Россиянын президенти Владимир Путин

Путин: чектөөлөр окумуштуулардын пикирине таянуу менен гана алынат

239
(жаңыланган 20:46 06.05.2020)
Президент чектөөлөрдү алууда шашуунун зарылдыгы жок экенин, тобокелчилик күч болгондуктан буга чейинки жасалган аракеттердин баары текке кетиши ыктымалдыгын белгиледи.

БИШКЕК, 6-май — Sputnik. Коронавирус пандемиясынан улам Россияда киргизилген чектөөлөр окумуштуулардын пикирине таянуу менен гана алынат. Бул тууралуу өлкө башчысы Владимир Путин бүгүн экономиканы жана социалдык чөйрөнү колдоо боюнча кабыл алынган чараларды ишке ашырууну талкуулаган жыйында билдирди.

Анын айтымында, коронавирус Россиянын субъектилеринде ар башкача жайылууда.

"Буга чейин айтылгандай айрым жерлерде киргизилген чектөөлөрдү ошол боюнча калтырып, керек болсо күчөтүү зарыл. Айрым аймактарда аларды жумшартууну караштыруу керек. Бирок кандай гана кадамдар жасалбасын, окумуштуулардын, адистердин пикири сөзсүз эске алынышы кажет", — деди Путин.

Муну менен бирге президент чектөөлөрдү алууда шашуунун зарылдыгы жок экенин, тобокелчилик күч болгондуктан буга чейинки жасалган аракеттердин баары текке кетиши ыктымалдыгын белгиледи.

Акыркы маалымат боюнча Россияда коронавирус аныкталган 165 929 учур катталган. 21 327 киши толугу менен айыгып чыкса, илдет 1 537 адамдын өмүрүн алды.

239
Белгилер:
экономика, жыйын, кеңешме, коронавирус, Россия, Владимир Путин
Тема боюнча
Абылгазиев: экономиканы каржылоо булактарын таптык
Муштум. Архив

Москва: элчилик сабалган кыргызстандык боюнча ИИББге кайрылды

119
Окуя 25-майда Москвадагы метронун "Площадь Революции" станциясында болгон. Кыргызстандык окуяны тизмектеп, милицияга арыз жазды.

БИШКЕК, 29-май — Sputnik. Кыргызстандын Россиядагы элчилиги ИИМдин Жеке коопсуздук боюнча башкы башкармалыгына полиция кызматкерлеринин КР жаранын сабаганы боюнча кат жөнөттү. Бул туурасында дипломатиялык өкүлчүлүктүн маалымат кызматынан кабарлашты.

Алдын ала таратылган кабарда окуянын 25-майда Москва шаарындагы метронун "Площадь Революции" станциясында болгону айтылды.

"Элчиликтин кызматкерлери ИИБдин Борбордук административдик округунун "Китай-город" деп аталган полициянын бөлүмүнө барышты. Ал жерден Кыргызстандын жараны окуянын кандайча болгонун тизмектеп жазып берди. Кайрылууну нөөмөт бөлүмүнө катташты", — деп айтылат маалыматта.

Элчиликтин кызматкерлери баргандан кийин ИИМдин Жеке коопсуздук боюнча башкы башкармалыгынан тыкыр иликтөө болорун айтышкан.

119
Белгилер:
элчилик, сабоо, полиция, Москва, Россия, кыргызстандыктар
Тема боюнча
Москва: оорукананын курулушунда өрт чыгып, кыргызстандык көз жумганы айтылууда
Москвадагы мигранттар борборундагы чел өлкөлүк жарандар. Архивдик сүрөт

Россия мигранттар үчүн атайын тиркеме киргизиши мүмкүн. Максаты

130
Тиркемеде мигранттын социалдык-укуктук макамы, биометрикалык маалыматтары, ден соолугу жөнүндө кабар жана кылмыш кылган-кылбаганы камтылмакчы.

БИШКЕК, 29-май — Sputnik. Адистер Россиянын Ички иштер министрлигине чет элдиктердин смартфондоруна мигранттын санариптик профили орнотула турган атайын тиркемени түзүп берүүнү сунуштады. Бул тууралуу РИА Новости жазды.

Агенттикке маалымат берген ишенимдүү адамдын айтымында, министрлик "коронавирустук пандемиядан келип чыккан күтүүсүз жагдайларды" эске алуу менен миграция чөйрөсүндөгү кырдаалга болжолдуу анализ даярдады. Мекеменин эксперттери "оптимисттик" жана "пессимисттик" өнүгүү варианттары менен кыска мөөнөттүү (ушул жылдын аягына чейин) жана орто мөөнөттүү (алдыңкы эки-үч жыл) мезгил деп бөлүүнү сунушташкан. Адистер миграциялык кырдаалдын курчушу мүмкүндүгүнө байланыштуу аны чечүүнүн бир нече жолун айтышкан.

"Азыр мигранттын "социалдык ишеним рейтингин" чагылдырган санарип профилин иштеп чыгуу жана аны түзүү планы бар. Анда мигранттын социалдык-укуктук макамы, биометрикалык маалыматтары, ден соолугу жөнүндө жана кылмыш кылган-кылбаганы камтылат", — деп билдирди маектеш.

Ал кошумчалагандай, мигранттар мобилдик аппаратына орното турган атайын тиркемени иштеп чыгууну сунушташкан. Тиркеме "Мигрант" деп аталары болжолдонуп жатат. Ага чет элдик жумушчунун санарип профили коюлат.

"Россиянын чек арасы ачылгандан кийин бардык мигранттар үчүн тиркемени орнотууну талап кылган эрежени киргизүү сунушталууда. Андан баш тартуу мигранттын социалдык ишеним рейтингин төмөндөтөт", — деди маалымат берген адам.

Ошондой эле эксперттер кылмышка барбаган, бирок мыйзамсыз же жарым-жартылай мыйзамсыз жүргөн мигранттарга расмий укуктук мунапыс жарыялоону сунуш кылышкан. Бул массалык түрдө мамлекеттик каттоону жүргүзүү үчүн керектиги белгиленет.

130
Белгилер:
тиркеме, Чет элдик, Мигрант, Россия
Тема:
Кытайдагы жаңы типтеги коронавирус
Тема боюнча
Россия мигранттарга патент мөөнөтүн автоматтык түрдө узартып берет
Москвада чектөөлөр коронавирустун вакцинасы чыкканга чейин улантылат
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады