Россиянын президенти Владимир Путин

Элди колдоо жана чектөөнү акырындап алуу. Путиндин кайрылуусу

165
(жаңыланган 00:09 12.05.2020)
Россия лидери өлкөдөгү үй-бүлөлөрдү колдоо боюнча чаралар, бизнести колдоо жана чектөөлөрдү акырындап алуу тууралуу айтты.

БИШКЕК, 11-май — Sputnik. Россиянын президенти Владимир Путин дүйшөмбүдө коронавируска каршы күрөш жана азыркы кырдаал боюнча россиялыктарга кайрылуу жасады.

Башкы жаңылык — карантинден улам Россиядагы эл иштебеген күндөрдүн аякташы болду. Ал 30-марттан башталып, кырдаалдан улам 11-майга чейин уланган.

Россия лидеринин сүйлөгөн сөздөрүнүн маанилүү учурлары:

  • Эпидемия менен күрөш аягына чыга элек, бирок чектөө чекесинен алына баштайт. Бул иштер акырындап, кылдаттык менен жүргүзүлөт. Кеп бир катар тармактардын ишинин кайра жанданышы туурасында жүрүп жатат;
  • Губернаторлорго санитардык талаптарды аткарбаган ишкана, уюмдардын ишин чектеп же токтотуп коюуну өкмөт менен макулдашып чечүүгө укук берилди;
  • Аймактын бийлиги кырдаалга жараша абалды жеңилдетип же катуулата алат;
  • Россияда эл көп чогулган иш-чараларга мурдагыдай эле тыюу салынган;
  • Россиялык дарыгерлер эпидемия жаңы башталганга караганда коронавирус туурасында көптү билип калышты. Эми алардын мол тажрыйбасы бар, дарылоонун ыкмаларын иштеп чыгышты. Путин алардын каармандыгы үчүн ыраазылык билдирди;
  • Алдыда коронавирус менен күрөшүүдө оор жана узак жол турат. Бирок биздин жаңылууга акыбыз жок. Путин губернаторлор менен өкмөттөн дыкаттык менен иш алып барууну талап кылды;
  • Коопсуздукту өтө катуу сактоо 65 жаштан өйдө курактагы, өнөкөт оорусу барлар үчүн өзгөчө маанилүү экендиги айтылды;
  • Балалуу болгон муктаж үй-бүлөлөргө бизнес үчүн программалар иштелип чыкты. Ал эми өзүнүн иши бар жарандарга былтыркы жылы төлөгөн салыгы кайтарып берилет.

Путиндин элдин санитардык-эпидемиологиялык жактан бакубаттуулугун камсыздаган чараларды узартуу боюнча Жарлыкка кол койгону белгилүү болду. Анда балалуу үй-бүлөлөргө колдоо көрсөтүү туурасында да белгиленген.

165
Белгилер:
бизнес, насыя, күрөш, коронавирус, Владимир Путин, Россия
Тема:
Кытайдагы жаңы типтеги коронавирус (745)
Тема боюнча
Россияда COVID-19дан көз жумгандар дүйнөдөгү абалга салыштырмалуу 7,4 эсе төмөн
Россияда балалуулар жөлөк пулдун бир нече түрүн алат. Путиндин кайрылуусу
Өзүм текшерем! Путин дарыгерлерге төлөнчү акча боюнча өкмөткө эскертти
Муштум. Архив

Москва: элчилик сабалган кыргызстандык боюнча ИИББге кайрылды

121
Окуя 25-майда Москвадагы метронун "Площадь Революции" станциясында болгон. Кыргызстандык окуяны тизмектеп, милицияга арыз жазды.

БИШКЕК, 29-май — Sputnik. Кыргызстандын Россиядагы элчилиги ИИМдин Жеке коопсуздук боюнча башкы башкармалыгына полиция кызматкерлеринин КР жаранын сабаганы боюнча кат жөнөттү. Бул туурасында дипломатиялык өкүлчүлүктүн маалымат кызматынан кабарлашты.

