Россиянын Су-57 учагы. Архив

Су-57 сыналып бүттү: Россия алгачкы 76 истребителин качан алат?

278
(жаңыланган 12:35 23.05.2020)
Коронавирус пандемиясынан улам түзүлгөн технологиялык чыңалууга карабастан, Россиянын коргонуу-өнөр жай комплекси бешинчи муундагы Су-57 истребителинин сериялык өндүрүшүн пландуу чыгарууда.

РФ Аба-космостук күчтөрү тез арада жаңы авиациялык комплекске ээ болот. Россия коргоо жаатына жумшаган чыгымдары боюнча дүйнөдө төртүнчү гана орунду ээлейт. Бирок Россиянын коргонуу-өнөр жай комплексинин жетишкендиктери таасирлентпей койбойт. Тарыхта алгач ирет РФ эң жаңы курал-жарак тармагында дүйнөнүн бардык өлкөлөрүн, анын ичинде АКШдан да озуп чыкты. Ушул менен токтоп калгысы жок дейт аскерий баяндамачы Александр Хроленко.

РФ коргонуу өнөр жай тармагын тескеген вице-премьер Юрий Борисов РИА Новости агенттигине берген маегинде: "Сыноолордун жүрүшүндө Су-57 тактикалык-техникалык тапшырмалардын дээрлик бардык талаптарын толук көлөмдө тастыктады. Аба-космостук күчтөрүн үч авиациялык полкту жабдуу үчүн 76 учак чыгарууга мамлекеттик контракт белгиленген мөөнөтүнө шайкеш аткарылууда", — деп билдирди. Белгилей кетсем, истребителдик авиаполк аскерий күчү боюнча жалпы күчтөрдүн дивизиясы менен бирдей. Үч жаңы полк – бул Россиянын Аба-космостук күчтөрүн олуттуу түрдө күчтөндүрдү.

Юрий Борисов COVID-19 вирусунан улам жаралган аргасыз жагдайга карабай бешинчи муундагы Су-57 истребителдеринин биринчи (жол көрсөтүүчү) партиясы РФ Куралдуу күчтөрүнө быйыл, 2020-жылы өткөрүлөт. Сериялык өндүрүүнүн ыргагы тууралуу ушундай эле маалыматты мурда "Ростех" мамлекеттик корпорациясынын башчысы Сергей Чемезов билдирген.

Биринчи баскычта Россиянын Куралдуу-космостук күчтөрү төртүнчү муундагы кыймылдаткычтуу учактарды алат. Бешинчи муундагы күч берүүчү орнотмолуу учактар 2020-жылдын ортосунан тарта өткөрүп берилмекчи. Бирок азыркы кыймылдаткычтар деле чет элдик аналогдорун караандатпайт.

Сыноолордун жүрүшүндө жаңы истребителдин бардык тутумдары жана кыймылдаткычтары көп ирет жана ар кыл, анын ичинде учкучсуз режимдерде текшерилди. РФ Коргоо министрлиги да Су-57 Сирияда согуштук шарттарда сыноолордон ийгиликтүү өткөнүн бир нече жолу билдирген. Башкача болмок да эмес, себеби бешинчи муундагы россиялык истребитель аба, жер жана суу үстүндөгү буталардын бардык түрүн натыйжалуу жок кылууга багытталган. Күчтүү куралдын, душманды кармоонун алдынкы тутуму, үндөн да ыкчам крейсердик ылдамдык жана жогорку маневрдүүлүгү, көп көзгө чалдыкпастыгынын айкалышы Су-57ге абада абсолюттук артыкчылыкты камсыз кылат. Дүйнөдө ага тең келгис учак жок.

Мүмкүнчүлүктөрү болжоп болгус

Су-57 үч авиаполку – Россиянын Аба-космостук күчтөрүнүн аскердик мүмкүнчүлүктөрүн арттыруудагы сапаттуу секирик. Жапжаңы истребитель 400 чакырымга чейинки аралыктан аба жана жер үстүндөгү буталарын кармоого, 62нин тегерегиндеги объектини коштоп жүрүүгө (башка учактарга (сокку уруучу учкучсуз) буталар боюнча көрсөтмөлөрдү берүүгө) жөндөмдүү.

Бешинчи муундагы америкалык истребителдерден "Сухойдун" артыкчылыгын анын төмөнкү мүнөздөмөлөрү камсыз кылат: үндөн да ыкчам крейсердик ылдамдыкта анча байкалбастыгы (F-35 жана F-22де жок өзгөчөлүк), көрүнүктүү пилотаждык сапат, негизги радиолокациялык станция, буталарды кармоонун уникалдуу оптикалык-электрондук системасы электрондук тоскоолдуктарды коюу тутуму (акылдуу каптоосу), бортунда 10 тонналык курал арсеналы (анын ичинде гипер үндүү ракеталар).

Истребителдин бүт ок-дарысы анын атайын тосмо менен бөлүнгөн ички жайында, башкача айтканда, душмандын радарына "илинбейт".

Жарыкка чагылган үстүңкү бөлүгүнүн чакан аянты (0,4 чарчы метр) конструкциясынын жогорку технологиялык композиттик материалдарынан (учактын үстүңкү катмарынын 70 пайызы жана салмагынын 25 пайызы) улам Су-57ге душмандын көзүнө дээрлик чалдыккыс калуусуна мүмкүндүк берет.

Негизги радиолокациялык станция жана башка активдүү жана пассивдүү радиолокациялык менен оптикалык-локациялык станциялар, ошондой эле Су-57нин аскердик колдонулушу жана башкаруусунун бирдиктүү тутуму башка учактар менен маалымат алмашуу тутуму, командалык пункттары, Аба-космостук күчтөрдүн, Аскердик-деңиз флоту жана Кургактагы күчтөрдүн чалгындоо системалары менен интеграцияланган.

Эки турбореактивдүү кыймылдаткычы Су-57ге саатына 2600 чакырымга чейин ылдамдыкты, бийиктикке көтөрүлүү ылдамдыгы – мүнөтүнө 21 чакырымга чейин көтөрүүгө мүмкүндүк берет.

Бешинчи муундагы россиялык истребитель форсажды кошпогондо үндөн да ыкчам ылдамдыкка өтүүдө.

Кыймылдаткычтын тартуу векторун оодаруунун үч өлчөмдүү системасы учакка жогорку маневрдүүлүктү камсыз кылат. Эгер тапшырмаларды "Охотник" учкучсуз учуучу аппараты менен интеграцияда аткара турган болсо, Россиялык армия тарабынан буюртма берилген 76 Су-57 оор истребителинин мүмкүнчүлүктөрү канчалык артарын болжолдоого гана болот.

Бешинчи муундагы истребитель менен бирге аракеттешүүсүндө сокку уруучу учкучсуз-көзгө чалдыкпас истребителдик авиациясын колдонуу жаатында топ жарган объект болушу мүмкүн. Мында учкучтун натыйжалуу аракети жана аскердик робот үчүн кыйырсыз мейкиндик ачылат.

Су-57де учкучсуз режимдин иштеши тууралуу маалымат өтө кызык. Эң татаал машина базадан абдан алыс аралыкта да жасалма интеллект (же оператор) аркылуу башкарылат. Бул ылдамдык жана маневр боюнча физиологиялык чектөөнү жоёт (согушта пайдалануу тактикасында ашыкча жүктөө роль ойнобой калат).

РФтин бешинчи муундагы истребителинин учкучсуз модификациясынын өнүгүшүнө АКШ тегин жерден тынчсыздануу менен көз салып жаткан жок. Себеби америкалык жаңы F-35 Lightning II үндөн ыкчам ылдамдыкта болжол менен эки мүнөттөн кийин кыйрап калышы ыктымал, катмары туруштук бере албайт.

Аскердик-саясий турбуленттуулук

Су-57 оор истребителинин ачык мүнөздөмөлөрү жана мүмкүнчүлүктөрү бери жагы эле. Аба чалгыны жана көзөмөл, күчтөрдүн башка түрлөрүнүн аракеттеринин координациясы, кеңири спектрдеги жогорку тактыктагы ракеталык соккулар, айтор, бешинчи муундагы "Сухой" учагынан душман соо калбайт. Бирок аскерий артыкчылыгы – тек максат эмес.

Жаңы авиациялык комплексинин натыйжалуулугу тышкы агрессиянын алдын алууда РФ жана анын союздаштарынын аскердик коопсуздугу үчүн чоң мааниге ээ. Курал-жарактын дүйнөлүк рыногунда РФтин алдынкы саптагы ордун, авиациялык өнөр жайдагы технологиялык прогрессин сактап калуу да чоң мааниге ээ.

Соңку жылдардагы Афганистан, Ирак, Сирия, Ливия, Югославиядагы согуштук жаңжалдардын тажрыйбасы Батыштын башкы инструменти же "келтеги" болуп абада сандык жана сапаттык жактан (сокку уруучу авиация, канаттуу ракеталар, учкучсуз учактар) үстөмдүк кылуу эсептелет.

Пентагондо өзөктүк эмес чагылгандай тез сокку уруу концепциясын иштеп чыгууда. Ал америкалык куралдуу күчтөргө бир нече сааттын ичинде АКШнын кандай душманы болбосун кыйрагыдай кылып, чыңдалган жана мобилдик буталарына өзөктүк эмес дүрмөт (заряд) менен сокку урууга мүмкүндүк берет. Эске салсак, Кошмо Штаттар 2019-жылы ойдон чыгарылган шылтоо менен Орто жана кыска аралыктагы ракеталарды жоюу келишимин бузган. Стратегиялык чабуулдук курал жөнүндөгү келишимге карата белгисиздикти жаратып, Ракеталык чабуулга каршы коргонуунун глобалдык тутумунун сокку уруучу дараметин өстүргөн.

АКШнын аскердик бюджети 2020-жылы 750 миллиард долларга чыккан. Бул россиялык коргонуу тармагынын бюджетинен 10 эсе көп, дүйнөнүн башка бардык өлкөлөрүнүн аскердик чыгымдарына тең келет. Күчтүү Абадан коргонуу, Ракеталык чабуулга каршы коргонуу тутумдары жана Аба-космостук күчтөрүн түзүү Россиянын мамлекеттик айныгыс артыкчылыгы болууда.

Москва коопсуздуктун бардык периметрлери боюнча согуштук коркунучтардын өсүшүнө жооп кайтарууга жана аскердик күчтөрдүн даярдыгын жогорулатуу, союздаштарынын коопсуздугун бекемдөөгө мажбур.

278
Белгилер:
космос, рынок, Батыш, курал-жарак, Россия, коопсуздук
Тема боюнча
Бура бастырбаган "Бумерангдын" экспорттук дарамети 1 млрд. доллар. Артыкчылыгы
Нааразычылык акциясынын катышуучусу Ак үйдүн жанындагы укук коргоо органынын кызматкерини коркутуп жатат

Кайрадан орустар. АКШдагы козголоңго Москваны айыптоо кимге зарыл?

53
(жаңыланган 10:33 04.06.2020)
АКШдагы массалык башаламандыктарды Москва шыкактоодо, ал эми козголоңчулар полиция участокторун так эле "орус ыкмасы" менен бүлгүнгө салууда деген айыптоолорду АКШнын улуттук коопсуздук боюнча кеңешчиси Сьюзан Райс айтып чыкты.

Сөзүнө далил келтирүүнүн ордуна өз тажрыйбасы жана ички туюмуна ишенерин сунуштады. Эмнеге америкалыктардын көзүнө ар кай жактан "россиялык из" илинип жатканын РИА Новости иликтеп көрдү.

Нааразылык акциялары мародерлукка айланды

Лос-Анджелестин соода борборлору карантинде. Калифорния бийлиги аларды июнда ачууну пландаган. Бирок алардан мурда мародерлор озунуп ачты. Эми элиталык бутиктердин эшик-терезелери сынган, талкаланган. Талоончулар тиричилик техникасын, кийим-кече, эмерек, ал тургай тамак-ашты да алып чыгып жатышты. Полициялык тик учактар ээн баштыкты токтотууга аракет кылып, ылдый суу төгүштү. Бирок муздак суу да козголоңчулардын демин суутпады.

Афроамерикалык Жордж Флойддун полиция кармап жатканда өлтүрүлүшүнөн улам тутанган нааразылык Миннеаполистен Вашингтон, Сан-Франциско, Портленд, Майами, Индианаполис, Филадельфия, Атлантаны да чулгады. Бул кайгылуу окуяга түздөн-түз күнөөлүү Дерек Човин кызматынан четтетилип, азыр тергөөдө. Бирок демонстранттар ал тартип сакчысын жазалап гана тим болбой, АКШдагы системалык расизмге чекит коюуну талап кылышууда. "Адилеттик жок — тынчтык жок! Полициянын зордугуна жол жок!" — деп кыйкырып жатышат демонстранттар.

Көбүнүн колунда Флойддун ажал алдындагы: "Дем жетпей жатат" деп айтканы жазылган транспаранттар. Жүздөгөн адам асфальтка жатып алып, бул фразаны кайталай жаңыртышкан. Бирок тынч акциялар тез эле кагылышка, андан башаламандык жана талоончулукка өсүп кетти.

Ири калааларда коменданттык саат жарыяланды, бул да жардам бербеди. Вашингтондо митингчилер Ак үйдү курчап, ичине кирүүгө аракет кылышты. Нью-Йоркто топтолгон эл таш ыргытып, жыйырма полиция машинасын өрттөп салды. Портлендде козголоңчулар соттун имаратына өрт коюшту.

Жарандык коомго коркунуч

Адегенде АКШда көпчүлүк демонстранттарды жактап жатышкан. Жергиликтүү бийлик чагымчыларга көңүл бурбоого тырышып, полиция кызматкерлерин күч колдонбоого чакырышкан. Бирок укук коргоо органдарынын кызматкерлерине ичине өрт чыгаруучу аралашма куюлган бөтөлкөлөр ыргый баштаганда күч колдонбой коюуга болбой калган.

Миннесота губернатору Улуттук гвардияны штатка киргизген, аскерлер Лос-Анджелесте да жардамга келген. Жаш агызуучу газ колдонулуп, желим октор атылган.

"Миннеаполистеги окуялар Флойддун өлүмүнө байланыштуу нааразылык чегинен чыгып кетти. Талап-тоноолор жарандык коомго кооптуулук туудуруп, биздин калаанын турмушуна коркунуч келтирип, жашоосуна жолтоо болууда", — деп түшүндүргөн губернатор Тим Вальц.

Дональд Трамп андан да катуу чараларга барды. Президент Флойддун өлүмү "америкалыктардын үрөйүн учурган, кайгыга салып, кыжырын кайнаткан кайгылуу окуя" экенин мойнуна алган. Бирок өз убагында топтошкон элди тынчтандыра албаганына штаттардын бийлигин сындаган. Митингчилерди президент "бандиттер" деп атап, күч колдонууга уруксат берген. Ал эми солчул радикалдык топторду козголоңчуларды шыкактоого айыптап, андай кадамдарга тыюу салууга чакырган.

Жекшемби күнү коопсуздук кызматы өлкө башчысын АКШ Ак үйүнүн алдындагы бункерге жайгаштырган. Ал жактан коркунучтун мизи кайтканда гана чыга алды.

Күнөөлүүлөрдүн изине түшүп...

Ал жактагы акциялардан дароо эле россиялык изди "таап чыгышты". "Өткөн шайлоо кампаниясында россиялыктар кара активисттерге айланган. Алар азыркы башаламандыктарга да тиешеси бар экенин эсепке албай кое албайм", — деп билдирди Орлеандын жаңы мэри Марк Мориал CNN каналынын эфиринде. 2016-жылдагы шайлоого Москванын кийлигишип-кийлигишпегени көп жылдан бери изилденип, бир илинчек табылбай келгени туурасында мэр ооз ачпады.

Бир-эки күндөн кийин мындай ойду Барак Обаманын администрациясында улуттук коопсуздук боюнча кеңешчи болуп иштеген Сьюзан Райс илип кетти. Ошол эле каналдан ал айым козголоңчулар "россиялык методичка" боюнча аракет кылып жатышканын билдирди. "Тынч демонстранттар да бар. Алар адилетсиздик жана теңсиздикке каршы чыгышты. Бирок митингдин нугун бурууга аракет кылган чагымчылар да жок эмес. Алар түз эле тактикалык схемалардын орус топтому боюнча аракет кылып жатканын тажрыйбам айтып турат", — дейт Райс. "Орус изине" түшкөндөн бери америкалык маалымат каражаттары Москванын дарегине тагылган дагы бир айыптоону эстеди. Бир-эки жыл мурун вашингтондогулар россиялык хакерлер Black Lives Matter кыймылын колдоп жатышканын айтып чыгышкан. Анын активисттери да полициянын зордугуна каршы чыгышкан.

