Россиялык актриса Анастасия Заворотнюк. Архив

Заворотнюктун Instagram баракчасында жаңы сүрөттөр пайда болду

369
(жаңыланган 18:49 13.09.2020)
Анастасия Заворотнюктун илдети туурасында коомчулук ноокастагандан бир жылдан кийин билген. Акыркы маалыматтарда актрисанын саламаттыгы жакшырып баратканы айтылып келет.

БИШКЕК, 13-сен. — Sputnik. Россиялык актриса Анастасия Заворотнюктун Instagram баракчасында жаңы сүрөттөр пайда болду.

Ал күйөөсү Петр Чернышев менен баш кошкон датага арналган.

"Кызымдан биздин үйлөнгөнүбүздүн 12 жылдыгына арналган белек. Жөнөкөй жана эң мыкты чыгармачылык", — деп жазган ал сүрөткө.

Асел Кадырбекованы сүзүп кеткен айдоочуну ырчынын үй-бүлөсү кечирди

12-сентябрда Заворотнюктун Instagram баракчасында күйөөсү Петр Чернышев менен сүрөтү пайда болгон. Түгөйлөр ишембиде баш кошкондугунун 12 жылдыгын белгилеген. Шилтеме "Анастасия Заворотнюкту колдоо" деп аталган аккаунтка алып барат.

Заворотнюктун ооруп калганы боюнча былтыркы жылдын август айында белгилүү болуп, бир катар ЖМКлар аны мээ рагына кабылган деп жазган. Анткен менен артисттин жакындары бир топко чейин унчукпай, андан соң Заворотнюктун ооруп калып дарыланып жатканын билдиришкен. Акыркы маалыматтарда актрисанын саламаттыгы жакшырып баратканы айтылып келет.

369
Белгилер:
Сүрөт, оору, Анастасия Заворотнюк
Тема:
Анастасия Заворотнюк кабылган дарт (23)
Тема боюнча
ЖМК: актриса Анастасия Заворотнюкту дарылоо жанданды
Путинге Заворотнюкту дарылоо ыкмалары боюнча айтып беришти
Россиялык алып баруучу Ольга Шелест. Архив

Россиялык алып баруучу аз убакыттын ичинде кантип арыктаганын айтып берди

24
(жаңыланган 09:08 20.09.2020)
Шелесттин айтымында, ал эки айдын ичинде жети килограмм салмак таштаган. Алып баруучу 10 жылдан бери мынчалык арыктай электигин белгилеп, мунун баарын таттуу менен байланыштырды.

БИШКЕК, 20-сен. — Sputnik. Россиялык алып баруучу Ольга Шелест "Телепрограмма" басылмасына маек берип жатып тез убакыттын ичинде кантип арыктаганын айтып берген. Бул тууралуу РИА Новости жазды.

Ага ылайык, социалдык тармактын колдонуучулары алып баруучунун сындуу болуп калганын байкашып, андан кантип арыктаганын сурашкан.

Шелесттин айтымында, ал эки айдын ичинде жети килограмм салмак таштаган. Алып баруучу 10 жылдан бери мынчалык арыктай электигин белгилеп, мунун баарын таттуу менен байланыштырган.

"Бир отурганда эле бир тортту жеп койчумун. Бирок кийин кумшекерден баш тарттым. Эки айдан кийин жети килограмм таштаганымды билдим. Атайын деле "арыктайм" деп максат койгон эмесмин. Анткени өзүмдүн тулку-боюм жакшы эле формада болчу", — деди ал.

Алып баруучу карантинде кокустан "Мен таттууну жакшы көрбөйм" деген китеп окуп калганын айтты. Ошондон баштап анын кумшекер, таттууга болгон көз карашы өзгөргөн.

Дагестан: пенсионер беш саатта 10 килограммга жакын салмак таштаган

"Бул китепте кумшекер кантип жаралганы, адамдар ага эмнеге жакын болуп калганы тууралуу илимий негизде маалыматтар берилген. Ошондой эле биз аталган "жасалма баңгизатты" колдонгондо организмде кандай реакция жүрөрү да айтылган", — деди Шелест.

Алып баруучу кумшекердин ден соолукка тийгизген таасири тууралуу билгенден кийин таттуудан толугу менен баш тартканын кошумчалады.

24
Белгилер:
Кумшекер, арыктоо, алып баруучу, Россия
Тема боюнча
30 килограммга чейин арыктаган. Улгайган аял сыры менен бөлүштү
Арыктоо үчүн күнүмдүк тамакка колдончу азыктар тизмектелди
Манас аэропортундагы учак. Архив

Бишкек Москва каттамы жуманын кайсы күнү аткарылары маалымдалды

364
(жаңыланган 19:34 19.09.2020)
Бүгүн, 19-сентябрда, Россия бир катар мамлекеттер менен аба каттамын жанданта турганы маалым болду. Алардын арасында Кыргызстан дагы бар.

БИШКЕК, 19-сен. — Sputnik. Үстүбүздөгү жылдын 21-сентябрынан тарта Бишкек — Москва аба каттамы такай жума күнү аткарылмай болду. Бул тууралуу Республикалык ыкчам штабдан билдиришти.

Маалыматка караганда, борбор калаадан Москваны көздөй жүргүнчүлөрдү Avia Traffic Company авиакомпаниясы ташыйт.

Белгилей кетсек, буга чейин РФ Кыргызстан, Казакстан жана Беларусь менен аба каттамын жанданта турганы айтылып, учактар жумасына бир ирет гана каттай турганы кабарланган.

364
Белгилер:
Москва, Бишкек, аба каттам, Россия, Кыргызстан
Тема боюнча
Россия Кыргызстан менен аба каттамын сентябрда жандантмай болду
Башкыртстан чек арада калган кыргыз мигранттарына кантип жардам берүүдө. Репортаж
Бишкек шаарындагы Курмажан датканын айкели. Архив

Күн сууктайбы? Бир жумага карата аба ырайы

0
(жаңыланган 09:45 20.09.2020)
Синоптиктердин маалыматына караганда, өлкөдө аптанын биринчи жарымында күндүзү жаан жаабаганы менен түнкүсүн жаан-чачындуу болот.

БИШКЕК, 20-сен. — Sputnik. Кыргызгидромет агенттиги келерки жумага карата аба ырайы тууралуу болжолдуу маалымат берди.

Бишкек шаары

Борбор калаада 20-21-сентябрда жаан-чачын күтүлбөйт. 22-сентябрда түнкүсүн жаан жаашы мүмкүн. Аптанын аягында дагы күндүн көзү ачылбасы божомолдонууда. Батыштан соккон шамалдын ылдамдыгы секундасына 4-9 метрге жетет.

Чүй, Талас облустарында

Аптанын башында жаан-чачын күтүлбөйт. 22-сентябрда түнкүсүн кээ бир райондордо жаан жаап, бийик тоолуу райондордо карга айланат. Мындай аба ырайы 24-сентябрга чейин кармалып турат. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Ош, Жалал-Абад, Баткен облустарында

20-21-сентябрда жаан жаабайт. 22-сентябрь күнү Жалал-Абад облусунун тоо этектеринде жана тоолуу райондорунда жаан жаап, бийик тоолуу райондорунда кар жаашы күтүлөт.

Аптанын акыркы күндөрүнө чейин көпчүлүк аймактарда күндүз күн ачык болгону менен түнкүсүн бийик тоолуу жерлерде жаан жаап, карга айланышы ыктымал.

Жер бетиндеги эң жогорку температура катталган аймак аталды

Ысык-Көл облусунда

20-сентябрда түнкүсүн кээ бир райондордо жаан жаап, тоолуу райондордо кар жааса, 20-сентябрь күндүз дагы мындай аба ырайы уланат. 23-сентябрда күндүз жана 24-сентябрда кээ бир райондордо жаан жаайт. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Нарын облусунда

Нарында аптанын ортосуна чейин жаан жаабайт. 23-сентябрдан тарта күндүз кээ бир райондордо жаан жаап, бийик тоолуу райондордо кар жаашы күтүлөт.

0
Белгилер:
жаан-чачын, Кыргызгидромет, аба ырайы, Кыргызстан
Тема боюнча
Ак-Сай жайлоосуна малчылар жакага түшө электе кар жаап салды. Видео