Россиянын ФСБ кызматкерлери. Архив

Москвада теракт жасоону пландаган борборазиялык жаран жок кылынды

559
(жаңыланган 17:17 27.07.2020)
Федералдык коопсуздук кызматынын билдиришинче, террорчу Химки районундагы кароосуз гараждан табылган.

БИШКЕК, 27-июл. — Sputnik. Москвада эл көп жүргөн жерде теракт жасоого аракет кылды деп шектелген жаран жок кылынды. Бул туурасында РИА Новости билдирди.

Маалыматта ал Борбор Азия өлкөлөрүнүн биринин жараны болгону айтылат. Федералдык коопсуздук кызматынын билдиришинче, террорчу Химки районунда кароосуз турган гараждан табылган.

"Кармоо учурунда ал автомат менен укук коргоо органынын кызматкерлерине карай ок чыгарган. Ага жооп иретинде атышканда ок тийип мерт болгон", — деп билдирди коопсуздук кызматы.

Окуя болгон жерди тинтүү учурунда АКС-74У үлгүсүндөгү автомат, үч магазин, эки Ф-1 гранатасы жана бир РГД гранатасы табылган.

Кылмышкер Борбор Азия өлкөлөрүнүн биринин жараны экени, Москвада ижарага батир алып жашап жүргөнү аныкталды. Ошондой эле Подмосковьеден анын бир тууганы кармалган. Ал тууганы Сириядагы террорчулар менен байланышып жатканынан шек санап полицияга кайрылган.

Нарында "Хизбут-Тахрир" уюмуна мүчө делген 6 аял кармалды

Учурда каза болгон террорчу менен иштешкен башка адамдар дагы изделүүдө.

Россиянын Тергөө комитетинин Подмосковьедеги начальнигинин улук жардамчысы Ольга Врадий журналисттерге аталган факты боюнча "укук коргоо органынын кызматкерине кол салуу" беренеси менен кылмыш иши козголгонун билдирген.

559
Белгилер:
жок кылуу, кармоо, террорчу, теракт, Москва
Тема боюнча
Афганистанда бир нече теракт болуп, анын жоопкерчилигин "Талибан" алды. Видео
COVID-19 вирусу. Архивдик сүрөт

"Индия" штаммынын кооптуу жактарын окумуштуу айтып берди

125
(жаңыланган 18:55 20.06.2021)
"Индия" штаммы илдеттин жеңил абалынан оор түрүнө тез өтүп, адамдын организминин антитело иштеп чыгуусуна зыянын тийгизет.

БИШКЕК, 20-июн. — Sputnik. Коронавирустун "Индия" штаммы "ухандык" түрүнө караганда дароо жугат жана өтө кооптуу. Бул туурасында РИА Новости Гамалея атындагы эпидемиология жана микробиология илим-изилдөө институтунун директору Александр Гинцбургдун айтканына таянып жазды.

"Ал илдеттин жеңил белгилеринен оор түрүнө тез өтөт. Ошонусу менен кооптуу, себеби адамдын организмине өзүнүн антителосун пайда кылган убактысын кыскартат", — деген Гинцбург "Россия 1" телеканалынын эфиринде сүйлөп жатканда.

Окумуштуунун айтымына караганда, "Спутник V" вакцинасы коронавирустун бүгүнкү күндөгү бардык түрүнөн сактайт.

Буга чейин да Москва мэри Сергей Собянин "Индия" штаммы учурда абдан кооптуу болуп, эң күчтүү иммунитетти да жеңип, эмделген адамдарга жугуп жаткандыгын айткан эле. 

125
Белгилер:
кооптуулук, штамм, коронавирус
Тема:
Дүйнөгө жайылган коронавирус
Тема боюнча
COVID-19дун "индиялык" штаммындагы жаңы белгилерди айтып беришти
Москвада коронавируска чагылган бейтаптарды айыктыруу. Архивдик сүрөт

Москвада вакцина алгандардын кайрадан COVID жуктурган учурлары катталууда

124
(жаңыланган 15:58 20.06.2021)
"Ухань" штаммын жуктурбай сактап калган иммунитеттин азыр каптап жаткан "Индия" штаммына туруштук бере албай калышы мүмкүн.

БИШКЕК, 20-июн. — Sputnik. Москва шаарында коронавируска каршы вакцина алган кишилер COVID жуктуруп алган учурлар катталып жаткандыгын шаар башчысы Сергей Собянин билдирди. Бул тууралуу РИА Новости кабарлады.

Мэрия "Индия" штаммына каршы туруу үчүн адамдын иммунитети абдан күчтүү болушу керектигин баса белгилеген. "Ухань" штаммын жуктурбай сактап калган иммунитет "индия" штаммына туруштук бере албай калышы мүмкүн" деген маанайда билдирүү кылды.

"Кытай штаммы менен ооругандар бүгүн кайра жуктуруп алышы мүмкүн. Андыктан биз мурда вакцина алгандардын ооруп калгандыгын байкап жатабыз. Алардын саны көп деп айта албайм, бирок кездешүүдө. Жакында эле эмделгендердин статусу, титри түшүп жатат. Андыктан кайрадан вакцина алууга туура келет окшойт", — деген Собянин "Россия 1" телеканалында сүйлөп жатып.

Москва шаарында коронавирустун жаңы штаммы тарап жаткандыктан кайрадан чектөөлөр киргизилген.

Мындан сырткары, "ковидсиз" ресторандарды ишке киргизүү тажрыйбасы башталды. Анда вакцина алган гана кишилер иштеп, ал эми келген кардарлар эмделгендигин көрсөткөн QR-кодду көрсөтүшү шарт.

124
Белгилер:
коронавирус, штамм, Сергей Собянин, Москва
Тема:
Коронавируска каршы эмдөө
Тема боюнча
COVID-19дун жаңы толкундары эмне үчүн кайталана берери айтылды
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

0
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

0
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы