Белгород атомдук суу алдындагы жүрүүчү кайык. Архив

"Посейдон" сыноодон өтүүдө: Батыш мүнөздөгөндөй "кыямат күндүн торпедасыбы"?

327
Душман кол салган учурда россиялык уникалдуу учкучсуз комплекс сокку менен жооп кайтарары турган иш. Технологиялык жактан бир топ өнүккөн өлкөлөр арасында мындай курал Россиянын колунда гана бар. "Посейдондун" артыкчылыктарына аскерий баяндамачы Александр Хроленко

Россиянын коргонуу-өнөр жай комплексиндеги булак РИА Новости агенттигине билдиргендей, "Посейдон" учкучсуз аппаратынын сууга кое берилиши 2020-жылдын күз айларына пландалган. Ал эми азырынча айрым түйүндөрү жана агрегаттары сыноодон өтүүдө. Суу алдындагы көп багыттуу атомдук "Белгород" (949А "Антей" долбоору) кайыгынын бортунан сууга түшүрүлөт. Ал жаңы үлгүдөгү, дасыккан учкучсуз ракета алып жүрүүчүлөрдүн карлыгачтарынан болуп саналат.

Сынамык кеме атайын "Посейдон" (09852 долбоору) үчүн кайра иштелип чыгып, 2019-жылдын апрелинде Северодвинскиде сууга кое берилген. Субмаринанын өзүнүн сыноолору 2021-жылга дейре уланат. Алар ийгиликтүү аяктаган учурда "Белгород" "Посейдондор" менен Россиянын Аскер-деңиз флотунун курамына кирет.

"Хабаровск" (098531 долбоору) атомдук суу алдындагы кайык континент аралык учкучсуз, биринчи штаттык алып жүрүүчүлөрдөн болмокчу. Бул сууга жайдын башында кое берилип, болжол менен эки жылдай сыналары күтүлүүдө.

Дүйнөдө эч бир өлкөдө мындай тутум же "Посейдондон" коргонуу каражаты жок. Бул куралдын иштелип чыгышы тууралуу россиялык президент Владимир Путин 2018-жылы Федералдык жыйынга болгон кайрылуусунда жар салган.

"Посейдон" көп багыттуу океан тутуму – Чыгыш Европада Пентагон менен НАТОнун сокку уруу дараметинин кооптуу концентрациясына, АКШнын Ракетага каршы коргонуусунун түзүлүшүнө асимметриялык жооп. Кошмо Штаттар бул түзүмдү РФтин коргонуу дараметин жок кылууга пайдаланышы ыктымал.

Россиянын сактыгы ашыкчалык болбоптур, 2019-жылы Кошмо Штаттар ойдон чыгарылган шылтоо менен Орто жана кыска аралыктагы ракеталарды жок кылуу келишиминен чыгып, Стратегиялык чабуулдук курал боюнча келишимдин бузулушуна шарт түзгөн. 2020-жылга аскердик бюджетин 750 миллиард долларга чейин чыгарган (бул дүйнөдөгү Америкадан башка бардык өлкөлөрдүн коргоо жаатындагы чыгымдарына тең келет).

Укмуштуудай учкучсуз аппарат

"Посейдон" – 1000 метрлик тереңдикке, 10 миң чакырым аралыкка 100 узел ылдамдыкта (саатына 185 чакырым) жүрө ала турган өзөктүк энергетикалык орнотмолуу, стратегиялык континент аралык суу алдындагы аппарат.

"Посейдондун" сыноолору учкучсуз сүзүүнүн дээрлик чексиз ыраактыгын жана уникалдуу мүнөздөмөлөрүн тастыктады. Узундугу 24 метр, диаметри 1,6 метрдин тегерегиндеги аппарат кадимки же мегатонналуу термоөзөктүк ок-дары менен жабдылышы мүмкүн. Душмандын стратегиялык суу алдындагы кайыктар базасын, жээктеги инфраструктурасын, авиа ташуучулардын тобун жок кылууга багытталган.

Океанда андай "торпеданы" табыш оңой эмес, жай ылдамдыкта ал абдан тынч жылат, бирок гидроакустикалык кармоодо коргонуу мүмкүн эмес. Учкучсуз режимде "Посейдон" тереңде жана ылдамдыкта сүзүп, азыркылардын баарына, ошондой эле душмандын келечектүү субмарина, торпеда жана ракеталарга карматпайт. Башкаруунун автономдук системасы кемеге каршы чектерди же коргонуунун башка тутумдарын таап жана жиреп өтүүгө мүмкүндүк берет. Ооздуктоонун абдан олуттуу инструменти.

Россиялык бул аппарат сыноо баскычында эле Америка стратегиялык командачылыгын (STRATCOM) кабатыр кылууда. Былтыркы жылдын февралында Конгресстеги угууларда STRATCOM башчысы Жон Хайтен "Посейдон" жаңы куралдык тутум принципиалдуу түрдө СНВ-III келишиминин чектөөсүнө кабылбастыгын, ал эми россиялык саамалыктын аналогу АКШда иштелип чыкпагандыгын айткан. Америка тарап жаңы келишимге кызыгуусун билдирген. Анда өзөктүк согуштук жабдуусу бар суу алдындагы аппараттар жана башка системалар каралган.

Глобалдык жаңжал чыкса суу алдындагы аппарат америкалык жээктеги 100 мегатонналык термоөзөктүк октуу дүрмөттү жеткирүүгө жөндөмдүү, ал цунамини чакырып, океан жээгиндеги авиа ташуучу, коргонуу заводдору жана бүтүндөй шаарларды кошо инфраструктураны толук жууп кетерин жоромолдогон макалалар АКШда бир аз мурдараак жарыяланган.

Ошентип, учкучсуз "Посейдон" куралданууга алынганга чейин эле эл аралык кырдаалга, бир жагынан Россияга көзү түз эмес бир катар өлкөлөрдүн аскерий жетекчилеринин чечимдерине да таасир этти. Бирок жүйөлүү себептерсиз (мисалга, РФке карата агрессиялык акт болбосо) "Посейдон" эч качан чабуул жасабайт.

Сырдуу "Хабаровск"

"Хабаровск" - ушул тапта Россиянын эң чоң аскерий сырларынын бири болуп саналат. Ачык булактардагы маалыматтар боюнча, кеме принципиалдуу түрдө жаңы өзөктүк энергетикалык орнотмолор менен жабдылган. Бортунда алты учкучсуз "Посейдонду" ташый алат, аларды батыш маалымат каражаттарында "Кыямат күндүн торпедалары"деп коюшат.

Салмагы 10 миң тоннанын тегерегинде, ылдамдыгы 32 узелге дейре, сууга чөмүлүүнүн тереңдиги – 500 метр, суу алдында 120 суткага чейин жүрө алат, экипаж 100 кишиден кем эмес. Субмаринанын корпусу "Борей" стратегиялык жаңы ракета алып жүрүүчүсүн эске салат.

"Хабаровсктун" негизги өзгөчөлүктөрү жашыруун. Россиянын Аскер-деңиз флоту Түндүк жана Тынч океандагы флоттторунун аскердик түзүмүндө экиден "Посейдон" субмарина менен орун алууну пландоодо. Бул – Россиянын суу алдындагы стратегиялык куралдануу тутумдарынын жаңы мууну.

АКШ жана НАТО кайсы бир убакта кургакта, деңизде жана космосто ракетага каршы коргонуунун "ок өтпөс" тутумун жарата алса да, атомдук субмариналар жана стратегиялык "Кыямат күндүн торпедаларынын" "кош купуялуулугу" натыйжалуу өзөктүк соккуну бекем кепилдейт.

"Посейдон" – Россиянын технологиялык артыкчылыгынын жалгыз далили эмес, бирок потенциалдуу душманды бир топ эле таасирлентип, эсине келтирет. Ошентсе да Россия Федерациясы коркунучтарды жаратууга акылга сыйбас өжөрлүк менен умтулбайт.

Ал тургай дүйнөдөгү стратегиялык туруктуулукту чыңдоо үчүн Москва куралдануунун россиялык стратегиялык жаңы тутумунун мүмкүнчүлүктөрүн эске алып, батыштагы өнөктөштөрү менен адилеттүү келишимдик милдеттенмелерди талкуулоого даяр.

327
Белгилер:
аскер-деңиз флоту, субмарина, Россия, стратегия, комплекс, курал
Тема боюнча
Кара деңиз Россиянын толук көзөмөлүндө. НАТОнун аракетине жооп
Концлагердеги туткундар. Архив

РФ Тергөө комитети: Нюрнбергде согуш кылмышкерлеринин баары соттолгон эмес

49
(жаңыланган 20:37 03.07.2020)
Согуш учурунда адамдарды массалык түрдө кыргандардын өлүү-тирүүсүнө карабай аты аталып, жасаган кылмыштары коомго айтылышы керек деген негиздүү максат коюлууда.

БИШКЕК, 3-июл. — Sputnik. Нюрнберг трибуналында согуш кылмышкерлердин бардыгы соттолгон эмес, кээ бирлери из жашырып кеткен. Өлгөндөрүн да, тирүү калгандарын да, бардык күнөөлүүлөрдү аныктап чыгыш керек. Бул туурасында Россиянын Тергөө комитетинин жетекчиси Александр Бастрыкин айткандыгын РИА Новости жазды.

"Биздин алдыбызда бир нече милдет турат. Нюрнбергдеги эл аралык трибунал жана согуштан кийинки бир нече процесстерде бардыгы өзүнүн тиешелүү жазасын алган эмес. Жырткычтык менен катаал кылмыштарды жасаган көп нацисттер, тилекке карышы, камалган жок", — деген Бастрыкин.

Ал алардын бардыгын тактап чыгуу зарылдыгын белгиледи.

Коюн-колтук алышкан антисемитизм менен русофобия. Холокост тууралуу ой-толгоо

"Алар тирүүбү же өлүп калдыбы, маанилүү эмес. Биз кылмыш кылгандардын атын аташыбыз керек", — деген Тергөө комитетинин башчысы.

Ал Батышта Нюрнберг трибуналынан жыйынтыгын карап чыгууга аракеттер болуп жаткандыгын айтты.

"Кыязы, тарыхты башкача кылып көрсөтүүгө көп аракеттер болуп жатат. Маселен, Батыштын расмий адамдары Экинчи дүйнөлүк согуштун жыйынтыгын чыгарап жатып, АКШ жана Улуу Британиянын салымын гана айтышат. СССРдин фашизмди жеңгендегин билип туруп тоготпостукка салышууда. Нюрнберг трибуналынын жыйынтыгын текшерип чыгуу аракети болуп жатат", — деген ал.

Бастрыкин нацисттердин кылмышын иликтөөдө Россиянын Тергөө кызматы эл аралык жана атамекендик укуктун нормаларына таянарын айтты.

Ал нацисттик баскынчылардын жана алардын табакташтарынын жасаган кылмышы үчүн жоопко тарта турган мыйзамдын бир бөлүгү 1943-жылы СССРдин Жогорку Советинин президиуму тарабынан бекитилгендигин эске салды. Мыйзам "Немистик-фашисттик канкорлорду, советтик элди жана Кызыл Армиянын туткундарын кыргандар, Мекенин алмаштыргандар жана тыңчыларды жазалоо чаралары" деп аталган.

Бастрыкин Россиянын аталган кызматы нацизмдин кылмыштарын, анын ичинде РФтин Кылмыш кодексинин 357-беренесинде каралган геноцид боюнча фактыларын табууну улантарын айтты. Ага тиешелүү түрдө укуктук баа берилиши керектигин кошумчалады.

"Улуу Жеңишке 75 жыл: тарых жана келечек алдындагы жалпы милдет". Путиндин макаласы

Колдогу маалыматтарга караганда, РСФСРдин аймагында окуппация жылдарында дүйнө калкынын 2 миллионго жакыны атайын эле кырып, жок кылынган. Бардык фактылар иликтенбей калган, кылмыш кылгандар жазага тегиз тартылган эмес,

Издөө отряддары казган иштерде Новгород, Ростов облустарына, Краснодар аймагында трагедия менен жаны кыйылгандардын архивдери табылган, тынч жаткан элди жапырт кырышкан.

Былтыр Тергөө комитети 30 миң советтик жарандын жок кылынганы боюнча кылмыш ишин козгогон.

49
Белгилер:
Тергөө комитети, Өлтүрүү, Экинчи дүйнөлүк согуш, Нюрнберг, Россия
Тема боюнча
Согуш тарыхынын кайра жазылышына Германия эмне үчүн каршы? Саресеп
Батыш советтик жоокердин бейнесин өзгөртүп, тарыхты бурмалоону улантууда
Россиянын президенти Владимир Путин

Путин Баш мыйзамга түзөтүү киргизүү Жарлыгына кол койду

28
(жаңыланган 19:51 03.07.2020)
Эл бир апта бою добуш берген. Макул болгондор добуш бергендердин 77,92 пайызын түзсө, каршы пикирин айткандар 21,27 пайыз болгон.

БИШКЕК, 3-июл. — Sputnik. Россиянын президенти Владимир Путин Баш мыйзамга түзөтүү киргизүү боюнча Жарлыкка кол койгонун РИА Новости жазды.

Ага ылайык, өзгөртүүлөр эртең, 4-июлдан тарта күчүнө кирмекчи.

Баш мыйзамга киргизилген өзгөрүүлөрдө президентке, өкмөткө жана ар кыл деңгээлдеги мамлекеттик кызматкерлерге талаптар жаңыланган. Жарандарга мамлекеттик социалдык кепилдиктерди бекитүү, парламенттин ыйгарым укуктарын өзгөртүү жана федералдык аймакты ажыратып алууга тыюу салуу, орус тилинин макамын бекемдөө каралган. Андан сырткары, бир беренесинде Кудай эскертилип, россиялык мамлекеттүүлүгүнүн өнүгүшү үчүн мураскерлик туурасында да айтылат.

Жээнбеков Путин менен сүйлөшүп, жардамы үчүн ыраазычылык билдирди

Ошондой эле учурдагы иштеп турган мамлекет башчысына 2024-жылы кайрадан президенттик шайлоого катышууга мүмкүнчүлүк берет.

Сунуштарды атайын түзүлгөн жумушчу топ иштеп чыгып, Путин Мамлекеттик Думанын кароосуна тиешелүү мыйзам долбоорун киргизген. 11-мартта документ эки палатада кабыл алынып, андан кийин региондордун мыйзам чыгаруу жыйындары тарабынан колдоого алынып, 14-мартта президент ага кол койгон.

Бийлик ишенимди актоого болгон күчүн жумшайт. Путин элге ыраазылык билдирди

Эл бир апта — 25-июндан 1-июлга чейин добуш берди. Алгач 22-апрелге пландалып, бирок пандемиядан улам кийинки мөөнөткө жылдырылган. Россиянын Конституциясына түзөтүү киргизүүгө макул болгондор добуш бергендердин 77,92 пайызын түзсө, каршы пикирин айткандар 21,27 пайыз болгон. Келгендер жалпы добуш берүүчүлөрдүн 67,97 пайызын түзгөн. Мыйзам бузуулар же арыздануулар катталган эмес.

28
Белгилер:
жарлык, өзгөртүүлөр, Баш мыйзам, Владимир Путин, Россия
Тема боюнча
РФтин Баш мыйзамына түзөтүү киргизүү. Жакынкы өлкөлөрдө добуш берүү кандай өттү
Аэропорттун кызматкерлери иш учурунда. Архив

Дарыны компаниялар эмес, ташып келгендер кымбаттатып жатканы айтылды

5
(жаңыланган 21:34 03.07.2020)
Жыйын учурунда фармкомпаниялардын өкүлдөрү баа саясатын дары ташып келгендер жүргүзөрүн белгилешкен. Мэрия алар менен иштешүүнү убада кылды.

БИШКЕК, 3-июл. — Sputnik. Бишкек мэриясы фармацевттик компаниялардын өкүлдөрү менен жолугушуп, препараттардын кымбатташы боюнча сүйлөштү. Бул тууралуу шаардык муниципалитеттин маалымат кызматы кабарлады.

Маалыматка ылайык, мэрияга калаа тургундары дарылардын баасы көтөрүлүп жаткандыгы боюнча көп кайрылышкан.

Мындан улам санитардык нормаларды сактоо менен чогулуш өткөрүүнү туура көрүшкөн. Ага аппарат жетекчиси Балбак Түлөбаев, фармацевттер жана укук коргоо органдары менен Финполициянын (ЭКККК) өкүлдөрү катышкан.

"Биз ишкерлерди дарыга суроо-талап күчөп жатканда бааны көтөрүп, алып сатарлык менен алектенбөөгө чакырдык. Препараттын наркын өзүм билемдик менен көтөргөндөр мыйзам чегинде жоопко тартыларын эскерттик", — деп айтылат маалыматта.

Жардам бергиле! Сабырбек Жумабеков олигархтарга кайрылды

Өз кезегинде фармкомпаниялардын өкүлдөрү баа саясатын дары ташып келгендер түзөрүн белгилешкен.

Мэрия бул пикирди эске алып, препарат алып келгендер менен сүйлөшүүнү убадалады.

5
Белгилер:
кымбаттоо, баа, дары, мэрия, Бишкек
Тема боюнча
Президент Жээнбеков кимдерди "эл душманы" деп атаарын айтты