ММКФтин Бишкек аймактык башкармалыгынын медициналык кызматтын сапатын эксперттөө секторунун башчысы Света Нуралиева

Нуралиева: өлкөдө элдин 70-72 пайызы медициналык жактан камсыздандырылган

18
ММКФтин Бишкек аймактык башкармалыгынын медициналык кызматтын сапатын эксперттөө секторунун башчысы Света Нуралиева эч жакта иштебей камсыздандырылбаган адамдар бир жылдык медициналык камсыздандыруу полиси аркылуу дары-дармектерди жеңилдетилген негизде ала аларын айтты.

Милдеттүү медициналык камсыздандыруу фондунун Бишкек аймактык башкармалыгы быйыл 28 фармацевтикалык компания менен (300дөй дарыкана) келишим түздү. Бул тууралуу Света Нуралиева Sputnik Кыргызстан радиосунун эфиринде маек куруп жатып билдирди.

Нуралиева: өлкөдө элдин 70-72 пайызы медициналык жактан камсыздандырылган

Анын айтымында, Кыргызстан боюнча элдин 70-72 пайызы медициналык жактан камсыздандырылган.

"Милдеттүү медициналык камсыздандыруу фондунун бейтаптар үчүн жеңилдетилген жана мамлекеттик кепилдик программалары бар. Мында бейтаптар дарынын жарым баасын чыгарса, калганын фонд төлөйт. Ал эми мамлекеттик кепилдик программасына ылайык өнөкөт оорусу бар (бронхиалдык астма, онкологиялык оорулар, эпилепсия, шизофрения ж.б.) бейтаптарга 90 пайызга чейин жеңилдик берилет. Бул программаларды көп адамдар билбей калып жатат. Медициналык камсыздандыруу алуу үчүн бейтаптар үй-бүлөлүк дарыгерлер борборуна барып, диспансердик каттоого турушу керек. Ал үчүн паспортундагы 14 сандан турган персоналдык номерин жазуу жетиштүү. Милдеттүү медициналык камсыздандыруу фондунун Бишкек аймактык башкармалыгы быйыл 28 фармацевтикалык компания менен (300дөй дарыкана) келишим түздү. Ал дарыканаларда ММКФ жана мамлекеттик кепилдик программасынын рецептин кабыл алабыз деп жазылып турат. Дарыкана ээлери электрондук рецепт системасы аркылуу бейтаптын камсыздандырылгандыгы тууралуу маалымат алып, ошого жараша дары сатат. Өнөкөт оорусу барлар ошол ПИН номери аркылуу эле (базада канча пайыз медициналык жеңилдетүү алганы чыгып калат) дарыканага барып кийинки дозасын алса болот", — деди Нуралиева.

Ал канча дары канча оорулууга сатылганы боюнча маалымат электрондук рецепт системасынын базасына топтолорун кошумчалады.

 

18
Белгилер:
дары-дармек, жеңилдик, камсыздандыруу, медицина
Тема боюнча
УКМК: Кыргызстанда эң керектүү 500 дары-дармек арзандады
Улуттук илимдер академиясынын Саясий изилдөөлөр жана экспертиза борборунун директору, академик Чолпонкул Арабаев

Арабаев: шайлоонун жыйынтыгы боюнча талаштарга кол менен саноо чекит коет

98
(жаңыланган 14:01 29.11.2021)
Улуттук илимдер академиясынын Саясий изилдөөлөр жана экспертиза борборунун директору, академик Чолпонкул Арабаев шайлоо салыштырмалуу таза өткөнүн белгиледи.

Шайлоонун алдын ала жыйынтыгы боюнча талаштарга кол менен саноо чекит коюшу керек. Мындай пикирин Чолпонкул Арабаев Sputnik Кыргызстан радиосунда маек куруп жатып билдирди.

Арабаев: шайлоонун жыйынтыгы боюнча талаштарга кол менен саноо чекит коет

Анын айтымында, шек жараткан участкаларда кол менен саноого байкоочулар, партиялардын өкүлдөрү катышуусу зарыл.

"Шайлоонун табияты ушундай болот экен. Кандай гана болбосун, натыйжасы талаш жаратып келет. Соңку учурда бул өнөктүк көйгөй жараткан процесске айланып бара жаткандай түр калтырат. Анткен менен кечээки шайлоо мурдагыларга салыштырмалуу таза өттү десек болот. Себеби административдик ресурсту колдонууга бөгөт коюлуп, татыктууларды тандоого мүмкүндүк жаралды. Ошентсе дагы мандатка жетпей калган партиянын өкүлдөрү ар кандай чакырыктарды жасап, пикир билдирүүдө. Негизи шайлоодон жеңгенди да, татыктуу жеңилгенди дагы билиш керек. Техникалык мүчүлүштүктөрдөн улам алдын ала жыйынтыгы талаш жаратууда. Муну чечүүнүн жалгыз жолу — кол менен саноо. Партиялардын жана бир мандаттуу округдан катышкан талапкерлердин өкүлдөрү шайлоо участкаларында отурду. Ошолордун катышуусу менен бардык бюллетендерди кол менен саноо зарыл. Ошондо гана шайлоонун алдын ала жыйынтыгы боюнча талаштарга чекит коюлушу керек", — деди Арабаев.

Ошондой эле ал саясатчылардын билдирүүлөрү коомдо ажырым жаратпашы керектигин кошумчалады.

Подкасттын толук вариантын видеодон көрүңүз:

98
Белгилер:
Чолпонкул Арабаев, шайлоо, саясат, жыйынтык
Тема:
2021-жылкы парламенттик шайлоонун жыйынтыгы
Тема боюнча
БШК добуштарды кол менен эсептей баштады
Көөнө сөз рубрикасы

Талантбеков: күйкөнүн алгырын же куштун балтыр жүнүн "таканак" десе болот

129
"Көйкашка" коомдук бирикмесинин мүчөсү, манасчы Нурбек Талантбеков "Манас" эпосунда кездешкен көөнө сөздөрдүн бирин чечмелеп берди.

Таканак деген — алгыр куштун балтыр жүнү. Дагы бир маанисинде күйкөнүн алгыры катары айтылат. Бул тууралуу Нурбек Талантбеков Sputnik Кыргызстан радиосунун "Көөнө сөз" рубрикасында билдирди.

Талантбеков: күйкөнүн алгырын же куштун балтыр жүнүн "таканак" десе болот

Анын айтымында, эпостогу көөнө сөздөрдү колдонуу менен сөз байлыкты кеңейтүүгө болот.

Манасчи, член общественного объединения Көйкашка Нурбек Талантбеков
© Sputnik / Эркин Садыков
"Көйкашка" коомдук бирикмесинин мүчөсү, манасчы Нурбек Талантбеков
"Манас" эпосунда көп кездешкен "таканак" деген сөз бар. Жакып, Чыйырды түш көргөндөгүсүндө "салоорлору сары алтын, таканак жүнү дагы алтын. Чырымтал жүнү чылк алтын" деп келип, аягында "алтымыш кулач жибек боо, үпкөлөп жүрүп багыпмын" деген саптар менен сүрөттөлөт. Бул жерде "таканак" деп алгыр куштун балтырына өскөн жүнү айтылууда. Бул сөздүн дагы бир маанисинде күйкөнүн кырааны катары белгиленет. Учурда салбуурун калкка кеңири тарап, кулачын жаюуда. Анын алкагында мүнүшкөрлүктө куштун балтырындагы жүнү дебестен "таканак" дегенди колдонууга болот", — деди Талантбеков.

Манасчы куштун төшү, канаты жана башка бөлүктөрүндөгү жүндөрүнүн аталышы бар экенин кошумчалады.

129
Белгилер:
Нурбек Талантбеков, көөнө сөз, Манас эпосу, эне тил, Кыргызстан
Тема боюнча
Талантбеков: Тибетте мантыны "Манас" эпосунда кездешкен сөз менен аташат
Шайлоонун жыйынтыктарын кол менен эсептеп жаткан БШК кызматкерлери

Кол менен эсептөөдө кайсы партиялар алдыда келе жатат? Соңку маалымат

0
(жаңыланган 09:57 30.11.2021)
Cаат 9:30га карата БШКга шайлоо участкаларынан 487 протокол келип түшкөн. Бул жалпы протоколдун 19,53 пайызын түзөт.

БИШКЕК, 30-ноя. — Sputnik. БШК Жогорку Кеңешке шайлоодо берилген добуштардын 19,53 пайызын колдо эсептеп бүттү.

30-ноябрь саат 9:30га карата БШКга шайлоо участкаларынан 487 протокол келип түшкөн. Бул 19,53 пайызды түзөт. Жалпы 3 703 420 жаран шайлоо укугуна ээ болгон.

Азырынча "Ынтымак" (13,30%), "Ата-Журт Кыргызстан" (12,87%), "Ишеним" (11,22%), "Ыйман нуру" (7,32%), "Эл үмүтү" (6,98) жана "Аяльянс" (6,20%) партиялары алдыда.

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыкты. Партия тизмеси боюнча беш пайыздык босогодон алты партия өттү. Бир мандаттуу округ боюнча да алдын ала жыйынтык чыкты. Акыркы жыйынтык протоколдордун баары кол менен эсептелип чыккандан кийин расмий жарыяланат.

Белгилей кетсек, шайлоо тилкелери жабылгандан кийин БШКнын сайты кеминде эки жолу иштебей калды. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калган. Өз кезегинде БШК төрайымы бул боюнча жооп берген.

0
Белгилер:
Кыргызстан, шайлоо, кол менен эсептөө, саясый партия
Тема:
Жогорку Кеңешке жаңы тартип менен болчу шайлоо
Тема боюнча
Түшүнүп-түшүнбөй... Бул шайлоо эмнеси менен эсти оодарды
Садыр Жапаров добушун эмнеге Равшан Жээнбековго бергенин түшүндүрдү
Бир мандаттуу округдан жеңген талапкерлер. АСУ эсеби жана карта