МОсквадагы полиция кызматкерлери. Архивдик сүрөт

Россия 12-майдан тарта этап-этабы менен чектөөлөрдү ала баштайт

238
(жаңыланган 22:26 28.04.2020)
Мамлекет башчысы кайсы бир аймактарда катаал режимди күчөтүү керек болсо, дагы бир жерде чектөөлөрдү акырындык менен жеңилдетсе болорун билдирди.

БИШКЕК, 28-апр. — Sputnik. Россиянын лидери Владимир Путин региондордун жетекчилери менен болгон онлайн жыйында 12-майдан тарта этап-этабы менен чектөө режиминен чыга баштоо керектигин айтты.

“Өкмөт менен Роспотребнадзор Мамлекеттик кеңештин жумушчу тобу менен биргеликте бир жуманын ичинде, тагыраагы, 12-майдан тарта этап-этабы менен чектөө режиминен чыга турган кадамдар боюнча сунуштаманы даярдап келишсин. Албетте, мында учурдагы эпидемиологиялык абал менен алдыдагы божомолдор эске алынышы керек”, — деди өлкө лидери.

Ал ошондой эле Федерациянын субъектилерине иштелип чыккан сунуштамалар алдын ала жетиши үчүн тапшырманы 5-майда аткаруу буйругун берди.

“Кырдаалга жараша кайсы бир аймактарда катаал режимди күчөтүү керек болсо, дагы бир жерде чектөөлөрдү акырындык менен жеңилдетүүнүн үстүндө иштей баштаса болот”, — деп кошумчалады Путин.

Буга чейин Россия лидери 11-майга чейин дем алыш күндөрүн жарыялаган. 

Акыркы маалыматтар боюнча Россияда илдетке кабылгандардын саны 93 558ге жетип, анын 8 456сы сакайып кетти. 867 киши көз жумду.

238
Белгилер:
режим, чектөө, өкмөт, Владимир Путин, Россия
Тема:
Кытайдагы жаңы типтеги коронавирус (745)
Тема боюнча
Путин коронавирусту аныктоочу тесттер массалык негизде жүргүзүлөрүн билдирди
Россияда дем алыш күндөрү 11-майга чейин созулмай болду
COVID-19: Путин ар бир адамдын өмүрү үчүн күрөшүүгө даяр турууну айтты
Муштум. Архив

Москва: элчилик сабалган кыргызстандык боюнча ИИББге кайрылды

121
Окуя 25-майда Москвадагы метронун "Площадь Революции" станциясында болгон. Кыргызстандык окуяны тизмектеп, милицияга арыз жазды.

БИШКЕК, 29-май — Sputnik. Кыргызстандын Россиядагы элчилиги ИИМдин Жеке коопсуздук боюнча башкы башкармалыгына полиция кызматкерлеринин КР жаранын сабаганы боюнча кат жөнөттү. Бул туурасында дипломатиялык өкүлчүлүктүн маалымат кызматынан кабарлашты.

Алдын ала таратылган кабарда окуянын 25-майда Москва шаарындагы метронун "Площадь Революции" станциясында болгону айтылды.

"Элчиликтин кызматкерлери ИИБдин Борбордук административдик округунун "Китай-город" деп аталган полициянын бөлүмүнө барышты. Ал жерден Кыргызстандын жараны окуянын кандайча болгонун тизмектеп жазып берди. Кайрылууну нөөмөт бөлүмүнө катташты", — деп айтылат маалыматта.

Элчиликтин кызматкерлери баргандан кийин ИИМдин Жеке коопсуздук боюнча башкы башкармалыгынан тыкыр иликтөө болорун айтышкан.

121
Белгилер:
элчилик, сабоо, полиция, Москва, Россия, кыргызстандыктар
Тема боюнча
Москва: оорукананын курулушунда өрт чыгып, кыргызстандык көз жумганы айтылууда
Москвадагы мигранттар борборундагы чел өлкөлүк жарандар. Архивдик сүрөт

Россия мигранттар үчүн атайын тиркеме киргизиши мүмкүн. Максаты

131
Тиркемеде мигранттын социалдык-укуктук макамы, биометрикалык маалыматтары, ден соолугу жөнүндө кабар жана кылмыш кылган-кылбаганы камтылмакчы.

БИШКЕК, 29-май — Sputnik. Адистер Россиянын Ички иштер министрлигине чет элдиктердин смартфондоруна мигранттын санариптик профили орнотула турган атайын тиркемени түзүп берүүнү сунуштады. Бул тууралуу РИА Новости жазды.

Агенттикке маалымат берген ишенимдүү адамдын айтымында, министрлик "коронавирустук пандемиядан келип чыккан күтүүсүз жагдайларды" эске алуу менен миграция чөйрөсүндөгү кырдаалга болжолдуу анализ даярдады. Мекеменин эксперттери "оптимисттик" жана "пессимисттик" өнүгүү варианттары менен кыска мөөнөттүү (ушул жылдын аягына чейин) жана орто мөөнөттүү (алдыңкы эки-үч жыл) мезгил деп бөлүүнү сунушташкан. Адистер миграциялык кырдаалдын курчушу мүмкүндүгүнө байланыштуу аны чечүүнүн бир нече жолун айтышкан.

"Азыр мигранттын "социалдык ишеним рейтингин" чагылдырган санарип профилин иштеп чыгуу жана аны түзүү планы бар. Анда мигранттын социалдык-укуктук макамы, биометрикалык маалыматтары, ден соолугу жөнүндө жана кылмыш кылган-кылбаганы камтылат", — деп билдирди маектеш.

Ал кошумчалагандай, мигранттар мобилдик аппаратына орното турган атайын тиркемени иштеп чыгууну сунушташкан. Тиркеме "Мигрант" деп аталары болжолдонуп жатат. Ага чет элдик жумушчунун санарип профили коюлат.

"Россиянын чек арасы ачылгандан кийин бардык мигранттар үчүн тиркемени орнотууну талап кылган эрежени киргизүү сунушталууда. Андан баш тартуу мигранттын социалдык ишеним рейтингин төмөндөтөт", — деди маалымат берген адам.

Ошондой эле эксперттер кылмышка барбаган, бирок мыйзамсыз же жарым-жартылай мыйзамсыз жүргөн мигранттарга расмий укуктук мунапыс жарыялоону сунуш кылышкан. Бул массалык түрдө мамлекеттик каттоону жүргүзүү үчүн керектиги белгиленет.

131
Белгилер:
тиркеме, Чет элдик, Мигрант, Россия
Тема:
Кытайдагы жаңы типтеги коронавирус (745)
Тема боюнча
Россия мигранттарга патент мөөнөтүн автоматтык түрдө узартып берет
Москвада чектөөлөр коронавирустун вакцинасы чыкканга чейин улантылат
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады