Алексей Навальный. Архив

"Новичок" баяны: Навальный эмнеге немецтер менен оюн курууда?

130
(жаңыланган 19:42 07.10.2020)
Алексей Навальный үчүн "Новичок" окуясы акырындап басылып барат, тагыраак, анын биринчи бөлүгү аяктоодо десек болот.

Берлинди Навальныйдын ишин чыгыш фронтундагы саясатты өзгөртүүгө колдонууга аргасыз кылат деп эсептеген пессимисттердин санаасына карабастан, "Түндүк агым – 2" эч кандай токтобостугу анык. Дал ошол европалык саясаттын принципиалдуу бурулушун айгинелеген маанилүү символикалык жорук болмок.

Ошентсе да Навальныйдын тегерегиндеги чуу күчөгөндөн күчөп барат. Европа биримдигинин жаңы эле аяктаган саммитинде "химиялык куралды колдонууну" дагы айыптап, окуяны Россияны териштирүүгө чакырды. Ошону менен бирге эле эки аптадан кийинки саммитте "чектен чыккан кол салууга" Евробиримдиктин реакциясын талкуулоого кайрадан кайтууну убада кылышты. Навальныйдын кадамдарына кесиптешибиз Петр Акопов сереп салган.

Саясат таануучу: Трамптын Навальный жөнүндөгү "чуулуу окуяга" аралашкысы жок

Spiegel немец журналына берген биринчи маегинде Навальный өзүнүн ууланышына ачык эле Владимир Путинди айыптаган. Логикасы да күчтүү, эгер "Новичок" менен ууландырылган болсо, мындайга буйрукту президент гана бере алмак. Себеби бул кооптуу уу россиялык атайын кызматтын колунда бар имиш. Баары ошол "Новичокко" байланган, бирок Россияда анын колдонулганы аныкталбай, дал Германияда тапшырылган анализдерде уунун издери табылганы кызык. Немистер өздөрүндөгү маалыматтардан орустар менен бөлүшпөдү, бирок "Новичоктун" пайдаланылышын териштирүүнү талап кылууну улантып келет.

Негизи "Новичок" болгон беле? Бул одоно жана орунсуз собол деп эсептелүүдө. Алар "болгону анык, силердин иш – тек гана моюнга алып, киши өлтүргүчтөрдү табуу" деген тейде күтүп жатышат. Навальный өзү буюртмачыны "таап" алган соң издөөнүн кажети барбы? Анан да батыш калкын Кремлдин көңүлүнө жат ишмерлердин баарын коркунучтуу уу менен ууландыруу орустардын салтына айланганына ынандырууга ашыккандарына эки айга чукулдап калбадыбы. Андай аракет толук натыйжалуу болбосо да, буюртмачыны так көрсөтүп берет тура.

"Spiegel: - Эгер буга Путиндин тиешеси жок болсочу?..

Навальный: - Эгер Путин болбосо, мындан да жаман болмок. Берлиндин ири метро станциясынын бардык жүргүнчүлөрүн ууландырууга "Новичоктун" бир чөйчөгү эле жетет. Эгер согуштук зат алууга үч киши эмес, отуз кишинин мүмкүнчүлүгү болсо, анда бул – глобалдык кооптуулук. Бул үрөй учура турган нерсе болмок".

Чочулаган немистерди Навальный "Новичоктун" сыноолору мени менен эле бүтүп калбайт" деп эскертет. "Германиялык өкмөттүн өтө ачык сөздөрү жеке мага тиешеси аздыр. Бул Россия кооптуу жол менен бараткандыгын баамдашканын билдирет.

Германия Алексей Навальныйды үн катпоого мажбурлайт. Саресеп

Эгер Кремль мындай операцияларга катыша турган болсо, анда эмнеге дароо эле "Түндүк агым – 2" долбооруна каршы чыгып жүргөн немис саясатчыларынын бирин ууландырышпайт?"

