Медициналык кызматкер Спутник V ампуласы менен

"Спутник V" вакцинасын ойлоп тапкандарды Нобель сыйлыгына көрсөтүү сунушталды

160
(жаңыланган 12:01 08.10.2020)
Россиянын окумуштуулары коронавирусту профилактика кыла турчу дүйнөдөгү биринчи вакцинаны иштеп чыгып, аны "Спутник V" деп атаган.

БИШКЕК, 8-окт. — Sputnik. Коронавирустун вакцинасын биринчи болуп ойлоп тапкан Гамалея атындагы Эпидемиология жана микробиология улуттук изилдөө борборунун окумуштууларын быйылкы Нобель сыйлыгына көрсөтүү керек. Бул тууралуу Мамлекеттик Думанын саламаттык сактоо боюнча комитетинин өкүлдөрү айтканын РИА Новости жазды.

Аталган комитеттин жетекчисинин орун басары Леонид Огулдун билдиришинче, миллиондогон адам кабылган оорунун шыпаасын табуу — илим менен медицинадагы чоң жетишкендик.

"Дал ушул коронавирустун вакцинасын россиялык окумуштуулар ойлоп тапканына кубанычтамын. Ак халатчандардын эмгеги дүйнө коомчулугу тарабынан бааланышы керек деп ойлойм", — деген парламент өкүлү.

"Вектор" борбору коронавируска каршы вакцинасы үчүн патент алды

Дума комитетинин мүчөсү Борис Менделевич дагы вакцинаны биринчи болуп иштеп чыккандар сыйлыкка көрсөтүлүүгө татыктуу деген пикирин билдирген.

"Окумуштуулар кеминде Нобель сыйлыгына талапкер болушу керек", — деген эл өкүлү.

Россиянын окумуштуулары коронавирусту профилактика кыла турчу дүйнөдөгү биринчи вакцинаны иштеп чыгып, аны "Спутник V" деп атаган.

Вакцинаны каттоодон кийинки сыноолору Москвада 7-сентябрда башталып, ага катышкандар 9-сентябрда эмдөөдөн өттү. Жалпысынан изилдөөгө 40 миң ыктыярчы катышат. Алардын 10 миңине плацебо заты берилет, бул вакцинанын эффективдүүлүгүн текшерүү үчүн зарыл.

160
Белгилер:
сыйлык, вакцина, коронавирус, Россия
Тема:
Дүйнөгө жайылган коронавирус (1111)
Тема боюнча
Америка жана кытайлык медиктер COVID-19га каршы нукура дары тапты

Ту-154түн Россияда элди акыркы ирет ташыган видеосу. КРдеги №1 борт да ушундай

216
(жаңыланган 15:15 28.10.2020)
Россиядагы жарандык авиацияда жалгыз, бирден-бир пайданылып келе жаткан Ту-154 аба кемеси акыркы ирет жүргүнчүлөрдү ташып, андан соң сапарын карытты.

Бул туурасында РИА Новости жазды. 

Эске салсак, Кыргызстандын жетекчилиги да Ту-154М (№1 борт) менен учат. Ал 1993-жылы чыгарылган. 2018-жылдын башында РФ коргоо министри Сергей Шойгу Ту-154М учактарын авиакырсыктын алдын алуу максатында колдонуудан алуу туурасында айткан.

Жергиликтүү медиакомпаниялардын бири YouTube каналына Ту-154М туурасындагы видеоматериалды жайгаштырган.

"Алроса" компаниясынын борту Якутскинин Мирный шаарынан 140 жүргүнчүнү Новосибирскиге алып келген.

2002-жылы лайнер Мирныйдагы авиаишканага таандык болсо, 2013-жылы аны "Алроса" компаниясы алган.

"18 жыл ичинде Ту-154М аба кемеси 27,5 миң саат учкан. "Алроса" алган кийинки жылдары эле лайнер 737 каттам жасаган. Ага 160 миңден ашуун жүргүнчү түшкөн", — деп айтышты аталган компаниядан.

Бул жылдардын ичинде учак 1 224 тонна жүк, 52 тонна почта аманаттарын ташыган.

Компаниянын башкы директору Андрей Гуловдун айтымында, лайнерди колдонуу мөөнөтү аяктап бара жатат. Эксплуатациядан чыккандан кийин учак Новосибирскидеги Толмачев аэропортунда калат, андан кийинки тагдыры азырынча белгисиз.

Россиянын МиГ-31 истребителинин стратосферадагы керемет учуусу. Видео

Ту-154 аба кемеси Туполевдун конструктордук бюросунда иштелип чыккан. Биринчи ирет абага мындан 52 жыл мурда көтөрүлсө, 1972-жылы 9-февралда элди ташып баштаган. Бул советтик эң көп чыгарылган, жүргүнчүлөрдү ташый турган реактивдүү орто магистралдуу учак.

216
Белгилер:
жүргүнчү, Ту-154, Новосибирск, Якутск, Россия
Тема боюнча
6 миң метр бийиктик! Катуу шамалда аралыктан май куйган учактардын видеосу
РФ ТИМинин башчысы Сергей Лавров. Архив

Лавров ЕБдин Навальный чырына байланыштуу санкциясы боюнча үн катты

122
Министрдин айтымында, дипломатия деген эмне экенин унутуп калган Батыштын Россияга каршы чабуулун Москва жөн калтырбайт.

БИШКЕК, 27-окт. — Sputnik. Алексей Навальныйдын окуясынан улам Германия менен Франциянын санкция киргизиши Евробиримдиктин учурдагы кырдаалга туура баа берүүгө жөндөмсүз экенин далилдеди. Бул тууралуу РФ ТИМинин башчысы Сергей Лавров билдиргенин РИА Новости жазды.

Эскерте кетсек, 15-октябрда Брюссель алты россиялык жаранга жана илимий институтка чектөөлөрдү киргизген. Москва буга өздөрүнө жараша жооп берерин эскерткен болчу.

Олимпиада-Навальный жаңжалы: АКШ жана Британия таасирин сактоо далалатында

Лавров Германия Россиянын Башкы прокуратурасынын Навальныйдын иши боюнча бир нече сурамына текебердик менен жооп бербей койгонуна токтолду. Дипломаттын айтымында, бул кылмыш иштери боюнча өз ара укуктук жардам тууралуу Европа конвенциясынын талаптарын аткарбагандык болуп саналат.

"Документке сый мамиле жасоонун ордуна Германия менен Франция россиялык жарандарга карата бир катар мыйзамсыз санкция жарыялады. Өтө кейиштүү, мындай кадамы менен Брюссель өзүн мыйзамдан тыш экенин көрсөтүүгө далалат кылып жаткандай", — деген Лавров.

Министрдин айтымында, дипломатия деген эмне экенин унутуп калган Батыштын Россияга каршы чабуулун Москва жөн калтырбайт.

Лавров Вашингтон менен Брюссель Россиянын өнүгүп-өсүүсүн тизгиндөө боюнча эселеп аракет көрө баштаганын, ошол эле учурда Москваны кайсы айыбы боюнча күнөөлөгөнүн ачыктабай жатканын белгиледи.

ТИМ жетекчиси европалыктардын диалогду жандантууга акылы, көрөгөчтүгү жетет деген үмүттө.

Алексей Навальныйдын иши

Үстүбүздөгү жылдын 20-августунда учакта баратып саламаттыгы начарлаган Алексей Навальный Омск шаарындагы ооруканага жаткырылган. Текшерүүдөн кийин дарыгерлер анын зат алмашуусу начарлап, мындан улам кандагы канттын деңгээли түшүп кеткенин айтышкан. Буга эмне себеп болгону азырынча белгисиз, бейтаптын каны менен заарасынан эч кандай уу табылган эмес.

РФ элчилиги АКШдагы россиялыктардын айыпталышы боюнча үн катты

Кийинчерээк Навальныйды учак менен Германияга жеткиришкен. Шаршемби күнү ГФР өкмөтү аскер дарыгерлерине таянуу менен Навальный "Новичок" тобундагы уу менен ууландырылганын айтып чыккан. Кремль өз кезегинде Берлин Москваны бул тууралуу кабардар кылбаганын айтып, Германия жөнөтүлгөн расмий сурамга жооп берген эмес.

Ошол эле учурда Германиянын BND чалгын кызматы үчүн 1990-жылдан тарта "Новичок" жеткиликтүү экени маалым. Мындан тышкары, аны Улуу Британия, АКШ, Швеция, Чехия сыяктуу 20га чукул мамлекет иликтеген. Россия президенттин 1992-жылдагы жарлыгы менен химиялык курал багытында аракеттерин токтотуп, 2017-жылы бардык запасты жоготкон. Муну химиялык куралга тыюу салуу боюнча уюм да тастыктап берген.

Октябрдын башында Навальныйдын организминен табылган заттар "Новичокко" окшош экенине карабай тыюу салынган препараттардын тизмесинде эмес экени айтылган. Буга карабастан ЕБ Россияга каршы санкцияларды иштеп чыккан.

Ушу тапта Навальныйдын ден соолугу жакшырып, реабилитациядан өтүп жатат.

122
Белгилер:
санкциялар, Германия, Алексей Навальный, Россия, Евробиримдик
Тема боюнча
Токсиколог Александр Сабаев: Навальныйдын ууланганы такталган жок
Европа Россияга каршы жаңы санкциялардын азабын тартабы?
ӨКМ кызматкерлери. Архив

Токмоктун базарында чыккан өрттү толугу менен өчүрүштү

0
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

0
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү