Адис: Азия менен Европаны коронавирустун эки башка түрү каптады

© Фото / Facebook / Викулов Георгий ХристовичИлим изилдөө борборунун директору Георгий Викулов
Илим изилдөө борборунун директору Георгий Викулов  - Sputnik Кыргызстан
Жазылуу
Дарыгер Европада жайылган вирус Азиядагыга караганда бир топ олуттуу жана коркунучтуу экенин айтууда.

БИШКЕК, 24-апр. — Sputnik. Коронавирустун Европада башка, Азияда башка түрү жайылган. Бул туурасында Россиянын Вирустук инфекциялардын алдын алуу жана дарылоо боюнча илим изилдөө борборунун директору Георгий Викулов билдирди.

Анын айтымында, март айында адистер вирустун так мутациясын иликтеп чыгышкан.

“Коронавирустун бир нече штаммдары бар экени (белгиленген убакытка аныкталган жерге изоляцияланган вирустар ― ред.), анын ичинде азиялык жана европалык болуп бөлүнөрү аныкталган. Россиянын аймагына АКШга чабуул койгон европалык штаммдагы инфекция жайылды. Бул жакта жуктурган адамдардын 90 пайызы чет өлкөдөн келген. Андан кийин вирус өлкө ичинде тарай баштады”, ― деди Викулов.

Ашхабаддагы аялдамада коомдук транспортту күткөн аялдар. Архив - Sputnik Кыргызстан
Тажикстанда жана Түркмөнстанда COVID-19дун бар-жогун ДССУ текшерет
Ошондой эле ал европалык штаммдын дарамети азияныкына караганда олуттуу жана коркунучтуу экенин белгилейт. Буларда вирус көбөйүп, ал эми мутация алда канча агрессивдүү болушуна алып барарын айтат.

Дүйнөлүк саламаттыкты сактоо уюму 11-мартта коронавирус инфекциясын пандемия деп жарыялаган.

Жонс Хопкинс университетинин соңку маалыматына ылайык, коронавирусту жер жүзүндө 2,7 миллионго жакын адам жуктуруп, 190 миңден ашыгы көз жумду.

Жаңылыктар түрмөгү
0