Алдын ала таратылган кабарда окуянын 25-майда Москва шаарындагы метронун "Площадь Революции" станциясында болгону айтылды.

"Элчиликтин кызматкерлери ИИБдин Борбордук административдик округунун "Китай-город" деп аталган полициянын бөлүмүнө барышты. Ал жерден Кыргызстандын жараны окуянын кандайча болгонун тизмектеп жазып берди. Кайрылууну нөөмөт бөлүмүнө катташты", — деп айтылат маалыматта.

Элчиликтин кызматкерлери баргандан кийин ИИМдин Жеке коопсуздук боюнча башкы башкармалыгынан тыкыр иликтөө болорун айтышкан.

121
Белгилер:
элчилик, сабоо, полиция, Москва, Россия, кыргызстандыктар
Тема боюнча
Москва: оорукананын курулушунда өрт чыгып, кыргызстандык көз жумганы айтылууда
Москвадагы мигранттар борборундагы чел өлкөлүк жарандар. Архивдик сүрөт

Россия мигранттар үчүн атайын тиркеме киргизиши мүмкүн. Максаты

131
Тиркемеде мигранттын социалдык-укуктук макамы, биометрикалык маалыматтары, ден соолугу жөнүндө кабар жана кылмыш кылган-кылбаганы камтылмакчы.

БИШКЕК, 29-май — Sputnik. Адистер Россиянын Ички иштер министрлигине чет элдиктердин смартфондоруна мигранттын санариптик профили орнотула турган атайын тиркемени түзүп берүүнү сунуштады. Бул тууралуу РИА Новости жазды.

Агенттикке маалымат берген ишенимдүү адамдын айтымында, министрлик "коронавирустук пандемиядан келип чыккан күтүүсүз жагдайларды" эске алуу менен миграция чөйрөсүндөгү кырдаалга болжолдуу анализ даярдады. Мекеменин эксперттери "оптимисттик" жана "пессимисттик" өнүгүү варианттары менен кыска мөөнөттүү (ушул жылдын аягына чейин) жана орто мөөнөттүү (алдыңкы эки-үч жыл) мезгил деп бөлүүнү сунушташкан. Адистер миграциялык кырдаалдын курчушу мүмкүндүгүнө байланыштуу аны чечүүнүн бир нече жолун айтышкан.

"Азыр мигранттын "социалдык ишеним рейтингин" чагылдырган санарип профилин иштеп чыгуу жана аны түзүү планы бар. Анда мигранттын социалдык-укуктук макамы, биометрикалык маалыматтары, ден соолугу жөнүндө жана кылмыш кылган-кылбаганы камтылат", — деп билдирди маектеш.

Ал кошумчалагандай, мигранттар мобилдик аппаратына орното турган атайын тиркемени иштеп чыгууну сунушташкан. Тиркеме "Мигрант" деп аталары болжолдонуп жатат. Ага чет элдик жумушчунун санарип профили коюлат.

"Россиянын чек арасы ачылгандан кийин бардык мигранттар үчүн тиркемени орнотууну талап кылган эрежени киргизүү сунушталууда. Андан баш тартуу мигранттын социалдык ишеним рейтингин төмөндөтөт", — деди маалымат берген адам.

Ошондой эле эксперттер кылмышка барбаган, бирок мыйзамсыз же жарым-жартылай мыйзамсыз жүргөн мигранттарга расмий укуктук мунапыс жарыялоону сунуш кылышкан. Бул массалык түрдө мамлекеттик каттоону жүргүзүү үчүн керектиги белгиленет.

131
Белгилер:
тиркеме, Чет элдик, Мигрант, Россия
Тема:
Кытайдагы жаңы типтеги коронавирус (745)
Тема боюнча
Россия мигранттарга патент мөөнөтүн автоматтык түрдө узартып берет
Москвада чектөөлөр коронавирустун вакцинасы чыкканга чейин улантылат
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады