Стратегиялык өзөктүк ракеталык субмарина Князь Владимир долбоор 955A (шифр Борей-А)

НАТОну санаага салып... Россия "Борей-А" жана "Ясень-М" субмариналарын чыгарды

356
(жаңыланган 11:21 18.05.2020)
Россия америкалык аналогдордон бир нече арзан, бирок мүмкүнчүлүгү кеңири субмариналарды чыгарат. Аскер-деңиз флотунун бекемделиши аталган өлкөнү Дүйнөлүк океандан орун алышы менен эле коргоп турат деп эсептейт аскерий баяндамачы Александр Хроленко.

"Севмаш" ишканасында кемелерди ишке берүү командалары түзүлгөн. Кемелер быйыл деңизде сыналмакчы. Бул жылы дегенибиз, экономикалык каатчылык жана пандемия да Россиянын Аскер-деңиз флотунун кызыкчылыгы үчүн суу алдында жүрүүчү атомдук кайыктардын эки тобунун курулушуна бөгөт болбоду.

"Ясень-М" жана "Борей-А" субмариналарынын даярдыгы ар башка баскычта. "Князь Владимир" Аскер-деңиз флотуна берилишине даяр, "Казань" сыноодон өтүүдө, "Белгород" жана "Новосибирск" былтыр эллингден (курулуш жеринен) чыгарылган.

Россия тездик менен өзүнүн суу алдындагы флотун жаңыртууда. РФтин кызыкчылыгын Дүйнөлүк океандын кайсы гана аймагында болбосун коргоо менен бирге ал Түндүк Атлантика альянсынын бир тараптуу аскердик үстөмдүгүнө жол бербейт.

Россиялык Аскердик-деңиз флоту суу алдында жүрүүчү 10 чакты жаңы кайыкты алса, өз курамында 80ге чейин субмаринага ээлик кылат. Анын ичинде "Борей-А" долбоорундагы эки стратегиялык крейсер, көп багыттуу эки "Ясень-М" субмарина жана бир "Варшавянка" да бар. Белгилей кетсек, суу алдында жүрүүчү кайыктар — адамзаттын эң татаал жана жакшыртылган куралы.

РФ стратегиялык суу алдындагы күчтөрүн жаңыртуу — өзөктүк куралды токтотуунун жана улуттук коопсуздукту камсыздоонун негизи. "Князь Владимир" стратегиялык багыттагы суу алдында жүрүүчү ракеталык крейсери (РПКСН) Россиянын коргоо жаатындагы өрүш алган дараметин айгинелейт. Бул 12-майда Северодвинскиден Ак деңизге мамлекеттик сыноодон өтүү үчүн чыкты.

Бир нече апта суу үстүндө жана суу алдындагы абалда, бардык ылдамдыкта, система жана мүмкүнчүлүктөрү толук текшерүүдөн өткөндөн кийин Түндүк флоттун курамына кемени киргизүү датасы аныкталмакчы. Сыноолордун негизги бөлүгүнөн, ракеталык атуу жөндөмү да "Борей-А" долбоорунун башкы кемеси РПКСН "Князь Владимир" 2019-жылдын аягында өткөн.

Төртүнчү муун

Россиялык Аскер-деңиз флотунун курамында үч стратегиялык "Борей" бар: "Юрий Долгорукий", "Александр Невский" жана "Владимир Мономах". Сериядагы эң негизгиси – “Юрий  Долгорукий" ракета алып жүрүүчү (Түндүк флоттун курамына 2013-жылы ккошулган).

Алгачкы үч кеме шахталарда "Булава" континенттер аралык баллистикалык 16 ракетасына ээ. Кийинкилери мындан көбүрөөк алышы мүмкүн (айырмаланган мүнөздөмөлөрү ачык айтылбайт).

Эске салсак, РФ Коргоо министрлиги Аскердик-деңиз флотуна кошумча дагы эки 955А "Борей-А" ракета алып жүрүүчү менен камсыз кылууну пландаган, ошону менен серия сегизден он кемеге чейин көбөймөкчү.

