Италиядан россиялык аскер адистери кайтып келишти

РФтин аскерий медиктери Италиядан кайтууда. Жардам жана сакталган өмүрлөр

238
(жаңыланган 18:26 16.05.2020)
Россиянын Радиациялык, химиялык, биологиялык коргоо күчтөрүнүн адистери жана медиктеринен турган курама отряд COVID-19 коронавирус пандемиясынын европалык эпицентриндеги миссиясын татыктуу аяктады.

Бул жолу да дүйнөлүк масштабдагы көйгөйдү чечүүдө кесипкөйлүк, ыкчам жана натыйжалуу аракеттердин үлгүсүн көрсөттү. Аскерий баяндамачы Александр Хроленко Россияга кайтканы алардын коронавирустук инфекция менен күрөшүүнүн "италиялык тажрыйбасы" чоң керекке жарары шексиз деген пикирин жазды.

Москванын жанындагы Чкаловский аэродромуна Россиянын медициналык атайын багыттагы адистердин жана атайын техниканын топтому менен тогузунчу жана онунчу Ил-78 аскердик-транспорттук учактары келип конду. Италияда алар COVID-19 вирусуна каршы күрөштө көмөктөшкөн. Коюлган милдеттердин баары аткарылды.

Мурда италиялык калкка жардам иретинде Россия 100 чакты аскердик вирусолог адистердин жана медиктерден турган сегиз ыкчам бригаданы жөнөткөн. Алар дартты аныктоочу аппаратура, транспорт жана аймактарды аэрозолдук дезинфекциялоочу автомобилдик комплекстерин ала кеткен. Андан сырткары Радиациялык, химиялык, биологиялык коргоо күчтөрүнүн он беш лабораториясынын бирин жана башка медициналык жабдууларды өздөрү менен  алышкан.

РФтин Коргоо министрлигинин учактары Римден 30 чакырым ыраактагы Pratica di Mare авиабазасына ал жакка багытталган аскер кызматкерлерин жана ишке керектелген нерселердин баарын алып барган.

Россиялык адистер Италияга 23-марттын түнүнөн тарта жеткирилип, 7-майга чейин алар бир катар татаал жана жооптуу операцияларды өткөрүшкөн. Улгайган адамдар үчүн бир нече пансионатты жана Ломбардия облусундагы, Брешиа провинциясындагы 100 калктуу пункттардагы эпидемиологиялык татаал объектилерди толук дезинфекциялашкан.

Иш сапарынын маалында 120 имарат жана курулуш, 1 миллион 200 миң чарчы метр ички имарат, катуу жабдылган 500 миң чарчы метрден ашуун жол дезинфекцияланган. Мындан тышкары Бергамо шаарындагы талаа госпиталынын иши башталганы (6-апрелден тарта) россиялык аскердик медиктер коронавирустук илдетке кабылган 115 бейтапты кабыл алып, кыска убакыттын ичинде 76 бейтап сакайып чыккан.

Госпиталда Россиянын Коргоо министрлигинин сегиз врачтык-медайым бригадасы, 32 медициналык адис интенсивдүү терапия, ошондой эле жеңил жана орто даражадагы дарылоо бөлүмдөрүндө үч нөөмөттө эмгектеништи.

Россияга кайтканда медициналык атайын даярдыктагы отряд санитардык-эпидемиологиялык иш-чаралардан өтөт. Андан соң кайрадан иш майданына аттанат, себеби пандемия дагы басыла элек.

Жети жумалык күрөш

Италия жана бүтүндөй Европа үчүн коронавирустук пандемияга каршы күрөштө эл аралык эриш-аркак бул тажрыйба үлгүлүү, маңыздуу жана абдан пайдалуу болду. Россия лидери Владимир Путиндин Италиянын премьер-министри Жузеппе Конте менен телефон аркылуу сүйлөшүүсүндө 21-мартта коронавируска каршы күрөштө көмөктөшүүгө даяр экенин билдирген.

Андан көп өтпөй Россия жеке коопсуздугуна эч зыян келтирбестен, эки сутка ичинде Италияга 15 Ил-76 бортунда эң акыркы үлгүдөгү техника менен жабдылган жогорку профессионалдуу, абдан натыйжалуу медициналык жамаатты жеткирген.

Биологиялык мүнөздөгү өзгөчө кырдаалдарда патогендик биологиялык материалдардын анализи үчүн "Сыч" модулдук комплексине эле эмне жетсин? Тегин жерден Россиядан келген куткаруучу десантты Италиянын ТИМ жетекчиси Луижи Ди Майо жана Италия куралдуу күчтөрдүн Башкы штабынын жетекчиси Энцо Вичерелли өздөрү тосуп алган.

Толкунданган Ди Майо россиялык адистердин алдынкы тобуна "Италиянын Коргоо министрлиги толук сиздердин кызматыңыздарда" деп да билдирген. Коронавирустук инфекцияны жогорку технологиялык ыкма менен жок кылуу жана өтө оор абалдагы бейтаптарды дарылоо башталганга чейин эле Москва куткарууга үмүт жандырып, ал эми россиялык аскер кызматкерлери көптөгөн европалыктардын аң-сезимин өзгөрткөн. Мындай көрүнүктүү мисал "Орустар согушту каалайбы?" деген суроого таасын жооп берет. Ошону менен катар эле Россиянын реалдуу принциптерин, мүмкүнчүлүктөрүн, каражаттарын жана максаттарын айгинелейт (албетте, бул Батыштагы айрым маалымат каражаттары жазгандай, НАТО менен Евробиримдиктин ортосуна жарака кетирүүгө умтулуу эмес).

Эске салсак, Италияда коронавирустук инфекциядан 31 миңден ашык адам каза тапты. Бергамо шаары марттын ортосунда "коронавирустук тозокко" айланган, жергиликтүү крематорий да маркумдардын сөөгүн батыра албай калган. Аталган республикада саламаттыкты сактоонун 4800 кызматкери аталган илдетке кабылган, бул Кытайга салыштырмалуу эки эсе жогору.

Бул шарттарда Россиянын Коргоо министрлигинин колоннасы Римден Бергамо шаарына 600 чакырымдык марш жасап, адистер дароо билек түрүнө ишке киришти. Мындай жардам жогорку баага татырлык.

14-майга карата Италияда COVID-19 вирусунан 115 288 киши сакайып, ушул тапта оору менен 74 194 киши дале алышууда (бул да көп, бирок мындан да бир нече эсе жогору болмок). Эпидемиянын басаңдап баратышында РФ Коргоо министрлигинин татыктуу салымы бар.

Россиялык адистердин COVID-19га каршы өмүрлөрүн тобокелге салган жети апталык күрөшүнүн жыйынтыгы күтүлгөндөй эле итальян калкынын ыраазычылыгы жана Италия коргоо министри Лоренцо Гуэринин ушундай эле аракеттерине даяр экени (7-майдагы россиялык кесиптеши Сергей Шойгу менен болгон телефон аркылуу баарлашканында) жөнүндөгү маанилүү билдирүүсү болду. Эки өлкөнүн аскердик-медициналык кызматташтыгы пандемиядан тышкары да конструктивдүү нукта уланышы ыктымал.

Россиядагы кырдаал

Ооба, Италиядагы тажрыйба "күрөштү чалгындоо" сымал да болду. Россиялык Радиациялык, химиялык, биологиялык коргоо күчтөрү Апенниндер жарым аралына 15 лабораториясынын бирин, дезинфекциялоочу 2065 бирдигинен 20 атайын машинасын жана 20 миң аскер кызматкеринен жүз чактысын жөнөткөн.

Эми Радиациялык, химиялык, биологиялык коргоо күчтөрүнүн аскердик медиктери жана адистери көзгө көрүнбөгөн душманы менен кантип күрөшүүнү, алдын алуу чараларын жана бейтаптарды дарылоону так билишет. Россияда татаал эпидемиологиялык жагдай дале уланууда. Алдыда аткарылчу иштер арбын.

Аскердик-медициналык түзүмдөрдөн сырткары, РФ аймагындагы ар бир аскердик округда Радиациялык, химиялык, биологиялык коргоо күчтөрүнүн өзүнчө бригадасы бар. Ушул негизде апрелден бери ыкчам отряддар түзүлүүдө. Зарыл учурда алар өнөр жай ишканаларын, медициналык мекемелерди жана башка өтө маанилүү объектилерди залалсыздандырат.

Өлкөнүн ыкчамдаштырылган механизмдерин сактоо менен Радиациялык, химиялык, биологиялык коргоо күчтөрүнүн адистери жазгы аскердик чакыруу кампаниясынын коопсуздугун камсыздайт. Алдын алуу чаралары ар бир региондо, чакыруунун ар бир баскычында жүргүзүлөт.

Булардан тышкары, РФ Коргоо министрлигинин адистери 15-майга көп функционалдуу сегиз медициналык борборду пайдаланууга берүүнү убада кылган. Ошентип, мекеме 15 региондо көп функционалдуу 16 медициналык борбордун курулушу боюнча мамлекеттик милдеттенмени аткарат.

Балким, мынчалык сандагы ооруканага муктаждык болбостур, бирок алар резервде калат. Бирок пандемия менен күрөшүүдө бул ыкчам иш тажрыйбасы абдан маанилүү. Алдыда адамзатты дагы кандай жаңы вирустар күтөрүн ким билет?

238
Белгилер:
учак, дарыгер, Аскер, лаборатория, жардам, коронавирус, Италия, Россия
Тема боюнча
Баланы COVID-19дан кантип коргосо болорун россиялык адистер айтып берди
Микробиолог: COVID-19 акча аркылуу дагы жугат
Шереметьево аэропортунда учактар. Архив

Июнь-июлда Россиядан Кыргызстанга жума сайын чартердик каттамдар уюштурулат

62
(жаңыланган 15:23 07.06.2020)
Элчилик Россиядагы мекендештердин учурдагы абалын эске алып, Москва шаарынын мэриясы менен Москва — Бишкек, Москва — Ош авиакаттамдарына билеттердин баасын максималдуу түрдө төмөндөтүү боюнча сүйлөшүп жатат.

БИШКЕК, 7-июн. — Sputnik. Ушул жылдын июнь-июль айларында Россиядан Кыргызстанга чартердик каттамдар уюштурулат. Бул тууралуу Кыргызстандын Россиядагы элчилигинин маалымат кызматы билдирди.

Билдирмеге ылайык, азыркы тапта элчилик тарабынан мекендештерди Кыргызстанга жөнөтүү боюнча бардык аракеттер көрүлүп, Россиянын ТИМи, Росавиация, Роспотребнадзор жана авиакомпаниялар менен сүйлөшүүлөр жүргүзүлүүдө.

"Элчилик Россиядагы мекендештердин учурдагы абалын эске алып, Москва шаарынын мэриясы менен Москва — Бишкек, Москва — Ош авиа2каттамдарына билеттердин баасын максималдуу түрдө төмөндөтүү маселесин чечип жатат. Элчиликтин алдындагы штаб кыргызстандыктарды биринчи кезекте мекенге жиберүү, тамак-аш жана убактылуу жашоочу жай (хостелдер) менен камсыздоо иштерин улантып жатат", — деп айтылат маалыматта.

Дипөкүлчүлүк жарандарды мекенге кайтуу боюнча ар кандай ушактарга жана чындыкка дал келбеген маалыматтарга ишенбөөгө чакырды.

Белгилей кетсек, бүгүн Москвадан Бишкекке 393 мекендеш учуп кеткен.

62
Белгилер:
мекендештер, каттам, Россия, Кыргызстан
Тема боюнча
15-июндан тарта тышкы каттамдар жанданат. Кайсы компаниялар учууга макулдук берди
Жаңы универсалдык модулдуу Т-15 Армата. Архивдик сүрөт

Дүйнөдө Т-15 "Арматанын" теңдеши жокпу? Cууга чөкпөс, отко күйбөс курал

230
(жаңыланган 17:31 06.06.2020)
Россия курал-жаракты иштеп чыгуу жана өндүрүү тармагында алдынкы сапта. "Армата" платформасынын базасындагы жөө аскерлердин оор машинасы (БМП) – технологиялык сапаттуу секирик.

Жаңы аскердик көлүккө дүйнөлүк курал рыногунда суроо-талап артары турулуу иш.

Москвада 24-июнда өтө турган Жеңиш парадына аскердик техниканын алдынкы үлгүлөрүнүн катарында аралыктан башкарылуучу "Кинжал" жаңы универсалдык модулдуу Т-15 "Армата" дагы катышат (14 чакырымдан ашуун аралыктан душманды жок кылат, 57 мм. куралдын ок атуу ыкчамдыгы – мүнөтүнө 80 жолу ок чыгарат). Ушул тапта бул – планетадагы эң кубаттуу жана сооттолгон жөө аскерлердин кубаттуу куралы экенин белгилейт аскерий серепчи Александр Хроленко.

Чынжырлуу платформадагы "Армата" жөө аскерлерди жеткирүү жана алдынкы крайдагы күчтөрдү ок атуу менен колдоону киргизүүгө багытталган. Курал-жарак, маневрдүүлүгү жана коргоо тутуму жөө аскердин кубаттуу көлүгү Т-15тин танк менен бир катарда от чачууга мүмкүндүк берет. Ошону менен катар пехоталык аскердик оор машинасынын жасалышы өзүнөн мурун чыккан Т-14 танкынан айырмаланат.

Кыймылдаткычы маңдай жагында, ортосунда башкаруучу, артында десанттык бөлүгү жайгашкан. Курал-жарак жана ок-дары аралыктан башкарылчу таптакыр киши отурбаган мунарасында орнотулган.

Анын ички жана кыймыл тутумунун уюштурулушу экипажга жана десантка үч сутка аралыгында машинанын ичинен чыкпай коюлган милдеттерин аткарууга жол берет. Машина экипаждын үч мүчөсү менен башкарылат, десанттык бөлүмүнө жабдылган тогуз мотоаткыч батат.

12 аскер үчүн коопсуздук жана жетишерлик ыңгайлуулугу, курал-жарак жана ага ок-дарынын кыйла көп болушу аталган техниканын заңкайган габаритин жана салмагын аныктаган (узундугу – 9,5 м, туурасы – 4,8 м, бийиктиги – 3,5 м, салмагы – 55 тонна).

Кубаттуулугу 1500 а.к. болгон 2В-12-3А дизелдик кыймылдаткыч менен жабдылган бул кат-кат сооттолгон "дулдул" 5 метр тереңдиктеги суу тоскоолдуктарын жиреп өтө алат. Өңгүл-дөңгүл жерлерде ылдамдыкты саатына 50 чакырымга, шосседе саатына 75 чакырымга чейин зыпылдайт. Жүрүш камы – 500 чакырым.

Россия армиясына Т-15 "Армата" абдан зарыл эле. Жаңы аскердик машина мотоаткычтык бөлүктөрдүн техникалык жабдылышын сапаттуу түрдө жакшыртууга жана согуш талаасында сооттолгон техниканы пайдалануунун жаңы концепцияларын киргизүүгө кепилдик берет.

Бирдиктүү "Армата" платформасындагы Т-14 БМП жана Т-15 танкы аталган өлкөнүн куралдуу күчтөрүнө удаалаш берилет. Себеби эки машина тең согуштук аракеттерди интеграцияда жүргүзүү үчүн иштелип чыккан.

