Ымыркайга укол сайып жаткан дарыгер. Архив

Россия балдар үчүн коронавирус вакцинасынын жеңил түрүн да иштеп чыгат

46
(жаңыланган 10:40 08.09.2020)
Окумуштуу учурда вакцина 18 жаштан жогорку адамдарга гана сыналып жатканын, кийинчерээк жаш балдар үчүн да чыгарыларын белгилейт.

БИШКЕК, 8-сен. — Sputnik. Коронавирустун вакцинасы сыноодон өткөндөн кийин жок дегенде эки вариант менен колдонууга чыгарылат. Бул туурасында Sputnik радиосуна Гамалея атындагы илим-изилдөө борборунун бөлүм башчысы, профессор Александр Бутенко билдирди.

Анын айтымында, препараттын эки варианты тең "Спутник V" вакцинасынын негизинде жасалмакчы.

"Вакцинаны сыноо учурунда жаш курагы жана гендердик тобуна жараша ар кандай контингенттеги адамдар катышышы керек. Көп тармактуу изилдөө жүргүзүү шарт, себеби вакцинациялоо схемасы калктын калың катмарына жайылат. Демек, дарыны колдонуунун бардык вариантын аныктоо талап кылынат", — деди профессор.

Россиянын коронавируска каршы вакцинасын 27 өлкө алуу ниетин билдирди

Ошондой эле Бутенко сыноо иретиндеги вакцинаны 18 жаштан жогорку адамдар гана алып жатканын, бирок натыйжада препарат жаш балдарга да ылайыкталышы керектигин белгилейт. Ушуга байланыштуу сыноо бүткөндөн кийин вакцинанын жеңилирээк түрүн да иштеп чыгуу күтүлүүдө.

Россия иштеп чыккан препарат COVID-19дун алдын алуу үчүн чыгарылган дүйнөдөгү биринчи вакцина катары катталып, "Спутник V" деген аталыш берилген. Аны Гамалея атындагы улуттук илим-изилдөө борборунун адистери Россиянын түз инвестициялар фондунун колдоосу менен иштеп чыккан. Эксперттердин айтымында, вакцинаны клиникалык сыноо иш-чарасына катышкандарда антителолор иштелип чыгып, препараттын коопсуз экендиги тастыкталган.

46
Белгилер:
балдар, вакцина, коронавирус, Россия
Тема:
Дүйнөгө жайылган коронавирус (1062)
Тема боюнча
Россияда коронавирус менен грипптен бирдей коргоочу уникалдуу вакцина жасалууда
The Lancet Covid-19га каршы россиялык вакцинаны изилдөөнүн жыйынтыктарын жарыялады
Москвадагы ЖОЖго тапшыргандар. Архивдик сүрөт

Россияда билим алууга квота бөлүү: система реформаланат, орун көп болот

46
(жаңыланган 00:28 26.09.2020)
Россиянын жогорку окуу жайларында жакынкы чет өлкөлөр менен Балтика боюндагы республикалардын абитуриенттеринин бекер билим алуу системасын реформалоо керектигин Россотрудничество агенттигинин жетекчиси Евгений Примаков билдирди.

Алексей Стефанов

РФтин Мамлекеттик думасынын депутаты Евгений Примаков быйылкы жылдын июнь айында Россотрудничество агенттигинин жетекчилигине дайындалган. Ал дароо эле россиялык бул агенттикте олуттуу өзгөрүүлөр болорун убада кылган. Жаңы жетекчи аталган уюмдун талылуу темаларынын бири – чет элдик жарандардын россиялык ЖОЖдорго квота бөлүү системасы экендигин айтты. 

Депутат Государственной Думы РФ Евгений Примаков на пленарном заседании Государственной Думы РФ.
© Sputnik / Владимир Федоренко
РФтин Мамлекеттик думасынын депутаты Евгений Примаков
"Квотанын саны көбөйөт, президент (РФ президенти Владимир Путин – ред.) алардын арбый тургандыгын айтты. 2023-жылга карата эки ирет көбөйөт. Бирок биз Россиянын Жогорку билим берүү жана илим министрлигиндеги, Мамлекеттик Думадагы кесиптештерибиз менен квота тарыхы майнаптуу болбой келгенин талкуулап жатабыз", — деп айтып берди Россотрудничество уюмунун жетекчиси Евгений Примаков Sputnik агенттигине.

ЖОЖдорго көп орун бөлгөн Беларусту мисал катары келтирип, бирок Россиянын "ал тургай Польша менен теңтайлашканы оор" экендигин билдирди.

Россиянын окуу жайлары кыргызстандык студенттерге кандай жеңилдик берет

"Поляктар билим алууга гана мүмкүнчүлүк бербестен, студенттер үчүн гранттарды, стипендияларды чектейт. Биз атаандаша албайбыз. Биз болгону студенттерге келип, окуганды гана сунуштай алабыз. Квоталардын жок дегенде бир бөлүгүндө стипендия менен гранттар пайда болгондой системаны өркүндөтүшүбүз керек. Келип, окугула гана дебестен, учуп кеткенге билетиң мына, а бул — жатакана же баш калкалай турган жайга мүмкүнчүлүк беришибиз керек", — деди Примаков.

