Регби федерациясынын президенти Нургазы Кулжаев

Кулжаев: Кыргызстанда регбиге кызыккандар көбөйүүдө

45
(жаңыланган 15:34 16.11.2021)
Регби федерациясынын президенти Нургазы Кулжаев акыркы жылдары регбиге кызыккан жаштардын саны өсүп, акырындык менен күчтүү курама команда топтолуп жаткандыгын айтты.

2001-жылы Регби федерациясы ачылып, спортту өлкө аймагына жайылтуу маселеси коюлган. Мындай маалыматты Нургазы Кулжаев Sputnik Кыргызстан радиосунун эфиринде маек куруп жатып билдирди.

Кулжаев: Кыргызстанда регбиге кызыккандар көбөйүүдө

Анын айтымында, Кыргызстандын курама командасы эл аралык мелдештерге катышуу мүмкүнчүлүгүн алып, Бириккен Араб Эмирлигинде өтө турган Азия чемпионатына даярдык көрүп жатат.

"Регби оюну 1825-жылдары Англиянын Регби деген шаарында пайда болуп, 1845-жылдары алгачкы эрежелери жазылып, ойнолуп баштаган. Кыргызстанга бул спорт 2001-жылы келип, аны жайылтуу боюнча федерация түптөлгөн. Аны Кыргыз мамлекеттик дене тарбия жана спорт академиясынын кызматкери Аскаралы Наралиев негиздеген. 2005-жылдары ички иштер органдары ортосунда регби боюнча мелдештер өтүп, күчтүүлөр тандалып турган. Кийинчерээк андай иш-чара уюштурулбай калып, учурда кайра жанданууда. Ага байланыштуу регбиге кызыккан балдардын саны акырындан өсө баштады. Жакында биздин спортчулар Бириккен Араб Эмирлигинде өтө турган Азиянын биринчилигине катышат", — деди Кулжаев.

Ошондой эле ал Кыргызстан Азия регби федерациясынын мүчөсү болуп, эл аралык мелдештерге катышуу мүмкүнчүлүгүн алгандыгын кошумчалады.

45
Белгилер:
регби, федерация, чемпионат, Нургазы Кулжаев
Тема боюнча
Саматов: Кыргызстанды кёрлинг дүйнөсү тааный баштады
Улуттук илимдер академиясынын Саясий изилдөөлөр жана экспертиза борборунун директору, академик Чолпонкул Арабаев

Арабаев: шайлоонун жыйынтыгы боюнча талаштарга кол менен саноо чекит коет

95
(жаңыланган 14:01 29.11.2021)
Улуттук илимдер академиясынын Саясий изилдөөлөр жана экспертиза борборунун директору, академик Чолпонкул Арабаев шайлоо салыштырмалуу таза өткөнүн белгиледи.

Шайлоонун алдын ала жыйынтыгы боюнча талаштарга кол менен саноо чекит коюшу керек. Мындай пикирин Чолпонкул Арабаев Sputnik Кыргызстан радиосунда маек куруп жатып билдирди.

Арабаев: шайлоонун жыйынтыгы боюнча талаштарга кол менен саноо чекит коет

Анын айтымында, шек жараткан участкаларда кол менен саноого байкоочулар, партиялардын өкүлдөрү катышуусу зарыл.

"Шайлоонун табияты ушундай болот экен. Кандай гана болбосун, натыйжасы талаш жаратып келет. Соңку учурда бул өнөктүк көйгөй жараткан процесске айланып бара жаткандай түр калтырат. Анткен менен кечээки шайлоо мурдагыларга салыштырмалуу таза өттү десек болот. Себеби административдик ресурсту колдонууга бөгөт коюлуп, татыктууларды тандоого мүмкүндүк жаралды. Ошентсе дагы мандатка жетпей калган партиянын өкүлдөрү ар кандай чакырыктарды жасап, пикир билдирүүдө. Негизи шайлоодон жеңгенди да, татыктуу жеңилгенди дагы билиш керек. Техникалык мүчүлүштүктөрдөн улам алдын ала жыйынтыгы талаш жаратууда. Муну чечүүнүн жалгыз жолу — кол менен саноо. Партиялардын жана бир мандаттуу округдан катышкан талапкерлердин өкүлдөрү шайлоо участкаларында отурду. Ошолордун катышуусу менен бардык бюллетендерди кол менен саноо зарыл. Ошондо гана шайлоонун алдын ала жыйынтыгы боюнча талаштарга чекит коюлушу керек", — деди Арабаев.