Жогорку деңгээлде корголот

Дүйнөдөгү жөө аскердик машиналардын баары душмандын танктарга каршы коргонуу каражаттарынын огунан соо калбашы мүмкүн. Бирок БМП Т-15ке бул мүнөздүү эмес. Жогорку деңгээлдеги корголушу – "Арматалардын" эң негизги сапаты.

Т-15тин конструкциясынын маанилүү өзгөчөлүгү – курал комплекти жана мотордук-трансмиссиялык бөлүгүнөн обочо жайгашкан бронекапсуласы (мында командир, механик-айдоочу жана оператор отурат) жана экипаж менен десантты фугастын (жер алдына көмүлгөн дүрмөт) жарылышынан сактаган корпустун минага каршы конструкциясы. Т-15 көлүгүнүн танкка каршы кыйратуучу каражаттардан эшелондоштурулган, көп деңгээлдүү коргонуу тутуму да көңүл бурдурбай койбойт.

Нурланууну (душмандын лазердик көрсөткүчү жана алыстыкты ченегичи аркылуу) табуунун оптикалык-электрондук басуу комплекси жана датчик тутуму тыгыз аэрозолдук көшөгө үчүн түтөтмө гранаталарды автоматтык түрдө атууга мүмкүндүк берет. Негизги ишти "Афганит" активдүү коргоонун ракурстук комплекси аткарат. Бул – ага карай учурулган душмандын танкка каршы ракеталарын таап, атып түшүрүүчү (көлүктүн корпусуна тийбеген) автоматташтырылган тутум.

"Афганит" душмандын ракетасы учурулган районду кайра сокку уруу үчүн аныктай алат. Жөнгө салуучу антенналык торчолору техникага жакын бардык кыймылды сезе алат. Жакын аралыкка толук көз салуу экипаждын дисплейине чагылдыра турган видеокамералар аркылуу да жүргүзүлөт.

Эгер душмандын снаряддары баары бир "Афганиттин" коргоо чегинен өтүп кетсе, анда "Малахит" динамикалык коргоо комплекси аракетке кирет. Эки система тең БМП Т-15ке коргонуунун ынанымдуу чегин камсыз кылат. Бирок соккуга композит жана болоттон жасалган негизги сооттолгон корпусу да туруштук бере алат. Материалдардын айкалышы 1200 мм. калыңдыктагы кадимки сооттолгон плитанын бышыктык эквивалентине жетүүгө шарт түзөт. Мындан тышкары, машина душмандын спутник навигациясы жана радиосигналдарын басаңдаткан, дүрмөт жана ракеталарын нугунан тайдыра алчу радиоэлектрондук күрөш каражаттарына ээлик кылат. Түбүндөгү минага каршы коргонуусу күчтүү фугастын сокку толкунун да токтото алат. БМПнын күч орнотмосунун маңдайында жайгашышы экипаж менен десант үчүн кошумча коргойт.

Коргонуу даражасы боюнча дүйнөдө ага тең келген аналогу жок. Т-15 жөө аскердик машинасы бардык жакынкы атаандаштарын артта калтырат, анын ичинде немистердин "Пумасын" (Schützenpanzer Puma) да караандатпайт. Бул көлүк азыр Бундесвердеги "Мардер" (Marder) техникасынын ордун басууда.

Айрым гана параметрлери боюнча Т-15ке израилдик Namer бронетранспортеру атаандаша алат. Т-15тин мүнөздөмөлөрүнүн баары кеңири коомчулукка белгилүү эмес. "Армата" – Россиянын Коргоо министрлигинин эң жашыруун долбоорлорунун бири.

