Алексей Навальный (алдыңкы планда). Архив

"Түндүк агым 2нин" тагдырын "Новичок" чечеби? Геосаясаттын кезектеги көшөгөсү

216
Берлин акыры Россияны, ал гана эмес, көпчүлүктү таң калдырды. Алексей Навальныйдын окуясы, аны ууландырды деген күнөөлөө, "Түндүк агым – 2нин" кийинки тагдыры жана санкциялар туурасында төмөндө сөз болмокчу.

"Шарите" клиникасынын тапшырмасы боюнча Алексей Навальныйдын анализдеринин токсикологиялык изилдөөлөрүн жүргүзгөн Бундесвердин лабораториясы "Новичок" ууландыруучу заттар тобунун субстанциясын" пайдалануунун издерин тааптыр. Бул туурасындагы ФРГ өкмөтүнүн билдирүүсү көпчүлүктүн оозун ачырды. Ушул окуядан улам серепчи Ирина Алкснис ой толгогон.

Соңку жыйырма жылдыктардагы дүйнөлүк саясат кууланган, ойго салган риторикалык конструкцияларды пайдаланган, бирок калп айтуудан оолак болууга тийиш мамлекеттер үчүн түздөн-түз жалган начар көрүнүш деген идеалисттик түшүнүктөрдү талкалады.

Эгер аларга пайдасыз жана зарылдыгы болбосо, жалган айтуудан артка кайтышпайт тура. Ошентсе да, оюндун эрежелери алигүнчө жалган ынандырарлык көрүнүшүн, адистерди болбосо да, коомчулукту ишендире аларлык болушун талап кылган. Дал ошол себептен, Колин Пауэллдин пробиркасына байланыштуу окуя менен хрестоматиялык болгон: АКШ мамлекеттик катчысы Саддам Хусейндин "биологиялык курал өндүрүүчү дөңгөлөк жана рельс үстүндөгү" заводдору бар экенин билдирген. Айтканын тастыктоо үчүн кандайдыр бир порошок салынган баштыкчаны булгалаганда дүйнө ага ишенген.

Европа менен Америка Россиянын газ түтүгүнөн улам тирешүүгө барабы?

Скрипалдардын ууланышы боюнча маалымат сырттан байкаганга кыйла таасирдүү болду. Адистер британдыктардын версиясында дал келбестик, карама-каршылыктар бар экенин көрсөткүчө эл скафандрчан криминалисттерди, тосулган шаар мейкиндиктерин, түрттүрүлгөн үйлөр жана ооруканага түшкөн кишилерди көрдү.

Европанын борборундагы химиялык чабуул көрүнүшү голливуддун кырсыктар чагылдырылган ондогон тасмаларын көргөн дүйнө үчүн алда канча ынандырарлык туюлду.

Бул ирет сахнага Германия чыгып, Навальныйдын ууланганын айтууда. Химия, медицина жана криминалистикага кыпындай да тиешеси жок, абдан баёо жана ишенчээк киши да бул нерсеге "Ишенбейм!" дейт. Немистер тарабынан сунушталган уламышта кайсынысы көбүрөөк айран калтырарын айтыш кыйын: дароо мерт кетирчү согуштук ууландыруучу зат россиялык бийликке жакпаган адамдарды жок кылуу аракеттеринде улам жаза тайганы, бирок, ага карабастан, аны пайдаланууну улантып жатканыбы? Же Солсберинин жарымын түп көтөргөн "Новичоктун" учакта Навальныйга каршы пайдаланылганыбы? Бул башка жүргүнчүлөргө, врачтарга жана аны менен байланышта болгон башка кишилерге таасир этпептир. Же бул уулуу зат табылганда дагы бир ирет эл аралык жаңжалга кабылуу үчүн Россия блогерди чет өлкөгө дарыланууга кое бергениби?

Кесипкөйлөр да унчукпай калган жок. Уулануунун клиникалык картинасы таптакыр андай эмес. Негизи "Новичок" тобу жок, ал эми Берлин кызматташуудан жана өз билдирүүсүн кандайдыр далилдей турган маалымат берүүдөн буйтап жатат.

Ошентип, ФРГ чындыкка кооштурууга да убараланбастан, жалпыга даана ачык жалганды жар салды. Мындан улам маанилүү бир суроо туулат: эмнеге дал ушундай аракет жасалды? Жообу жөпжөнөкөй: жаңы санкциялар күтүлөт.

