Улуттук борбор: Россиянын вакцинасы коронавирустан эки жылга чейин коргойт

© Sputnik / Максим Богодвид / Медиабанкка өтүүИзилдөө лабораториясынын кызматкери иш учурунда. Архив
Изилдөө лабораториясынын кызматкери иш учурунда. Архив - Sputnik Кыргызстан
Жазылуу
Академик ачык болуу зарылдыгына карабастан чет өлкөлөрдүн медицина уюмдары иштеп чыккан вакцинанын технологиясы менен бөлүшүүгө шашылбай жатканын белгилей кетти.

БИШКЕК, 22-июн. — Sputnik. Россиянын Коргоо министрлиги менен бирге иштелип чыккан коронавируска каршы вакцинанын эки жылга чейин таасири кетпейт. Бул тууралуу Гамалея атындагы эпидемиология жана микробиология улуттук изилдөө борборунун директору Александр Гинцбург "Красная звезда" гезитине маек куруп жатып айтканын РИА Новости жазды.

Кытай лидери Си Цзиньпин. Архив - Sputnik Кыргызстан
Си Цзиньпин: коронавируска вакцина тапсак биринчи Африкага беребиз
Препарат вирустун "корона" белогун шарттаган гендерди жеткирүү үчүн аденовирустук контейнерлерди пайдаланат. Ал эки жолу сайылары айтылды. Бир эле ген вирусту эки башка алып жүрүүчүгө колдонулат. Бул коргоо иммунитетин пайда кылып, дарынын таасири көбүрөөк убакытка чейин сакталат.

Гинцбургдун айтымында, мындай ыкма вакцина алган адамга коронавирусту жуктуруп алуу тобокелчилигинен алыс болууга жардам берип, ал "жок эле дегенде эки жылга же андан да узагыраак мөөнөткө чейин вируска туруштук бере алгыдай болот".

Директор препараттын көпкө чейин таасир этчү касиети Африканын Гвинеясында Эбола вирусуна каршы вакцина иштелип жатканда далилденгенин кошумчалады. Анда да иш аталган борбор менен РФтин Коргоо министрлиги тарабынан жүргүзүлгөн.

Шаар тургуну Пекиндеги клиникада текшерүүдөн өтүүдө. Архив - Sputnik Кыргызстан
Кайрадан чыгып... Кытайда бир суткада 44 кишиден коронавирус аныкталды
Ушу тапта Россия калкы үчүн вакцинанын 70 миллион дозасын өндүрүү каралган. Өлкө жетекчилиги жана саламаттык сактоо уюмдары өндүрүштү кеңейтүү боюнча иштерди баштаганы айтылат.

Академик ачык болуу зарылдыгына карабастан чет өлкөлөрдүн медицина уюмдары иштеп чыгып жаткан вакцинанын технологиясы менен бөлүшүүгө шашылбай жатканын белгилей кетти.

Улуттук изилдөө борбору менен Коргоо министрлиги өндүргөн вакцинаны сыноо 18-июнь күнү Бурденко атындагы госпиталда башталган. Ага 18 ыктыярчы катышууда. Сыноо иштери июлдун соңуна чейин барат деп пландалууда.

Жаңылыктар түрмөгү
0