Навальныйдын маегинде "Түндүк агым – 2" долбоорун токтотууга чакырык жок. Анын мааниси деле жок, анткени Меркель баары бир көз карашын өзгөртпөйт. Ал эми Россияда андай сөздөр кыжырды кайнатмак.

Анткен менен Берлинге "белгилүү бир арам ойлууларга каршы чара" киргизүүгө кеңеш берүүдө, себеби "россиялык элита Европа инфраструктурасын пайдалана алса, анда эч нерсе өзгөрбөйт. Эгер Европа аларга өз чек араларын жаап, активдерин конфискациялап, кирүүгө уруксат бербей калса, аларга оор эле болот".

Европадан аларды ажыратуунун зарылдыгы эмне? Россия менен Батыштын ортосундагы жаңжалды ырбатуу үчүнбү, баары бир ушундай эле болот да. Россияда соңку жылдары элитаны улутташтыруу уланып келет, ал эми Путин бул менен Крымдын айынан Батыш менен конфронтацияга чейин эле алектене баштаган. 2012-жылы Кремлге кайра кайтканы ал элитаны кош лоялдуулуктан кайттырууга активдүү киришкен. 2014-жылдан кийин бул процесс тездетилген. Батыш санкциялары буга көмөкчү да болгон. Бирок бул Россиянын жараны чет өлкөлөрдү өз мекендештерине каршы санкция киргизүүгө үндөө дегендик эмес.

Россия Германияга кол суна албайт. Учурдагы жагдайга сереп

Навальный немистерге баягы эле жомокторун айтууда: "Система өзүн сактап калуу үчүн күрөшүүдө, биз анын кесепеттерин жаңы эле сездик", "арам ойлууларга каршы европалык чараларды россиялык жарандардын 95 пайызы колдойт". Башкача айтканда, Навальный немистерге жана Батышка жалпысынан "режим менен күрөшчүлөрүбүз" бир топ жылдан бери жашап келе жаткан реалдуулукту сатууда.

"Мунун аркасында Путин турат, менде башка версия жок" деген өңдүү РФ президентинин дарегине айыптоолор Россияда абдан кескин реакция жаратканы айкын. Мамлекеттик думанын спикери Вячеслав Володин Навальныйды "уятсыз жана арамза" деп атап, учкучтардан президентке дейре ал кишини чын дилден куткарууга аракет кылышканын белгилейт.

Навальныйдын ууланышына байланышкан кырдаал Россияда чыңалууну жаратып, Беларустун эгемендигин коргоого мүмкүндүк бербеш үчүн Батыш тарабынан сахналаштырылгандыгын боолголойт Володин. Навальный туурасында "Батыш өлкөлөрүнүн атайын кызматтары жана бийлик органдары менен кызматташары айдан ачык", – дейт ал.

Навальный ЦРУ менен эмес, ЦРУ Навальный менен иштешерин Кремлдегилер да тактайт. Президенттин басма сөз катчысы Песков Навальный менен ЦРУнун адистери иштээрин, ага "ар кандай көрсөтмөлөрдү берип" турарын, анан калса, бул биринчи эле жолу болуп жатпаганын белгилеген. Навальныйдын кыжыры кайнап, америкалык чалгын кызматы менен байланышты далилдеп берүүнү талап кылуу менен Песковду сотко берүүнү чечкен.

Бирок мында дагы эмнени далилдөөгө болот? РФтин атлантикалык каршылаштары эбактан бери Навальныйга кызыкдар гана болбостон дал ушул кишиге басым коюшууда.

