Столдо турган медициналык маскалар жана антисептик. Архив

Вирусту өлтүрө турчу антисептиктер кандай болушу керек? Адистердин жообу

(жаңыланган 11:43 23.04.2020)
Курч респиратордук вирустук инфекцияларда бактерияга каршы каражаттарды колдонуу жетишсиз экендиги айтылат. Бактерияны да, вирусту да жок кылуу үчүн тери антисептигин да пайдалануу керек.

БИШКЕК, 23-апр. — Sputnik. Коронавирус пандемиясында колго себиле турчу антисептиктердин курамында кеминде 60-80 пайыз изопропил же этил спирти камтылса натыйжалуу болуп саналат. Мындай кеңешти Россиянын Колдонуучулардын жана адам жашоосунун жайлуулугун көзөмөлдөгөн федералдык кызматы (Роспотребнадзор) бергенин РИА Новости жазды.

"Антисептикалык каражатты сатып алып жатканда анын тийгизген таасирине, курамындагы спиртине көңүл буруңуз. Ошондой эле аны териге канча өлчөмдө колдонуу керектигине да абай салыңыз. Адатта мунун бардыгы көрсөтмөсүндө жазылат", — деп айтылат маалыматта.

Жалпысынан дары каражатын тандап жатканда ал кайсы ооруларга таасир этерине жакшылап көңүл буруу керек. Курч респиратордук вирустук инфекцияларда, сасык тумоодо жана башка дем алуу органдарынын ооруларында бактерияга каршы каражаттарды колдонуп коюу жетишсиз. Бактерияны да, вирусту да жок кылуу үчүн кеңири спектрдеги тери антисептигин да колдонуу керек. Аны алууда нускамасын караңыз.

Роспотребнадзор белгилегендей, колго арналган натыйжалуу антисептиктин курамында кеминде 60-80 пайыз изопропил же этил спирти камтылышы керек.

Белгилер:
антисептик, коронавирус, Россия
Тема боюнча
COVID-19: Кытайда сегиз күндөн бери адам өлүмү каттала элек
Карабаев: антителадан плазма жасоого COVID-19дан сакайгандар көп болушу керек

АКШнын Россияга каршы санкциялык тизмесинде жоктор "кимге иштейт"?

(жаңыланган 16:28 17.04.2021)
АКШнын антироссиялык санкциялары "гегемон чаралары" деп аталды. Мындай аныктаманы Кытай жаңы чектөөлөргө комментарий берип жатып айткан.

Пекин бул жалгыз эле Кытайдын эмес, жалпы дүйнө коомчулугунун пикири экенин билдирди. Ошону менен катар Россия менен Американы бири-бирин чектөөлөр менен кыйнай бербей, сөзгө келүүгө чакырды. Россия ТИМи Вашингтонго кандай жооп берерин да билдирди. АКШнын санкциялык тизмесине кирбеш үчүн "кимге иштеш" керек? Байден Путинге жайында жолугуп эмне тууралуу сүйлөшмөкчү?

Белгилер:
аракет, жооп, санкциялар, Кытай, Россия, АКШ, Владимир Путин, Жо Байден
Тема боюнча
АКШ санкциялары менен дүйнөгө болгон үстөмдүгүн кыйратууда
Бизнесмендерге чыккан туумдар, салык санкциялары жоюла турган болду. Шарттары
Россиядагы мигранттар. Архивдик сүрөт

Россияда мыйзамсыз жүргөн мигранттар 15-июнга чейин чыгып кетиши керек

(жаңыланган 15:28 17.04.2021)
Россия ИИМинин маалыматы боюнча, ушул тапта өлкөдө мыйзамсыз жүргөн чет элдиктердин саны жарым миллиондон ашып кетти.

БИШКЕК, 17-апр. — Sputnik. Россиянын ички иштер министринин орун басары Александр Горовой өлкөдө мыйзамсыз жүргөн мигранттар 15-июнга чейин чыгып кетиши керектигин эскертти. Бул тууралуу РИА Новости жазды.

КМШнын Парламенттер аралык ассамблеясынын 52-жыйынында коронавирус пандемиясы учурундагы миграция маселелери тууралуу сөз болду.

Горовойдун айтымында, буга чейин Россияда мигранттарга бир топ жеңилдиктер берилди. Бирок ушул тапта мыйзамсыз жүргөн чет элдиктердин саны жарым миллиондон ашып кетти.

"Эгер бул санды азайтпасак, 15-июндан тарта президенттин жарлыгына ылайык, мыйзамсыз жүргөндөргө өлкөдөн чыгарып салуу же чек араны жаап алуу сыяктуу чараларды колдонууга туура келет. Ар бир өлкөдө ЖМКлар аркылуу бул нерсе айтылса жакшы болмок", — деди Горовой.

Постсоветтик өлкөлөрдөн келип, уруксатсыз жүргөн мигранттардын саны:

  • 332 миң — Өзбекстан;
  • 247 миң — Тажикстан;
  • 152 миң — Украина;
  • 120 миң —Азербайжан;
  • 115 миң — Кыргызстан;
  • 61 миң — Армения;
  • 56 миң — Молдова;
  • 49 миң — Казакстан.

Министрдин орун басарынын айтымында, пандемия башталгандан бери мигранттарга Россияда жүрүү мөөнөтү автоматтык түрдө төрт жолу жылдырылды. Акыры мөөнөт 15-июнда соңуна чыгат.

Белгилер:
министр, чара, Кыргызстан, мыйзамдар, миграция, Россия
Тема боюнча
Кыргызстандык мигранттар январь менен февралда канча акча которду
Песков: ири пландарды ишке ашыруу үчүн Россияга мигранттар жетишпей жатат
Кыргызстан "Спутник V" вакцинасын мигранттардын эсебинен сатып алууну көздөөдө
Төөлөр. Архив

Кытайда төөлөр үчүн өзгөчө жол чырак орнотулду. Сүрөт

Мындай жол чырак азырынча дүйнөнүн бир да жеринде жок экени айтылды. Ал Кытайдын туристтер көп барган шаарына коюлган.

БИШКЕК, 19-апр.— Sputnik. Кытайда төөлөр үчүн өзгөчө жол чырак орнотулганын China News басылмасына таянып Sputnik Өзбекстан кабарлады.

​Маалыматка ылайык, жабдуу туристтер көп барган Дуньхуан шаарына орнотулган.

"Чет элдик саякатчылар Минша тоосуна, Могао чөлүндөгү храмдарга, Юмэнь жана Янгуань ашууларына көп барат. Бирок ал жакта төөлөр да арбын. Мындан улам эки жак бири-бирине тоскоолдук жаратпаш үчүн жол чырак коюлган", — деп жазылат билдирмеде.

Жергиликтүү бийлик белгилегендей, жол чырак кыймылдын коопсуздугун камсыз кылат жана дүйнөдө мындай жабдуулар азырынча жок.

Жол чыракта төөнүн сүрөтү жашыл болуп күйгөндө төөлөр өтөт, бул учурда туристтер токтоп турушу шарт. Төөнүн сүрөтү кызыл болгондо жаныбарлар токтоп, элди өткөрө турганы айтылды.

Белгилер:
турист, жол чырак, төө, Кытай
Тема боюнча
Токмокто "Коопсуз шаардын" камералары орнотулуп жатат. Карта