Жол коопсуздугу коомдук бирикмесинин директору Чынара Касмамбетова

Касмамбетова: мектептин жанында ылдамдыкты саатына 30 чакырымга азайтуу керек

58
(жаңыланган 12:02 20.11.2021)
"Жол коопсуздугу" коомдук бирикмесинин директору Чынара Касмамбетова №5 жана №67 мектептин айланасында пилоттук негизде унааларга саатына 30 чакырым ылдамдыкта жүрүү боюнча чек коюлуп жатканын айтты.

Кыргызстанда жол кырсыктарынын басымдуулугу ылдамдыкты сактабагандан улам катталууда. Өзгөчө жол оңдолуп же жаңы курулса эле айдоочулар ылдамдыкты жогорулата баштайт. Мындай көрүнүш дүйнө жүзүндө кездешүүдө. Бул тууралуу Чынара Касмамбетова Sputnik Кыргызстан радиосунун эфиринде маек куруп жатып билдирди.

Касмамбетова: мектептин жанында ылдамдыкты саатына 30 чакырымга азайтуу керек

Анын айтымында, кырсыкты алдын алуу үчүн жаңы курулуп же оңдолуп жаткан жолдун инфраструктурасын талапка жооп бергидей жасоо керек.

"Жол кыймылынын коопсуздугу боюнча иштелип чыккан жаңы программада автоунаалардын ылдамдыгын көзөмөлдөө боюнча сунуштамалар берилди. Азыркы абалды эске алуу менен жол коопсуздугу боюнча дүйнөдө көрүлүп жаткан чараларды биз дагы колдонушубуз керек. Мыйзамга ылайык, азыр калктуу конуштарда транспорт каражаттарына саатына 60 километрден ашпаган ылдамдыкта жүрүүгө уруксат берилген. Ал эми мектептердин жанында саатына 40 чакырымдан ашпоо керек. Көпчүлүк айдоочулар жол бош болсо эле бул чектөөнү эске алышпайт. Өкмөттүн калктуу жерлерде автоунаанын ылдамдыгын 50гө, ал эми мектептин айланасында жүрүүнү 30 чакырымга түшүрүү планы бар. Бул "Жол коопсуздугу" коомдук бирикмесинин программасына да дал келип жатат. Биз №5 жана №67 мектептердин айланасында пилоттук негизде унааларга саатына 30 чакырым ылдамдыкта жүрүү боюнча чек коюп жатабыз. Ошондой эле балдарын унаа менен ташыган ата-энелер үчүн жол боюна буфердик зона уюштуруу аракеттери көрүлүүдө. Себеби бул жерде кыймыл өтө көп, тыгын болгонуна карабай ушул жерде эле сентябрдан бери эки баланы унаа коюп кетти. Эгер ылдамдык 30 чакырымга азайтылса, сүзүп кетсе дагы бала аман калат. Андыктан ушул жагын эске алып, жаңы эрежелерди киргизишибиз керек", — деди Касмамбетова.

Ал 21-ноябрь – Бүткүл дүйнөлүк жол кырсыгынын курмандыктарын эскерүү күнү, жекшембиде жол кырсыктарын алдын алуу боюнча чара көрүүгө мамлекетти үндөп жана бул маанилүү темага коомчулуктун көңүлүн буруу максатында тынчтык жүрүшү (Филармониядан Өкмөт үйүнө чейин) өтөрүн кошумчалады.

58
Белгилер:
жол коопсуздугу, ылдамдык, мектеп, чектөө, Чынара Касмамбетова
Тема боюнча
"Түндүк электрдин" унаасындагы үч адам көз жумган. Чүйдөгү кырсыктын чоо-жайы
Айыл чарба министрлигинин айыл чарба өсүмдүктөрүн экспертизалоо департаментинин башкы агроном-биологу Бермет Иманбаева

Иманбаева: үрөн селекциясында жапайы өсүмдүктөрдүн келечеги кең

4
Айыл чарба министрлигинин айыл чарба өсүмдүктөрүн экспертизалоо департаментинин башкы агроном-биологу Бермет Иманбаева селекциялоодо жапайы өсүмдүктөрдүн мааниси тууралуу айтып берди.

Үрөн селекциясында жапайы өсүмдүктөрдүн келечеги кең. Анткени алар өлкөдөгү климатка ыңгайлуу, ооруларга каршы туруктуу болушат. Бул тууралуу Бермет Иманбаева Sputnik Кыргызстан радиосунда маек куруп жатып билдирди.

Иманбаева: үрөн селекциясында жапайы өсүмдүктөрдүн келечеги кең

Анын айтымында, өлкөнүн био-түрдүүлүгүн изилдөө үчүн чет мамлекеттерден экспедициялар келип турат.

"Генетикалык банкта айыл чарба өсүмдүктөрү менен бирге алардын жапайы түрлөрү дагы сакталат. Анткени жапайы түрү селекциялоодо маданий өсүмдүктүн жакын түрү болуп саналат. Кыйыштырганда жапайы түрүнүн гени дал келип жакшы сортторду чыгарууга мүмкүнчүлүк түзүлөт. Ошондой эле жапайы түрлөрү өлкөдөгү климатка ыңгайлуу, ооруларга каршы туруктуу болушат. Үрөн селекциясында булардын келечеги кең. Селекцияны өнүктүрүү, өлкөнүн пайдасына колдонуу үчүн өсүмдүктөрдүн жапайы түрлөрү эң чоң байлык болуп эсептелет. Анын үстүнө Кыргызстанда маданий өсүмдүктөрдүн жапайы түрлөрү абдан көп. Ошондуктан башка мамлекеттерден экспедициялар келип, изилдешет. Себеби алар өздөрүнүкүн жоготуп алышкан", — деди Иманбаева.

Ошондой эле ал өлкөнүн климаты ар кандай өсүмдүктөрдүн түрлөрүнө ыңгайлуу экенин кошумчалады.

Подкасттын толук вариантын видеодон көрүңүз:

4
Белгилер:
үрөн, өсүмдүктөр, дыйкан, Бермет Иманбаева
Тема боюнча
Кыргызстанда сактоодогу үрөндөрдүн коллекциялары жаңыртылат
Борбордук шайлоо комиссиясынын мүчөсү Акбалык Жумалиева

Жумалиева: бул шайлоодо соцтармактар да көзөмөлдөндү

24
Борбордук шайлоо комиссиясынын мүчөсү Акбалык Жумалиева парламенттин VII чакырылышына карата үгүт иштеринде өлкөдө алгачкы ирет социалдык тармактар да келишимдин негизинде көзөмөлгө алынганын айтты.

Жогорку Кеңешке шайлоо боюнча белгиленген бир айлык үгүт иштерин жүргүзүүдө бул ирет социалдык тармактар да көзөмөлгө алынды. Ал үчүн Facebook компаниясы менен расмий келишимдин негизинде иш алып бардык. Бул тууралуу Акбалык Жумалиева Sputnik Кыргызстан радиосунда маек куруп жатып билдирди.

Жумалиева: бул шайлоодо соцтармактар да көзөмөлдөндү

Анын айтымында, Facebook, Instagram жана YouTube каналдарына жайгаштырылган үгүт материалдары расмий көзөмөлгө алынган.

"Бул ирет БШК социалдык тармактар аркылуу жүргүзүлгөн үгүт материалдарына да көзөмөл кылды. Мисалы, Facebook тармагында жайгашкан бардык талапкерлердин жана партиялардын расмий баракчалары компанияга берилип, Facebook таргетинг (бөлүп рекламалоо механизми) боюнча маалыматтарды бизге берип жатты. Мунун натыйжасында биз мониторинг жүргүзүп, көзөмөлгө алдык. Максаты аталган социалдык тармакта жайгашкан үгүт материалдарынын финансылык тазалыгын аныктоо, мыйзам бузуулардын алдын алуу болду. Instagram боюнча да ушундай эле иштер жүргүзүлдү. Ошондой эле материалдын маани-маңызын текшерип, чагымчылдык чакырыктар же башка мыйзам бузулуулар катталган учурда талапкерлерге эскертүү берилип же айып пул салынды. Ал эми YouTube каналы тууралуу айта турган болсок, бул жерде да үгүт менен алектенген каналдар белгиленген. Аларга жайгаштырылган материалдардын маани-мазмунуна көзөмөл жүргүзүлүп жатты. Айталы. көрсөтүлгөн ролик же интервью болобу, анын ким тарабынан каржыланганы титринде жазылышы керек. Мындай талаптар аткарылбаган учурда талапкерлер жоопко тартылат. Ушундай мыйзам бузуулардан улам эскертүү алып, ал тургай айып пулга жыгылган талапкерлер да болду. Бирок эң көп мыйзам бузуу фактылары интернет айдыңында эмес, баннерди мыйзамсыз жерлерге илүү боюнча катталды", — деди Жумалиева.