"Түндүк агым – 2нин" тагдырын "Новичок" чечеби? Геосаясаттын кезектеги көшөгөсү

Навальный "ЦРУ долбоору" болуп саналбайт, ал өзүнчө бир биргелешкен мекеменин өкүлүндөй. Түптөөчүлөрү да олигархтардан жана либералдык элиталардын ичинен чыккан батышка ыктаган россиялык күчтөр болгон, кийин уставдык капиталына батыштык "өнөктөштөрү" кирген. "Навальный" биргелешкен мекемесинин көзөмөл пакети азыр кимде экенин жоромолдоонун да кажети жок, Германияда жүргөнүндө акциялары кайра бөлүштүрүлгөн болушу мүмкүн. Бирок негизи Навальный Россияга кайтабы? Ооба, анткени көздөгөнүнө жетүү үчүн күрөшүүгө тийиш. Ал Россиянын түзүлүш жана багытын өзгөртүүнү көксөйт.

Навальный бүгүнкү жагдайды: "Эркиндик талап кылгандар, бизди артка – капитализм жана олигархтар менен кооздолгон кызык бир проваславдык Советтер Союзундай өткөн доорго сүргүсү келгендер ортосунда тиреш жүрүүдө", – деп сүрөттөйт.

Ал эми "Россиядагы саясий бөлүштүрүүчү линияларды" мындайча мүнөздөйт":

"Коомдун бир бөлүгү Путиндин риторикасын кайталап, өлкө өзгөчө жол менен бет алууга тийиш дешет. Кеп кандайдыр бир руханий баалуулуктарга негизделген монархияны орнотуу жөнүндө. Каршы тарапта – бул жалган жана эки жүздүүлүк деп эсептеген, Россия европалык үлгү менен гана өнүгө аларына ынанган мен сыяктуу адамдар".

Ушул тапта Навальный Россияда чексиз бийлеген (монархиялык эмес, өз алдынча, суверендүү), өзөгүндө бүтүндөй элге таандык моралдык баалуулуктар камтылган түзүлүш жана бийликтин орношуна каршы чыгып, европалык, батыштык жол менен алдыга жылууну сунуштап келет. Дурус, урунттуу, эң башкысы, массалык программа. Борбор калаанын бир бөлүгү отуз жылдан бери ошондой нерсе үчүн күрөшүп жана улуттук нерсенин баарына каршы чыгып келет. "Кудай сактап аман калган" Навальныйдын тез арада кайтышын чыдамсыздык менен күтүүдө. Албетте, ал кайтат, бирок "Новичок" тууралуу түшүндүрмө берүүдөн да кача албайт. Жалган жалаа жапканына да Жараткандын алдында болбосо да, сот алдында жооп берүүгө туура келет.

130
Белгилер:
тирешүү, Россия, Германия, Алексей Навальный
Тема боюнча
"Түндүк агым – 2нин" тагдырын "Новичок" чечеби? Геосаясаттын кезектеги көшөгөсү
Тышкы иштер министри Руслан Казакбаев. Архив

Тышкы иштер министри Руслан Казакбаев Россияга барды

174
(жаңыланган 14:26 22.10.2020)
Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Кыргызстандын тышкы иштер министри Руслан Казакбаев бүгүн, 22-октябрда, Россия Федерациясына барды. Бул тууралуу өлкөнүн РФтеги элчилигинен билдиришти.

Иш сапардын жүрүшүндө Казакбаевдин россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

Алдыдагы сүйлөшүүлөрдө саясий, соода-экономикалык жана маданий-гуманитардык чөйрөлөрдөгү, ошондой эле эки тараптуу кызыкчылыкты көздөгөн маселелер талкууланат.

Мындан тышкары, кыргыз-орус кызматташтыгынын күн тартибиндеги маселелерди кароо пландаштырылууда.

Буга чейин Казакбаев Россияга эки күндүк иш сапары менен барары айтылган болчу

174
Белгилер:
Сергей Лавров, жолугушуу, Руслан Казакбаев, Кыргызстан, Россия
Тема боюнча
Россия биздин ишенимдүү өнөктөш. Садыр Жапаров элчи менен жолукту
Мужчина демонстрирует модель разбившегося самолета, найденную на месте крушения лайнера Boeing 777 Малайзийских авиалиний в районе села Рассыпное Донецкой области.

