм. Баткенде грант алып, бирок азыр иштебей турган да ишканалар бар. Себеби бир нерсени бекер алсаң аны өнүктүрүүгө шыктанбайсың. Тескерисинче, өз акчаңды салсаң, аракет кылып иштейсиң", — деди Калбаев.

Ишкер учурда компанияны кеңейтүү максатында иштеп жана чет элдик кардарлар менен ири келишим түзүүгө даярданып жатканын кошумчалады.

55
Белгилер:
момпосуй, бизнес, ишкер, Абылгазы Калбаев
Тема боюнча
Чакан бизнестегилер салыктан болуп көрбөгөндөй жеңилдик алат. Жаңы кодекс
Түндүк электр ААКтын электр энергияны сатуу бөлүмүнүн башкы адиси Алмаз Мадалбеков

Мадалбеков: акылдуу эсептегичи жок абоненттерге атайын тетик орнотулат

19
Түндүк электр" ААКтын электр энергияны сатуу бөлүмүнүн башкы адиси Алмаз Мадалбеков кардарлар электр кубатынын 5 киловаттан ашык колдонулганын кантип билсе боло турганын айтып берди.

Муздаткыч, жарык лампалары, сыналгы, суу ысыткан жабдуу, кир жууган машина бир убакта иштетилсе беш киловаттка жетпеген электр энергия кетет. Албетте, булардын көлөмүнө жараша болот, бирок орточо көрсөткүч ушундай. Бул тууралуу Алмаз Мадалбеков Sputnik Кыргызстан радиосунда маек куруп жатып билдирди.

Мадалбеков: акылдуу эсептегичи жок абоненттерге атайын тетик орнотулат

Анын айтымында, беш киловаттан ашканда электр энергиясы өчүп калат.

"Кардарлардын көпчүлүгүнө акылдуу эсептегичтер орнотулган. Аларга беш же 10 киловаттык чектөө киргизилген, андан ашыкча колдонулса электр жарыгы өчөт. Ал эми акылдуу эсептегич орнотулбаган абоненттерде мындай чектөө иштебейт. Учурда Токтогул суу сактагычындагы суунун аздыгын, электр тартыштыгын эске алып, кадимки эсептегичтерге атайын тетик коюлууда. Ал карагайга кошулган зымга орнотулат. Бул тетиктердин негизги милдети — ошол беш киловаттык чектөөнү көзөмөлдөө. Эгерде кардар бир учурда бул чектөөдөн ашпаса, электр жарыгын колдоно берет. Ал эми ашып кетсе тетик күйүп кетип, свет өчүп калат. Маселен акылдуу эсептегич колдонгон кардар чектөөдөн ашканда электр жарыгы өчсө, аны өзү күйгүзүп алат. Ал эми бул тетиктер коюлган абоненттердин электр жарыгы өчсө, "Түндүк электр" ишканасына кайрылууга туура келет. Адистер келип туташтырып берет. Акылдуу эсептегичте атайын көрсөткүчтөр бар. 5 миң же 10 миң ватт деп турат. Ошого карап ченесе болот. Болжолдуу 4-5 бөлмөлүү үйдүн эсебин алып карап көрөлү. Муздаткыч, жарык лампалары, сыналгы биригип бир киловаттка чейинки кубаттуулукту алат. Суу ысыткан жабдуу көлөмүнө жараша 1-1,5 киловатт болушу ыктымал. Кир жууган машина дагы ушундай кубаттуулукту алат. Жалпы төрт киловатт болду дейли. Эми буга электр чайникти кошсок, эсептегич өчүп калышы ыктымал. Анткени чектөөдөн ашып кетиши мүмкүн. Кошумча бир нерсени саюу үчүн жогоруда аталгандардын бирөөнү өчүрө туруу керек", — деди Мадалбеков.

Ошондой эле ал жарандарды электр энергиясын сарамжалдуу пайдаланууга чакырды.