Кыйраткыч күч

Жергиликтүү жаңжалдардагы (шаар ичиндеги кармаштарда) жаңы тактика жөө аскердик көлүктөрдү дагы бышык кылууну талап кылды. Россиялык жаңы мындай техника танктык калканчка ээ, кургакта ишенимдүү коргонууну, дээрлик кандай душман болсо да салгылашуусун камсыз кылат. Күчтүү, жакшы сооттолгон жана куралданган көлүк жөө аскерлерди алдыңкы аймакка тез жеткирип, нык ок жаадыра алат. Душмандын атуучу куралдар турган жерлерин басат, бекемделген коргоо чебин жиреп өтө алат. Т-15 милдеттерин талаа жана калаа шартында ийгиликтүү аткара алат.

Т-15 негизги куралы – 57 мм сай автоматтык замбирек жана "Атака Т" танкка каршы ракеталык комплекси менен "Кинжал" аскердик модулу. Киши отурбаган аскердик модуль айланып жүрүүчү дистанциялык-башкаруучу тутум түрүндө аткарылган.

Күчтүү тез атар 57 мм курал калканчты тешип өтүүчү жана майдаланма-фугастык дүрмөттөр менен жердеги жана абадагы буталарын 14500 метр аралыктан жок кылат.

Танкка каршы 9М120 "Атака" тескелүүчү ракеталар 10 чакырым аралыктан сооттолгон буталарга пайдаланылат (активдүү коргонуу комплекстери). Душмандын аскер күчтөрү менен күрөштө кошумча каражат – 7,62 мм пулемет ПКТМ. Автоматташтырылган системасы активдүү жана пассивдүү режимде буталарды оптикалык локатор менен издейт жана коштой алат. Мисалга, жашынган көзгө атарларды таап, изине түшүп, эки бутаны бир убакта атат. Белгилей кетсек, НАТО өлкөлөрүнүн пехоталык аскердик машиналарынан айырмалана Т-15 аскердик модулдары телевизиондук жана инфракызыл оптикалык жабдуу менен учуучу аппараттарды пассивдүү кармоо менен жакынкы салгылашта абадан коргонуу режиминде да иштейт.

БМП Т-15 куралы жердеги буталардын дээрлик бардыгын (анын ичинде танктардын) кыйратып, чабуулчуларды, Apache тибиндеги танкка каршы тик учактарды, MQ-1 Predator үлгүсүндөгү сокку уруучу пилотсуз учактарды атып түшүрө алат. Радиолокациялык станциясы, датчиктердин өнүккөн тутуму жана куралдын кош тегиздиктүү стабилизатору бар. Башкаруунун компьютерлештирилген системасында көп функционалдуу эки кароол камтылат: бири мээлөөчүгө, экинчиси машинанын командирине ылайыкталган.

Курал-жаракты куруунун модулдук принциптери татикалык фонго жараша аскердик комплектациянын варианттарын өзгөртүүгө мүмкүндүк берет. Т-15тин азыркы конфигурацияларынын бир нечеси жаңы модулдар менен толукталышы ыктымал.

Аскердик интеграция

Тактикалык звеносунун бирдиктүү тутумунда Т-15 башка машиналарга табылган буталар боюнча маалыматтарды берип, жок кылууга бута көрсөткүчтөрүн кабыл алууга жөндөмдүү. Бул күчтөрдүн уюштурулушунун сапаттуу жаңы деңгээли. Т-15 өзөктүк же массалык кыйратуучу куралдардын башка түрлөрү колдонулган шарттарда да кандай гана душманга каршы болбосун, согуштук аракеттерди жүргүзүүгө багытталган.

