Асмандагы учак. Архив

Росавиация 1-августка чейин эл аралык каттамдарга тыюу салды

311
(жаңыланган 13:53 03.07.2020)
Жазында өкмөт коронавирус пандемиясынан улам эл аралык дайымкы жана чартердик каттамдарды токтотуп, 15-июлда жанданта турганын айткан болчу.

БИШКЕК, 3-июл. — Sputnik. Аба каттамынын федералдык агенттиги (Росавиация) чет элдиктердин Россияга киришине киргизилген чектөөнү 31-июлга чейин узартты. Бул тууралуу РИА Новости маалымдады.

Аталган телеграмманы алгандыгын Домодедово аэропорту жана S7 авиакомпаниясы тастыктаган.

Жазында өкмөт коронавирус пандемиясынан улам эл аралык дайымкы жана чартердик каттамдарды токтотуп, 15-июлда жанданта турганын айткан болчу.

Чектөөнүн экспорттук учууларга, жүк, почта, санитардык жана гуманитардык каттамдарга, бош учактарды техникалык кароого алып барууга, өлкө аймагында транзиттик каттамдарга жана өкмөттүн атайын чечими менен аткарылчу каттамдарга, ошондой эле өлкөдөн чыгып кетчү жарандарга тиешеси жок.

Белгиленгендей, эл аралык каттамды ачуу тууралуу чечим кабыл алынганда Росавиация билдирүү таратат.

Россиялык авиакомпаниялар Кыргызстанга каттамын качан жандантарын айтышты

Июнда Росавиациянын башчысы Александр Нерадько өкмөткө чет жакка учуулардын планын жаңыртууну сунуштаган. Анын айтымында, каттамды КМШ өлкөлөрүнөн баштоого болот. Андан кийин эпидемиялык кырдаалга жараша башка өлкөлөр да кошулат. Азырынча анын демилгеси колдоо таба элек.

Буга чейин Транспорт министрлигинин башчысы Евгений Дитрих билдиргендей, баарынан мурда ички каттамдын коопсуздугун текшерип, андан кийин гана чек араларды ачуу керек.

311
Белгилер:
пандемия, байланыш, каттам, учак
Тема:
Дүйнөгө жайылган коронавирус (966)
Тема боюнча
ТИМ Кытайдан келе албай жаткан кыргызстандыктар боюнча үн катты
Новосибирскиден 186 кыргызстандык атайын каттам менен алып келинди
Ирландиялык Конор Макгрегор жана россиялык мушкер Хабиб Нурмагомедов. Архивдик сүрөт

Нурмагомедов: Гэтжиден кийин Макгрегор менен кармашууга даярмын

179
(жаңыланган 17:43 14.08.2020)
Эки жылдан бери ирландиялык спортчу россиялык мушкерди реванш-беттешке чакырып келген. Бирок Хабибдин менеджери ал Конорду атаандаш катары көрбөй турганын айткан болчу.

БИШКЕК, 14-авг. — Sputnik. UFC уюмунун жеңил салмактагы чемпиону Хабиб Нурмагомедов Москвадагы маалымат жыйынында америкалык Жастин Гэтжиден кийин ирландиялык Конор Макгрегор менен беттешүүгө даяр экенин жар салды. Бул тууралуу РИА Новости жазды.

Белгилей кетсек, Нурмагомедов 24-октябрда Абу-Даби шаарында Гэтжи менен күч сынашат. Ал эми Макгрегорду мындан эки жыл мурун Лас-Вегастагы турнирде уткан. Беттештин аягы ызы-чуу менен коштолуп, эки тараптын командасы массалык уруш чыгарган. Окуядан кийин Нурмагомедов беттештерден четтетилип, ири көлөмдөгү айыпка жыгылган.

Түрдүү ой келет... Хабиб карьерасын жыйынтыктоону ойлогонун моюндады

"Гэтжиден соң ким менен болсо да кармашканга даярмын. Ал Тониби (Фергюсон) же Конорбу (Макгрегор), айырмасы жок", — деген спортчу.

2018-жылдан бери ирландиялык спортчу россиялык мушкерди бир нече ирет реванш-беттешке чакырып, UFC президенди Дана Уайт дагы аны уюштурууга кызыкдар экенин билдирип келет. Бирок Хабибдин менеджери ал Конорду атаандаш катары көрбөй турганын айткан болчу.

179
Белгилер:
реванш, беттешүү, Конор Макгрегор, Хабиб Нурмагомедов, UFC
Тема боюнча
Конор мыкты мушкерлерди атап, ага Хабибди кошкон жок. Атаандашынын жообу
Шевченко октагонго кайтты! UFC ал наамын коргой турчу күндү так айтты
Кубанып турам! Кыргызстандык Физиев UFC уюму менен келишимин жаңыртты
Россиялык теле алып баруучу Артур Цветков. Архив

Миграция кызматы КР жараны менен уруша кеткен Цветков боюнча үн катты

215
(жаңыланган 12:19 14.08.2020)
Мурдагы алып баруучу менен кыргызстандык киши элдешкен. Бирок Цветковду социалдык тармак аркылуу коркутуу токтой электиги айтылды.

БИШКЕК, 14-авг. — Sputnik. Мамлекеттик миграция кызматы мурдагы теле алып баруучу Артур Цветковдун кадамдарына байланыштуу кыргызстандыктарды чагымчылдыкка алдырбоого чакырды.

Мекеме 11-августта Москвадагы тез тамактануучу жайлардын биринде болгон окуя боюнча үн катты. Эске сала кетсек, ал жакка Цветков бет кап тагынбай келгени үчүн пикир келишпестик чыккан. Ал кыргызстандык Манап Абдразаков менен айтыша кетип, акырында кол көтөргөнгө чейин барган.

13-августта Миграция кызматынын өкүлдөрү ал экөө менен жолугуп, чыр-чатакка чекит коюлганы аныкталды. Тараптар элдешип, жакынкы күндөрү полицияга жазылган арыз артка кайтарылмай болгон.

Россия мигранттар үчүн атайын тиркеме киргизиши мүмкүн. Максаты

"Ошол эле учурда Мамлекеттик миграция кызматынын өкүлчүлүгү Кыргызстандын жарандарын Артур Цветковду социалдык тармак аркылуу коркутуп, чагымчылдыкка алдырбоого чакырат", — деп айтылат билдирүүдө.

Мекеме белгилегендей, коркутуулар үчүн Россиянын мыйзамынын чегинде жоопкерчиликке тартуу мүмкүн.

215
Белгилер:
миграция, Артур Цветков, Москва, Кыргызстан
Тема боюнча
Кыргызстанга мигранттардан келген акчанын көлөмү өстү
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды