Аял баласы менен шаардын борборунда коргоочу бет каптарда. Архив

Баланы COVID-19дан кантип коргосо болорун россиялык адистер айтып берди

260
(жаңыланган 13:46 16.05.2020)
Кыргызстанда COVID-19 вирусун жуктуруп алган 15 жашка чейинки балдардын саны 150нүн  тегерегинде, алардын арасынан 12си бир жашка чейинки ымыркайлар.

БИШКЕК, 16-май — Sputnik. Россиянын Керектөөчүлөрдүн укугун коргогон жана адам жашоосунун жайлуулугун көзөмөлдөгөн федералдык кызматы (Роспотребнадзор) балдарды коронавирустан кантип коргоо керектигин айтышты. Маалыматты “Известия” басылмасы жазды.

Роспотребнадзор мекемесинин адиси Татьяна Руженцованын айтымында, Россияда вируска кабылган балдардын саны көбөйүүдө. Тагыраагы, өткөн айда ооругандардын 5 пайызын жашы жете элек балдар түзсө, бул айда көрсөткүч 7 пайызга чыкты.

“Балдарды коргоонун бир гана жолу бар. Ал колдон келишинче аларды эч ким менен байланыштырбоо жана зарыл болбосо көчөгө чыгарбоо. Сейилдеп келсин деген максатта ата-энеси дүкөнгө жана дарыканага барган учурда дагы баланы ала барбашы керек. Үйдөн алып чыгууга аргасыз болсоңуз, бет кап жана кол капты унутпагыла. Балдар чоңдорго караганда көп жерди кармалайт”, — деди Руженцова.

Белгилей кетсек, Кыргызстанда COVID-19 вирусун жуктуруп алган 15 жашка чейинки балдардын саны 150нүн тегерегинде, алардын арасынан 12си бир жашка чейинки ымыркайлар. Саламаттыкты сактоо министринин орун басары Мадамин Каратаев алар көбүнесе вирусту ата-энесинен жугузуп жатканын айткан.

260
Белгилер:
ымыркай, бала, коронавирус, Россия, Кыргызстан
Тема:
Кытайдагы жаңы типтеги коронавирус (762)
Тема боюнча
Бишкекте ымыркай өлүү төрөлдү. Кош бойлуу аялды төрөтканалар кабыл албай койгон
COVID-19 вируска каршы дары таблеткалары. Архив

Россияда коронавируска каршы вакцина кийинки жумада чыгып, акысыз берилет

428
(жаңыланган 23:52 05.06.2020)
Бул —  коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экени айтылат.

БИШКЕК, 5-июн. — Sputnik. Коронавируска каршы "Авифавир" препараты Россияда Милдеттүү медициналык камсыздандыруунун алкагында бекер берилет. Бул тууралуу Россиянын түз инвестициялар фондунун башчысы Кирилл Дмитриев президент Владимир Путин менен жолукканда айтканын Кремлдин сайты маалымдады.

Дмитриев "Авифавир" коронавируска каршы чыгарылган Россиядагы алгачкы, ал эми дүйнөдө экинчи болуп катталган дары экенин билдирген.

"Ал 11-июндан тарта Россиянын клиникаларына келип түшөт. Ал россиялыктарга Милдеттүү медициналык камсыздандыруу программасы боюнча бекер берилет", — деп айткан Дмитриев.

Маалыматта мындай вакцинадан жылына 700 миң даана чыгаруу пландалганын, бирок суроо-талап көп болуп, башка 10 өлкөдөн да сурам келип жатканын белгилеген. Мындан улам санын эки миллионго чейин жеткирүү пландалган.

428
Белгилер:
Россия, дарылоо, вакцина, коронавирус
Тема:
Кытайдагы жаңы типтеги коронавирус (762)
Тема боюнча
Россия: коронавируска каршы чыгарылган бир вакцина баарына жарай бербейт
Коронавируска каршы Япония чыгарган вакцина июлда сынактан өтөт
Москва шаарындагы кызыл аянт. Архив

Москвада коронавирустан улам кирген чектөөлөр качан алынары айтылды

409
Собянин болжол менен эки-үч жумадан кийин шаардык ооруканалар кадимки шартта иштеп, бейтаптарга кызмат көрсөтүп каларын да баса белгиледи.

БИШКЕК, 5-июн. — Sputnik. Москвада коронавирустан улам киргизилген чектөөлөр июлда алынат. Бул тууралуу Москва шаарынын мэри Сергей Собянин "Россия 24" телеканалына маек берип жатып айтканын РИА Новости жазды.

Собяниндин айтымында, чектөөлөр шаардагы кырдаалга жана коронавирустун жайылуу темпине жараша алынмакчы.

"Шаарга киргизилген чектөөлөр 1-июлга чейин акырындык менен алынат. Бирок бул москвалыктардын коюлган талаптарды аткаруусунан да көз каранды. Бул убакытка чейин шаардыктар чыдайт деген ойдомун", — деген мэр.

Собяниндин айтымында, чектөөлөрдү алуу боюнча график 8-июнда белгилүү болот.

Ал болжол менен эки-үч жумадан кийин шаардык ооруканалар кадимки шартта иштеп, бейтаптарга кызмат көрсөтүп каларын да баса белгиледи.

"Кийин коронавирус менен ооругандар Москвадагы жогорку квалификациялык стационарларга гана жаткырылат. Ал эми убактылуу корпустар резервде болот", — деди Собянин.

Пандемия башталгандан бери Москвада 189 214 адам коронавирус жуктуруп алган. Анын ичинен 95 миңдейи айыгып, 2749 бейтап көз жумган.

409
Белгилер:
Сергей Собянин, коронавирус, чектөө, Россия, Москва
Тема:
Кытайдагы жаңы типтеги коронавирус (762)
Тема боюнча
Эксперт: коронавирусту дарылоочу вакцина жакынкы жылдары чыкпайт
Көп жуккан сайын алсырайт. COVID кантип жайыларын адис айтып берди
Гвоздика гүлү. Архивдик сүрөт

Профессор, физика-математика илимдеринин доктору Арапбай Марипов дүйнөдөн кайтты

0
(жаңыланган 16:31 06.06.2020)
Марипов физика-математика илимдеринин доктору, Нью-Йорк илимдер академиясынын академиги, Эл аралык оптика коомунун мүчөсү болгон.

БИШКЕК, 6-июн. — Sputnik. 5-июнь күнү белгилүү илимпоз, профессор Арапбай Марипов 81 жаш курагында дүйнөдөн кайтты. Бул тууралуу анын жакындары кабарлады.

Марипов физика-математика илимдеринин доктору, Нью-Йорк илимдер академиясынын академиги, Эл аралык оптика коомунун мүчөсү болгон. 

Заслуженный деятель науки, профессор Арапбай Марипов
© Фото / из семейного архива Мариповых
Илимпоз, профессор Арапбай Марипов

Профессор Арапбай Марипов 1939-жылы Ош облусунун Ноокат районундагы Кыргыз-Ата айылында жарык дүйнөгө келген. Москва мамлекеттик университетин 1964-жылы аяктаган. 1994-жылы "Кубулуп турган голографиясынын жаңы аспектилери" ("Новые аспекты радужной голографии") темасында докторлук диссертациясын жактаган. Жетимиштен ашык илимий макалаларды жарыялаган, анын ичинен бир монографиясы бар.

Арапбай Мариповдун сөөгү эртең, 7-июнда, "Ала-Арча" көрүстөнүндө жерге берилет.

0
Белгилер:
өлүм, профессор
Тема боюнча
Улуттук сүрөт өнөрүн көтөргөн Кыргыз эл сүрөтчүсү Баатыр Жалиев дүйнө салды