Ал күнүнө орто эсеп менен социалдык тармакта мыйзам бузуу боюнча он чакты кайрылуу келип түшүп жатканын, айрымдары жарандык активисттерден болсо, кээси жай тургундардан болгонун кошумчалады.

24
Белгилер:
шайлоо, үгүт, социалдык тармак, Акбалык Жумалиева
Тема боюнча
Бактыгулов: шайлоо — кандайдыр бир деңгээлде саясий люстрация
Министрлер кабинетинин төрагасы Акылбек Жапаров

Акылбек Жапаров алгачкы жолу электрондук документке кол коюп, аткарууга жөнөттү

8
(жаңыланган 11:34 27.11.2021)
Бул системаны ишке киргизүү кагаз менен иштөө процессин жоюуну тездетет, документ жүгүртүү процессинин ыкчамдуулугун жана эффективдүүлүгүн олуттуу түрдө жогорулатат.

БИШКЕК, 27-ноя. — Sputnik. Министрлер кабинетинин төрагасы Акылбек Жапаров биринчи жолу электрондук санариптик кол тамгасы бар документтерге кол коюп, Infodocs тутуму аркылуу аткарууга жөнөттү. Бул тууралуу өкмөттүн маалымат кызматы кабарлады.

Председатель кабинета министров Акылбек Жапаров впервые подписал документы электронной подписью и направил на исполнение посредством системы электронного документооборота Infodocs (СЭД). 27 ноября 2021 года
© Пресс-служба правительства / Алишер Алиев
Министрлер кабинетинин төрагасы Акылбек Жапаров биринчи жолу электрондук санариптик кол тамгасы бар документтерге кол коюп, Infodocs тутуму аркылуу аткарууга жөнөттү

Мындай жол менен "Кыргыз Республикасынын мамлекеттик башкаруусуна санариптик технологияларды киргизүүнү активдештирүү боюнча кечиктирилгис чаралар жөнүндө" жарлыгын аткаруунун алкагында электрондук документ жүгүртүү тутуму ишке киргизилди.

"Бул системаны ишке киргизүү кагаз менен иштөө процессин жоюуну тездетет, документ жүгүртүү процессинин ыкчамдуулугун жана эффективдүүлүгүн олуттуу түрдө жогорулатат. Ошондой эле кызматтык кат алышуу процесстерин жөнөкөйлөтөт. Борборлоштурулган системанын артыкчылыктарынын бири мамлекеттик органдардын ишмердүүлүгүнө баа берүү жана мониторинг жүргүзүү мүмкүнчүлүгү болуп саналат", — деп айтылат билдирүүдө.

Учурда 853 мамлекеттик органда, аларга караштуу ведомстволук жана аймактык түзүмдөрдө электрондук документ жүргүзүү (ЭДТ) ишке киргизилген. Аны пайдалануучулардын саны мамлекеттик жана муниципалдык органдарды кошкондо 32 миң кызматкерди түзөт. Тутум ишке киргизилгенден бери 2 миллион 161 миң документ катталган.

8
Белгилер:
Кыргызстан, өкмөт, санариптештирүү, документ, Акылбек Жапаров
Тема боюнча
Акылбек Жапаров: жөлөк пулдун айрым түрү жаңы жылдан тарта 200%га жогорулайт