Соодада кастык жок. АКШ Россиядан рекорддук көлөмдөгү мунай сатып алды

Жаңы чектөөлөр кабыл алуу үчүн эң коркунучтуу кылмыштарга далилсиз эле айыптоолорго Россия көнүп деле баратат. Бирок бул окуянын нугу башка, анткени Германиянын колунда Россияны чындап катуу "жазалоого" рычаг бар: "Түндүк агым – 2" долбоорун жаап сала алат.

Мындай версияны Навальныйдын "диагнозу" чыгары менен эле америкалык жана айрым немис саясатчылары айтып чыкты. Булардын баары Кошмо Штаттар көздөгөнүнө жетип, акыры Германия бийлигин газ түтүгүн куруудан баш тартууга мажбурлады. Дал ушундан улам "Новичок — 2" операциясы кеп блогердин ууланып-ууланбаганында эмес, Вашингтондун чоң геосаясий жеңишинде экени жалпыга түшүнүктүү болгудай, копол түрдө ишке ашырылууда.

Атаандаштыкка чыдабай... Европа менен Азия АКШнын суюлтулган газынан баш тартууда

Болгону Берлин мурдагыдай эле Навальныйдын иши менен "Түндүк агым – 2нин" курулушу бири-бирине байланышпаганын кайталап жатат. Ал эми бүгүн мындай көз карашты Коопсуздук боюнча Мюнхен конференциясынын башчысы жана Бавария премьер-министри да колдоду. Бундесвердин химиктери тарабынан ачыкталган жыйынтык "Түндүк агым – 2" долбоорунун тагдырын гана тургай, германиялык элитанын ичиндеги – улуттук нуктагы жана америкалык бөлүгүнүн ортосундагы канчадан бери уланып келе жаткан күрөштү чагылдырат. Акылга сыйбас соңку окуялар Германиянын эгемендүүлүгүн жана океан ар жагынан көрсөтмө албастан, өз тагдырын өз алдынча аныктоо укугун коргогон күчтөрдү демилгени колго алууга түртөт.

Алардын колунан келер-келбесин эми мезгил көрсөтөт.

216
Белгилер:
Алексей Навальный, санкциялар, жалаа, уулануу, АКШ, Россия, Германия
Тема боюнча
The Lancet Covid-19га каршы россиялык вакцинаны изилдөөнүн жыйынтыктарын жарыялады
UFC уюмунун жеңил салмактагы чемпиону, россиялык мушкер Хабиб Нурмагомедов. Архив

Хабиб Нурмагомедов эң кымбат спортчулардын ондугунан орун алды

108
(жаңыланган 16:11 29.09.2020)
Спортчулар таасири, ийгилиги, эл оозуна алынганы, резонанстуу окуялары жана кирешеси сыяктуу критерийлер боюнча бааланган.

БИШКЕК, 29-сен. — Sputnik. UFC уюмунун жеңил салмактагы чемпиону, россиялык мушкер Хабиб Нурмагомедов дүйнөдөгү эң баалуу спортчулардын тизмесинде жетинчи орунду ээледи. Бул тууралуу Nielsen компаниясы жарыялаган маалыматка таянып, РИА Новости жазды.

Спортчулар таасири, ийгилиги, эл оозуна алынганы, резонанстуу окуялары жана тапкан кирешеси сыяктуу критерийлер боюнча бааланган. Нурмагомедов карьерасында 28 беттешке чыгып, баарын жеңген жетишкендиги менен бул тизмеде жалгыз россиялык өкүл болуп калды.

Рейтинг боюнча тизменин сап башына 115 упай менен "Барселона" футбол клубунун аргентиналык чабуулчусу Лионель Месси чыкты. Экинчи орунду 113 упай менен "Ювентус" клубунун португалиялык чабуулчусу Криштиану Роналду ээледи. "Лос-Анджелес Лейкерс" баскетбол командасынын оюнчусу, америкалык Леброн Джеймс 110 упай менен үчүнчү сапка илешти.

UFC уюмунан эң көп акча тапкан мушкерлер. Киреше рейтинги

Алдыңкы ондуктагы калган спортчулар төмөнкүдөй жайгашкан:

4. Вират Кохли (Индия, крикет, 109 упай);

5. Бьянка Андрееску (Канада, теннис, 107 упай);

6. Неймар (Бразилия, футбол, 107 упай);

7. Хабиб Нурмагомедов (Россия, ММА, 106 упай);

8. Рохит Шарма (Индия, крикет, 103 упай);

9. Мохамед Салах (Египет, футбол, 103 упай);

Пауло Дибала (Аргентина, футбол, 100 упай).

108
Белгилер:
Хабиб Нурмагомедов, Лионель Месси, рейтинг, спортчу
Тема боюнча
Кыргызстандык мушкерлер Хабибдин атасына арналган турнирге катышты. Видео
Хабиб — Жастин беттешинде ким жеңет? ММА мыктыларынын талдоосу
Гэтжи: Нурмагомедовдун бети-башын канга боёйм
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

86
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

86
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет
Акча каражаттары. Архив

ЖК, президент жана өкмөттүн аппараттары бюджеттен канча каражат алары айтылды

6
(жаңыланган 09:20 30.09.2020)
Министрлик белгиленген чыгымдардын баары маяна төлөөгө эмес, чарбалык иштерге да жумшалганын белгилейт.

БИШКЕК, 30-сен. — Sputnik. Финансы министрлиги башкы мамлекеттик органдардын бир жылдык чыгымы тууралуу маалымат берди.

Анда 2019-жылдагы чыгымдар көрсөтүлгөн.

Жогорку Кеңешке былтыр 765 миллион сом берилип, ал төмөндөгүдөй бөлүштүрүлгөн:

  • Аппарат — 606,53 миллион сом;
  • Иш башкармалыгы — 73,77 миллион сом;
  • Гараж — 48,1 миллион сом;
  • Резервдер фонду — 34,5 миллион сом.
  • КМШ мамлекеттеринин Парламенттер аралык ассамблеясынын Чыңгыз Айтматов атындагы сыйлыгы — 2,09 миллион сом.

Президенттик аппаратка 151,48 миллион сом берилип, төмөндөгүдөй бөлүштүрүлгөн:

  • Аппарат — 113,77 миллион сом;
  • КР Коопсуздук кеңешинин катчылыгы — 1,2 миллион сом;
  • Аппараттын жалпы чарбалык иштери — 2,19 миллион сом;
  • Президенттин резервдер фонду — 34,3 миллион сом.

Бир партия 105 млн. сом. Шайлоого аттангандар канча каражат короткону айтылды

Өкмөттүн аппаратына 207,59 миллион сом берилип, төмөндөгүдөй бөлүштүрүлгөн:

  • Аппарат — 172,48 миллион сом;
  • Чек араларды делимитациялоо жана демаркациялоо иштерине — 2,61 миллион сом;
  • Резервдер фонду — 32, 49 миллион сом.

Президенттин жана өкмөттүн иш башкармалыгына 641,64 миллион сом берилип, төмөндөгүдөй бөлүндү:

  • Президенттин иш башкармалыгы — 496,78 миллион сом;
  • "Автотранспорт" мамлекеттик ишканасы, Мамлекеттик компьютердик байланыштар — 93,45 миллион сом;
  • "Кыргыз мамлекеттик аңчылык чарбасы" мамлекеттик ишканасы — 12,22 миллион сом;
  • "Ала-Арча мамлекеттик жаратылыш паркы" мамлекеттик ишканасы — 39,19 миллион сом.

Мамлекеттик маанидеги чыгымдар:

  • Экс-президенттер — 828,6 миң сом;
  • Мамлекеттик сыйлыктар — 8,11 миллион сом;
  • Саммиттерге — 472,12 миллион сом.

Натыйжада чыгымдардын жалпы суммасы 1 миллиард 481,78 миллион сомду түздү. Финансы министрлиги жогоруда белгиленген чыгымдардын баары маяна төлөөгө эмес, чарбалык иштерге да жумшалганын белгилейт.

6
Белгилер:
Финансы министрлиги, бюджет, Жогорку Кеңеш, чыгым
Тема боюнча
Кыргыз өкмөтү COVID кесепетинен канча карыз алып, кайда жумшап жатат. Саресеп
Быйыл мамлекеттик карызды тейлөөгө 18 млрд сомдон ашык акча жумшалды