Москва шаарында көчөдө бараткан адамдар. Архив

Собянин Москвада чектөө чаралары качан алынышы мүмкүн экенин айтты

133
(жаңыланган 10:10 06.08.2020)
COVID-19 пандемиясынан улам шаарга киргизилген чектөө чаралары жай мезгили башталгандан тартып акырындык менен алынып жатат.

БИШКЕК, 6-авг. — Sputnik. Москванын мэри Сергей Собянин "Россия 1" телеканалына маек берип жатып, коронавирустан улам киргизилген чектөө чаралары борбор калаада канчага чейин созуларын божомолдогонун РИА Новости жазды.

"Коргонуу чаралары тууралуу унутпашыбыз керек. Аны ар дайым аткарып турууну эскертебиз. Бирок метродо жарымы бет капчан, жарымы бет кабы жок отурганын элестетип көргүлө. Мындай болбошу керек. Биз аны же толук аткарышыбыз шарт, же бардык чектөөлөрдү алып салышыбыз зарыл. Чектөө чаралары бир жумага же балким бир айга чейин күчүндө болот", — деди Собянин.

Миңдеген кыргызстандыктар Россия менен каттамдын ачылышын күтүп жатат

COVID-19 пандемиясынан улам шаарга киргизилген чектөө чаралары жай мезгили башталгандан тартып акырындык менен алынып жатат.

Эскерте кетсек, Москвада көчөдө сөзсүз түрдө бет кап тагынуу, кол кап кийүү талаптары жоюлган. Бирок поезд, метро, дүкөндөрдү кыдырганда коргонуучу каражаттар сөзсүз болушу керек.

133
Белгилер:
чектөө, Сергей Собянин, Москва, Россия
Тема боюнча
Россия бирдиктүү электрондук визаны киргизүүдө
Twitter социалдык тармагы. Архив

Twitter РИА Новостиге санкция киргизди. "Россия сегодня" үн катты

5
Социалдык тармактын бул кадамы боюнча эл аралык агенттик маалымат берип, азырынча администрация кайрылууга эч кандай жооп бербегендигин айтты.

БИШКЕК, 28-сен. — Sputnik. Америкалык Twitter социалдык тармагы РИА Новостиге цензура койду. Бул тууралуу аталган агенттик жазды.

Анын аккаунтуна катталбаган интернет колдонуучулар эми агенттиктин баракчасын Россиядан да, башка аймактардан да таба албайт. Мындан мурдараак ушундай жол менен Russia Today менен Sputnik профилдери да чектөөгө алынган.

"Twitter тарабынан көрүлгөн мындай чектөө ЖМКга болгон цензура деп эсептейбиз, буга Россиянын Конституциясында тыюу салынган. Биздин кайрылып, сураганыбызга эч кандай реакция болгон жок жана чечимдерин түшүндүрө алышкан жок. Маргарита Симоньяндын жеке аккаунтунда "мамлекеттик басылма" деген белги турат. "Америка үнү" же "Азаттык радиосунда" коюлган андай нерсени таба албайсыз. Бул ушундай адилеттүүлүк жана тең укуктуулук. Анан, албетте, туура "сөз эркиндиги", ансыз кантип болсун. Бул текстти Роскомнадзор кайрылуусу деп эсептөөнү суранабыз", — деп билдиришти "Россия сегодня" эл аралык агенттигинин маалымат кызматынан.

Мамлекеттик думанын маалымат саясаты боюнча комитетинин мүчөсү Антон Горелкин цензура террордук ыкма менен киргизилди деп эсептейт.

Жаңылыктарга каршы үгүт: батыш ЖМКлары позициясын алдырдыбы?

"Бул жарыяланбаган согуш деп аталат... Эгерде РИАнын түрмөгүнүн администрациясы тарабынан эрежелери бузулса, санкциянын салынышы туурасында түшүндүрүшү керек эле. Ал эми бул жерде тармактагы издөө кызматынан ири маалымат агенттигинин аккаунтун чыгарып салып, унчукпай отурушат", — деди Горелкин.

Федерация кеңешинин Конституциялык мыйзамдуулук боюнча төрагасынын орун басары, Маалымат саясаты боюнча комиссиянын мүчөсү Александр Башкин РИА Новостинин Twitter тармагындагы профилин чектеп салуу Россияга каршы жарыяланган кадимки маалыматтык согуш деп мүнөздөдү.

Август айында Twitter жетекчилиги бийликтин көзөмөлүндө болгон ЖМКларды маркалоо башталарын билдирген эле. Албетте, бул эреже баарына бирдей тиешелүү эмес.

5
Белгилер:
цензура, чектөө, Twitter, АКШ, Россия
Тема боюнча
Кокусунан кетирген катадай эмес. Facebook неге актанды?
Кыргызстандын Россиядагы элчилигин имараты. Архив

Элчилик: компания көпүрө урап жабыркаган КР жарандарынын бүт чыгымын төлөйт

50
(жаңыланган 18:49 28.09.2020)
Кырсык маалында жумушта болгон 160 кыргызстандыктын 51и жабыркаган. Учурда 29 мекендеш ооруканада жатат.

БИШКЕК, 28-сен. — Sputnik. Москва облусунда жөө адамдар өтүүчү көпүрө урап, жаракат алган кыргызстандыктарга компенсация төлөнөт. Бул тууралуу Кыргызстандын Россиядагы элчилиги билдирди.

Маалыматта элчиликтин кызматкерлери ФМ LOGISTIC ишканасынын жетекчилери менен жолугуп, мекендештерге материалдык колдоо боюнча макулдашылганы айтылат.

51 кыргызстандык жабыркаган Москвадагы кырсык боюнча кылмыш иши козголду

Кырсык маалында 160 кыргызстандык жумушта болгон, анын 51и жабыркаган. Бүгүн айрымдары үйүнө чыгып, учурда 29 мекендеш ооруканада жатат. Тилекке каршы, бешөөнүн абалы оор, алардын бири 16 жаштагы өспүрүм.

"Кырсыктан жабыркаган бардык КР жарандарына камсыздандыруу компаниясы медициналык чыгымдарын жана реабилитацияга кеткен каражатты төлөйт. Кырсык болгон күнү жумушка чыккан 160 мекендешке ФМ LOGISTIC компаниясы 50 миң рублден кенемте берет. Ошондой эле оор абалдагылардын жакындары келем десе учакка билет алып берүүгө даяр. Бардык макулдашуулар компаниянын кепилдик катына жазып алынды. Элчилик кыргызстандыктардын укугун коргоо багытындагы иштерди мындан ары да улантат", — деп айтылат билдирүүдө.

Эске салсак, 27-сентябрь күнү Москва облусунун Ступино шаарындагы FM LOGISTIC логистикалык ишканасында (кампа комплекси) жөө адамдар өтүүчү көпүрө урап, кыргыз жарандары жабыркаган. Каза болгондор катталган эмес.

Кыргызстандын дипломатиялык өкүлчүлүгүнүн кызматкерлери бейтаптардан кабар алып, тийиштүү иш-чараларды жүргүзүүдө. Элчилик Россиянын Тергөө комитетине, Башкы прокуратурасына жана Ички иштер министрлигине күнөөлүүлөрдү аныктап, жоопко тартууну сурап атайын каттарды жибергени кабарланды. Бул маселени кыргыз өкмөтү жеке көзөмөлүнө алды.

50
Тема боюнча
Акыйкатчы кырсыктаган кыргызстандыктар боюнча россиялык кесиптешине кат жазды
Россияда кыргызстандыктар жабыркаган кырсыктын болжолдуу себеби айтылды