Өз ара сый диалогго чакырып... Европалыктар Россияны сыйлоого аргасыз

151
(жаңыланган 19:10 21.10.2020)
MH17 каттамы кабылган кырсыктын чоо-жайы боюнча Нидерланды жана Австралия менен үч тараптуу консультациядан Россия Федерациясынын чыгуу чечимине байланыштуу Европа бир топ ызы-чуу салды.

Анын өңүтү жана жогорку кызматтагы өкүлдөр айткан калп маалыматтар деле ал апааттын чыныгы себептерин аныктоо боюнча Батыштын ниетинин жалгандыгын тастыктап турат. Мындай ойдун учугун чубаган Владимир Корниловдун макаласы РИА Новости агенттигинин сайтына жарыяланган.

Нидерландынын тышкы иштер министри Стеф Блоктун расмий билдирүүсүн эле карайлычы. Ал: "Бүгүн Россия Федерациясы MH17 каттамынын кыйрашына өз жоопкерчилиги боюнча сүйлөшүүлөрдү бир тараптуу токтотуу жөнүндө жарыялады", – деди. Көрсө, кайдадыр "Россиянын жоопкерчилиги тууралуу" сүйлөшүүлөр жүрүп, Россиянын андан кабары жок тура. 2014-жылы июлда кыйроого учураган малайзиялык "Боинг" кырсыктын жагдайы боюнча биринчи консультациялар былтыркы жылдын башында башталган.

РФ: "Алардын көңүл чордонунда кырсыкка Россиянын юридикалык жоопкерчилигин таануу" эмес, кырсыкка байланышкан жана чыныгы себептерин аныктоо үчүн маанилүү суроолордун тобу болот", – деп дароо айткан. Ошону менен бирге эле Москва дагы бир негизги маселени – согуштук аракеттер жүргөн аймактын үстүндөгү өз аба мейкиндигин жаап койбогону үчүн Украинанын жоопкерчилигин кароону баса белгилеген. Албетте, Блоктун мындан кабары бар. Бирок чындыкты атайын бурмалоого барып жатышат.

Бул чечим үчүн Москваны жабыла айыптоого киришкен батыш ишмерлери кырсыктан жабыр тарткандар темасы менен да кызыл кулактык кылууга аракет кылышууда. АКШнын Нидерландыдагы элчиси Пит Хукстра Россиянын үч тараптуу консультациядан чыгышын "кырсыктын курмандыктарынын жакындарына жана адилеттүүлүккө умтулууга кезектеги сокку" деп атады.

Айрым голландиялыктардын реакциясына таңгалып болбойт, алар расмий бийлик тарабынан кандай айтылса, ошол калыбында кабыл алышат эмеспи.

Мисалы, Блоктун окурмандарынын бири Россияга ызырына: "Нидерландыдан тезинен бардык орустарды чыгаргыла, элчиликти жапкыла, Россия менен тышкы сооданы токтотуп, россиялык газды сатып албагыла. Биздин флотту Крымга жөнөткүлө", – деп жазган. Пикирин жазгандардын дээрлик эч кимиси көңүлү сууган голландиялыктарга Москванын бул кадамынын себептерин так түшүндүргөн жок.

Кулаган MH17 учагынын иши боюнча интернетте жаңы документтер пайда болду

РФ Тышкы иштер министрлиги белгилегендей, эгер голландиялыктар Адам укуктары боюнча европалык сотуна Россияга каршы доо арыз менен кайрылуудан башка жолду тандаган болсо, анда консультацияларды чын дилден улантмак.

"Нидерландынын мындай касташкан аракеттеринен кийин үч тараптуу консультацияны улантуунун, ага биздин катышуубуздун кажети жок. Үч тараптуу консультацияларды үзгүлтүккө учуратууга жоопкерчилик толугу менен расмий Гаагада", – деп айтылат РФ ТИМинин билдирүүсүндө.

