дүйнөнүн бир нече жолку чемпиону, Россия президентинин маалымат катчысы Дмитрий Песковдун жубайы Татьяна Навка. Архивдик сүрөт

Песковдун жубайы Навкадан да COVID-19 табылып, абалы кандай экени айтылды

339
(жаңыланган 22:31 12.05.2020)
Учурда Песков менен Навканын ооруканада дарыланып жатканы айтылды. Аялынын оорусу жеңил өтүп, ал эми күйөөсүнүн кайра калыбына келишине узагыраак убакыт керек болору кабарланды.

БИШКЕК, 12-май — Sputnik. Көркөмдөп муз тебүү боюнча дүйнөнүн бир нече жолку чемпиону, Россия президентинин маалымат катчысы Дмитрий Песковдун жубайы Татьяна Навканын COVID-19 жуктуруп алганы маалым болду. Бул тууралуу РИА Новости Navka Show компаниясынын маалымат кызматына таянып билдирди.

Ал чемпиондун оорусу жеңил түрдө өтүп жатканын айткан.

"Татьяна Навка менен анын жолдошунун (Дмитрий Песков – ред.) тапшырган тестинен COVID-19 жуктуруп алганы белгилүү болду. Алар учурда ооруканага жатып, дарыланууда. Татьянанын оорусу жеңил өтүүдө, дени соо деп айтсак деле болот. Дмитрий Сергеевич деле өзүн жакшы сезип жатат, бирок кайра калыбына келишине узагыраак убакыт керек болот", — деп билдиришкен алар.

Эске салсак, буга чейин Россия президенти Владимир Путиндин маалымат катчысы Дмитрий Песковдун коронавирус жуктуруп алганы бүгүн маалым болгон. 

Ал эми 30-апрелде болсо Россиянын премьер-министри Михаил Мишустин коронавирус жуктуруп алганы белгилүү болгон. Соңку маалыматтарда ал өзүн жакшы сезип, кесиптештери менен онлайн иштеп жатканы айтылган.

Ошондой эле 1-майда вирус менен Курулуш министрлигинин башчысы Владимир Якушев ооруканага жаткырылса, 6-майда маданият министри Ольга Любимовадан вирус аныкталган.

339
Белгилер:
оорукана, оору, коронавирус, Дмитрий Песков, Россия
Тема:
Кытайдагы жаңы типтеги коронавирус (755)
Тема боюнча
Путиндин маалымат катчысы Дмитрий Песков коронавирус жуктуруп алды
Россиянын президенти Владимир Путин. Архивдик сүрөт

Путин менен Трамп телефон аркылуу сүйлөштү

149
(жаңыланган 10:12 02.06.2020)
Сүйлөшүү маалында эки жетекчи стратегиялык туруктуулук жана аскердик жаатта бири-бирине ишеним боюнча россиялык-америкалык диалогду активдештирүү керектигине токтолушту.

БИШКЕК, 2-июн. — Sputnik. Россиянын президенти Владимир Путин АКШлык кесиптеши Дональд Трамп менен телефон аркылуу сүйлөштү. Маек Вашингтон тараптан демилгеленгенин Кремлге шилтеме берип РИА Новости жазды.

Сүйлөшүү маалында Путин менен Трамп стратегиялык туруктуулук жана аскердик жаатта бири-бирине ишеним боюнча россиялык-америкалык диалогду активдештирүү керектигине токтолушту.

Ошондой эле АКШ лидери Путинге G7 саммитине Россия жана башка бир катар өлкөлөрдү чакыруу идеясын айтып берди.

Мындан тышкары, эки өлкөнүн башчылары ОПЕК+ келишими боюнча нефть рыногун турукташтыруу боюнча сөз кылышты.

"Лидерлер коронавируска каршы күрөш боюнча дагы сүйлөштү. Россия президенти Трамп Россияга жасалма дем алдыруучу аппараттарды жибергендиги үчүн ыраазычылык билдирди", — деп айтылат кабарда.

Сөзүнүн аягында Путин Трампты Crew Dragon кемесин космоско ийгиликтүү учуруп алышы менен куттуктады. Тараптар космос тармагындагы кызматташтыктар тууралуу дагы кеп кылышты.

149
Белгилер:
сүйлөшүүлөр, АКШ, Россия, Дональд Трамп, Владимир Путин
Тема боюнча
Москванын кезектеги "жазып-тайганы". АКШ Россияны башаламандыкка айыптоодо
Россиянын президенти Владимир Путин

Россиянын Конституциясына өзгөртүү киргизүү боюнча добуш берүү 1-июлга белгиленди

59
(жаңыланган 22:21 01.06.2020)
Эскерте кетсек, январдын соңунда Владимир Путин Мамлекеттик Думага Конституцияга киргизилчү өзгөртүүлөр боюнча мыйзам долбоорун киргизген.

БИШКЕК, 1-июн. — Sputnik. Россиянын Баш мыйзамына өзгөртүүлөрдү киргизүү боюнча добуш берүү 1-июлга белгиленди. Бул тууралуу Кремлдин сайтында жарыяланды.  

Ал эми РИА Новости агенттигинин маалыматына караганда, президент Владимир Путин Борбордук шайлоо комиссиясы менен “Роспотребнадзор” мекемесинин жетекчиликтерине шайлоо учаcтокторунда коопсуздукту камсыздоону тапшырды.

"Албетте, Россиянын жарандарына добуш берүүгө катышуусун суранып кайрылам. Анткени мында жашообуздун бардык тарабына таасир эткен Башкы мыйзамдын тагдыры чечилгени жатат”, — деди Путин.

Анын айтымында, 30 күн ичинде эл документке кире турган негизги өзгөрүүлөр менен жакшылап таанышып чыкканга убакыт бар. Экинчиден, коронавируска байланыштуу кырдаалды дагы жөнгө салып алууга жетишсе болот.

Эскерте кетсек, январдын соңунда Владимир Путин Мамлекеттик Думага Конституцияга киргизилчү өзгөртүүлөр боюнча мыйзам долбоорун киргизген.

59
Белгилер:
добуш берүү, Баш мыйзам, Россия, Владимир Путин
Тема боюнча
Путин: СССР кулады, ал эми санитардык-эпидемиологиялык система калды
Россия сегодня эл аралык агенттигинин башкы редактору Маргарита Симоньян

Сотко беришибиз мүмкүн! Симоньян АКШда жабыркаган журналисттер тууралуу

19
(жаңыланган 01:05 03.06.2020)
Америкадагы нааразычылык акцияларын чагылдырып жүргөн РИА Новости жана Sputnik агенттигинин кабарчылары полиция тарабынан одоно аракеттерге туш болушкан.

БИШКЕК, 3-июн. — Sputnik. "Россия сегодня" эл аралык агенттигинин башкы редактору Маргарита Симоньян редакциянын кабарчыларына кол салган америкалык полиция кызматкерлерине каршы доо арыз берилиши мүмкүн экендигин билдирди. Бул тууралуу РИА Новости жазды.

"Акыркы үч күндүн ичинде Американын полициясы РИА Новостинин Миннеаполистеги кабарчысы менен Вашингтондогу Sputnik агенттигинин продюсерине кол салды. Экөө тең пресс-карталарын көрсөтүп, кабарчы экендигин айтып кыйкырышкан. Аны полиция көрүп да, угуп да койгон эмес. Учурда АКШ өзүнүн медиасына да ушундай мамиле кылып жатат. Мыйзам бар мамлекетте, албетте, биз сотко кайрылмакпыз. Бирок бүгүнкү Америкада мыйзам полициядан да жакшы иштейт деп айтууга негиз жок. Биз муну ойлонуп көрөбүз", — деген Симоньян.

Өткөн жекшембиде полиция Миннеаполистеги башаламандыкты чагылдырып жаткан РИА Новостинин кабарчысы Михаил Тургиевге көздөн жаш агызуучу газ чачып жиберген. Буга байланыштуу Россиянын элчилиги мамлекеттик департаментке нааразычылык нотасын жөнөткөн.

Ал эми шейшемби күнү Вашингтон полициясы нааразычылык акциясын видеого тартып жүргөн Sputnik агенттигинин продюсери Николь Русселдин журналист экендигин билип туруп желим ок менен аткылаган.

Полиция Тургиев менен Руссел журналист экендигин тастыктаганына карабастан, атайылап орой мамиле жасаган.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

19