Россиянын Коопсуздук кеңешинин төрагасынын орун басары Дмитрий Медведев. Архивдик сүрөт

Медведев пандемия маалындагы мамлекеттердин башкы милдети тууралуу айтты

76
(жаңыланган 18:00 24.10.2020)
Эпидемия саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система керек.

БИШКЕК, 24-окт. — Sputnik. Коронавирус пандемиясынан улам жаралган кырдаал — экономиканын төмөндөшү бардык мамлекеттерди баалуулуктарды кайрадан карап чыгып, алдыңкы орунга адам ден соолугун, жашоосун, укугун коргоону коюу зарылдыгын көрсөттү. Бул тууралуу Россиянын Коопсуздук кеңешинин төрагасынын орун басары Дмитрий Медведев БУУнун 75 жылдыгына арналган макаласында айткан.

"Глобалдуу пандемиядан келип чыккан учурдагы экономикалык төмөндөө адамдардын татыктуу жашоосуна мамлекеттердин кепилдик берип, камсыздоосун кароого мажбур кылууда. Алар биринчи орунга адамдын ден соолугун, жашоосун, укугун коргоо милдетин коюп, баалуулуктарды кайрадан карап чыгуусу зарыл", — деген Медведев.

Медведев БУУда "өзөктүк бештиктин" жеке саммитин өткөрүүнү сунуштады

Ал планетаны каптаган оору адамзаттын баарынын башына бирдей түшкөндүгүн айткан.

"COVID-19 эпидемиясы саясий эркиндиктер адамдын өмүрүн өзүнөн-өзү эле коргоп жибербестигин көрсөттү. Ал үчүн майнаптуу жана элдин бардыгы колу жетип, дарылана ала тургандай медициналык система менен социалдык коргоо керек. Санитардык коопсуздукту камсыздай алган мамлекеттик жалпы программалар жана бардык деңгээлдеги бийликтин иши так жөндөлүп турушу зарыл", — деп кошумчалаган Медведев.

Анын пикиринде, экономикасын мобилизация жасай алуучу дал ошол күчтүү мамлекеттер менен пандемияга каршы иштеген саясий институттар тумоонун кесепети менен натыйжалуу күрөшүп, миллиондогон өмүрлөрдү сактап калды.

БУУ пандемия учурунда байыган миллиардерлерди элге жардам берүүгө чакырды

"Цивилизациялуу элдин атынан түптөлгөн БУУ 1940-жылдын аягында 1950-жылдары пайда болгон, бул сыяктуу башка эл аралык уюмдарга Дүйнөлүк экинчи согуш сыяктуу алааматтардын кайталанышына жол бербөө чакырыгы ташталган. Алар көптөрдүн жүрөгүн үшүткөн геноцид, аскердик кылмыш, адам баласынын укугу менен эркиндигин тепсөө, кишилерди мазактоо, басынтуу эле. Бул максатка жетүү үчүн ири алдыда мамлекеттин социалдык өнүгүүгө киришүүсүн чектөө, жеке эркиндиктин абсолютташтырылышы, коомдук кызыкчылыгына таасирин тийгизүү менен субъективдүү укуктардын үзгүлтүксүз кеңейип турушу болгон. Бир эле учурда улуттук мамлекеттерге "позитивдүү милдеттер" алкагында бир топ милдеттер конкреттүү бир адамдын укугун бузуудан алыс болуу максатында эле жүктөлбөстөн, аны менен камсыздоону, мамлекеттик "туура" башкарууга кепилдик берүүнү сактап турат", — деген Медведев.

Россиянын Коопсуздук кеңешинин төрагасынын орун басарынын макаласын толугу менен RT телеканалынын таап, таанышууга болот.

