Куран окулуп атканда мусулман киши. Архивдик сүрөт

Россия: коронавирустан көз жумган мусулман адамын кремация кылса болору айтылды

1082
(жаңыланган 18:16 22.04.2020)
Эгерде COVID-19дан көз жумган адамды кепиндеп жерге беребиз деп, бирок кооптуулук баары бир жаралып турса, аны табыт менен көмсө болору айтылган.

БИШКЕК, 10-апр. – Sputnik. Россиядагы мусулмандардын Аалымдар кеңеши коронавирустан улам каза тапкан кишини жерге берүү боюнча тартип иштеп чыгып, анда маркумду кремация кылууга болот деген эреже чыгарып берди. Бул тууралуу РИА Новости жазды. 

Документте каза болгон кишини кепинге оробой же майрам сууга албай жерге берсе болору айтылган.

"Маркумду жуундуруу сөзсүз жасала турган нерсе. Бирок коронавирус инфекциясынын кооптуулугу күч болсо, аны майрам сууга алган кишилерге жугуп калбашы үчүн кеңеш муну кылбай койсо болот деп эсептейт", — деп айтылган маалыматта.

"Эгерде COVID-19дан көз жумган адамды өлүктүн зыйнатын кылып кепиндеп жерге беребиз деп, бирок кооптуулук баары бир жаралып турса, аны табыт менен көмсө болот", — деп тактаган аталган кеңеш.

Аалымдар кеңеши Россиянын Саламаттык сактоо министрлигинин нускамаларына таянууну да сунуштайт.

Мында Аалымдар кеңеши маркумду мусулман эмес кишилердин мүрзөсүнө көмүүгө, андан сырткары, исламда тыюу салынганы менен кремация кылса болот деген уруксатын берген.

"Россиянын мусулмандар башкармалыгына караган аймактык бөлүмдөргө Аалымдар кеңеши жергиликтүү бийликке каза болгон мусулман адамды жерге көмүүгө уруксат сурап кайрылууну сунуштады. Эгерде "өтүнүч канааттандырылбаса, маркумдун сөөгү муктаждыктан улам кремацияланып, буга шарият жол берди деп эсептелинет", — деп айтылган маалыматта.

Буга кошумча шарт-жагдайга жараша бир нече учурлар да киргизилген.

"Эгерде жол берилсе, кремация кылар алдында жаназа окулуп, сөөк жуулат. Эгерде майрам сууга алганга такыр болбосо жаназа окуса да, окубаса да болот", — деп айтылган.

Маркумду көмүп жатканда кишилер аз келиши керек, алар жакын туугандары болушу мүмкүндүгү белгиленген.

Коронавирустан Россияда каза тапкандарды саны 94 киши экени айтылды. Ал эми Кыргызстанда бүгүн Ноокаттагы ооруканада 87 жаштагы бейтап каза тапканы айтылып, көз жумгандардын жалпы саны бешке жетти.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

1082
Белгилер:
коронавирус, жаназа, табыт, өлүм, Аалымдар кеңеши, мусулман, Россия
Тема:
Дүйнөгө жайылган коронавирус (1267)
Тема боюнча
Ошто коронавирус жуктургандардын арасында кош бойлуу келин бар
Пакистанда коронавируска чалдыккан кыргызстандык көз жумду
Абылгазиев: коронавирус менен күрөшүүдө ушул жана кийинки жума эң маанилүү
Россиянын президенти Владимир Путин

Путин Геленджиктеги хан сарай жана макулдашылбаган акциялар тууралуу үн катты

170
(жаңыланган 21:20 25.01.2021)
Путин Россиядагы студенттердин күнүнө арналган онлайн-жолугушууда Алексей Навальный даярдаган "иликтөө" жана митингдер тууралуу оюн билдирди.

БИШКЕК, 25-янв. — Sputnik. Россиянын президенти Владимир Путин YouTube каналындагы Геленджиктеги хан сарай боюнча тасма менен 23-январдагы макулдашылбаган акциялар боюнча үн катты. Бул тууралуу РИА Новости жазды.

