Добуштарды эсептөө

Россиялыктардын 75%ы Баш мыйзамга өзгөртүү киргизүүгө макул. Алгачкы жыйынтык

121
(жаңыланган 15:51 02.07.2020)
Россиянын айрым аймактарда добуш берүүнүн жыйынтыгы чыгарылды. Анда негизги мыйзамга сунушталган өзгөртүүнү элдин көбү колдоого алган.

БИШКЕК, 2-июл. — Sputnik. Баш мыйзамга өзгөртүү киргизүүнү добуш берүүгө катышкан россиялыктардын 73,24 пайызы колдоп, ал эми 25,8 пайызы каршы болду. Бул тууралуу Борбордук шайлоо комиссиясынын протоколдордун 25 пайызын иштеп чыккандан кийинки жыйынтыгына таянып РИА Новости жазып чыкты.

Кыргызстанда РФ Баш мыйзамына өзгөртүү киргизүүгө добуш берүү кандай өттү

Акыркы маалыматтар боюнча россиялыктардын 64 пайызы өзүнүн шайлоо укугун колдонушкан.

Айрым аймактарда добуш берүүнүн толук жыйынтыгы чыкты. Добуш берүү тилкелеринде Баш мыйзамга өзгөртүү киргизүүнү элдин көбү колдогон:

  • Чукотка: макул — 80,3 пайыз, каршы — 18,6;
  • Сахалин: макул — 74,84 пайыз, каршы — 24,04;
  • Еврей автономиялык областы: макул — 77,3 пайыз, каршы — 21,39;
  • Камчатка: макул — 61,76 пайыз, каршы — 37,16;
  • Магадан облусу: макул — 63,03 пайыз, каршы — 36,62;
  • Хабаровск аймагы: макул — 62,28 пайыз, каршы — 36,64.

Кыргызстанда жашаган россиялыктардын көбү (89,5 пайызы) Баш мыйзамга өзгөртүү киргизүүнү колдогон.

Путин Конституцияга өзгөртүү киргизүү боюнча добуш берди. Видео

Баш мыйзамга киргизилген өзгөрүүлөрдө президентке, өкмөткө жана ар кыл деңгээлдеги мамлекеттик кызматкерлерге талаптар жаңыланган. Жарандарга мамлекеттик социалдык кепилдиктерди бекитүү, парламенттин ыйгарым укуктарын өзгөртүү жана федералдык аймакты ажыратып алууга тыюу салуу, орус тилинин макамын бекемдөө каралган. Андан сырткары, бир беренесинде Кудай эскертилип, россиялык мамлекеттүүлүгүнүн өнүгүшү үчүн мураскерлик туурасында да айтылат.

Ошондой эле учурдагы иштеп турган мамлекет башчысына 2024-жылы кайрадан президенттик шайлоого катышууга мүмкүнчүлүк берет.

121
Белгилер:
добуш берүү, Кыргызстан, Россия, Баш мыйзам
Тема боюнча
Бишкекте россиялыктар Конституциясын өзгөртүүгө добуш берүүдө. Сүрөт түрмөк
Кыргызстан менен Россиянын тышкы иштер министрлери Чыңгыз Айдарбеков менен Сергей Лавров . Архивдик сүрөт

Айдарбеков менен Лавров туруктуу авиакаттамдарды жандантууну сүйлөшүштү

164
(жаңыланган 23:14 10.08.2020)
Министр Айдарбеков Россияга коронавирус инфекциясы менен күрөшүүдө көрсөтүп жаткан гуманитардык жардамына жана дарыгерлерин жөнөткөндүгүнө ыраазычылык билдирген.

БИШКЕК, 10-авг. — Sputnik. Кыргызстан менен Россиянын тышкы иштер министрлери Чыңгыз Айдарбеков менен Сергей Лавров эки өлкөнүн ортосундагы туруктуу авиакаттамды жандандыруу тууралуу пикир алмашышты. Бул тууралуу ТИМдин маалымат кызматы билдирди.

Маектешүүнүн жүрүшүндө тышкы саясий ведомстволордун башчылары COVID-19 пандемиясынын кесепетин жеңүү боюнча кызматташуу маселелерин талкуулашкан.

"Ошондой эле эки тараптуу өз ара аракеттенүүнүн актуалдуу багыттары жана келечеги жөнүндө, анын ичинде жакын арада Кыргызстан менен Россиянын ортосунда туруктуу авиакаттамды жандантуу тууралуу пикир алмашышты", — деп айтылат маалыматта.

Министр Айдарбеков Россияга коронавирус инфекциясы менен күрөшүүдө көрсөтүп жаткан гуманитардык жардамына жана дарыгерлерин жөнөткөндүгүнө ыраазычылык билдирген.

Кыргызстандан Россияга кетчү каттамдар. Күнү жана шарты

Ошондой эле ТИМ башчылары эки мамлекеттин эриш-аркак жылынын алкагында пландалган бардык иш-чараларды ишке ашырууга жана кыргыз-орус кызматташтыгынын бардык комплексин мындан ары активдештирүүгө үмүт артарын билдиришкен.

Андан сырткары, регионалдык жана эл аралык саясат маселелери боюнча да кеп козголгону белгиленди.

164
Белгилер:
кызматташтык, коронавирус, каттам, сүйлөшүүлөр, Сергей Лавров, Чыңгыз Айдарбеков, ТИМ
Тема боюнча
Эми Кыргызстанга учак менен келип-кеткендер кандай эрежеге баш иет? Алгоритм
Турак жайдагы лифттин баскычтары. Архив

Тамак ташыган лифт официант келиндин башын үзүп кете жаздады. Москвадагы окуя

326
(жаңыланган 22:57 09.08.2020)
Официант тамак ташыган анча чоң эмес лифтинин жанында турган. Ошол мезгилде, сыягы, ал биринчи кабаттагы ашпозчуларды чакырып жаткан.

БИШКЕК, 9-авг. — Sputnik. Москванын түштүк-батыш тарабындагы тамактануучу жайлардын биринде тамак ташыган лифт аз жерден барда иштеген официанттын башын үзүп сала жаздады. Бул тууралуу РИА Новости "Московский комсомолец" басылмасына таянып кабарлады.

Окуя 8-августка караган түнү болгон. Официант келин тамак ташыган анча чоң эмес лифтинин жанында, экинчи кабатта турган. Ошол мезгилде, сыягы, ал биринчи кабаттагы ашпозчуларга бир нерсени кыйкырып айтып жаткан.

"Аял кокустан кнопканы басып алып, лифт биринчи кабатка кетип калган. Токтотуучу системасы иштеп баштаганда ал бир нече метрге өтүп кеткен. Жыйынтыгында официант келиндин мойну эки механизмдин ортосунда калган. Лифтти экинчи кабатка чакырып, эптеп башын тартып алганга үлгүргөн. Учурда моюн омурткасы сынып, реанимацияда жатат", — деп айтылат маалыматта.

Шуулдаган парашют, айланган жер... Россиялык десантчылардын видеосу

Күбөлөрдүн айтымында, ал чарчагандыктан ушундай окуяга кептелген. Жабыркаган аялдын баласы бар, өзү Воронеж шаарынан, аталган барда бир айдан ашык убакыттан бери иштеп келе жатканы маалым болду.

326
Белгилер:
лифт, окуя, официант, Москва
Тема боюнча
Ажалы жок экен. Кытайда 30-кабаттан кулаган кишинин аман калган видеосу
 Минскидеги массалык митинг. Архивдик сүрөт

Колунда жарылып кеткен. Минскидеги массалык митингде адам өлүмү катталды

0
Элдин толкундоолору өлкөнүн дээрлик бардык аймагында өтүп жатат. Акциялар президенттик шайлоодон кийин жекшемби күнү башталган.

БИШКЕК, 11-авг. — Sputnik. Нааразылык акциялар өтүп жаткан Беларустун борбор калаасында адам өлүмү катталды. Бул тууралуу ИИМдин расмий өкүлү Ольга Чемодановага таянуу менен Sputnik Беларусь агенттигинин Telegram-каналы кабарлады.

Чемоданованын айтымында, көз жумган адам эркек киши.

"10-август күнү саат 23.00дөрдө Минск шаарынын Притыций проспектисинде топтолгон эл кыймылды бууш үчүн тосмолорду кое баштаган. Аянтты тазалоо үчүн келген атайын бөлүктүн жоокерлери менен кагылышуу учурунда бир киши аларды көздөй жардыруучу түзүлүштү ыргытууга аракет кылган. Бирок ал колдо жарылып, эркек киши алган жаракатынан улам көз жумду", — деди ИИМ өкүлү.

Эскерте кетсек, нааразылык акциялары 9-августта өткөн президенттик шайлоодон кийин башталган. Ушу тапта элдин толкундоолору өлкөнүн дээрлик бардык аймагына жайылды. Милиция митингчилерди таратуу үчүн көздөн жаш чыгаруучу газ менен кулак тундуруучу гранаталарды колдонууда.

38 жашта. Лукашенкодон тизгин талашкан Тихановскаянын таржымалы

Акыркы маалыматтар боюнча тартип сакчылары менен кагылышуудан жапа чеккендер жана кармалгандар көбөйүүдө.

Эл көчөгө шайлоонун жыйынтыгына нааразы болуп чыккан. Анда азыркы президент Александр Лукашенко бир топ айырма менен атаандаштарынан озуп, дагы беш жылга өлкө башчысы болуп калмакчы.

0
Белгилер:
аянт, милиция, өлүм, митинг, Минск, Беларусь
Тема боюнча
Беларуста митинг токтобой, эл күч менен таркатылып жатат. Видео