Бишкек мэриясынын Социалдык өнүктүрүү башкармалыгынын адиси Айниса Пусурманова

Пусурманова: баш калкалоочу жайлар жылына 1000-1500 адамды тейлейт

22
Бишкек мэриясынын Социалдык өнүктүрүү башкармалыгынын адиси Айниса Пусурманова үй-жайсыз жарандарга кам көрүү үчүн төрт баш калкалоочу жай жана бир боорукердик борбор иш алып барарын маалымдады.

Убактылуу баш калкалоочу жайлардын ар бири жылына 1000-1500 үй-жайсыз адамды тейлейт. Алар жарандарга медициналык, юридикалык жана психологиялык жардам көрсөтүшөт. Бул тууралуу Айниса Пусурманова Sputnik Кыргызстан радиосунда маек куруп жатып билдирди.

Пусурманова: баш калкалоочу жайлар жылына 1000-1500 адамды тейлейт

Анын айтымында, борбор калаада эки баш калкалоочу жай убактылуу, экөө жыл бою иш алып барат.

"Бишкекте учурда төрт баш калкалоочу жай жана боорукердик борбор кызмат көрсөтүүдө. Алар үй-жайсыз адамдарды, ал эми боорукердик борбордо оор кырдаалга кабылган аялдарды тейлешет. Жалпысынан баш калкалоочу жайлардын ар бири жылына 1000-1500 үй-жайсыз адамга көмөк көрсөтөт. Мисалы, "Коломто" баш калкалоочу жайы 2020-жылы 1 365 адамга жардам берген. Бул көрсөткүч быйылкы жылдын 10 айында 1062 адамга жетти. Булардын ичинен 66 адам туугандарына кайтарылып, төрт адам жумушка орноштурулган. Алты адамдан кургак учук аныкталып тийиштүү ооруканага жаткырылды. Башка илдеттер менен 74 киши жаткырылып, 11 киши каза болгон. Ал эми жети киши ар кандай интернаттарга жайгаштырылган. 1998-2000-жылдары жылына 130-140 эле адамды тейлеп келсе, учурда 10 эсе көбөйгөнү көрүнүп турат. Негизинен бул мекеме 70 адамга ылайыкташтырылган, бирок сууктун түшүшү менен адамдар көбөйүп 100гө чейин жетет. Быйыл анын санитардык блогу толугу менен оңдоп-түзөөдөн өткөрүлдү. Ошондуктан ал жактан үй-жайсыздар же турмуштук оор кырдаалга кабылгандарды жуунтуп-тазалантып, тамак-аш менен камсыздайт. Мындан тышкары, мүмкүнчүлүккө жараша эски кийимдерди бере алышат. Башка баш калкалоочу жайларда дагы тийиштүү шарттар түзүлүүдө. Келген жарандарды каттоого алып, медициналык кароодон өткөрөт. Эгерде ооруканага жаткыруу зарылдыгы болсо көмөк көрсөтүшөт. Жеке баарлашуунун негизинде кандай болуп көчөдө калганы аныкталып, колдон келсе туугандары менен байланыштырылат", — деди Пусурманова.

Ошондой эле ал үй-жайсыз адамдардын жоголгон документтерин калыбына келтирүү аракеттери жасаларын кошумчалады.

 

22
Белгилер:
көмөк, Коломто, Айниса Пусурманова
Тема боюнча
Бишкекте убактылуу баш калкалоочу жайлар иштеп жатат. Дареги, телефондору
Борбордук шайлоо комиссиясынын мүчөсү Акбалык Жумалиева

Жумалиева: бул шайлоодо соцтармактар да көзөмөлдөндү

24
Борбордук шайлоо комиссиясынын мүчөсү Акбалык Жумалиева парламенттин VII чакырылышына карата үгүт иштеринде өлкөдө алгачкы ирет социалдык тармактар да келишимдин негизинде көзөмөлгө алынганын айтты.

Жогорку Кеңешке шайлоо боюнча белгиленген бир айлык үгүт иштерин жүргүзүүдө бул ирет социалдык тармактар да көзөмөлгө алынды. Ал үчүн Facebook компаниясы менен расмий келишимдин негизинде иш алып бардык. Бул тууралуу Акбалык Жумалиева Sputnik Кыргызстан радиосунда маек куруп жатып билдирди.

Жумалиева: бул шайлоодо соцтармактар да көзөмөлдөндү

Анын айтымында, Facebook, Instagram жана YouTube каналдарына жайгаштырылган үгүт материалдары расмий көзөмөлгө алынган.

"Бул ирет БШК социалдык тармактар аркылуу жүргүзүлгөн үгүт материалдарына да көзөмөл кылды. Мисалы, Facebook тармагында жайгашкан бардык талапкерлердин жана партиялардын расмий баракчалары компанияга берилип, Facebook таргетинг (бөлүп рекламалоо механизми) боюнча маалыматтарды бизге берип жатты. Мунун натыйжасында биз мониторинг жүргүзүп, көзөмөлгө алдык. Максаты аталган социалдык тармакта жайгашкан үгүт материалдарынын финансылык тазалыгын аныктоо, мыйзам бузуулардын алдын алуу болду. Instagram боюнча да ушундай эле иштер жүргүзүлдү. Ошондой эле материалдын маани-маңызын текшерип, чагымчылдык чакырыктар же башка мыйзам бузулуулар катталган учурда талапкерлерге эскертүү берилип же айып пул салынды. Ал эми YouTube каналы тууралуу айта турган болсок, бул жерде да үгүт менен алектенген каналдар белгиленген. Аларга жайгаштырылган материалдардын маани-мазмунуна көзөмөл жүргүзүлүп жатты. Айталы. көрсөтүлгөн ролик же интервью болобу, анын ким тарабынан каржыланганы титринде жазылышы керек. Мындай талаптар аткарылбаган учурда талапкерлер жоопко тартылат. Ушундай мыйзам бузуулардан улам эскертүү алып, ал тургай айып пулга жыгылган талапкерлер да болду. Бирок эң көп мыйзам бузуу фактылары интернет айдыңында эмес, баннерди мыйзамсыз жерлерге илүү боюнча катталды", — деди Жумалиева.

Ал күнүнө орто эсеп менен социалдык тармакта мыйзам бузуу боюнча он чакты кайрылуу келип түшүп жатканын, айрымдары жарандык активисттерден болсо, кээси жай тургундардан болгонун кошумчалады.

24
Белгилер:
шайлоо, үгүт, социалдык тармак, Акбалык Жумалиева
Тема боюнча
Бактыгулов: шайлоо — кандайдыр бир деңгээлде саясий люстрация
ММКФтин Бишкек аймактык башкармалыгынын медициналык кызматтын сапатын эксперттөө секторунун башчысы Света Нуралиева

Нуралиева: өлкөдө элдин 70-72 пайызы медициналык жактан камсыздандырылган

10
ММКФтин Бишкек аймактык башкармалыгынын медициналык кызматтын сапатын эксперттөө секторунун башчысы Света Нуралиева эч жакта иштебей камсыздандырылбаган адамдар бир жылдык медициналык камсыздандыруу полиси аркылуу дары-дармектерди жеңилдетилген негизде ала аларын айтты.

Милдеттүү медициналык камсыздандыруу фондунун Бишкек аймактык башкармалыгы быйыл 28 фармацевтикалык компания менен (300дөй дарыкана) келишим түздү. Бул тууралуу Света Нуралиева Sputnik Кыргызстан радиосунун эфиринде маек куруп жатып билдирди.

Нуралиева: өлкөдө элдин 70-72 пайызы медициналык жактан камсыздандырылган

Анын айтымында, Кыргызстан боюнча элдин 70-72 пайызы медициналык жактан камсыздандырылган.

"Милдеттүү медициналык камсыздандыруу фондунун бейтаптар үчүн жеңилдетилген жана мамлекеттик кепилдик программалары бар. Мында бейтаптар дарынын жарым баасын чыгарса, калганын фонд төлөйт. Ал эми мамлекеттик кепилдик программасына ылайык өнөкөт оорусу бар (бронхиалдык астма, онкологиялык оорулар, эпилепсия, шизофрения ж.б.) бейтаптарга 90 пайызга чейин жеңилдик берилет. Бул программаларды көп адамдар билбей калып жатат. Медициналык камсыздандыруу алуу үчүн бейтаптар үй-бүлөлүк дарыгерлер борборуна барып, диспансердик каттоого турушу керек. Ал үчүн паспортундагы 14 сандан турган персоналдык номерин жазуу жетиштүү. Милдеттүү медициналык камсыздандыруу фондунун Бишкек аймактык башкармалыгы быйыл 28 фармацевтикалык компания менен (300дөй дарыкана) келишим түздү. Ал дарыканаларда ММКФ жана мамлекеттик кепилдик программасынын рецептин кабыл алабыз деп жазылып турат. Дарыкана ээлери электрондук рецепт системасы аркылуу бейтаптын камсыздандырылгандыгы тууралуу маалымат алып, ошого жараша дары сатат. Өнөкөт оорусу барлар ошол ПИН номери аркылуу эле (базада канча пайыз медициналык жеңилдетүү алганы чыгып калат) дарыканага барып кийинки дозасын алса болот", — деди Нуралиева.

Ал канча дары канча оорулууга сатылганы боюнча маалымат электрондук рецепт системасынын базасына топтолорун кошумчалады.

 

10
Белгилер:
дары-дармек, жеңилдик, камсыздандыруу, медицина
Тема боюнча
УКМК: Кыргызстанда эң керектүү 500 дары-дармек арзандады
COVID-19 тест лабораториясынын кызматкери. Архив

Адис: COVID-19дун жаңы штаммы СПИД болгон адамда пайда болушу мүмкүн

0
(жаңыланган 11:03 27.11.2021)
Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталып, Дүйнөлүк саламаттык сактоо уюму жума күнү чукул жыйын өткөргөн.

БИШКЕК, 27-ноя. — Sputnik. Азырынча аталышы жок, бирок B.1.1.529 деп белгиленип жаткан коронавирустун жаңы түрү алгач СПИД менен ооруган адамдын организминде пайда болушу мүмкүн. Бул тууралуу россиялык иммунолог Николай Крючков "Ридус" басылмасына билдирди.

Эске салсак, Түштүк Африкадагы Ботсвана өлкөсүндө коронавирустун B.1.1.529 аттуу жаңы штаммы катталгандыгына байланыштуу Дүйнөлүк саламаттык сактоо уюму жума күнү чукул жыйын өткөргөн.

Коронавирустун жаңы түрү аныкталганына байланыштуу Улуу Британия менен Израилде Түштүк Африкага каттамдар токтотулган.

"Жаңы вариант тууралуу азырынча көп нерсе белгисиз. Бирок окумуштуулар бул мутация ВИЧ-инфекциясын жуктурган адамдын организминде болгон деп божомолдоп жатышат. Болгондо дагы оорусу күчөп кеткен адамда. Жаңы штамм пайда болгон Түштүк Африкада СПИД илдетине чалдыккан адамдар көп болгондуктан, бул туура божомол деп ишенип жатабыз", — деди дарыгер.

Адис вирус өтө жугуштуу экенин айтып, ал вакцинага дагы туруштук бериши мүмкүн деп божомолдоодо.

"Бул вирус 32 жолу мутация болгон. Демек, өтө жугуштуу. Штаммдын бир бөлүгү "дельта", дагы бир бөлүгү "беттадан" турат. Курамында жаңы бөлүкчөлөр дагы бар", — деди Крючков.

Адис бул штамм дагы дүйнөгө тарап кетиши толук мүмкүн экенин кошумчалады.

0
Белгилер:
Дүйнө, коронавирус, жаңы штамм
Тема:
Дүйнөгө жайылган коронавирус
Тема боюнча
Адис COVID-19га каршы вакцинанын таасири канча убакытка жетип жатканын айтты
Россия: COVID-19га каршы өспүрүмдөр вакцинаcын колдонууга уруксат берилди