"Россиялык из" боюнча талкуулоону Трамп сынга алды. CNN муну ал беделин өстүрүү аракетинде кылып жатканын боолголоду. Москва да буга үн катты. РФ президентинин басма сөз катчысы Дмитрий Песков Россия "эч качан америкалыктардын ишине кийлигишкен эмес, азыр да кийлигишпейт", – деп билдирди.

Америкадагы поляризация

Америкалык коом өтө поляризацияланган. РФ Жогорку экономикалык мектеби улуттук изилдөө университетинин Европалык жана эл аралык комплекстик изилдөөлөр борборунун директорунун орун басары Дмитрий Суслов АКШдагы жапырт мүнөз алган протестти ушинтип түшүндүрөт. Кептин баары баалуулуктардын ажырымында, ал бийликке Дональд Трамптын келиши менен күчөгөн.

"Америкалыктардын бир бөлүгү либералдуу баалуулуктарды карманат, башка бөлүгү консервативдүү келет. Эмиграциянын тарапташтары да бар, бирок Мексика менен чек арага дубал орнотууну колдогондор да толтура. Ага протекционисттер менен глобалисттердин жаңжалын да кошкула. Миннеаполис дагы бир ирет расалык көйгөйдү козгоду. Калктын ынды кара катмары коомдун толук кандуу бөлүгү боло албады", — деп түшүндүрөт Суслов.

Коронавирус пандемиясы, серепчинин пикиринде, афроамерикалыктардын аялуулугун баса белгиледи.

"Бул инфекциядан каза тапкандар калктын ынды кара катмарынын арасында кыйла жогору. Болду-болбоду, бул – медициналык камсыздоодогу чектөөлөрдүн кесепети. Афроамерикалыктар медициналык кызматтын кымбаттыгынан, ак жуумалдарга караганда кирешеси төмөндүгүнөн улам дарылана алышпайт", — дейт Суслов.

Айыптоолорду амалдана пайдаланышмакчы

"Орус изин" издөөнү саясат таануучу бийликтин ички пикир келишпестиктерди моюнга алгысы келбегенине байланыштырат. "Америкалык элита коомунун абалы жайында, баарын бузган Трамп менен орустар деп болжойт. Эгер Трампты кетирип, "орустардын изин" алып койсо, өлкө кайра калыбына келет деп ойлошот. Калаалардагы акциялар мурдагыдай калып эбак жок болгонун көрсөтүүдө. Эч ким олуттуу реформаларды зарыл деп эсептебейт", — дейт Суслов. Райстын билдирүүсүн шайлоо алдындагы кампаниянын нугунда кабыл алуу керек деген ойдо саясат таануучу.

"Мурдагы аткаминер айым алдыдагы шайлоодо Жо Байдендин тобуна кошулууну пландап жатканын болжоого болот. Москванын дарегине тагылган айыптоолор — бул демократтардын Трампка көрсөткөн кысымынын уландысы. Алардын оюнда ал Кремль менен бирге аракет кылат", — деп белгилейт эксперт.

Байдендин жеңиши кезектеги "россиялык ишти" кайра козгоорун боолголойт Суслов. "Шайлоого таасир этүү ниети бар деп америкалыктар дароо Москваны күнөөлөп кирди. Эми андай шектенүүлөр күчөп кетти. Конгресстеги демократтар Миннеаполистеги талап-тоноочулукка да санкция сунушташы мүмкүн. Мындай аракет аны менен токтоп калбайт. Байден Москваны америкалык коомду жок кылуу аракети үчүн айыптап, муну шайлоо алдындагы тезистерге айлантууга да барышы ыктымал", — деп жоромолдойт саясат таануучу.

Бирок тышкы душманды издөө, серепчинин пикиринде, россиялык-америкалык мамиле, эл аралык коопсуздук тутумун да жакшылыкка алып келбейт. Анүстүнө, идеологиялык көндүм пикирлерди пайдалануу Американын өзү үчүн да кооптуу. Себеби протесттер да мындай "бороон" жараткан көйгөйлөр сымал реалдуу. Орус изи бар деген кине деле эч нерсени чечпейт.

53
Белгилер:
Дональд Трамп, күнөө, Россия, башаламандык, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Расизмби же анархиябы? АКШ оңой эмес тандоо алдында турат
Кант авиабазасындагы учак. Архивдик сүрөт

РФ элчилиги "Кант" базасынын аймагы Россияга өтөт деген кабарды төгүндөдү

148
(жаңыланган 10:40 03.06.2020)
Элчилик фактылары бурмалоо туура эмес экендигин айтып, тарап жаткан маалыматтарды "эки өлкөнүн ортосундагы достук мамилени бузууга болгон аракет" деп баалаган.

БИШКЕК, 3-июн. — Sputnik. Россиянын Кыргызстандагы элчилиги айрым ЖМКларда тарап жаткан "Кыргызстан Россияга "Кант" авиабазасынын аймагын учуучу тилкеге жасалчу ремонт үчүн берет" деген маалыматты төгүндөдү.

"Бул карандай эле калп. Муну менен коомчулукка туура эмес маалымат берүүнү көздөшкөн", — дешти элчиликтен.

Россиянын аскер базасын Кыргызстандын аймагына жайгаштыруу боюнча 2012-жылдын 20-сентябрында түзүлүп, 2019-жылдын март айында кол коюлган келишимде "Кант" аэродромунда жайкы талааны Россия тарап өз эсебинен реконструкция кыла турган болсо, ал жакты жакшыртып, өзгөртүү укугу Россия тарапта болот. Келишимдин мөөнөтү аяктаган соң баары кыргыз тарапка өткөрүп берилет" деп так жазылган.

Элчилик фактылары бурмалоо туура эмес экендигин айтып, тарап жаткан маалыматтарды "эки өлкөнүн ортосундагы достук мамилени бузууга болгон аракет" деп баалаган.

148
Белгилер:
"Кант" авиабазасы, Россия, Кыргызстан
Тема боюнча
"Кант" базасынын авиациясы Жеңиштин урматына арналган аскер парадына катышат
"Кант" авиабазасы пулеметтуу "Урал" унаалары менен толукталды
Эл аралык Манас аэропортунда учак. Архив

15-июндан тарта тышкы каттамдар жанданат. Кайсы компаниялар учууга макулдук берди

6
(жаңыланган 13:44 04.06.2020)
“Түрк аба жолдору” 22-июндан баштап аба каттамдарын баштоого арыз берсе, “Аэрофлот” компаниясы июндун ортосунан тарта ишке киришүүгө даяр экендигин билдирген.

БИШКЕК, 4-июн. — Sputnik. Эл аралык аба каттамдарын 15-июндан баштап жаңылоо пландалып жатат. Бул тууралуу брифинг учурунда Жарандык авиация агенттигинин директору Курманбек Акышев билдирди.

Анын айтымында, Саламаттык сактоо министрлиги, аэропорттор жана Жарандык авиация агенттиги бир аптанын ичинде сырткы каттамдар боюнча алгоритм иштеп чыгат.

"Чет элдик компанияларга 15-июндан тарта учкула деп сунуштап жатабыз. "Түрк аба жолдору" 22-июндан баштап аба каттамдарын баштоого арыз беришти. Ал эми "Аэрофлот" компаниясы 15-июндан тарта ишке киришүүгө даяр экендигин билдирди", — деди Акышев.

Директор кошумчалагандай, бардык компанияларга бир ай бою жумасына бир жолу учуп туруу сунушталып жатат.

"Жалпысынан Кыргызстанга каттаган 6-7 компания бар. Алардын жарымы эле аптасына бир ирет учса, бир жумада барып-келиши менен 6-7 каттам жасап калат экен. Биздин жергиликтүү "Авиа Траффик" жумасына бир жолу ар кыл шаарларга учуп, 3-4 каттамдан аткарат", — деди жетекчи.

Каттамдардын саны азырынча дал ушунча болушуна Саламаттык сактоо жана Өзгөчө кырдаалдар министрликтери макул. Анткени бул көрсөткүч анча көп эмес болгондуктан, жүргүнчүлөрдү тосуп алып, медициналык кароодон өткөрүүгө жана обсервацияга жаткырууга мүмкүнчүлүк жетет.

Эске салсак, 5-июндан тарта өлкөдө ички авиарейстер менен аймактар аралык коомдук транспорт иштеп баштайт.

6
Белгилер:
авиакомпания, коронавирус, алгоритм, учак, каттам, Курманбек Акышев, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр: Бишкек — Оштун ортосунда авиакаттам жумасына бир эле жолу болот
РФ элчилиги "Кант" базасынын аймагы Россияга өтөт деген кабарды төгүндөдү