Россотрудничество Россияга билим алам деп келген чет элдик студенттер окуган тармагында мыкты адис болуп чыгышына кызыкдар экендигин айтты. Окуудан кийин алар мекенине кайтып, маанилүү деген позицияны ээлеп, жакшы ишке орношуусу керек. Бирок азыркы системада бул пландар ишке ашпай жатат.

"Россияга келип, кыйын кырдаалга тушуккан балдар бар, алар короо шыпырып же такси айдап иштеп жатышат. Биздин бюджеттик акчаны ал студенттердин окуусуна чыгымдаган учурду эске алганда да такыр туура эмес көрүнүш", — деп түшүндүрдү Россотрудничество жетекчиси.

Азырынча квота бөлүү системасын реформалоо боюнча так пландар болбогонун, аталган жааттагы көйгөй учурда талкуулануу стадиясында экендигин кошумчалады. Примаков анткен менен реформасыз мындан аркы кадамдар болбой турганын белгиледи.

"Росскызматташтыктын" деңгээлин көтөрүү керек. Жаңы жетекчи Примаковдун пикири

Чет элдик студенттер үчүн бюджеттик орундарга бөлүнгөн квотаны 15 миңден 30 миңге чейин көбөйтүү Мамлекеттик Думада 2020-жылдын башында бир топ талкууланган. Анда Думанын КМШ иштери, Евразия интеграциясы жана мекендештер менен байланыш боюнча комитетинин төрагасы Леонид Калашников 15 000 орун Россиянын гуманитардык күчүнө жана эл аралык ролуна туура келбей тургандыгын айткан. Беларусь жарандары үчүн 10 миң бюджеттик орун бөлгөн Польшаны мисал келтирип, Румыния жыл сайын Молдованын 5000 атуулун бекер окутуп жаткандыгын кабарлаган. Ал учурда Россияда билим алуу ниетинде арыз берген чет элдиктердин саны 100 миңге чукулдап барган. Жыйынтыгында Россиянын Жогорку билим берүү жана илим министрлигинин планында чет элдик студенттерге каралган квотаны 30 миң орунга көбөйтүү планы коюлду.

46
Белгилер:
квота, билим берүү, ЖОЖ, Кыргызстан, Евгений Примаков, Россия
Тема боюнча
Бир маалым кат жетиштүү. Кыргызстандык студенттер Россиядан кантип иш таба алат

COVID-19га каршы россиялык вакцина КМШга берилет

94
Россия чет мамлекеттерге иштеп чыккан вакцинасын массалык түрдө жөнөтпөйт. Анын ордуна башка өлкөлөр менен вакцинанын технологиясын бөлүшүүгө даяр. Бул туурасында Гамалея атындагы институттун директору Александр Гинцбург билдирди.

Учурда Россияда дагы эки вакцина сыноодон өтүп жатат. 2020-жылдын 22-сентябрында Россиянын Саламаттык сактоо министрлиги жаңы дарыны клиникалык жактан сыноого уруксат берди. Аны Россиянын илимдер академиясы иштеп чыккан. "Вектор" илимий борбору жасаган дагы бир вакцинаны сыноо аяктап бара жатат. Жакынкы чет өлкөлөр россиялык вакцинаны кантип ала алат жана эмне үчүн Россия өзүнүн иштеп чыккан ыкмасы менен бөлүшүүгө даяр экендигин биздин видеодон көрүңүз.

94
Белгилер:
Технологиялар, вакцина, Дүйнөлүк саламаттыкты сактоо уюму, КМШ, Россия
Тема:
Дүйнөгө жайылган коронавирус (1062)
Тема боюнча
Россия Кыргызстанга коронавируска каршы вакцина жөнөтүүнү көздөп жатат
ДССУ COVID-19га каршы чыгарылып жаткан вакциналардын санын айтты
Украинада аскер учагы кулады

Украинада аскер учагы кулады. 23 адамдын өмүрүн алган кырсыктын видеосу

132
(жаңыланган 01:46 26.09.2020)
Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу.

БИШКЕК, 26-сен. — Sputnik. Украинанын Харьков облусунда Ан-26 деп аталган аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын аскер-аба күчтөрүнүн маалыматына таянып кабарлады.

Кырсыктын видеосу басылманын Telegram -каналына жарыяланган.

​"25-сентябрь күнү кечинде Харьков облусунда Украинанын аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.

Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча жеринде куткаруучулар, өрт өчүрүүчүлөр иштөөдө.

Украинанын президенти Владимир Зеленский кырсык болгон жерге чыгып кеткени кабарланды.

132
Белгилер:
өрт, кырсык, учак, Харьков, Украина
Тема боюнча
Бразилияда учак автожолго кулап, талкаланып калды. Видео
14 киши көз жумду. Индияда учак экиге бөлүнүп кетип, кырсыктаган видео