Вектор вирусология борбордун кызматкери жумуш учурунда. Архив

"Вектор" COVID-19га каршы вакцинанын сынала башталчу күнүн айтты

169
(жаңыланган 15:53 26.05.2020)
Гамалея атындагы эпидемиология жана микробиология илим-изилдөө борборунун директору Александр Гинцбург өзү жана борбордун вакцинаны иштеп чыккан кызматкерлери эмделип, аларда коргоочу антилелолор пайда болгонун билдирген.

БИШКЕК, 26-май. — Sputnik. Роспотребнадзордун алдындагы "Вектор" вирусология борбору коронавируска каршы вакцинаны июндун аягында клиникалык сыноодон өткөрүүнү пландап жатат. Бул тууралуу борбордун башкы директору Ринат Максютов "Известия" гезитиндеги маегинде айтканын РИА Новости жазды.

Анын пикиринде, бул мезгилге чейин жаныбарларга жасалган тесттин жыйынтыгы чыгат. Андан кийин клиникалык сыноого Саламаттык сактоо министрлигинин уруксаты күтүлмөкчү.

Максютов вакцина жапырт колдонулар алдында лабораториялык сыноолордон өтүп, өндүрүлүп, дары-дармек формасында болуп калууга тийиш экенин белгиледи. Андан кийин бир катар изилдөөлөр жүргүзүлүп, каттоодон өтөт.

Буга чейин Гамалея атындагы эпидемиология жана микробиология илим-изилдөө борборунун директору Александр Гинцбург өзү жана борбордун вакцинаны иштеп чыккан кызматкерлери эмделип, аларда коргоочу антилелолор пайда болгонун билдирген.

Белгилей кетсек, коронавирустан сакайтчу вакцинаны иштеп чыгуу боюна бир катар өлкөлөрдө иштер жүрүп жатат. Ал эми Гинцбергдин айтымында, россиялыктар жапырт эмдөөдөн күздүн башынан тарта өтүшү мүмкүн. Процедура алты айдан тогуз айга чейин созулушу болжолдонууда.

Жаңы коронавирус алгачкы жолу декабрь айынын соңунда Кытайдын Ухань шаарынан чыккан. Марттын башында Дүйнөлүк саламаттык сактоо уюму пандемия жарыялаган. Бүгүнкү күндө коронавирусту 5,3 миллион киши жуктуруп алса, анын 343 миңи каза тапканы белгилүү.

Россияда 353 427 учур катталып, анын 118 798и айыгып чыкты. Ал эми 3633 бейтап каза болгон.

169
Белгилер:
Россия, анализ, тест, дарыгер, изилдөө, эмдөө, вакцина, коронавирус
Тема:
Дүйнөгө жайылган коронавирус (847)
Тема боюнча
ЖМК: Рамзан Кадыров Москвада ооруканада жатат
Дарыгер: COVID-19 катуу кармаганда ооз менен тырмак көгөрөт
Илимий лабораториянын кызматкери. Архив

Дүйнөлүк уюм Россиянын COVID-19га каршы чыгарган вакцинасына кызыгып жатат

210
(жаңыланган 17:04 06.07.2020)
Дүйнөлүк саламаттыкты сактоо уюму Коронавируска каршы медициналык дарылардын тилектештик тести боюнча иш алып барууда. Бирок ага ири державалардын адистери катыша элек.

БИШКЕК, 6-июл. — Sputnik. Дүйнөлүк саламаттыкты сактоо уюму Россиянын COVID-19га каршы чыгарган вакцинасына кызыгып жаткандыгын аталган уюмдун башкы илимий кызматкери Сумия Сваминатан айтты. Бул маалыматты Sputnik радиосу таратты.

"Биз авифавир боюнча изилдөө, сыноо жүргүзүлүп жаткандыгын билебиз. Эки же үч дарыны тесттен өткөрүшүүдө, жыйынтыгын күтүп жатабыз. Мындан сырткары, россиялык вакцинага да кызыгуу бар", — деп айтып берген РИА Новостиге.

Сваминатан россиялык адистер вакцинаны иштеп чыкчулардын тилектештик тести менен кызматташууга макул болот деп үмүттөнүп жаткандыгын билдирген.

Россияда COVID-19га каршы вакцинаны сайдыргандардын абалы айтылды

Учурда Россия, Кытай, Улуу Британия, Франция жана АКШ Дүйнөлүк саламаттыкты сактоо уюму өткөрүп жаткан Коронавируска каршы медициналык дарылардын тилектештик тестине катышпай турат.

Россия өзү COVID-19га каршы бир учурда бир нече вакцина иштеп чыгып жатат.

"Вектор" борборунун адистери түзгөн үч вакцинанын прототиби сыноодон ийгиликтүү өттү. Мындан сырткары, учурда Гамалея атындагы эпидемиология жана микробиология илим-изилдөө институту менен биргеликте Коргоо министрлиги вакцинаны сыноону улантууда.

Россия COVID-19га каршы вакцинаны кантип сынап жатат. Ыктыярчылар тартылган видео

Жон Хопкинс университетинин акыркы маалыматтарына ылайык, жер жүзүндө коронавируска чалдыккандардын жалпы саны 11 миллион 564 миң 185ке жеткен. Илдеттен 536 миң 893 адам каза болгону айтылат.

Ал эми Кыргызстанда 7 691 учурга жетти. 2 843 адам сакайып, ооруканадан чыгарылса, тилекке каршы 92 жаран каза тапты.

Маалыматтарды Sputnik Кыргызстандын Telegram-каналына да кирип окуп турсаңыз болот.

210
Белгилер:
Дүйнөлүк саламаттыкты сактоо уюму, сыноо, тест, сыноочу, вакцина, коронавирус, Россия
Тема:
Дүйнөгө жайылган коронавирус (847)
Тема боюнча
Россия COVID-19га каршы дары жана тесттерди дүйнөлүк рынокко алып чыгууга даяр
Мигранттар. Архив

Россияда ишсиз калган мекендештерге элчилик жумуш сунуштоодо

253
(жаңыланган 12:43 05.07.2020)
Мамлекеттик миграция кызматынын өкүлчүлүгүнүн сайттарында, ошондой эле социалдык түйүндөрүндө 4 миңден ашык жумуш орду боюнча маалымат жайгаштырылган.

БИШКЕК, 5-июл. — Sputnik. Кыргызстандын Россиядагы элчилиги РФте ишсиз калган мекендештерге жумуш таап берүү боюнча жардам сунуштап жатканын эскертти.

 

"Элчилик жарандарыбызга Россиянын аймагында эмгектенүүгө мүмкүнчүлүк түзүп берүү максатында бош жумуш орундарын издештирүү боюнча иш алып барып жатат", — деп айтылат маалыматта.

Ага ылайык, бүгүнкү күндө элчиликтин жана Мамлекеттик миграция кызматынын өкүлчүлүгүнүн сайттарында, ошондой эле социалдык түйүндөрдө (Instagram – predstavitelstvo_migrasii_kr; FaceBook – Мамлекеттик миграция кызматынын өкүлчүлүгү) 4 миңден ашык жумуш орду боюнча маалымат жайгаштырылган.

Россиядан Кыргызстанга жардам берем деген 26 медик жолго чыкты

Жумуш издеп жаткан мекендештер Мамлекеттик миграция кызматынын өкүлчүлүгүнө төмөндөгү дарек, байланыш телефондору аркылуу кайрылса болору айтылат.

Дарек: Москва ш., Малая Полянка көч. 12A. Тел.: +7 (977) 597 37 03; +7 (901) 706 13 56 (WhatsApp); + 7 (901) 761 11 96; +7 (980) 078 03 32; + 495 780 74 12, + 495 780 74 10, + 495 780 74 12.

Электрондук почта: predmigration@mail.ru.

253
Тема боюнча
РФте миграциялык каттоого 15-сентябрга чейин баш оорутмай жок. Маанилүү кабар
Баткен облусунда Исфана — Сулюкта жолунда тоолор. Архив

Сүлүктүдө жер көчүп, автоунаа жолун тосуп калды. Видео

65
(жаңыланган 23:33 06.07.2020)
Жолду тазалоо үчүн бир жүктөгүч, эки самосвал тартылып, бир тараптуу ачылган. Тазалоо иши эртең дагы улантылат.

БИШКЕК, 6-июл. — Sputnik. Баткен облусунун Сүлүктү шаарында жер көчүп, автоунаа каттаган чоң жолду тосуп калды. Бул тууралуу Өзгөчө кырдаалдар министрлигинин маалымат кызматы кабарлады.

Билдирмеге караганда, бүгүн саат 17:40 чамасында Кызыл-Бел тилкесинде болжол менен 1000 метр куб жер сүрүлүп, жолду бөгөп салган. Жабыркаган адамдар жок.

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

Жолду тазалоо үчүн Кытайдын жол куруучу компаниясынан бир жүктөгүч, эки самосвал тартылып, бир тараптуу ачылган. Кеч киргендигине байланыштуу саат 20:20да тазалоо иш-чаралары убактылуу токтотулган. Иштин эртең дагы улантылары айтылат.

65
Белгилер:
тазалоо, жол тосуу, автоунаа, Жер көчкү
Тема боюнча
Адам өмүрүн эмес, сөөгүн сактап калган учурлар болот. Куткаруучунун маеги
Жыл башынан бери 35 адам сууга чөктү. Өкмөт коңгуроо кагууда