19
Белгилер:
Алмаз Мадалбеков, электр энергиясы, кубаттуулук, акылдуу эсептегич
Тема боюнча
"Түндүк электр" абоненттеринин айрымдарына атайын тетик орнотот
Монополияга каршы жөнгө салуу мамлекеттик агенттигинин директору Кеңешбай Тайлаков. Архив

Тайлаков: күйүүчү майдын баасы кескин көтөрүлбөйт

11
Монополияга каршы жөнгө салуу мамлекеттик агенттигинин директору Кеңешбай Тайлаков Россиядан алган нефтинин дүң баасы жыл башынан бери 130 пайызга чейин жогорулаганын айтты.

Күйүүчү май социалдык жактан маанилүү товарлардын катарына киргендиктен анын баасынын кескин жогорулап кетишине жол бербөө үчүн бардык аракеттер жүрүп жатат. Мындай маалыматты Кеңешбай Тайлаков Sputnik Кыргызстан радиосунун эфиринде маек куруп жатып билдирди.

Тайлаков: күйүүчү майдын баасы кескин көтөрүлбөйт

Анын айтымында, Кыргызстан импортко көз каранды болгондуктан бензинге болгон баанын жогорулашы дүйнөлүк рыноктогу дүң баанын кескин өскөнүнө байланыштуу.

"Кыргызстан менен Россия өкмөтүнүн ортосундагы келишимге ылайык, күйүүчү жана майлоочу майды биз Россиянын төрт ири нефтини кайра иштетүүчү заводунан алып келебиз. Ага байланыштуу индикативдик баланс дагы түзүлөт. Дүйнө рыногунда нефтинин наркы көтөрүлүп, ал Россияга да таасирин берди. Ага байланыштуу биз орус жергесинен алган нефтинин дүң баасы жыл башынан бери 130 пайызга чейин көтөрүлдү. Ал эми ички рынокто бензиндин баасы 70 пайызга чейин жогорулады. Бизде күйүүчү май социалдык жактан маанилүү товарлардын катарына киргендиктен, анын баасынын кескин жогорулап кетпеши үчүн бардык ыкмалар колдонулуп жатат. Бирок күйүүчү майга болгон баа ылдыйлабайт", — деди Тайлаков.

Ошондой эле жетекчи күйүүчү майдын баасын ушул жылдын ноябрь айына чейин кескин жогорулатпай кармап туруу мүмкүн болгондугун кошумчалады.

11
Белгилер:
Кеңешбай Тайлаков, Күйүүчү май, бензин, нефть
Тема боюнча
Бишкекте бензин, алтын жана евро кымбаттады. 29-ноябрга карата баалар

Өзүнө тартып, кыя өткөрбөй... Чыгыш бийинде термелген кыздар

0
(жаңыланган 18:21 02.12.2021)
  • Чыгыш бийин (танец живота) бийлеп жаткан кыз. Сүрөт 1969-жылы Египеттин Каир шаарына жакын жерде тартылган.
  • 1963-жыл. Белгилүү бийчи кыз Сохаир Закинин туристтердин алдында бийлеп жаткан учуру
  • Марокколук бий чебери Майя Дбайч үлпөт тойдо бийлеп жатат
  • Мексикалык бийчи кыздын Каирдеги фестивалда чыгыш бийин аткарып жаткан чагы
  • Майя Дбайчтин аткаруусундагы чыгыш бийи
  • Каирдеги чыгыш бийи фестивалына катышкан АКШлык конкурсанттын бийлеп жаткан чагы
  • Каирдеги отелдердин биринде өткөн шоудагы бийден бир көрүнүш
  • Россиялык бийкечтин бийи
  • Бийчи Сохаир Заки тыюу салынган костюм менен уят катары саналган көрүнүштө турат. Египеттик түшүнүк боюнча каптал жагы жырык көйнөк кийүү сексуалдуулукка азгыруу деп эсептелет.
  • Чыгыш бийи боюнча Казанда (Татарстанда) өткөн Европа чемпионатынан бир көрүнүш
Чыгыш бийи — улутка, динге, адамдын жынысына карабай көптөрдү кызыктырган, өзүнө тарткан искусствонун бир түрү. Sputnik бул сапар ар кайсы өлкөлөрдөгү бий чеберлерин сүрөт баянда сунуш кылат.

Көргөн көздү кызыктырган бул бийдин мекени Жакынкы Чыгыш деп эсептелет. Ал бир нече кылымда бүтүндөй дүйнө жүзүнө тараган. Азыркы күндө анын элүүгө чукул түрү бар деп айтылып келет.

Ал аткарылып жатканда көз салбай, кайдыгер карап, кыя өткөндөрдү кезиктирүү кыйын. Чыгыш бий дүйнөнүн башка жагынан пайда болгону менен бул кылымда тутунган динине, улутуна карабай көп мамлекеттерде эл кызыгып көргөн, кызыгып бийлеген искусствонун түрүнө айланды.

0
  • Чыгыш бийин (танец живота) бийлеп жаткан кыз. Сүрөт 1969-жылы Египеттин Каир шаарына жакын жерде тартылган.
    © AP Photo / Anonymous

    Чыгыш бийин (танец живота) бийлеп жаткан кыз. Сүрөт 1969-жылы Египеттин Каир шаарына жакын жерде тартылган

  • 1963-жыл. Белгилүү бийчи кыз Сохаир Закинин туристтердин алдында бийлеп жаткан учуру
    © AP Photo

    1963-жыл. Белгилүү бийчи кыз Сохаир Закинин туристтердин алдында бийлеп жаткан учуру

  • Марокколук бий чебери Майя Дбайч үлпөт тойдо бийлеп жатат
    © AFP 2021 / Amir Makar

    Марокколук бий чебери Майя Дбайч үлпөт тойдо бийлеп жатат

  • Мексикалык бийчи кыздын Каирдеги фестивалда чыгыш бийин аткарып жаткан чагы
    © AFP 2021 / Patrick Baz

    Мексикалык бийчи кыздын Каирдеги фестивалда чыгыш бийин аткарып жаткан чагы

  • Майя Дбайчтин аткаруусундагы чыгыш бийи
    © AFP 2021 / Amir Makar

    Майя Дбайчтин аткаруусундагы чыгыш бийи

  • Каирдеги чыгыш бийи фестивалына катышкан АКШлык конкурсанттын бийлеп жаткан чагы
    © AFP 2021 / Khaled Desouki

    Каирдеги чыгыш бийи фестивалына катышкан АКШлык конкурсанттын бийлеп жаткан учуру

  • Каирдеги отелдердин биринде өткөн шоудагы бийден бир көрүнүш
    © AFP 2021 / Patrick Baz

    Каирдеги отелдердин биринде өткөн шоудагы бийден бир көрүнүш

  • Россиялык бийкечтин бийи
    © AFP 2021 / Patrick Baz

    Россиялык бийкечтин бийи

  • Бийчи Сохаир Заки тыюу салынган костюм менен уят катары саналган көрүнүштө турат. Египеттик түшүнүк боюнча каптал жагы жырык көйнөк кийүү сексуалдуулукка азгыруу деп эсептелет.
    © AP Photo / Aly Mahmoud

    Бийчи Сохаир Заки тыюу салынган костюм менен уят катары саналган көрүнүштө турат. Египеттик түшүнүк боюнча каптал жагы жырык көйнөк кийүү "сексуалдуулукка азгыруу" деп эсептелет

  • Чыгыш бийи боюнча Казанда (Татарстанда) өткөн Европа чемпионатынан бир көрүнүш
    © Sputnik / Максим Богодвид

    Чыгыш бийи боюнча Казанда (Татарстанда) өткөн Европа чемпионатынан бир көрүнүш

Белгилер:
чыгыш, бий, сулуу, сүрөт, фото, Каир, искусство
Тема боюнча
Муз үстүндө чимирилип, абада айланган спортчулар. Японияда тартылган сүрөттөр
Карап эле тургуң келет! Чимириле бийлеген Валентина Шевченконун видеосу