БМП Т-15 аскердик маалыматтык-тескөөчү тутуму мурунку муундагы пехоталык машиналарга салыштырмалуу бул көлүктүн командалык башкарылышынын жогорку деңгээлин камсыз кылат. Бул пехоталык машинанын экипажына көлүктүн техникалык абалы жөнүндөгү толук маалыматтарды жиберип, түздөн-түз коюлган аскердик милдетти аткарууга ыкылас коюуга мүмкүндүк берет. Машинаны түзүүчүлөр Т-15 бортунда чалгындоо жана оперативдик жагдайды баалоо үчүн учкучсуз аппарат да болорун айтышкан. Эски БМП-1 жана БМП-2 согуш талаасында танк бөлүмүн колдоо жана коргоо каражаттары катары чыгарылган. Жогорку ылдамдыгы жана салмагынын аздыгы машиналардын бурулушун жеңилдеткен. Бирок, чабал калканчы бышык кыла албаган. Тактикалык-техникалык мүнөздөмөлөрү боюнча БМП Т-15 бардык аналогдорунан озуп чыгат. Мындан тышкары, Т-14 негизги аскердик танкы жана Т-15 бирдей күч блокторуна жана гидромеханикалык трансмиссияга ээ. Ушундай унификация Россияда биринчи ирет колдонулуп, аскердик машиналарды техникалык тейлөөнү өтө жөнөкөйлөштүрөт.

Тегин жерден бул Т-15 индиялык аскер жетекчилерге да жакпагандыр. Ал гана эмес, жөө аскердик жаңы машиналарды сатып алууну Ирак, Кувейт, Таиланд жана Пакистандын армиясы да ойлонууда.

Россия курал-жарак рыногундагы бул орунда БМП M2 Bradley көлүгүн ондогон өлкөлөргө сатып жаткан америкалыктар менен да атаандаша алат. Россиялык жана чет элдик аскер серепчилеринин пикиринде, Т-15 дагы бир топ жыл чет элдик конструктордук бюролордо окшоштуруп жасоого үлгү болору турулуу иш.

230
Белгилер:
сатуу, серепчи, мүнөздөмө, курал-жарак, платформа, Россия
Тема боюнча
Россиялык "Циркон" Дүйнөлүк океандагы нукту өзгөртөт. Ага каршы курал жок
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова

Абдырасулова: жашыл экономиканын өнүгүшү үчүн туруктуулук зарыл

0
(жаңыланган 16:01 07.06.2020)
Кыргызстандагы KyrSEFF туруктуу энергияны каржылоо программасынын менеджери Нурзат Абдырасулова өлкөдө жашыл экономиканы өнүктүрүү үчүн эмнелер керектигин айтып берди.
Абдырасулова: жашыл экономиканын өнүгүшү үчүн туруктуулук зарыл

Өлкөдө жашыл экономиканы өнүктүрүүгө бардык мүмкүнчүлүктөр бар. Ал үчүн эң башкысы, өлкөдө саясий жана экономикалык туруктуулук болушу керек. Мындай пикирин Нурзат Абдырасулова Sputnik Кыргызстан радиосуна маек куруп жатып билдирди.

Анын айтымында, Кыргызстандын экономикасы чакан болгондуктан инновациялык технологияларды колдонууга мүмкүнчүлүк бар.

"Өлкөдө жашыл экономиканын өнүгүшү үчүн бардык жагынан туруктуулук болуусу шарт. Антпесе инвесторлордун келиши оор болуп калат. Ошондой эле бул багыттагы тийиштүү мыйзамдар даярдалуусу керек. Анткени буга чейин жер бөлүп берүү, жергиликтүү бийликтин калк менен иш алып баруусу боюнча ар кандай маселелер жаралып келген. Мындан тышкары, маалыматтык камсыздоону сапаттуу жүргүзүү керек. Карапайым калкка кайсы бир долбоор өлкөгө жана элге кандай пайда алып келе турганы жакшы түшүндүрүлүүсү зарыл", — деди Абдырасулова.

Ошондой эле ал өлкөдө тарифтик саясат туура жолго коюлушу керектигин кошумчалады.

0
Белгилер:
Нурзат Абдырасулова, Кыргызстан, инвестор, жашыл экономика
Тема боюнча
Казакстандан 500 млн. кВт/саат энергия импорттоо макулдашылды. Баа өзгөрөбү
Абдырасулова: күндүн, суунун же шамалдын кубатынан энергия алуу керек