Төртүнчү муундагы суу алдында жүрүүчү он стратегиялык крейсер (үч "Борей" жана жети "Борей-А") жакынкы он жылдыктарда россиялык өзөктүк триаданын деңиздик негизи болмокчу. Ал эми бул – 100-150 тоннадан 1600 ажыратылган курал-жарак.

Ракетанын эң узак аралыгы — 8 000 чакырым. "Булава" душмандын ракетага каршы коргонуусун да жиреп өтө алчу заманбап тутуму, жогорку ылдамдыгы жана маневрдүүлүгү, кубаттуу (катуу отундуу) кыймылдаткычы, чакан өлчөмдөрү жана деңиздеги жүрүшүн токтотуучу куралдын башка артыкчылыктарына ээ.

Потенциалдуу душмандын ракета алып жүрүүчүлөрүнүн изин кууган көп багыттуу "аңчылар" да Дүйнөлүк океанда РФтин күчтөрүнүн балансы жана кызыкчылыктарын коргоо үчүн кыйла мааниге ээ (алардын милдети — АКШ субмариналарын жана НАТОнун бир катар өзөктүк өлкөлөрүн аскерий күзөтүү аймагында коштоо).

Заманбапташтырылган "Ясень-М" долбоорунун "Новосибирск" алгачкы сериялык суу алдында жүрүүчү көп багыттуу кайыгын 2019-жылдын аягында сууга кое беришкен. Көп өтпөй "Новосибирск" Аскердик-деңиз флотунун курамына кирет. Бул серияда Россиялык флот 7 кемеге ээ болот.

"Ясень-М" долбоорундагы субмариналар миналар, 533 миллиметрлик торпедалар, "Калибр" жана "Оникс" канаттуу ракеталар, ошондой эле гипер үндүү "Циркондор" менен куралданган. Бортунда жакшыртылган радиоэлектрондук курал-жарак комплекстери бар.

Сыйымдуулугу 13800 тонна болгон бул типтеги суу алдында жүрүүчү, анча байкалбаган көп багыттуу кайыктар 520 метрге чейинки тереңдикке чөмүлө алат. Автономдуулугу — 100 сутка, суу алдындагы ылдамдыгы — 31 узел (кеменин жүрүш тездиги), экипаж — 64 киши.

"Ясень" долбоорунун көрүнүктүү мүнөздөмөлөрүн фактылар да тастыктайт: россиялык "Северодвинск" субмаринасын Атлантикалык океандагы америкалык аскердик моряктар бир нече жума таба алышкан эмес. Кызматтын өзгөчөлүгү ушунда.

Белгиленген убакытта суу алдында жүрүүчү кайык деңизге чыгып, чөмүлгөн аймагында из калтырбайт. Экипаждын ката кетирүүгө акысы жок, өтө тереңдикте күн көзүн көрбөй, аба ырайынын өзгөрүшүн байкабай чоң жоопкерчилик менен нөөмөтүн өтөйт. Дем алууга абаны регенерация системасы камсыздайт.

Тапшырманы аткарган соң субмарина ошол эле чекитине, кээде бир канча айдан кийин сүзүп барат. Бул – стратегиялык жана суу алдында жүрүүчү көп багыттуу кайыктардын артыкчылыгынын айласыз куну. Көзгө чалдыккыс, ар түрдүү аба шарттарына чыдамдуулугу, Дүйнөлүк океандын кайсы гана аймагында болбосун салгылашууга жөндөмү, анын ичинде Арктика муздарынын алдынан да ракеталык сокку ура алышы эле эстен тандырчудай.

Бүгүнкү күндө Россия бешинчи муундагы атомдук суу алдындагы флоттун пайдубалын түптөөдө. Бул үчүн куралдардын спектри жаңыланып, бутаны көрсөтүү, байланыш жана башкаруунун алдыңкы каражаттары, ошондой эле чалгындоонун да автоматташтырылган каражаттары киргизилүүдө.

Бешинчи муундагы суу алдында жүрүүчү атомдук кайыктарды долбоорлоо Аскердик-деңиз флотунун негизги талаптарына шайкеш аткарылууда. Көзгө чалдыккыс жана куралдануу тутуму да кынтыксыз жасалууга тийиш. Батыштын кастык риториканы күчөткөнүнө, Россияны артта калган, депрессияга берилген "бензоколонка" (бир убакта Россияны америкалык сенатор Ж.Маккейн ушундай атаган) катары көрсөткүсү келсе да, Россия Федерациясы көптөгөн технологиялык жогорку жетишкендиктери боюнча бөлөк өлкөлөрдү өзүнө караандатпайт.

Батыштын кыжырын келтирүүдө

Америкалык адистер Россия "955А "Борей" долбоорунун өзгөчө мүмкүнчүлүктөргө ээ, бортунда континенттер аралык баллистикалык ракеталары бар, өзөктүк суу алдында жүрүүчү кайыктарды жасап жатканын аргасыз моюнга алышат.

The Drive басылмасы "Князь Владимир" РПКСН жарыяланган мүнөздөмөлөрү, конструктордук чечимдеринен улам тынчсыздануусун билдирет. Анткени бул артыкчылыктары суу алдында жүрүүчү кайыктын добушун алда канча азайтып, натыйжалуугун арттырат.

Маалымат каражаттарына таянсак, "Борей" долбоорунун крейсерин куруунун наркы 400 миллион долларга жетет. Салыштыра турган болсок, ошол эле америкалык көп багыттуу Virginia субмаринасы Пентагонду 2,5 миллиард долларга чыгым кылат.

Анан калса, төртүнчү муундагы "Виржиниялар" согуштук жагдайда тапшырманы ийгиликтүү аткара алгыдай эмес, анткени үнү катуу, кемчилиги көп болуп чыкты (кыймылы жашыруун болбосо, суу алдында жүрүүчү кайыктардын тагдыры кейиштүү).

Россиянын Аскердик-деңиз флотундагы жаңы стратегиялык "Князь Владимир" ракета алып жүрүүчүсүнүн пайда болушу чакырык катары кабылданууда, бирок америкалыктар жана анын союздаштарында буга али жооп жок. Дүйнөлүк океанда жаңы гидроакустикалык тутумдарды (SOund SUrveillance System сымал) иштеп чыгууну каржылоо зарылдыгы жаралууда (бул өтө кымбат жана душманды кармоого 100 пайыздык кепилдиги жок). Бирок "Борейге" аскерий милдетти аткарыш үчүн океанда кемеге каршы чектерге карай ыраакка сүзүп өтүштүн зарылдыгы жок, "Булава" континенттер аралык баллистикалык ракетасы (МБР) өзү жайгашкан пирстен эле аракетке келе алат.

"Ясень" долбоору боюнча АКШнын маалыматы жетишерлик жана куру үмүткө жетеленбейт. Белдүү басылмалардын бири The National Interest "Северодвинск" өзөктүк субмаринасы өзөктүк жана кадимки вариантта эң узак аралыгы 2500 чакырымдан жогору болгон 3М-14К "Калибр" тибиндеги 32 канаттуу ракета менен куралданган.

"Ясень" классындагы суу алдында жүрүүчү кемелер чоң ылдамдыкта өтө тынч жүрөт, датчиктери да абдан сезимтал. Ошондуктан "Кошмо Штаттардын негизги аймагына коркунуч туудурат".

Андан ары америкалык басылма "Северодвинск" менен "Казань" Американын чыгыш жээгине 1000 чакырым аралыкта жакындоого жана "Улуу көлдөр аймагы, Чикаго, Сент-Луисте жайгашкан буталарына" зыян келтирүүгө жөндөмдүү экенин белгилейт. Эмне үчүн россиялык көп багыттуу субмариналар АКШнын кургактагы буталарын бузары так түшүндүрүлбөйт.

Ошентсе да "Ясень" долбоорунун "аңчылары" каршылаштын дал абадан сокку тобун жана "Огайо" тибиндеги стратегиялык суу алдындагы ракета алып жүрүүчүлөрдү (UGM-133 "Трайдент" II D5 24 баллистикалык ракеталарды алып жүрөт, ар биринде 475 килотоннадан болгон W88 үлгүсүндөгү 12ге чейинки өзөктүк курал бар) жок кылууга багытталган.

Стратегиялык маанидеги заманбап суу алдындагы россиялык крейсерлер жана көп багыттуу субмариналар душманды козголгуча жок кылат. Ошондой эле Россия Федерациясын Дүйнөлүк океандагы орун алышы менен эле коргоп турат.

Россия Аскердик-деңиз флотун бекемдөөнү улантууда. Бул анын планетанын булуң-бурчунда улуттук кызыкчылыктарын ынанымдуу түрдө коргой алат. РФтин коргоо багытындагы дараметинин өр алышы Түндүк Атлантика альянсындагы "өнөктөштөрүнүн" санаасын санга бөлөт. Бирок алар мүмкүн болгон чыгымдарды эсептей алышат, бул биздин көп полярдуу дүйнөбүздүн салыштырмалуу туруктуулугуна кепил болуп турат.

356
Белгилер:
аскер-деңиз флоту, субмарина, пандемия, курулуш, океан, НАТО, Россия
Тема боюнча
РФ гипер үндүү курал боюнча АКШ менен сүйлөшүүдөн баш тартпайт. Бир шарт менен
Президент Сооронбай Жээнбеков Биринчи радиого маек берип жатканда

Жээнбеков Путин менен жолугар алдында эмне деди. Мамиле, кызматташтык, деңгээл

149
(жаңыланган 16:48 26.09.2020)
Келе жаткан жумада мамлекет башчы иш сапары менен Россияга барат. Маек учурунда Владимир Путин менен бир катар маселелерди талкуулай турганын билдирген.

БИШКЕК, 26-сен. — Sputnik. Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз. Бул туурасында президент Сооронбай Жээнбеков "Биринчи радиого" маек берип жатканда айтты.

Журналист мамлекет башчыдан РФ менен бүгүнкү кызматташтыктын деңгээлин кандай баалай турганын жана өлкө ортосунда эриш-аркак жылындагы пландар тууралуу сураган.

Президент Россия менен иштешүүгө чоң маани берилерин жана учурдагы мамиле эң жакшы экенин айткан.

"Эмки жумада, кудай буюрса, Россияга иш сапар менен барып, Владимир Путин менен жолугушам. Бир катар маселелерди талкуулайбыз. Ушул жумада өкмөттөр аралык комиссиянын 22-жыйыны Бишкекте өттү. Бул эриш-аркак жылдын биргелешкен программасынын алкагындагы маанилүү иш-чара. Комиссия соода-экономикалык, илимий-техникалык жана гуманитардык кызматташтык боюнча маселелерди карады. Кээ бир иш-чаралар, тилекке каршы, абалга жараша токтоп турат. Алардын мөөнөтүн өзгөртүү боюнча Россия менен сүйлөшүп жатабыз", — деген президент.

Жээнбеков парламентке канча партиянын келишин каалай турганын айтты

Президент эриш-аркак жылынын жабылыш аземи 2021-жылга жылдырылганын кошумчалаган.

"Кыйынчылыктарга карабастан биз стратегиялык өнөктөшүбүз, союздашыбыз Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз жана жумшап жатабыз", — деген Жээнбеков.

Кыргыз-Россия эриш-аркак жылында баш-аягы 200гө чукул иш-чараларды өткөрүү пландалып, бирок пандемиядан улам түрдүү мөөнөттөргө жылдырылган болчу.

149
Белгилер:
иш-чара, Кыргызстан менен Россиянын эриш-аркак жылы, кызматташтык, Сооронбай Жээнбеков, Россия, Кыргызстан
Тема:
Кыргызстан менен Россиянын эриш-аркак жылы
Тема боюнча
Шайлоодон кийин карантин киргизилеби? Президент Жээнбековдун жообу
Искандер-М ракетасы машыгуу убагында полигондо. Архивдик сүрөт

"Ачык каалганы каккылоо". Москва АКШны жаза таюудан сак болууга чакырды

165
(жаңыланган 13:59 26.09.2020)
Россия Стратегиялык чабуул коюучу куралдарды чектөө жана азайтуу боюнча келишимдин (ДНСВ-3) сакталышын колдоп, Кошмо Штаттарды аны узартууга үндөөдө.

Сүйлөшүүлөр жай мезгилинен бери созулуп келет. Вашингтон документтин кайра каралышын талап кылат, Москва аны өзгөртүүдөн баш тартат. Маселе эмнеде экенин талдап көрүшкөн серепчилер Галия Ибрагимова жана Софья Мельничуктун макаласы РИА Новости агенттигинин сайтына жарыяланган.

"Биз жоопту уга албай турабыз"

"Ыкчам түрдө чечүүгө боло турган, бачым чечилиши зарыл болгон биринчи кезектеги маселе — бул, албетте, Россия Федерациясы жана Америка Кошмо Штаттарынын ортосундагы Россия Стратегиялык чабуул коюучу куралдарды чектөө жана азайтуу боюнча келишимди узартуу. Анын мөөнөтү аяктаарына өтө аз калды, 2021-жылдын февралында бүтөт. Америкалык өнөктөштөрүбүз менен мындай сүйлөшүүлөрдү жүргүзүүдөбүз", — деди президент Владимир Путин Бириккен Улуттар Уюмунун Башкы ассамблеясынын 75-жыйынынын ачылышында.

БУУну АКШ ыдыраткысы, Россия куткаргысы бар

Россиялык президент өлкөлөрдү жаңы ракеталык тутумдарды ачууда сабырдуулукка чакырды. Өткөн жылы Кошмо Штаттар Чакан жана орто аралыктагы ракеталарды жок кылуу жөнүндөгү келишимден чыгып кеткен, андан соң Москва аларды Европага жайгаштырууга мораторий жарыялаган. Путин ал боюнча "Бул АКШ мындай чараларга баруудан карманып турганга чейин. Тилекке каршы, биздин сунушка америкалык өнөктөштөрдөн да, алардын өнөктөштөрүнөн да жоопту азырынча уга элекпиз", — деп кошумчалады ал.

СНВ-3 келишимин узартууну Антониу Гутерриш да бир нече ирет сунуштаган. Ал эми келишимге Кытайды кошуу боюнча АКШнын талабына БУУнун башкы катчысы терс пикирде.

Америкалыктарга "катуу жаза таюудан" сак болууга Россиянын БУУдагы туруктуу өкүлү Василий Небензя да эскерткен.

Стратегиялык коопсуздуктун үлкөндөрү

ДСНВ-3 — өзөктүк технологияларды көзөмөлдөө чөйрөсүндө негиз салуучу документ. Ага 2010-жылы кол коюу менен Москва менен Вашингтон стратегиялык арсеналдарды кыскартууга милдеттенме алышкан.

Процесс жетимишинчи жылдардын башында эле башталган. Ал кезде кансыз согуштагы каршылаштар Стратегиялык куралдарды чектөө тууралуу алгачкы келишимди (ОСВ-1) түзүшкөн. Ошондон тарта бул жаатта эки тараптуу келишимге жети ирет кол коюлган.

АКШ аларды аткарууда эч качан шек жараткан эмес, бирок Дональд Трамп тактыга отургандан бери баары өзгөрдү. Ак үйдүн башчысы макулдашууларды учурдагы кырдаалга ылайыктоого умтулат. Келечекте куралдануунун жаңы жарышы аны коркутпайт.

Россиянын учкучсуз "Охотниги" АКШ менен НАТОну санаага салууда. Себеби

Чакан жана орто аралыктагы ракеталарды жок кылуу жөнүндөгү келишимден чыгуу тууралуу 2019-жылдын августунда жарыялаган чечимин Кошмо Штаттар Россияга карата дооматтары менен түшүндүргөн.

Алардын негизгиси – Москва кыязы, документ тыюу салган SSC-8 ракетасын сынаган имиш (россиялык классификациясы — 9M729). Бирок америкалыктар эч кандай так бир далил келтире алышкан эмес.

Анткен менен бейформал сүйлөшүүлөрдө маселе Москванын кадамдарында эмес экенин моюнга алышкан. Пентагон Кытай чакан жана орто ыраактыктагы ракеталарды чыгарып жатканынан шектенип, кытай бийлигинен стратегиялык куралдануу боюнча сүйлөшүүлөргө кошулууну талап кылган. Пекин Американын андай каалоолорун капарга алган эмес.

2020-жылы майда АКШ Ачык асман боюнча келишимден чыгып, кайрадан Москваны "орустар инспекциялык учуштарга жолтоо болууда" деп айыптаган. Россиянын коргоо министри муну жокко чыгарган. Аталган министрлик америкалыктар космосту активдүү өздөштүрүүгө ниеткер, ал эми бул келишим аларга жол бербегендигин боолголошот.

Өзөктүк паритет

"АКШ жана НАТО Кытайдын өзөктүк программасы тез өнүгүп жатканынан чочулайт. Кыязы, кытайлыктар бул маселеде Вашингтон жана Москва менен теңдештүүгө ниеттенет өңдөнөт", — деп түшүндүргөн ушул жайда куралданууну көзөмөлдөө боюнча АКШнын атайын өкүлү Маршалл Биллингсли.

Лавров: ШКУга мүчө өлкөлөр Ирандын өзөктүк программасы боюнча планды колдойт

Вашингтон Стратегиялык чабуул коюучу куралдарды чектөө жана азайтуу боюнча келишим Россиянын тактикалык өзөктүк дараметин чектебегенине нааразы. Биллингсли стратегиялык куралдардын верификациясынын азыркы механизмин да сынга алган эле.

Талкуу баары бир башталды, бирок америкалыктар кезектеги талабын билдирди. "АКШ ачык эшикти каккылай, сүйлөшүүлөргө акыркы үлгүдөгү россиялык куралдарды кошууну талап кылууда", — деп билдирди россиялык министр.

"Жакшы сунуш"

Жолугушуулардын экинчи раунду сентябрда майнапсыз аяктады. АКШнын жаңы талабы — кошумча алкактагы келишимдерди кабыл алуу. Ага америкалыктар стратегиялык гана эмес, тактикалык өзөктүк арсеналдарды да камтууну сунуштоодо. Бир гана Вашингтон сүйлөшүү процессине Кытайды кошуу менен кол коюуну жылдырууга макул болду.

"Биз Россияга жакшы сунуш бердик", — деди Биллингсли.

РФ Тышкы иштер министрлигинен Москва аталган келишимди азыркы гана калыбында кабыл аларын кабарлашты. Анын мөөнөтү бир нече айдан кийин аяктайт, андан бир нерсени өзгөртүүгө убакыт тар. Бул мекемедегилер макулдашуу процессин америкалыктардын өздөрү создуктурганын белгилешти.

"Эгер АКШ кызыкчылыктардын шайкештигинин негизинде кандайдыр жаңы нерсени иштеп чыгууга даяр болсо, анда келишимди кабыл алуу мүмкүн. Бирок убакыт керектелет", — деп мүнөздөйт кырдаалды РФ ТИМ орун басары Сергей Рябков.

"АКШ өзгөчө жеңилдиктерди самайт"

"Альтернатива аз: же Стратегиялык чабуул коюучу куралдарды чектөө жана азайтуу боюнча келишимди өзгөртүүсүз узартуу же биротоло андан баш тартуу", — деп боолголойт куралданууну көзөмөлдөө көйгөйлөрү боюнча адис Евгений Мясников.

Келишимдин башкы баалуулугу стратегиялык куралдардын верификация системасында деген ойдо ал. "Мурда бири-биринин аракеттерин көзөмөлдөө татаал эле. Тараптар эң кооптуу сценарийге карашкан, бул кезегинде чыңалууну күчөткөн. Эгер система кыйраса, өткөндүн кайталануу тобокелдиги да өсөт", — деп эскертет эксперт.

Жаңы технологиялар жана эл аралык коопсуздук боюнча ПИР-борбордун жетекчиси Вадим Козюлин келишимдин узартылышынан шек санабайт. АКШнын талаптарын ал баа-наркын жогорулатуу оюнундай баалайт.

F-35ти модернизациялоо. АКШнын доо кеткен беделин бийиктетүү аракети

"Трамп баягысындай эле: келишимди түзүүнүн алдында өзгөчө жеңилдиктерди соодалашып алгысы келет. Бирок убакыт келип калды, америкалыктар узартууга макул болот. Жаңы шарттар – кийинки талкуулардын предмети. Ошону менен бирге эле Европадагы тактикалык өзөктүк арсенал жана америкалык курал боюнча Россиянын да сунуштары бар", — деген пикирин билдирет эксперт. Ал Стратегиялык чабуул коюучу куралдарды чектөө жана азайтуу боюнча келишимге учкучсуз тутумдар кирбестигин, аларды деле өзөктүк куралды ташуучу катары кароого болорун белгилейт.

"Учкучсуздар боюнча Россиянын да көп суроолору бар. Негизи, бул ошол эле канаттуу ракета. Көп жолу пайдаланылышынан улам ал олуттуу коркунуч туудурат. Бирок Стратегиялык чабуул коюучу куралдарды чектөө жана азайтуу жаатындагы келишим боюнча кезигүүлөрдүн алкагында Москва бул теманы азырынча көтөрүп чыга элек", — дейт Козюлин.

Анын айтымында, көзөмөл тутумун сактап калуу учурда негизинен АКШга жараша. Эгер Вашингтон диалогго даяр болсо, анда келечегинде ага өзөктүк куралга ээлик кылган мамлекеттерди, атап айтканда, Кытай, Франция, Улуу Британия, Индия, Пакистанды кошуп алууга болот.

165
Белгилер:
божомол, эксперт, өзөктүк курал, келишим, АКШ, Россия
Тема боюнча
АКШ космоско алгачкы ажатканасын орнотууну пландап жатат
"Абрамстарды" жеткиришти. АКШ Беларусь чек арасында эмне баштоодо?

Улуу Ата Мекендик согуштун кылым жашаган ардагери видео куттуктоо

0
(жаңыланган 22:36 26.09.2020)
Улуу Ата Мекендик согуштун Бишкек шаарындагы ардагерин туулган күнү менен куттуктап Россиянын КРдеги элчисинин кеңешчиси Андрей Сургаев жана "Гармония" орус маданий борборунун жетекчиси Александр Степанюк келди.

Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат. Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.

  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.
    © Sputnik / Табылды Кадырбеков
  • Поздравить ветерана ВОВ Ивана Голикова с 100-летним днем рождения пришли Советник посольства России в КР Андрей Сургаев и Президент Русского культурного центра Гармония Александр Степанюк.
    Ал 1941-жылы майданга аттанган. Согуштан кийин алгач Четки Түндүктө "Дальстройдо" эмгектенип, 1955-жылы Кыргызстанга чегилген.
    © Sputnik / Табылды Кадырбеков
  • Ветеран Великой Отечественной войны Иван Николаевич Голиков, который отмечает 100 – летний юбилей
    Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун президенти Александр Степанюк келди.
    © Sputnik / Табылды Кадырбеков
1 / 3
© Sputnik / Табылды Кадырбеков
Бүгүн Улуу Ата Мекендик согуштун ардагери Иван Николаевич Голиков 100 жылдыгын белгилеп жатат.

"Фрунзе" заводунда жана Кажы-Сайдагы тоо-кенин байытуу комбинатында тогуз жыл иштеген. Согуштан кийин ал жерден советтик өнөр жай үчүн уран казышкан. Дагы 32 жыл Сибирде эмгектенип, ардагер эмгек жолун 77 жашында аяктаган. Сибирден кийин Кыргызстанга кайтып келген.

Ала-Бука: согуштун 94 жаштагы эки ардагерине автоунаалар белекке берилди. Сүрөт

Ардагерди куттуктоого Россиянын КРдеги элчисинин кеңешчиси Андрей Сургаев жана "Гармония" орус маданий борборунун жетекчиси Александр Степанюк келди.

"Иван Николаевич, сиздин Улуу Ата Мекендик согуш учурунда мекенибизди жана башка европалык өлкөлөрдү бошотуудагы эрдигиңизди урматтайбыз. Азыркы заман үчүн сизге рахмат", — деп Сургаев ыраазылыгын билдирди.

Туугандарынын айтымына караганда, Иван Николаевич көп жагымсыздыкты алып келген согуш туурасында эстегиси келбейт.

Ардагер элчиликтин ар дайым көңүл буруп турганына жана бүгүнкү куттуктоосуна ыраазылыгын айтты.

0
Белгилер:
куттуктоо, КР элчилиги, Россия, ардагер, согуш, Улуу Ата Мекендик согуш, Бишкек, Кыргызстан
Тема боюнча
Концерт коюп барып, калып калган... Улуу Жеңишти жакындаткан кыргызстандыктар