Мындай ыңгайсыз учурду батыш басма сөзү көп узартып баяндагысы жок же дегеле андан кеп козгошпойт. Дал Гааганын Адам укуктары боюнча европалык сотуна доо арыз берүү менен кырсыкта набыт болгондордун жакындарына зыян келтиришкен. Алардан жеке доо менен да аталган сотко кайрылгандар болгон. Мындай биринчи арыз 2016-жылдан тарта каралып келип, кийин жаңы доо менен толукталган. Башкача айтканда, MH17 боюнча иш кызуусунда.

Быйыл 10-июлда Нидерланды өкмөтү мамлекеттер аралык доо арыз менен ошол эле сотко кайрылуудан бөлөк түзүгүрөөк эч нерсе таба алган эмес. Анан да эки жүздүүлүк менен доо ал жакта кароодогу иштерди колдоо иретинде берилди дешет. Бул – голландиялык тараптын айдан-ачык калпы.

Гаагада, глобалдык юридикалык калаада Адам укуктары европалык сотуна мамлекеттер аралык доо арыз тапшырылганда ошол эле иш боюнча териштирилип жаткан жеке иштердин баары өлкөлөр арасындагы талаш аяктаганча дароо токтотуларын билишпестигин элестетүү кыйын. Бул Адам укуктары боюнча европалык конвенциясынын (2018-жылы Европа кеңешинин мүчө-мамлекеттери тарабынан кабыл алынган) тутумунун реформасы жөнүндөгү Копенгаген декларациясынын 45-пункту менен даана бекитилген. Башкача айтканда, Гаага MH17 курмандыктарынын туугандарына жамынып, бирок, өзү алардын доо арыздары боюнча соттун чечимдерин бир нече жылга создуктуруп келет (мамлекеттер аралык иштердин каралышы өтө узак жүрүшү мүмкүн). Голландиялык басма сөз, албетте, мындан кеп салбайт.

Аталган сотко Нидерландынын доо арызы башка юридикалык органдар – БУУнун Эл аралык соту менен кызыкчылыктар кагылышын потенциалдуу түрдө түзөт. Анда Россияга каршы Украинанын иши эбак каралып жатат.

Европалык сот (Евробиримдиктеги жогорку соттук инстанция) 2014-жылы эле Адам укуктары боюнча европалык сотунда каралган эл аралык иштер башка эл аралык соттук органдардын юрисдикциясына жолтоо болбоого тийиштиги туурасында пикирин билдирген. Башкача айтканда, Нидерланды өкмөтү жеке арыздарды кароону гана создуктурбастан, ар кандай инстанциялар ортосунда кызыкчылыктардын кагылышын жаратууда.

Европа Россияга каршы жаңы санкциялардын азабын тартабы?

Быйыл март айында көп күттүргөн сот процесси Схипхолл аэропортунун аймагында ызы-чуу, шаан-шөкөт менен башталган. Бул процесстин уюштуруучулары күткөндөй болбогону дароо түшүнүктүү болгон. Биринчиден, белгиленген төрт "айыпталуучу" MH17нин кыйрашына эч кандай тиешеси жок (бул процесс улам өрчүгөн сайын баарына бул даана түшүнүктүү болуп баратат). Экинчиден, россиялык атайын кызматтардын офицерлерин процесске байланыштыруу боюнча ушундай эле ызы-чуу менен коштолгон аракеттери текке кеткен.

"Боинг" кыйраган күн жакындаганы анын курмандыктарынын жакындары иш оңунан чыкпай турганын түшүнүп калышты. Алар америкалык элчи Хукстрага жолдогон катта да алар муну ачык көрсөтүшкөн.

Алар АКШны ошол убактагы мамлекеттик катчы Жон Керри айтып чыккан спутниктен алынган сүрөттөрдү сотко көрсөтүүгө үндөшкөн. Бирок баары көрүп тургандай эч кандай сүрөт болгон эмес. Хукстра эми ошол кырсыкта набыт болгондордун жакындары үчүн санаа тартып, Россияны айыптап жатат. Иш сотто утуларын, ал эми Гаага алты жылдан бери коомчулукка эч нерсе көрсөтө албаганын түшүнүп, Адам укуктары боюнча европалык сотко доо арыз менен кайрылууга барган.

Иш боюнча ыңгайсыз суроолордон качуу, коомчулуктун көңүлүн жаңы ишке буруу үчүн атайын дал ушул убак тандалган. Сотто бул иш оңунан чыкпай турганын, ал эми Гаага MH17нин кыйрашынын алты жылдыгына деле Нидерланды менен формалдуу топтун алкагында болсо да кандайдыр бир диалог баштоого үмүт арткан Россия анан кандай кылууга тийиш? Экинчи тарап эбак өзү үчүн чечип алган болсо, кайсы диалог туурасында сөз болсун?

Мында Сергей Лавровдун жакындагы эле: "Батышта тышкы саясатка жооп берген адамдар өз ара сый сакталган сүйлөшүүнүн зарылдыгын аңдай албай турушат. Балким, кайсы бир мезгилге дейре алар менен сүйлөшүүнү токтотууга тийишпиз", – деген сөздөрүн кантип эстебей коебуз?

Россиянын MH17 боюнча консультациядан чыгуу тууралуу чечими – министрдин сөздөрүнүн жүзөгө ашырылышына алгачкы кадам. Биринчи, бирок акыркы эмес. Өз ара сый диалогго европалыктарды мажбурлоого Россиянын жолу башталды дей бериңиздер. Анан да кыйла узак болот.

151
Белгилер:
АКШ, диалог, Россия, Европа
Тема боюнча
Лавров европалык лидерлер менен сүйлөшүүнү токтотууга сөз берди. Себеби
Лавров ЕБдин Россияга киргизген санкцияларына АКШнын катыштыгын айтты
Президенттин милдетин аткаруучу Садыр Жапаров

Садыр Жапаров ЖК кабыл алган шайлоо тууралуу конституциялык мыйзамга кол койду

14
(жаңыланган 23:31 22.10.2020)
Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

БИШКЕК, 22-окт. — Sputnik. Президенттин милдетин аткаруучу Садыр Жапаров “Кыргыз Республикасынын президентин жана Жогорку Кеңешинин депутаттарын шайлоо жөнүндө” КР конституциялык мыйзамынын айрым ченемдерин колдонууну токтото туруу жөнүндө” конституциялык мыйзамга кол койду. Бул тууралуу өлкө башчынын маалымат кызматынан билдиришти.

Мыйзам бүгүн, 22-октябрда, Жогорку Кеңеш тарабынан кабыл алынган.

Өзгөртүүлөргө ылайык, “Кыргыз Республикасынын президентин жана Жогорку Кеңешинин депутаттарын шайлоо жөнүндө”мыйзамдын 38 жана 63-беренелеринин колдонулушун токтото туруу каралган. Тагыраагы, конституциялык реформаны өткөрүү аяктаганга чейин Жогорку Кеңешинин депутаттарын кайра шайлоону өткөрүүнү токтото туруу тартиби регламенттелген.

Президенттик шайлоонун мөөнөтү жылдыбы? Түшүндүрмө

Бирок шайлоо 2021-жылдын 1-июнунан кеч эмес дайындалат деп айтылган.

Бул конституциялык мыйзам расмий жарыяланган күндөн тартып күчүнө кирет жана конституциялык реформа аяктаганга чейин колдонулат.

14
Белгилер:
Жогорку Кеңеш, шайлоо, мыйзам, Кыргызстан
Тема:
Жогорку Кеңешке боло турган кайра шайлоо
Тема боюнча
Жогорку Кеңеш шайлоо босогосун азайтуу мыйзам долбоорун кабыл алды