Москванын көчөлөрүнүн биринде бараткан жарандар. Архивдик сүрөт

Россия 2021-жылы мигранттардын санын кыскартмай болду

762
(жаңыланган 12:48 26.06.2020)
Чектөөлөр бардык мигранттарга бирдей тиешелүү эмес. Мисалы, Кыргызстандын жарандары мурдагыдай тартипте иштей берет.

БИШКЕК, 26-июн. — Sputnik. Россия келерки жылы эмгек визасы менен кирип иштеген мигранттардын санын 40 миңге кыскартууну пландап жатат. Бул тууралуу мыйзам долбоору нормативдик-укуктук актылар боюнча федералдык порталда жарыяланды.

РФте миграциялык каттоого 15-сентябрга чейин баш оорутмай жок. Маанилүү кабар

2020-жылы Россия эмгек визасы аркылуу иштөөгө 144 миң адамга уруксат берсе, 2021-жылы бул көрсөткүч 104 миңге гана жетти.

  • Жумушчулар кыскартыла турган тармактар:
  • курулуш;
  • токой чарба, отун даярдоо жана жер-жемиш өстүрүү;
  • ичимдик жана чылым саткан дүкөндөрдө иштөө;
  • жүргүнчү жана жүк ташуучу автоунаалардын айдоочулары;
  • имараттарды жана аймактарды тейлөө;
  • соода-сатык, дарыкана тармактарында.
"Бирок бул чектөөлөр бардык мигранттарга бирдей тиешелүү эмес. Өзбекстан, Кыргызстан, Тажикстан, Армения, Молдова, Казакстан сыяктуу визасыз өлкөлөрдөн кирген мигранттар мурдагыдай тартипте иштей алат", — деп айтылат билдирүүдө.

Белгилей кетсек, коронавирус пандемиясынан улам айрым кыргызстандык мигранттар Россиядан мекенине кайтып келүүгө аргасыз болууда.

762
Белгилер:
виза, квота, миграция, Кыргызстан, Россия
Тема боюнча
Мигранттарга жасалма документ даярдаган жашыруун топ кармалды
Лабораториянын кызматкерлери иш учурунда. Архив

"Вектор" борбору коронавируска каршы вакцинасы үчүн патент алды

49
(жаңыланган 18:44 30.09.2020)
Аталган борбор коронавируска каршы вакцинаны жыл башында чыгарып, июндун аягында клиникалык сыноодон өткөргөнүн жарыялаган.

БИШКЕК, 30-сен. — Sputnik. Россиянын Өндүрүш менчиги боюнча федералдык институту вирусология жана биотехнология жаатында иш алып барган "Вектор" борборунун коронавируска каршы чыгарган "ЭпиВакКорона" вакцинасына патент берди. Бул тууралуу Роспатентке таянып РИА Новости жазды.

Окумуштуулар вирустун бөлүктөрүн камтыган вакцинаны — синтетикалык пептиддик антигендерди иштеп чыгышкан. Алардын негизинде жасалган вакцина COVID-19га каршы иммундук реакцияны жаратат жана иммунитеттин бекемделишине өбөлгө түзөт.

COVID-19га каршы россиялык вакцина КМШга берилет

"Бардыгы болуп үч вакцинага патент берилген, анын ар бири өзүнө вирустун модификацияланган фрагментин камтыйт", — деп айтылат Роспатенттин билдирүүсүндө.

"Вектор" вирусология борбору коронавируска каршы вакцинаны жыл башында чыгарып, июндун аягында клиникалык сыноодон өткөргөнүн жарыялаган.

49
Белгилер:
коронавирус, патент, вакцина, Россия
Тема:
Дүйнөгө жайылган коронавирус
Тема боюнча
"Вектор" COVID-19га каршы вакцинанын сынала башталчу күнүн айтты
Домодедово аэропортундагы жүргүнчү. Архивдик сүрөт

Чет элдик студенттерге Россияга кирүү шарттары түшүндүрүлдү

82
Белгилей кетсек, бүгүнкү күнү Россия өкмөтүнүн буйругуна ылайык, 20-сентябрдан баштап Беларусь, Казакстан, Кыргызстан жарандарынын өлкөгө кирүүсүнө коюлган чектөө алынган.

БИШКЕК, 30-сен. — Sputnik. Россиянын жогорку окуу жайларында билим алган чет элдик студенттер өлкө аймагына кирүүгө чектөө алынгандан кийин гана бара алышат. Бул тууралуу "Известия" басылмасы Билим берүү жана илим министрлигине таянып кабарлады.

"Россияда билим ала турган чет өлкөлүк студенттердин кирүүсүнө уруксат берүү чектөөдөн көз каранды. Башкача айтканда, кайсы мамлекеттин жарандарына кирүүгө уруксат берилсе, ошол өлкөнүн гана студенттери Россияга кире алышат", — деп айтылат билдирүүдө.

Белгилей кетсек, бүгүнкү күнү Россия өкмөтүнүн буйругуна ылайык, 20-сентябрдан баштап Беларусь, Казакстан, Кыргызстан жарандарынын өлкөгө кирүүсүнө коюлган чектөө алынган. Ал эми 27-сентябрдан тарта түштүк кореялыктарга уруксат берилген.

5-октябрдан тарта башталгыч класстар мектепке барып окуйбу? Расмий жооп

Россиянын билим берүү жана илим министри Валерий Фальков 12-сентябрга карата коронавирустан улам жогорку окуу жайларда билим алчу 100 миңге чукул чет элдик студент өлкөгө кире электигин айткан.

82
Белгилер:
чектөө, кирүү, студент, окуу, ЖОЖ, Россия
Тема боюнча
Чет элдик биринчи курстун студенттери Россияга сентябрда кире алышат
Россия: чет элдик студенттердин окуганга киришине уруксат берилиши мүмкүн
Мектеп окуучу. Архивдик сүрөт

Илим менен техникага кызыгасызбы? Кыздар үчүн сынак жарыяланды

0
(жаңыланган 08:30 01.10.2020)
Сынактын жеңүүчүсү 11-октябрь — Кыздардын эл аралык күнүнө карата алдыңкы айымдар менен өтө турган онлайн-сессияга катышуу мүмкүнчүлүгүнө ээ болору айтылган.

БИШКЕК, 1-окт. — Sputnik. Илимге, математикага жана заманбап технологияларга кызыккан, орто мектептердин 7-11-классында, колледжде, училище жана башка окуу жайларда билим алган кыздар үчүн сынак жарыяланды. Бул тууралуу Роза Отунбаеванын демилгеси эл аралык коомдук фондунун сайтына жайгашкан маалыматта айтылган.

"Сиз 11-октябрь — Кыздардын эл аралык күнүндө "Илимдеги кыздар" долбоорунун алкагында алдыңкы айымдар менен өтө турган "Илимдеги кыздардын күчү" онлайн-сессиясынын катышуучуларынын бири боло аласыз. Биздин лозунг — өзүңдү башкалардын чектелүү элестетүүсү менен чектебе, — деп жазылган маалыматта.

Россияда билим алууга квота бөлүү: система реформаланат, орун көп болот

Дискуссиянын катышуучусу болуш үчүн үч талапты аткаруу зарылдыгы айтылган. Негизгиси бир мүнөттүк видео тартуу керек:

  • сиздин илимге, математикага, технологияларга кызыгууңузду;
  • карантин маалындагы сабактарыңыз, тажрыйбаңызды;
  • илим, математика, технология тармагындагы билимди пандемия жана башка инфекцияларды токтотууда кантип пайдаланууга боло тургандыгын баяндап бериш керек;
  • өзүңүздүн чөйрөңүздө илим, математика, технология тармагындагы билимди колдонуп кандай позитивдүү өзгөрүүлөрдү жасоо боюнча;
  • мектептеги илим тармагындагы дисциплиналарды кызыктуураак жана интерактивдүүрөөк кылуу жөнүндө идеяларыңыз менен бөлүшүңүз.

Андан соң видеону Instagram же Facebook социалдык тармагына #IDG2020 #GirlsInScience #ДевочкиВНауке #ИлимдегиКыздар хештектерин кошуп жүктөө керек. Бул — экинчи талап.

Фонд үчүнчү шарт катары коюлган посттун шилтемесин aakimjanova@unicef.org дарегине жиберүү керек экендигин билдирген. Дагы бир маанилүү учур, өтүнмөлөр 4-октябрга чейин кабыл алынат.

0
Белгилер:
билим, сынак, кыздар, Кыргызстан
Тема боюнча
Карындашыңа кайдыгер болсоң күйөөсү кордойт. Агалар кызга таянар тоо бололу