76
Белгилер:
милдет, мамлекет, пандемия, Дмитрий Медведев, БУУ, СССР, Россия
Тема боюнча
Путин ДССУнун потенциалын жакшылап бекемдөөгө чакырды
100 сом жана 100 рубль номиналдагы банкноталары. Архив

Аукциондо кыргыз сому өз наркынан 25 эсе кымбат сатылууда

109
(жаңыланган 11:23 24.01.2021)
Банкнота 2014-жылы Токтогул Сатылгановдун 150 жылдыгына карата чыгарылган. Бетинде "Токтогулга 150 жыл" деген жазуусу бар.

БИШКЕК, 24-янв. — Sputnik. Россиялык "Мешок" интернет-аукционунда юбилейлик 100 сомдук купюра сатыкка коюлду.

Анын баштапкы баасы 2,2 миң рубль (2,5 миң сом) деп коюлду.

КРдин Улуттук банкынын расмий сайтындагы маалыматка караганда, 100 сом номиналындагы банкнота 2014-жылы Токтогул Сатылгановдун 150 жылдыгына карата чыгарылган. Бетинде "Токтогулга 150 жыл" деген жазуусу бар. Сериялык номери улуу акындын инициалдарынан башталат.

Бардыгы болуп мындай банкнотадан 3 миң даана чыгарылган. Бардыгы Кыргызстанда төлөм каражаты болуп эсептелет.

109
Белгилер:
аукцион, сом, Россия
Тема боюнча
50 тыйындык купюра аукциондо 3,8 миң рублге бааланууда. Себеби
Санкт-Петербургдагы макулдашылбаган акциялар

Россиядагы макулдашылбаган акциялардын урунттуу учурлары

209
(жаңыланган 23:14 23.01.2021)
Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен.

БИШКЕК, 23-янв. — Sputnik. Россиянын айрым шаарларында макулдашылбаган каршылык акциялары болуп өттү. Төмөндө окуянын урунттуу учурларын сунуштайбыз.

РИА Новости кабарлаганына караганда, Москвадагы Пушкинский аянтына чыккан митингчилер полицияны көздөй желим бөтөлкөлөрдү ыргытышкан. Укук коргоочулар аларды сүрүп чыгарууга аракет жасашты. Митингчилер ак сыр куюлган банканы ыргытып, ал тартип сакчыларына барып тийген.

Саламаттык сактоо департаменти "Социалдык мониторинг" тиркемесиндеги маалымат боюнча Пушкинский аянтындагы акцияда COVID-19 жуктурган 19 адам жүргөнүн кабарлаган.

Москвадагы макулдашылбаган акциянын айынан жол тыгын жаралганын Транспорт департаменти билдирди. Шаардык метрополитен митинг болуп жаткан аймактан 2,6 миң адам метро менен кеткенин кабарлаган. Аянттан 15 киши кармалып, кээ бирлери кайра коё берилген.

Москвадагы макулдашылбаган митинг учурунда полициянын 39 кызматкери жабыркаганын РИА Новостиге укук коргоо органдарындагы маалымат булагы билдирди. Кийинчерээк РФтин Тергөө комитети полицейлерге карата зомбулук фактысы боюнча тергөөгө чейинки текшерүүлөр жүрүп жатканын маалымдады

Екатеринбургда болсо полиция кызматкерлери үн күчөткүчтөр менен акция макулдашылбаганын эскертип, элди тарап кетүүгө чакырышкан. Бирок топтошкон адамдар тартип сакчыларын көздөй кар жана түтүн чыгарган каражаттарды ыргыта баштаганда аларды сүрүп чыгарууга аракет жасашты. Кийин 14 киши кармалганы маалым болду.

Иркутскиде болсо 2,5 миңге жакын адам макулдашылбаган акцияга чыкканын шаардык администрациядан билдиришкен.

Владивостокто бийлик өкүлүнө карата зомбулук көрсөтүү фактысы боюнча эки кылмыш иши козголду. Ыкчам-издөө аракеттеринин негизинде ОМОНдун кызматкерине күч колдонгон адам табылган. Ал 28 жаштагы Владивостоктун жашоочусу экени аныкталды.

Мурманскинин борбордук аянтындагы макулдашылбаган акцияга 550гө жакын адам чыккан. Алар бир аз туруп эле тынч тарап кеткен.

АКШ элчилигинин маалыматы жана Россия ТИМинин реакциясы

Жума күнү АКШнын Россиядагы элчилиги 23-январда өтө турган макулдашылбаган акциялардын убактысын жана даректеринин тизмесин жарыялап, америкалыктарды ал жактарга барбоого чакырган. РФтин Тышкы иштер мининстрлиги мындай аракеттер Россиянын ички ишине кийлигишүү катары бааланарын айтты.

РФ ТИМинин өкүлү Мария Захарова америкалык кесиптештери Смоленск аянтында (Анда Россия ТИМинин имараты жайгашкан) жасаган ишине түшүндүрмө бериши керек болорун белгиледи.

Бийликтин эскертүүсү

Россиянын Ички иштер министрлиги менен Башкы прокуратурасы 23-январдагы макулдашылбаган митингдин уюштуруучулары жана катышуучулары жоопко тартыларын бир нече ирет эскерткен. Иш-чара провокация катары бааланары белгиленген. Муну менен катар Башкы прокуратура интернетке тарап жаткан митингге катышуу чакырыктарын өчүрүү талабын койду (буга мыйзам менен дагы тыюу салынган). РФ президентинин маалымат катчысы Дмитрий Песков акцияга провокаторлор чакырып жатканын билдирип, алардын максаты баарына белгилүү экенин белгиледи.

Өзгөчө көңүл окуучуларга бөлүндү. Ата-энелерге балдарын акциядан "калкалоо" сунушталды.

209
Белгилер:
полиция, бийлик, акция, Россия
Тема боюнча
Москвада полиция макулдашылбаган акцияга чыккандарды кармай баштады
Токсиколог Александр Сабаев: Навальныйдын ууланганы такталган жок
Медициналык кызматкер COVID-19га каршы эмдөө жүргүзүп жатат

АКШда COVID-19га каршы эмделген киши эки сааттан кийин көз жумду

0
Көз жумган киши Moderna же Pfizer вакцинасыбы, кайсынысы менен эмделгени азырынча белгисиз. Буга карата жергиликтүү, штаттык жана федералдык деңгээлде иликтөө жүргүзүлүп жатат.

БИШКЕК, 24-янв. — Sputnik. АКШда коронавируска каршы эмделген киши бир нече саат өткөндөн кийин көз жумганын РИА Новости жазды.

Калифорниядагы Плейзер округунун шерифинин кеңсеси өзүнүн Facebook баракчасына каза болгон адам өткөн айда COVID-19 илдети менен ооругандыгын билдирген. 

"Плейсер округунун Саламаттык сактоо кызматы жана шерифтин кеңсесинин коронавирус боюнча бөлүмү адам көз жумгандыгы жөнүндө маалымат алышты. Ал кишиге декабрь айынын аягында COVID илдети жуккандыгы аныкталган. 21-январда эмделип, бир канча саат өткөндөн кийин каза болгон", — деп айтылат билдүүдө.

Маркум округдун Саламаттык сактоо департаментинен башка жактан эмделгени айтылат. Буга карата жергиликтүү, штаттык жана федералдык деңгээлде иликтөө жүргүзүлүп жатат. Көз жумган киши Moderna же Pfizer вакцинасыбы, кайсынысы менен эмделгени азырынча белгисиз.

0
Белгилер:
эмдөө, вакцина, АКШ, өлүм, коронавирус
Тема:
Дүйнөгө жайылган коронавирус
Тема боюнча
Кыргызстанда коронавируска каршы эмдөө үч этап менен жүрөт
Коронавирустун жаңы түрүндө өлүм көп катталары айтылды. ДССУ эмне дейт