Ошондой эле ал саясатчылардын билдирүүлөрү коомдо ажырым жаратпашы керектигин кошумчалады.

Подкасттын толук вариантын видеодон көрүңүз:

95
Белгилер:
Чолпонкул Арабаев, шайлоо, саясат, жыйынтык
Тема:
2021-жылкы парламенттик шайлоонун жыйынтыгы
Тема боюнча
БШК добуштарды кол менен эсептей баштады
Көөнө сөз рубрикасы

Талантбеков: күйкөнүн алгырын же куштун балтыр жүнүн "таканак" десе болот

123
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

Таканак деген — алгыр куштун балтыр жүнү. Дагы бир маанисинде күйкөнүн алгыры катары айтылат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: күйкөнүн алгырын же куштун балтыр жүнүн "таканак" десе болот

Анын айтымында, эпостогу көөнө сөздөрдү колдонуу менен сөз байлыкты кеңейтүүгө болот.

Манасчи, член общественного объединения Көйкашка Нурбек Талантбеков
© Sputnik / Эркин Садыков
"Көйкашка" коомдук бирикмесинин мүчөсү, манасчы Нурбек Талантбеков
"Манас" эпосунда көп кездешкен "таканак" деген сөз бар. Жакып, Чыйырды түш көргөндөгүсүндө "салоорлору сары алтын, таканак жүнү дагы алтын. Чырымтал жүнү чылк алтын" деп келип, аягында "алтымыш кулач жибек боо, үпкөлөп жүрүп багыпмын" деген саптар менен сүрөттөлөт. Бул жерде "таканак" деп алгыр куштун балтырына өскөн жүнү айтылууда. Бул сөздүн дагы бир маанисинде күйкөнүн кырааны катары белгиленет. Учурда салбуурун калкка кеңири тарап, кулачын жаюуда. Анын алкагында мүнүшкөрлүктө куштун балтырындагы жүнү дебестен "таканак" дегенди колдонууга болот", — деди Талантбеков.

Манасчы куштун төшү, канаты жана башка бөлүктөрүндөгү жүндөрүнүн аталышы бар экенин кошумчалады.

123
Белгилер:
Нурбек Талантбеков, көөнө сөз, Манас эпосу, эне тил, Кыргызстан
Тема боюнча
Талантбеков: Тибетте мантыны "Манас" эпосунда кездешкен сөз менен аташат
Көчөдө бараткан аял. Архив

Шейшембиге карата аба ырайы

0
30-ноябрь, шейшембиге, караган түнү жаан-чачын күтүлбөйт. Шамалдын багыты өзгөрүлүп, ылдамдыгы секундасына 1-6 метрге жетет.

БИШКЕК, 29-ноя. — Sputnik. 30-ноябрда республика боюнча күн ачык болот. Мындай маалыматты Кыргызгидромет таратты.

Абанын температурасы Чүй облусунда +9...+14, Таласта +8...+13, Ош, Жалал-Абад жана Баткен облустарында +10...+15, Ысык-Көл өрөөнүндө +2...+7, Нарын аймагында -2...+3 градуска чейин көтөрүлөт.

Борбор калаада күндүн табы +12...+14, Ош шаарында +13...+15 градуска чейин жете турганы айтылды.

0
Белгилер:
аба ырайы, Кыргызстан
Тема боюнча
Дүйнө тынчсызданган "омикрон" штаммынын белгилери, кайдан чыкканы айтылды