Россиянын мобилдик Панцирь - С комплекси

Россиялык "Панцирь" душмандын учкучсуздарына каршы каражаттын мыктысы

201
(жаңыланган 17:42 04.10.2020)
РФтин курал рыногундагы батыштык атаандаштарынын дүйнөдөгү эң мыкты зениттик ракеталарды жана ракеталык-замбиректик комплекстерди жок кылуунун айрым аракеттери катаал чындыкка туруштук бере албай калууда.

Согуштук кырдаалда Россиянын куралы батыштык өндүрүштүн акыркы үлгүлөрү бир топ артыкчылыктарга ээ. Мобилдик "Панцирь - С" комплекси буга айкын далил. АКШ Куралдуу күчтөрүнүн африкалык командачылыгы (AFRICOM) көпкө кечиксе да бир фактыны моюнга алды. Бул тууралуу аскерий баяндамачы Александр Хроленконун макаласынан окуңуздар.

Кошмо Штаттардын Куралдуу күчтөрүнүн AFRICOM командачылыгы 2019-жылдын ноябрында Ливияда Италия армиясына таандык америкалык өндүрүштөгү MQ-9 Reaper ("Жнец") сокку уруучу учкучсуз аппараты жана MQ-1 Predator ("Хищник") көп багыттуу учкучсуз учагын Россияда чыгарылган "Панцирь-С1/Э" зениттик ракеталык-замбиректик комплекс атып түшүргөн. Муну моюнга алганы менен AFRICOM командачылыгынын чалгын кызматынын жетекчиси чоо-жайына кенен токтолгон жок. Бирок андан мурдараак, былтыр 20-21-ноябрда Ливиянын борбору Триполинин аймагында АКШ жана НАТОнун дрондору "Панцирдин" огунан кыйраган. Ал курал Халифа Хафтардын командачылыгындагы Ливиянын улуттук армиясына таандык болчу.

АКШны тынч уктатпаган Су-57 неге мынча бүйүр кызытат?

50 бирдиктен турган комплексти Бириккен Араб Эмирлиги Россиядан сатып алган. Эмирлик тарабынан ийгиликтүү пайдаланылып, кийин Ливияга жеткирилген. Белгилүү болгондой, MQ-9 Reaper жана MQ-1 Predator учкучсуздары жердеги буталарды бура бастырбас катары жасалган. Бирок Ливияда жогорку технологиялык россиялык "Панцирге" алардын тиши өткөн эмес.

Наркы менен натыйжалуулугунун шайкештиги боюнча "Панцирь С1/Э" (НАТО кодификациясында – SA-22 Greyhound, экспорттук баасы – 14 млн. долларга чейин чыгат) америкалык өндүрүштөгү кымбат баалуу (наркы 30 млн. долларга чейинки) оор учкучсуздардан алда канча ашып түшөт.

Мурда да MQ-9 Reaper учкучсуздары Иран, Сирия, Йемендин аймактарынан атып түшүрүлүп келген, бирок бутага оңой илинчү "жнец" АКШ жана НАТОго мүчө бир катар өлкөлөрдүн сокку уруучу дрондорунун флагманы бойдон калууда. Пентагон жакын арада "Панцирь-С1" россиялык комплекстерин кыйратууга багытталган учкучсуздардын атайын тобун чыгарууну пландоодо.

Жаңы америкалык учкучсуз учуучу аппараттар салыштырмалуу чакан көлөмдө, 100 килограммга чейинки салмакта болмокчу. Ылдамдыгы – саатына 130 чакырым, 350 чакырымга чейинки аралыкка учат. Ал эми азырынча АКШ армиясы Аризонадагы Юма полигонунда "Панцирлерди" жок кылууга машыгып жатат.

Мээлегенин алып түшкөн "Прометей". Бутасын 550 чакырымдан кыйратчу жаңы ракета

Олимпиадалык арыш

Планетанын ар кыл аймактарындагы согуштук аракеттерде сыналган "Панцирь" комплекстери жүздөгөн учкучсуз аппараттарды талкалап, адистердин жогорку баасына татыган. Комплекс Сирияда "акылдуу ракеталардын" тобуна жана анча байкалбаган учкучсуздардын уюугуна каршылык берүүчү эң эффективдүү каражат катары тааныла алды.

Сириялык тажрыйбасын эске алганда "Панцирь-С1М" зениттик ракеталык-замбиректик комплекстин заманбапташтырылган, экспорттук версиясы узак аралыктан да учкучсуздардын болгон түрүн аныктап, жок кылууга жөндөмдүү. "Панцирь-СМ" жаңы модификациясы 75 чакырымга чейинки аралыктагы буталарды табат. Ал эми жаңы ракеталардын буталарын кыйратуу радиусу 40 чакырымга чейин болору айтылат.

Сентябрдын акыркы күндөрү "Панцирь" Тоолуу Карабахта да керекке жарамак. Жаңжалдашкан тараптардын аскер жана техникалык жоготууларын азайтмак. Армениялык жана азербайжандык күчтөр чалгындоочу жана сокку уруучу учкучсуз аппараттарды кызуу колдонууда. Аларды таап жана жок кылуу кыйла эле кыйын.

Командорго түшкөн россиялык десант жана Анадырдагы Ту-160. "Өнөктөштөргө" жооп

Заманбап көрүнүштөр ушундай экен, абадагы буталардын талкалоочу жана ыкчамдык мүмкүнчүлүктөрү тынымсыз өнүгүп, ал эми көлөмү улам сайын кичирейип, көзгө чалдыкпас болуп баратат. Сирияда касташкан тарап абадан аралаш сокку урган, учкучсуз жана ракеталар бутасына ар кай жактан (бир соккуда 13 аппаратка чейин) жакындап, бирок майнап чыккан эмес.

"Панцирдин" огун башкаруу тутуму фазалык антенналык торчого туташтырылган, аба буталарын жана өз ракеталарын коштойт, учуучу аппараттардын майда тетиктерине дейре айырмалай алат. Үч – оптикалык, буталарын ыраакта (50 чакырымга чейин) коштоо радарларына ээ, көрүнбөс аймактары жок.

"Панцирь-С" зениттик ракеталык-замбиректик комплекси – мунаралык бөлүгүнө артиллериялык жана көп режимдүү ракеталык курал туташтырылган, радиолокациялык-оптикалык башкаруу системасына интеграцияланган дүйнөдөгү бирден-бир коргонуу тутуму.

РФтин Космостук-аба күчтөрү эмдиги жылы сокку уруучу дрондорго ээ болот

Комплекс азыркы бардык канаттуу жана үндөн ыкчам ракеталар, авиабомба жана учкучсуздардан 20 чакырымдан кем эмес радиуста (абадан коргонуу куполасынын бийиктиги – 15 чакырым) аскердик жана жарандык объектилерди ынанымдуу коргой алат.

"Панцирь" катуу отун менен тездетилүүчү жана бытыранды-өзөктүү ок бөлүгү бар эки кабат зениттик тескелүүчү кырк ракета менен дүрмөттөлгөн. Секундасына 1000 метрге чейинки ылдамдыкта учуп бараткан бир нече бутаны бир убакта жок кыла алат.

Анткен менен салыштырмалуу кымбат деле эмес (душмандын арзан учкучсуздарына С-300 жана С-400 сымал зениттик комплекстердин кымбат ракеталарын курулай чыгым). Мүнөтүнө 5000 ок атууга жөндөмдүү 30 миллиметрлик калибрдеги алты стволдуу эки замбирек (буталарын 5 чакырымга чейинки аралыктан кыйрата алат) зениттик ракеталык комплекстин согуштук мүмкүнчүлүктөрүн алда канча кеңейтет.

"Панцирь" комплекстери Россиянын Аскердик-деңиз флотуна жана Кургактагы күчтөрүнө алынган. Полярдык тегеректе (Кола жарым аралында аскердик мөөнөт өтөйт) экспорттук дарамети жогору. Россия эбак чет өлкөлүк өнөктөштөрүнөн 15 тапшырык алган. Дүйнөдө "Панцирдин" түз аналогу жок, жакын аралыкта да чыгары күтүлбөйт. Америкалыктардын "Анти-Панцирь" учкучсуздарынын тобун чыгарышы абдан кыйын.

Концептуалдык таймаш

Абадан ишенимдүү коргоо – күчтөрдүн жана сокку уруучу куралдардын согуштук туруктуулугунун негизи. Абадан коргонуу каражаттарынын натыйжалуулугуна болгон азыркы талаптарды эске алуу менен "Панцирь-С" жаңы гипер үндүү ракетага (ылдамдыгы 5 Махка чейин) ээ болду.

Киши башкарган ракеталык-замбиректик комплекстин негизинде россиялык адистер "Панцирь" зениттик робот-автоматты жасоодо. РФтин Коргоо министрлигинде принципиалдуу чечим кабыл алынып, тактикалык-техникалык талаптары такталган.

Жасалма интеллекти бар машина оператордун катышуусусуз эле бутаны таап, аныктап жана жок кыла алат. Айрыкча, бул кескин төмөн же өтө жогору температура шарттарында, душман тарабынан жапырт кыйратуучу (химиялык, биологиялык, өзөктүк) куралдар пайдаланылган кырдаалдарда маанилүү.

Ошентип Россия абадан коргонуу жаатында жаңы технологиялык өсүш жасоодо. Анан, албетте, өз жетишкендиктери менен санаалаш союздаштары жана өнөктөштөрү менен сөзсүз бөлүшөт. Америкалык The National Interest басылмасы "Панцирди" учкучсуздарды пайдалануу менен жапырт чабуулдун мизин кайтарууга эң ылайыктуу курал деп атаган. Анан да Россия армиясынын жердеги күчтөрү чабуулду дайым абадан күтүп, абадан коргонуунун түрдүү арсеналдарына ээлик кыларын чочулоо менен белгилейт. АКШнын кургактагы күчтөрү куралдуу аба күчтөрүнүн зыянсыздандыруу жөндөмүнө таянып көнүп алган. Аларда "Панцирь" сымал жакынкы радиустагы натыйжалуу абадан коргонуу комплекс жок.

Ошону менен бирге эле зениттик ракеталык-замбиректик комплексинин ок атуунун чыгымы чабуул койгон учкучсуздун наркынан жүз эсе төмөн. Ал эми согуштук кырдаалда "Панцирдин" жоготуулары абдан аз, оор техниканын эпсиз пайдаланылышына байланышкан.

201
Белгилер:
замбирек, ракета, техника, курал, Россия
Тема боюнча
"Ачык каалганы каккылоо". Москва АКШны жаза таюудан сак болууга чакырды
АКШ эмнеге РФ жээктерине суу түбүндө жүрүүчү кайыктарын жеткирүүдө? Саресеп
9М729 ракеталары. Архив

ТИМ Путиндин сунушуна Батыштын кылган мамилесин кескин сындады

29
(жаңыланган 10:21 29.10.2020)
Путин дүйшөмбү күнү АКШ Орто жана жакынкы аралыкка атылуучу ракеталарды жоюу боюнча келишимден чыгып кеткенден кийин Европадагы чыңалып жаткан кырдаалды жөнгө салуу боюнча жаңы демилгесин айткан.

БИШКЕК, 29-окт. — Sputnik. Россия президенти Владимир Путиндин РСМД боюнча сунушу Европада жаңы "ракеталык каатчылыктардын" пайда болушун алдын алуу ниети болчу. Азыр бул чечимге кол шилтегендер Европанын коопсуздугуна жоопкерчиликсиз мамилесин көрсөтүп жатат. Мындай пикирин РФ ТИМинин жетекчисинин орун басары Сергей Рябков РИА Новостиге берген маегинде билдирген.

"Айтылган сунуштар олуттуу текшерип, билип-үйрөнүүнү талап кылат. Анын тереңинде фундаменталдык ой жатат, ал РФ жетекчилигинин Европадагы аскердик-саясий абалдын турукташуусуна жол табууга кылган ишаратынын белгиси. Булар Европада жаңы "ракеталык каатчылыктардын" пайда болушун алдын алуу үчүн жасалууда", — деген Рябков.

ТИМ өкүлү учурда ставкалар "өтө жогору" жана "Путиндин сунуштарына кол шилтегенге аракет кылгандар" аталган аймактын коопсуздугуна кенебестик менен мамиле жасап жатат деген маанайда пикирин билдирген.

"Өзүнүн коопсуздугун эске алганда деле, биринчи терс маанайдагы ойлонулбаган билдирүүлөрдү дал Европанын өзүнөн уктук",— деген Рябков.

Президент Путин дүйшөмбү күнү АКШ Орто жана жакынкы аралыкка атылуучу ракеталарды жоюу боюнча келишимден (РСМД) чыгып кеткенден кийин Европадагы улам чыңалып бара жаткан абалды жөнгө салуу боюнча жаңы демилгесин айткан. Тагыраагы, эгерде НАТО тараптан да кадам ташталса, Москва өз ыктыяры менен өзүнүн европалык бөлүгүнө 9М729 ракеталарын бурбай, топтобой турарын билдирген. Альянска Европадагы Aegis Ashore комплекстерин Мк-41 орнотуучу жабдуулары менен кошо текшерип алууну сунуштап, ага Калининград объектилериндеги 9М729 ракеталарын кошкон.

"Жок дегенде аракет кылып көрүш керек". СНВ-3 макулдашуусун узартуу боюнча пикир

Демилгеге биринчилерден болуп расмий Берлин жооп кайтарып, НАТОнун мурдагы позициясын бетке кармап, РСМД боюнча россиялык идея ишенимге татыктуу эмес деген пикирин айткан. Өз кезегинде Лондон аталган долбоорун ийгиликсиз болуп калышына кайрадан Россияны күнөөлөдү. Франция гана Россиядан сунушталган демилге боюнча кененирээк айтышын күтүп жаткандыгын билдирди.

Өлкөнүн ТИМ өкүлү "европалыктардын коопсуздугуна негиз салуучу элемент" болгон РМСД боюнча макулдашууну сактап калууга чечим табылбагандыгына өкүнгөндүгүн айтты.

29
Белгилер:
сунуш, келишим, Владимир Путин, АКШ, Европа, Россия
Тема боюнча
"Ачык каалганы каккылоо". Москва АКШны жаза таюудан сак болууга чакырды
Ил-80 (Ил-86 ВКП) учагы. Архивдик сүрөт

Россияга "кыямат күндүн учагын" кайра жасоонун эмне зарылдыгы бар?

55
(жаңыланган 10:03 29.10.2020)
РФ Куралдуу күчтөрү жакын арада Ил-96-400М ыраак магистралдык лайнердин негизиндеги сооттолгон, жогорку технологиялык жаңы аба пунктуларына ээ болмокчу. Батышта мындай машиналарды "кыямат күндүн учагы" деп коюшат.

Үчүнчү дүйнөлүк согуш тутанып кете турган болсо РФтин жогорку аскердик жана саясий жетекчилиги коргонууну уюштуруп, жерде, деңизде жана көктөгү күчтөрдү "учуучу штабдардын" бортунан тескейт.

Бул типтеги учактар ушу тапта болгону эки мамлекетте — Россия жана АКШда гана бар. Бул машиналардын өзгөчөлүктөрү жана милдеттери тууралуу РИА Новости сайтына жарыяланган Андрей Коцтун материалынан окуңуздар.

Командачылыкты сактап калуу

Өзөктүк державалардын ортосундагы мамиле болушунча курчуду. Дипломаттар туңгуюкка кептелди, тараптар элчилерин чакыртып алышты. Куралдуу күчтөр тыкыр даярдыкта.

"Жеңил жагдай". АКШ эмнеликтен Баку менен Ереванды элдештире алган жок?

Стратегиялык бомбалоочу учактар абага көтөрүлүп, баллистикалык ракеталар жүктөлгөн суу түбүндөгү атомдук кайыктар океанга сүңгүүдө, жылуучу грунттук ракеталык комплекстер аскердик күзөт багыттарына карай жакындоодо. Дүйнө үчүнчү дүйнөлүк согуш болуп кетпегей эле деп санааркап турат.

Кудай жалгап мындай сценарий азырынча фантастика гана. Россияда да, АКШда да толук масштабдуу согуш өзөктүк согушка өтүп, он миллиондогон курмандыкка алып келиши мүмкүн экенин жакшы билишет.

Бирок аскерлер дайым эң жаман жагдайга дайым даяр турушат. Эки тарап тең андай чатакта биринчи сокку душманды башчысыз калтырат, күчтөрдү башкаруу жана кандайдыр бир тирешти уюштурууга мүмкүнчүлүгүнөн ажыратат. Негизги бута — аскердик жана саясий борборлор.

Коркунуч жаралган убакта Россиянын жетекчилиги жана Куралдуу күчтөрдүн жогорку командалык курамын катаал купуялуулук шартында аскердик аэродромго көчүрүшөт. Анда аларды канаттуу командалык пунктулар күтөт.

Путин мамлекеттин күчү эмнеде экенин айтты. РФ лидеринин "Валдай" клубундагы сөзү

"Кыямат күндүн учагынын" экипажынын негизги милдети — мамлекеттин биринчи өкүлдөрүн соккудан сактап, өлкөнүн коргоо тутумун абадан башкарууга мүмкүнчүлүк түзүү.

Бул командалык пунктулардын аскердик туруктуулугун коштоочу истребителдерин жана танкер-май куюучулар камсыз кылат. Ушундай эле тактика Кошмо Штаттарда да кансыз согуш доорунда эле иштелип чыккан.

Көп күттүргөн "орун басар"

Россиянын Куралдуу космостук аба күчтөрүндө Ил-86 жүргүнчү лайнеринин негизинде курулган Ил – 80 "кыямат күндүн учагы" бар. Күчтүү энергоорнотмо, заманбап байланыш каражаты, жашоону колдоо тутуму кошумча май куюу менен абада бир нече күн өткөрүүгө мүмкүндүк түзөт.

Өзүнөн мурдагы жарандык түрүнөн Ил-80 бийик "чекеси" — ар кыл радиоэлектрондук жабдуулар жайгаштырылган фюзеляждын маңдайындагы үстүңкү ири бөлүгү менен айырмаланат. Андан сырткары, экипаж жана жүргүнчүлөрдүн көздөрү жакынкы өзөктүк жардыруудан жабыркабашы үчүн Ил-80дин иллюминатору жок. Куйрук бөлүгүндө суу түбүндөгү кайыктар менен байланыш үчүн кое берүүчү тростук антенна орнотулган.

"Оңой менен кыйрабайт": Түндүктө америкалыктар бункерге кайтууда

Ил-80 боюнча кеңири маалыматтар мамлекеттик сыр болуп саналат. Тек гана бортунда Куралдуу күчтөрдүн бардык түрлөрү жана типтерин башкаруу үчүн аппаратура, жогорку кызматтагы жүргүнчүлөрдүн иштөө жана эс алуусу үчүн жайлар каралып, күйүүчү майдын кору үчүн кошумча идиштер коюлган.

Учак каалаган жарандык жана аскердик аэродромдон учуп чыга алат. Жапырт кыйратуучу куралдан коргонуу каражаттары менен жабдылган. Жер үстүндөгү жана ретрансляция, байланыш жана навигация жабдыктары кыйратылган учурда автономдуу иштей алат.

Бирок Ил-80 куралдуу күчтөрдө 15 жылдан бери пайдаланылып келет, өз ресурсунун басымдуу бөлүгүн иштеп чыккан. Мындан тышкары, Ил-86 — орто магистралдык болуп саналышат. Алардын иш ыраактыгы — болгону 3800 чакырым, бул башкаруунун абадагы пункту үчүн жетиштүү эмес. Ошол себептен "кыямат күндүн жаңы учагы" үчүн Ил-96-400М негиз катары тандалганы өзүн актады. Оор жүктөнгөн учурда да бул машина тогуз миң чакырымдын тегерегиндеги ыраактыкка уча алат.

Өз ара сый диалогго чакырып... Европалыктар Россияны сыйлоого аргасыз

"Учуучу отелдер"

АКШнын Куралдуу күчтөрүнүн Boeing-747 авиалайнеринин негизинде түзүлгөн төрт E-4B Nightwatch учагы бар. Ар бири бортуна 100дөн киши алып, улам кошумча май куюулуп турганда абада бир жумага дейре кармала алат.

Е-4B өзөктүк жарылуунун кыйратуучу факторлорунан корголуп, эң заманбап радиоэлектрондук жабдык менен корголгон.

Негизи америкалык "кыямат күндүн учагы" — бул учуучу отель. Анын бир нече күн аралыгында автономдуу иштеши үчүн тийиштүү нерсенин баары — ашкана, санитардык түйүндөр, эс алуу аймагы, уктоочу кубрик (бөлмө), стол жана тогуз креслосу бар жыйын бөлмөсү, 29 жумуш орундуу коммуникация менен байланыш зонасы жана башка бөлмөлөр бар.

Интерьер ыңгайлуулугу, ал эми жабдуусу жогорку эргономикасы менен айырмаланат. Балким ошол себептен АКШнын биринчи өкүлдөрү узак жолго жана бөлөк өлкөлөргө расмий сапарга чыкканда классикалык президенттик Air Force One бортторунун ордуна E-4B учагын маал-маалы менен тандашат.

E-4B учактары россиялык Ил-80ден алда канча улуу. Алар 1970-жылдары эле пайдаланууга берилген. Анткен менен алар улам заманга бапташтырылып турат.

2015-жылы борттордун бир бөлүгү коммуникациялык жабдуунун кайра программаланышынан жана коммуникациялык жабдуу жол-жобосунан өткөн.

Европа Россияга каршы жаңы санкциялардын азабын тартабы?

Учактар ыкчам ылдамдыктагы интернетке, кеңири сызыктуу спутник байланышына туташтырылган, ошондой эле жогорку өткөрүү жөндөмдүүлүктөгү атайын корголгон каналдарга ээ. E-4B ыраактыгы — 11 миң чакырым.

Андан сырткары, америкалыктардын суу түбүндөгү стратегиялык атомдук кайыктары бар резервдик тутумун камсыздандырууга багытталган, ошондой эле Кошмо Штаттардын Куралдуу күчтөрүнүн командалык аба пункту катары пайдалануу үчүн 16 E-6 учагы бар.

Кокус согуш тутанып кетсе, бул машиналар суу алдындагы кайыктар жана "кыямат күндүн учактары" менен байланышта болуу менен Атлантика жана Тынч океан аймактарында аскердик күзөткө чыгышат.

55
Белгилер:
согуш, ракета, АКШ, ылдамдык, Россия, учак
Тема боюнча
Ту-154түн Россияда элди акыркы ирет ташыган видеосу. КРдеги №1 борт да ушундай
Казакбаев: Россия Кыргызстандын союздашы болуп келген жана боло берет
Бишкек шаарынын мэринин милдетин аткаруучу болуп Балбак Түлөбаев. Архив

Кайрадан орун алмашуу. Балбак Түлөбаев жаңы вицелерди дайындады

54
(жаңыланган 10:53 29.10.2020)
Кадрдык өзгөрүүлөр тууралуу тиешелүү токтомго шаарга жаңы эле башчынын милдетин аткаруучу болуп келген Балбак Түлөбаев кол койгон.

БИШКЕК, 29-окт. — Sputnik. Бишкек мэриясында кайрадан кадрдык алмашуу болуп, Алмаз Бакетаев биринчи вице-мэрликке кайтып келди. Бул туурасында муниципалитеттин маалымат кызматынан кабарлашты.

  • Алмаз Бакетаев биринчи вице-мэрликке кайтып келди
    Алмаз Бакетаев биринчи вице-мэрликке кайтып келди
    © Фото / Республиканский штаб КР по борьбе с COVID-19
  • Социалдык суроолор боюнча вице-мэрликке Айжан Чыныбаева дайындалды
    Социалдык суроолор боюнча вице-мэрликке Айжан Чыныбаева дайындалды
    © Sputnik / Табылды Кадырбеков
1 / 2
© Фото / Республиканский штаб КР по борьбе с COVID-19
Алмаз Бакетаев биринчи вице-мэрликке кайтып келди

Анын ордундагы Нариман Түлеев иштен бошотулган.

Бишкек мэриясынын алдында кайрадан митинг. Сүрөт, видео

Ал эми социалдык суроолор боюнча вице-мэрликке Айжан Чыныбаева дайындалды.

Тиешелүү токтомдорго шаарга жаңы эле башчылыктын милдетин аткаруучу болуп келген Балбак Түлөбаев кол койгону белгилүү болду.

Калаа башчысынын орду 5-6-октябрдагы элдик толкундоо болгондон бери талашта болчу. Азиз Суракматов өз каалоосу менен арызын жазып кеткенден кийин анын ордуна биринчи вице-мэр болуп дайындалган Нариман Түлеев келген. Бирок анын бул кызматка келишине нааразы болгон эл мэриянын алдында митинг өткөрүп, жыйынтыгында Түлеев кетип, мэрдин милдетин вице-мэр Алмаз Бакетаев аткара баштаган.

Бирок абал тынчыбагандыктан, Нариман Түлеев кызматтан кетүү боюнча арызын кайра кайтарып алган. Бишкек шаарынын мэриясы калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептеле турганын билдирген.

Ага нааразы болгон топ 26-октябрда мэриянын алдында кайрадан митинг өткөргөн.

Көп өтпөй учурдагы бийлик мэриянын мурдагы аппарат жетекчиси Балбак Түлөбаевди өкмөттүн Ысык-Көл облусу боюнча ыйгарым укуктуу өкүлчүлүгүнөн бошотуп, Бишкектин мэринин милдетин аткаруучу кылып дайындаган.

54
Белгилер:
вице-мэр, Бишкек, Кыргызстан
Тема боюнча
Балбак Түлөбаев ишке киришери менен эки вице-мэр кызматтан кетти