Путин Россиядагы студенттердин күнүнө арналган онлайн-жолугушууда Алексей Навальный даярдаган "иликтөө" тууралуу суроого жооп берип жатып, бул тема көптөн бери апыртылып келе жатканын, ага азыр элдин башын айлантууга ыңгайлуу убакыт экенин билдирген.

РФ лидери убакыттын тардыгынан тасманы толук көрбөгөнүн, жардамчылары даярдап берген видео топтомдорго көз чаптырганын айткан.

"Бул суроого дароо эле жооп берейин. Меники деп көрсөтүлгөн мүлктөр мага дагы, туугандарыма дагы тиешеси жок жана болгон да эмес. Эч качан. Кагаз жүзүндө ыйгарылган нерселердин дагы далили жок. Ошол жактагы бассейнде түшкөн сүрөтүмдү чыгарышыптыр. Ал негизи 2016-жылы Енисейде тартылган, анан атайын монтаждап коюшкан. Башкачараак нерсени ойлоп тапканга акылдары жетпептир", — деген Путин.

Мындан тышкары, Россиянын президенти 23-январда ар кайсы шаарлардагы макулдашылбаган акцияларга токтолду. Анын айтымында, жарандар саясий ишмердүүлүгүн жүргүзүүгө, өз пикирин билдиргенге жана аны жайылтууга укуктуу. Бирок бардыгы мыйзам чегинде болушу керек.

"Ошондой эле укук коргоо органдары да мыйзамдын чегинде иш алып барышы керек. Алар Россиянын элине жана мамлекетине кызмат кылууга милдеттүү. Ушундай жол менен алдыга жыла алабыз деп ишенем", — деди Путин.

23-январь, ишемби күнү Россиянын ар кайсы шаарларында Навальныйдын тарапташтарынын макулдашылбаган нааразычылык акциялары өттү. Мыйзамсыз аракеттерди токтотууда кеминде 39 коопсуздук кызматкери жаракат алды.

Полиция биринчи кезекте бетин толугу менен жашыргандарды колго түшүрдү. Кармалгандардын саны боюнча азырынча расмий маалымат жок.

170
Белгилер:
акция, Алексей Навальный, Владимир Путин, Россия
Тема боюнча
Москвада полиция макулдашылбаган акцияга чыккандарды кармай баштады
Спутник V (Гам-КОВИД-Вак) вакцинасы. Архив

"Спутник V" вакцинасын кайсы оорусу барлар этияттык менен алышы керек? Инструкция

184
(жаңыланган 10:18 25.01.2021)
Россиянын Саламаттык сактоо министрлиги "Спутник V" вакцинасын 2020-жылдын август айында каттоого алган.

БИШКЕК, 25-янв. — Sputnik. "Гам-КОВИД-Вак" вакцинасын колдонуудагы инструкциянын жаңы редакциясында "Спутник V" вакцинасын рак оорусу бар бейтаптар өтө этияттык менен алышы керектиги жазылган. Документ РИА Новостиге жарыяланган.

Мындай алдын алуу препараттын онкологиялык ооруларга карата таасири боюнча маалыматтын жетишсиздиги менен түшүндүрүлгөн.

"Эмдөө боюнча маалыматтын жетишсиздиги аутоиммундук патологиясы барларды жана рак илдетине кабылгандарды тобокелчиликке салышы ыктымал", — деп жазылат инструкцияда.

Белгилей кетсек, Россиянын Саламаттык сактоо министрлиги "Спутник V" вакцинасын 2020-жылдын август айында каттоого алган. Ал Россиянын Түз инвестициялар фондунун колдоосу менен Гамалея улуттук борборунун адистери тарабынан иштелип чыккан.

Коронавируска каршы "Спутник V" вакцинасы дүйнөдө биринчи болуп эсептелет. Белгилей кетсек, "Гам-КОВИД-Вак" деген аталыштагы россиялык вакцина кийин "Спутник V" деп өзгөртүлгөн.

184
Белгилер:
эскертүү, оору, рак, вакцина, Спутник V
Тема:
"Спутник V" вакцинасы
Тема боюнча
Кыргызстан Россиядан 500 миң доза "Спутник V" вакцинасын сурады
Пандемия учурунда балалуу болобуз дегендерге адистин кеңеши
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

0
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

0
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди