Беларусь мамлекетинин башчысы Александр Лукашенко

Путин менен Лукашенко  эмне тууралуу кеп кылышты? Жолугушуунун урунттуу учурлары

274
(жаңыланган 22:44 14.09.2020)
Эки өлкөнүн башчылары кызматташтык боюнча бир катар маселелерди талкуулашты. Анын ичинде Беларуска насыя берүү, коронавируска каршы вакцинаны жеткирүү маселелери бар.

БИШКЕК, 14-сен. — Sputnik. Россиянын президенти Владимир Путин менен Беларусь мамлекетинин башчысы Александр Лукашенко Сочи шаарында жолугушту.

Лукашенко Россияга иш сапары менен барган. Анда эки өлкөнүн башчылары көзмө-көз өздөрүнчө сүйлөшүшкөн. Жолугушууда  бир катар маселелер, анын ичинде Беларустагы кырдаал талкууланганы айтылды.

Амалдуу планбы? Кремль Трамптын тактысын сактоо үчүн Американы "чайпалтабы"?

Өлкө башчыларынын жолугушуусунун урунттуу учурларын сунуштайбыз.

Путиндин сөзүнөн тезистер:

  • Россия Беларусь элинин эч кимдин кеңеши, коркутуусу жок, тынчтыкта бири-бири менен бул кырдаалды чечип алуусун каалайт;
  • Лукашенконун Конституция боюнча жумушту баштоо сунушу логикага туура келет жана азыркы учурда керек;
  • Россия Беларусь менен  түзүлгөн бардык  келишимдердин ишке ашуусуна кызыкдар;
  • Россия Беларустагы эң ири инвестор бойдон калат;
  • Россия Беларуска 1,5 миллион доллар эсебинде мамлекеттик насыя берет;
  • Путин Россия менен Беларусь экономикалык көйгөйлөрдү чечип, коронавирусту жеңет деп ишенет;
  • Беларуста өтүп жаткан аскердик окуулар былтыркы жылы эле пландалган. Тапшырмалар аткарылгандан кийин Россиянын аскерлери кайра ордуна келишет;
  • Россиянын коронавируска каршы вакцинасын биринчилерден болуп Беларусь алат.

Лукашенконун сөзүнөн тезистер:

  • Беларустагы кырдаал Евразия экономикалык биримдик, Көз карандысыз мамлекеттер шериктештиги жана Жамааттык коопсуздук боюнча келишим уюмунун деңгээлинде чечилиши керек;
  • Лукашенко Россия президентинин шайлоо учурундагы колдоосу үчүн ыраазычылык билдирди;
  • Беларусь өлкөдө болуп жаткан кырдаал тууралуу Путинди маалымдап турууга сөз берди;
  • Минск кимдин колу кычышып жатса, алардын колун тырмап берет. Бул Беларустун ички ишине сырттан кийлигишип жаткандарга тиешелүү;
  • Беларусь "улуу агасы менен" (Россия менен — ред.) бардык маселе боюнча тыгыз кызматташат;
  • Россия менен Беларусь сырткы агрессияга каршы туруш үчүн өзүнүн армиясын даярдаш керек;
  • Лукашенко коронавируска каршы вакцина үчүн Россияга ыраазы.
274
Белгилер:
Александр Лукашенко, Владимир Путин, кызматташтык, жолугушуу, Беларусь, Россия
Тема:
Беларустагы нааразылык акциялары (32)
Тема боюнча
Путин: Россиянын коронавируска каршы вакцинасын биринчи Беларусь алат
UFC уюмунун жеңил салмактагы чемпиону, россиялык мушкер Хабиб Нурмагомедов. Архив

Хабиб Нурмагомедов эң кымбат спортчулардын ондугунан орун алды

84
(жаңыланган 16:11 29.09.2020)
Спортчулар таасири, ийгилиги, эл оозуна алынганы, резонанстуу окуялары жана кирешеси сыяктуу критерийлер боюнча бааланган.

БИШКЕК, 29-сен. — Sputnik. UFC уюмунун жеңил салмактагы чемпиону, россиялык мушкер Хабиб Нурмагомедов дүйнөдөгү эң баалуу спортчулардын тизмесинде жетинчи орунду ээледи. Бул тууралуу Nielsen компаниясы жарыялаган маалыматка таянып, РИА Новости жазды.

Спортчулар таасири, ийгилиги, эл оозуна алынганы, резонанстуу окуялары жана тапкан кирешеси сыяктуу критерийлер боюнча бааланган. Нурмагомедов карьерасында 28 беттешке чыгып, баарын жеңген жетишкендиги менен бул тизмеде жалгыз россиялык өкүл болуп калды.

Рейтинг боюнча тизменин сап башына 115 упай менен "Барселона" футбол клубунун аргентиналык чабуулчусу Лионель Месси чыкты. Экинчи орунду 113 упай менен "Ювентус" клубунун португалиялык чабуулчусу Криштиану Роналду ээледи. "Лос-Анджелес Лейкерс" баскетбол командасынын оюнчусу, америкалык Леброн Джеймс 110 упай менен үчүнчү сапка илешти.

UFC уюмунан эң көп акча тапкан мушкерлер. Киреше рейтинги

Алдыңкы ондуктагы калган спортчулар төмөнкүдөй жайгашкан:

4. Вират Кохли (Индия, крикет, 109 упай);

5. Бьянка Андрееску (Канада, теннис, 107 упай);

6. Неймар (Бразилия, футбол, 107 упай);

7. Хабиб Нурмагомедов (Россия, ММА, 106 упай);

8. Рохит Шарма (Индия, крикет, 103 упай);

9. Мохамед Салах (Египет, футбол, 103 упай);

Пауло Дибала (Аргентина, футбол, 100 упай).

84
Белгилер:
Хабиб Нурмагомедов, Лионель Месси, рейтинг, спортчу
Тема боюнча
Кыргызстандык мушкерлер Хабибдин атасына арналган турнирге катышты. Видео
Хабиб — Жастин беттешинде ким жеңет? ММА мыктыларынын талдоосу
Гэтжи: Нурмагомедовдун бети-башын канга боёйм
COVID-19га каршы россиялык Спутник V вакцинасы. Архив

Россиялык вакцинанын алгачкылары Беларуска келе баштады

82
(жаңыланган 21:15 28.09.2020)
Клиникалык изилдөөлөр Беларустун сегиз медициналык мекемесинде жасала тургандыгы айтылды. Эмдөө 1-октябрда башталмакчы.

БИШКЕК, 28-сен. — Sputnik. COVID-19га каршы россиялык "Спутник V" вакцинасынын биринчи партиясы Беларуска алып келинди. Бул тууралуу Түз инвестициялар боюнча россиялык фонд билдирди.

Фонд бул азырынча дүйнө боюнча катталган бирден бир вакцина экендигин айтты. Аны клиникалык изилдөө жасоо үчүн Россиянын жер-жерлерине жеткиришкен, эми бул процедураларга Беларусь кошулду. Ал препаратты алган биринчи чет мамлекет болуп калды.

Клиникалык изилдөөлөрдүн Беларустун сегиз медициналык мекемесинде жасала тургандыгы айтылды. Ыктыярчыларды эмдөө 1-октябрда башталмакчы. Фонд 100 киши катышкан Беларустагы клиникалык изилдөөнү каржылап бермекчи.

Путин менен жолуккан Жээнбеков: россиялык вакцина КРге жетет деп үмүттөнөм

Фонддон мындай иш-чараны Бразилия, Индия, Сауд Аравиясы, Египет жана Бириккен Араб Эмирлигинде жүргүзүү пландалып жаткандыгын айтышты.

Вакцина суроо-талап жаралып, КМШнын, Европаны, Азияны, Жакынкы Чыгышты жана Латын Америкасын кошкондо 50 мамлекеттен арыз түшкөн.

Буга чейин аталган фонд макулдашуунун негизинде өнөктөштөр менен сүйлөшүү жүргүзүлүп, Мексикага 32 миң, Бразилияга 50 миллион, Индияга 100 миллион, Өзбекстанга 35 миллион доза берилерин айткан эле.

82
Белгилер:
Россия, вакцина, Беларусь
Тема:
Дүйнөгө жайылган коронавирус
Тема боюнча
COVID-19га каршы россиялык вакцина КМШга берилет
Учак. Архив

Жээнбеков менен Орбан Бишкек Будапешт авиакаттамын ачууга макулдашты

0
Вангриянын премьери эки өлкөнүн байланышы жана достугу туруктуу болушу үчүн түз аба каттамын ачуу зарылдыгын айтты.

БИШКЕК, 29-сен. — Sputnik. Кыргызстан менен Венгриянын ортосунда Бишкек — Будапешт маршруту боюнча түз аба каттамын ачуу тууралуу макулдашылды. Бул туурасында Венгриянын премьер-министри Виктор Орбан билдирди.

Белгилей кетсек, учурда президент Сооронбай Жээнбеков аталган өлкөдө расмий сапар менен жүрөт.

“Эгерде байланыштарыбыздын жана достугубуздун туруктуу болушун кааласак, анда биз түз аба каттамын ачуубуз зарыл. Будапешт менен Бишкектин ортосунда сөзсүз түрдө аба каттамы болушу керектигин макулдаштык. Биз юридикалык жана каржылык шарттарды түзөбүз. Каттамдар жакынкы мезгилде ачыларына үмүт кылабыз, — деп айтты Орбан.

Кыргыз-венгер кызматташтыгы боюнча 12 документке кол коюлду. Тизме

Ошондой эле ал Кыргызстан менен Венгриянын ортосунда көптөгөн маанилүү макулдашууларга кол коюлганын баса белгилеп, мурда эки өлкө ортосундагы байланыштарга талаптагыдай көңүл бурулбаганын белгиледи.

0
Белгилер:
Венгрия, аба каттам, Сооронбай Жээнбеков
Тема боюнча
Европадагы биринчи стратегиялык өнөктөш. Жээнбеков Орбанды Кыргызстанга чакырды
Гимндер жаңырып... Жээнбеков Венгрияда премьер Орбан менен расмий жолукту